TITUS
Rg-Veda: Rg-Veda-Samhita
Part No. 991
Previous part

Hymn: 154_(980) 
Verse: 1 
Halfverse: a    sóma ékebʰyaḥ pavate gʰr̥tám éka úpāsate /
   sóma ékebʰyaḥ pavate
   sómaḥ ékebʰyaḥ pavate
   sóma ékebʰyaḥ pavate

Halfverse: b    gʰr̥tám éka úpāsate /
   gʰr̥tám éke úpa āsate /
   gʰr̥tám éka úpāsate /

Halfverse: c    yébʰyo mádʰu pradʰā́vati tā́ṃś cid evā́pi gacʰatāt //
   yébʰyo mádʰu pradʰā́vati
   yébʰyaḥ mádʰu pradʰā́vati
   yébʰyo mádʰu pradʰā́vati

Halfverse: d    tā́ṃś cid evā́pi gacʰatāt //
   tā́n cit evá ápi gacʰatāt //
   tā́ṃś cid evā́pi gacʰatāt //


Verse: 2 
Halfverse: a    tápasā yé anādʰr̥ṣyā́s tápasā yé svàr yayúḥ /
   tápasā yé anādʰr̥ṣyā́s
   tápasā yé anādʰr̥ṣyā́ḥ
   tápasā yé anādʰr̥ṣyā́s

Halfverse: b    tápasā yé svàr yayúḥ /
   tápasā yé svàr yayúḥ /
   tápasā yé súvar yayúḥ /

Halfverse: c    tápo yé cakriré máhas tā́ṃś cid evā́pi gacʰatāt //
   tápo yé cakriré máhas
   tápaḥ yé cakriré máhaḥ
   tápo yé cakriré máhas

Halfverse: d    tā́ṃś cid evā́pi gacʰatāt //
   tā́n cit evá ápi gacʰatāt //
   tā́ṃś cid evā́pi gacʰatāt //


Verse: 3 
Halfverse: a    yé yúdʰyante pradʰáneṣu śū́rāso yé tanūtyájaḥ /
   yé yúdʰyante pradʰáneṣu
   yé yúdʰyante pradʰáneṣu
   yé yúdʰyante pradʰáneṣu

Halfverse: b    śū́rāso yé tanūtyájaḥ /
   śū́rāsaḥ yé tanūtyájaḥ /
   śū́rāso yé tanūtyájaḥ /

Halfverse: c    yé vā sahásradakṣiṇās tā́ṃś cid evā́pi gacʰatāt //
   yé vā sahásradakṣiṇās
   yé vā sahásradakṣiṇāḥ
   yé vā sahásradakṣiṇās

Halfverse: d    tā́ṃś cid evā́pi gacʰatāt //
   tā́n cit evá ápi gacʰatāt //
   tā́ṃś cid evā́pi gacʰatāt //


Verse: 4 
Halfverse: a    yé cit pū́rva r̥tasā́pa r̥tā́vāna r̥tāvŕ̥dʰaḥ /
   yé cit pū́rva r̥tasā́pa
   yé cit pū́rve r̥tasā́paḥ
   yé cit pū́rva r̥tasā́pa

Halfverse: b    r̥tā́vāna r̥tāvŕ̥dʰaḥ /
   r̥tā́vānaḥ r̥tāvŕ̥dʰaḥ /
   r̥tā́vāna r̥tāvŕ̥dʰaḥ /

Halfverse: c    pitŕ̥̄n tápasvato yama tā́ṃś cid evā́pi gacʰatāt //
   pitŕ̥̄n tápasvato yama
   pitŕ̥̄n tápasvataḥ yama
   pitŕ̥̄n tápasvato yama

Halfverse: d    tā́ṃś cid evā́pi gacʰatāt //
   tā́n cit evá ápi gacʰatāt //
   tā́ṃś cid evā́pi gacʰatāt //


Verse: 5 
Halfverse: a    sahásraṇītʰāḥ kaváyo yé gopāyánti sū́ryam /
   sahásraṇītʰāḥ kaváyo
   sahásraṇītʰāḥ kaváyaḥ
   sahásraṇītʰāḥ kaváyo

Halfverse: b    yé gopāyánti sū́ryam /
   yé gopāyánti sū́ryam /
   yé gopāyánti sū́riyam /

Halfverse: c    ŕ̥ṣīn tápasvato yama tapojā́m̐ ápi gacʰatāt //
   ŕ̥ṣīn tápasvato yama
   ŕ̥ṣīn tápasvataḥ yama
   ŕ̥ṣīn tápasvato yama

Halfverse: d    tapojā́m̐ ápi gacʰatāt //
   tapojā́n ápi gacʰatāt //
   tapojā́m̐ ápi gacʰatāt //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.