TITUS
Rg-Veda: Rg-Veda-Samhita
Part No. 738
Previous part

Hymn: 15_(727) 
Verse: 1 
Halfverse: a    eṣá dʰiyā́ yāty áṇvyā śū́ro rátʰebʰir āśúbʰiḥ /
   eṣá dʰiyā́ yāty áṇvyā
   eṣá dʰiyā́ yāti áṇvyā
   eṣá dʰiyā́ yāty áṇviyā

Halfverse: b    śū́ro rátʰebʰir āśúbʰiḥ /
   śū́raḥ rátʰebʰiḥ āśúbʰiḥ /
   śū́ro rátʰebʰir āśúbʰiḥ /

Halfverse: c    gácʰann índrasya niṣkr̥tám //
   gácʰann índrasya niṣkr̥tám //
   gácʰan índrasya niṣkr̥tám //
   gácʰann índrasya niṣkr̥tám //


Verse: 2 
Halfverse: a    eṣá purū́ dʰiyāyate br̥haté devátātaye /
   eṣá purū́ dʰiyāyate
   eṣá purú+ dʰiyāyate
   eṣá purū́ dʰiyāyate

Halfverse: b    br̥haté devátātaye /
   br̥haté devátātaye /
   br̥haté devátātaye /

Halfverse: c    yátrāmŕ̥tāsa ā́sate //
   yátrāmŕ̥tāsa ā́sate //
   yátra amŕ̥tāsaḥ ā́sate //
   yátrāmŕ̥tāsa ā́sate //


Verse: 3 
Halfverse: a    eṣá hitó ví nīyate 'ntáḥ śubʰrā́vatā patʰā́ /
   eṣá hitó ví nīyate
   eṣá hitáḥ ví nīyate
   eṣá hitó ví nīyate

Halfverse: b    'ntáḥ śubʰrā́vatā patʰā́ /
   antár śubʰrā́vatā patʰā́ /
   antáḥ śubʰrā́vatā patʰā́ /

Halfverse: c    yádī tuñjánti bʰū́rṇayaḥ //
   yádī tuñjánti bʰū́rṇayaḥ //
   yádi+ tuñjánti bʰū́rṇayaḥ //
   yádī tuñjánti bʰū́rṇayaḥ //


Verse: 4 
Halfverse: a    eṣá śŕ̥ṅgāṇi dódʰuvac cʰíśīte yūtʰyò vŕ̥ṣā /
   eṣá śŕ̥ṅgāṇi dódʰuvac
   eṣá śŕ̥ṅgāṇi dódʰuvat
   eṣá śŕ̥ṅgāṇi dódʰuvac

Halfverse: b    cʰíśīte yūtʰyò vŕ̥ṣā /
   śíśīte yūtʰyàḥ vŕ̥ṣā /
   cʰíśīte yūtʰíyo vŕ̥ṣā /

Halfverse: c    nr̥mṇā́ dádʰāna ójasā //
   nr̥mṇā́ dádʰāna ójasā //
   nr̥mṇā́ dádʰānaḥ ójasā //
   nr̥mṇā́ dádʰāna ójasā //


Verse: 5 
Halfverse: a    eṣá rukmíbʰir īyate vājī́ śubʰrébʰir aṃśúbʰiḥ /
   eṣá rukmíbʰir īyate
   eṣá rukmíbʰiḥ īyate
   eṣá rukmíbʰir īyate

Halfverse: b    vājī́ śubʰrébʰir aṃśúbʰiḥ /
   vājī́ śubʰrébʰiḥ aṃśúbʰiḥ /
   vājī́ śubʰrébʰir aṃśúbʰiḥ /

Halfverse: c    pátiḥ síndʰūnām bʰávan //
   pátiḥ síndʰūnām bʰávan //
   pátiḥ síndʰūnām bʰávan //
   pátiḥ síndʰūnãam bʰávan //


Verse: 6 
Halfverse: a    eṣá vásūni pibdanā́ páruṣā yayivā́m̐ áti /
   eṣá vásūni pibdanā́
   eṣá vásūni pibdanā́
   eṣá vásūni pibdanā́

Halfverse: b    páruṣā yayivā́m̐ áti /
   páruṣā yayivā́n áti /
   páruṣā yayivā́m̐ áti /

Halfverse: c    áva śā́deṣu gacʰati //
   áva śā́deṣu gacʰati //
   áva śā́deṣu gacʰati //
   áva śā́deṣu gacʰati //


Verse: 7 
Halfverse: a    etám mr̥janti márjyam úpa dróṇeṣv āyávaḥ /
   etám mr̥janti márjyam
   etám mr̥janti márjyam
   etám mr̥janti márjiyam

Halfverse: b    úpa dróṇeṣv āyávaḥ /
   úpa dróṇeṣu āyávaḥ /
   úpa dróṇeṣu āyávaḥ /

Halfverse: c    pracakrāṇám mahī́r íṣaḥ //
   pracakrāṇám mahī́r íṣaḥ //
   pracakrāṇám mahī́ḥ íṣaḥ //
   pracakrāṇám mahī́r íṣaḥ //


Verse: 8 
Halfverse: a    etám u tyáṃ dáśa kṣípo mr̥jánti saptá dʰītáyaḥ /
   etám u tyáṃ dáśa kṣípo
   etám u tyám dáśa kṣípaḥ
   etám u tyáṃ dáśa kṣípo

Halfverse: b    mr̥jánti saptá dʰītáyaḥ /
   mr̥jánti saptá dʰītáyaḥ /
   mr̥jánti saptá dʰītáyaḥ /

Halfverse: c    svāyudʰám madíntamam //
   svāyudʰám madíntamam //
   svāyudʰám madíntamam //
   suāyudʰám madíntamam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.