TITUS
Rg-Veda: Rg-Veda-Samhita
Part No. 978
Previous part

Hymn: 141_(967) 
Verse: 1 
Halfverse: a    ágne ácʰā vadehá naḥ pratyáṅ naḥ sumánā bʰava /
   ágne ácʰā vadehá naḥ
   ágne ácʰa+ vada ihá naḥ
   ágne ácʰā vadehá naḥ

Halfverse: b    pratyáṅ naḥ sumánā bʰava /
   pratyáṅ naḥ sumánāḥ bʰava /
   pratyáṅ naḥ sumánā bʰava /

Halfverse: c    prá no yacʰa viśas pate dʰanadā́ asi nas tvám //
   prá no yacʰa viśas pate
   prá naḥ yacʰa viśaḥ pate
   prá no yacʰa viśas pate

Halfverse: d    dʰanadā́ asi nas tvám //
   dʰanadā́ḥ asi naḥ tvám //
   dʰanadā́ asi nas tuvám //


Verse: 2 
Halfverse: a    prá no yacʰatv aryamā́ prá bʰágaḥ prá bŕ̥haspátiḥ /
   prá no yacʰatv aryamā́
   prá naḥ yacʰatu aryamā́
   prá no yacʰatu aryamā́

Halfverse: b    prá bʰágaḥ prá bŕ̥haspátiḥ /
   prá bʰágaḥ prá bŕ̥haspátiḥ /
   prá bʰágaḥ prá bŕ̥haspátiḥ /

Halfverse: c    prá devā́ḥ prótá sūnŕ̥tā rāyó devī́ dadātu naḥ //
   prá devā́ḥ prótá sūnŕ̥tā
   prá devā́ḥ prá utá sūnŕ̥tā
   prá devā́ḥ prótá sūnŕ̥tā

Halfverse: d    rāyó devī́ dadātu naḥ //
   rāyáḥ devī́ dadātu naḥ //
   rāyó devī́ dadātu naḥ //


Verse: 3 
Halfverse: a    sómaṃ rā́jānam ávase 'gníṃ gīrbʰír havāmahe /
   sómaṃ rā́jānam ávase
   sómam rā́jānam ávase
   sómaṃ rā́jānam ávase

Halfverse: b    'gníṃ gīrbʰír havāmahe /
   agním gīrbʰíḥ havāmahe /
   agníṃ gīrbʰír havāmahe /

Halfverse: c    ādityā́n víṣṇuṃ sū́ryam brahmā́ṇaṃ ca bŕ̥haspátim //
   ādityā́n víṣṇuṃ sū́ryam
   ādityā́n víṣṇum sū́ryam
   ādityā́n víṣṇuṃ sū́riyam

Halfverse: d    brahmā́ṇaṃ ca bŕ̥haspátim //
   brahmā́ṇam ca bŕ̥haspátim //
   brahmā́ṇaṃ ca bŕ̥haspátim //


Verse: 4 
Halfverse: a    indravāyū́ bŕ̥haspátiṃ suhávehá havāmahe /
   indravāyū́ bŕ̥haspátiṃ
   indravāyū́ bŕ̥haspátim
   indravāyū́ bŕ̥haspátiṃ

Halfverse: b    suhávehá havāmahe /
   suhávā ihá havāmahe /
   suhávehá havāmahe /

Halfverse: c    yátʰā naḥ sárva íj jánaḥ sáṃgatyāṃ sumánā ásat //
   yátʰā naḥ sárva íj jánaḥ
   yátʰā naḥ sárvaḥ ít jánaḥ
   yátʰā naḥ sárva íj jánaḥ

Halfverse: d    sáṃgatyāṃ sumánā ásat //
   sáṃgatyām sumánāḥ ásat //
   sáṃgatyāṃ sumánā ásat //


Verse: 5 
Halfverse: a    aryamáṇam bŕ̥haspátim índraṃ dā́nāya codaya /
   aryamáṇam bŕ̥haspátim
   aryamáṇam bŕ̥haspátim
   aryamáṇam bŕ̥haspátim

Halfverse: b    índraṃ dā́nāya codaya /
   índram dā́nāya codaya /
   índraṃ dā́nāya codaya /

Halfverse: c    vā́taṃ víṣṇuṃ sárasvatīṃ savitā́raṃ ca vājínam //
   vā́taṃ víṣṇuṃ sárasvatīṃ
   vā́tam víṣṇum sárasvatīm
   vā́taṃ víṣṇuṃ sárasvatīṃ

Halfverse: d    savitā́raṃ ca vājínam //
   savitā́ram ca vājínam //
   savitā́raṃ ca vājínam //


Verse: 6 
Halfverse: a    tváṃ no agne agníbʰir bráhma yajñáṃ ca vardʰaya /
   tváṃ no agne agníbʰir
   tvám naḥ agne agníbʰiḥ
   tuváṃ no agne agníbʰir

Halfverse: b    bráhma yajñáṃ ca vardʰaya /
   bráhma yajñám ca vardʰaya /
   bráhma yajñáṃ ca vardʰaya /

Halfverse: c    tváṃ no devátātaye rāyó dā́nāya codaya //
   tváṃ no devátātaye
   tvám naḥ devátātaye
   tuváṃ no devátātaye

Halfverse: d    rāyó dā́nāya codaya //
   rāyáḥ dā́nāya codaya //
   rāyó dā́nāya codaya //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.