TITUS
Rg-Veda: Rg-Veda-Samhita
Part No. 737
Previous part

Hymn: 14_(726) 
Verse: 1 
Halfverse: a    pári prā́siṣyadat kavíḥ síndʰor ūrmā́v ádʰi śritáḥ /
   pári prā́siṣyadat kavíḥ
   pári prá asiṣyadat kavíḥ
   pári prā́siṣyadat kavíḥ

Halfverse: b    síndʰor ūrmā́v ádʰi śritáḥ /
   síndʰoḥ ūrmaú ádʰi śritáḥ /
   síndʰor ūrmā́v ádʰi śritáḥ /

Halfverse: c    kārám bíbʰrat puruspŕ̥ham //
   kārám bíbʰrat puruspŕ̥ham //
   kārám bíbʰrat puruspŕ̥ham //
   kārám bíbʰrat puruspŕ̥ham //


Verse: 2 
Halfverse: a    girā́ yádī sábandʰavaḥ páñca vrā́tā apasyávaḥ /
   girā́ yádī sábandʰavaḥ
   girā́ yádi+ sábandʰavaḥ
   girā́ yádī sábandʰavaḥ

Halfverse: b    páñca vrā́tā apasyávaḥ /
   páñca vrā́tāḥ apasyávaḥ /
   páñca vrā́tā apasyávaḥ /

Halfverse: c    pariṣkr̥ṇvánti dʰarṇasím //
   pariṣkr̥ṇvánti dʰarṇasím //
   pariṣkr̥ṇvánti dʰarṇasím //
   pariṣkr̥ṇvánti dʰarṇasím //


Verse: 3 
Halfverse: a    ā́d asya śuṣmíṇo ráse víśve devā́ amatsata /
   ā́d asya śuṣmíṇo ráse
   ā́t asya śuṣmíṇaḥ ráse
   ā́d asya śuṣmíṇo ráse

Halfverse: b    víśve devā́ amatsata /
   víśve devā́ḥ amatsata /
   víśve devā́ amatsata /

Halfverse: c    yádī góbʰir vasāyáte //
   yádī góbʰir vasāyáte //
   yádi+ góbʰiḥ vasāyáte //
   yádī góbʰir vasāyáte //


Verse: 4 
Halfverse: a    niriṇānó ví dʰāvati jáhac cʰáryāṇi tā́nvā /
   niriṇānó ví dʰāvati
   niriṇānáḥ ví dʰāvati
   niriṇānó ví dʰāvati

Halfverse: b    jáhac cʰáryāṇi tā́nvā /
   jáhat śáryāṇi tā́nvā /
   jáhac cʰáryāṇi tā́nuvā /

Halfverse: c    átrā sáṃ jigʰnate yujā́ //
   átrā sáṃ jigʰnate yujā́ //
   átra+ sám jigʰnate yujā́ //
   átrā sáṃ jigʰnate yujā́ //


Verse: 5 
Halfverse: a    naptī́bʰir yó vivásvataḥ śubʰró ná māmr̥jé yúvā /
   naptī́bʰir yó vivásvataḥ
   naptī́bʰiḥ yáḥ vivásvataḥ
   naptī́bʰir yó vivásvataḥ

Halfverse: b    śubʰró ná māmr̥jé yúvā /
   śubʰráḥ ná māmr̥jé yúvā /
   śubʰró ná māmr̥jé yúvā /

Halfverse: c    gā́ḥ kr̥ṇvānó ná nirṇíjam //
   gā́ḥ kr̥ṇvānó ná nirṇíjam //
   gā́ḥ kr̥ṇvānáḥ ná nirṇíjam //
   gā́ḥ kr̥ṇvānó ná nirṇíjam //


Verse: 6 
Halfverse: a    áti śritī́ tiraścátā gavyā́ jigāty áṇvyā /
   áti śritī́ tiraścátā
   áti śritī́ tiraścátā
   áti śritī́ tiraścátā

Halfverse: b    gavyā́ jigāty áṇvyā /
   gavyā́ jigāti áṇvyā /
   gavyā́ jigāti áṇviyā /

Halfverse: c    vagnúm iyarti yáṃ vidé //
   vagnúm iyarti yáṃ vidé //
   vagnúm iyarti yám vidé //
   vagnúm iyarti yáṃ vidé //


Verse: 7 
Halfverse: a    abʰí kṣípaḥ sám agmata marjáyantīr iṣás pátim /
   abʰí kṣípaḥ sám agmata
   abʰí kṣípaḥ sám agmata
   abʰí kṣípaḥ sám agmata

Halfverse: b    marjáyantīr iṣás pátim /
   marjáyantīḥ iṣáḥ pátim /
   marjáyantīr iṣás pátim /

Halfverse: c    pr̥ṣṭʰā́ gr̥bʰṇata vājínaḥ //
   pr̥ṣṭʰā́ gr̥bʰṇata vājínaḥ //
   pr̥ṣṭʰā́ gr̥bʰṇata vājínaḥ //
   pr̥ṣṭʰā́ gr̥bʰṇata vājínaḥ //


Verse: 8 
Halfverse: a    pári divyā́ni mármr̥śad víśvāni soma pā́rtʰivā /
   pári divyā́ni mármr̥śad
   pári divyā́ni mármr̥śat
   pári divyā́ni mármr̥śad

Halfverse: b    víśvāni soma pā́rtʰivā /
   víśvāni soma pā́rtʰivā /
   víśvāni soma pā́rtʰivā /

Halfverse: c    vásūni yāhy asmayúḥ //
   vásūni yāhy asmayúḥ //
   vásūni yāhi asmayúḥ //
   vásūni yāhi asmayúḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.