TITUS
Rg-Veda: Rg-Veda-Samhita
Part No. 992
Previous part

Hymn: 155_(981) 
Verse: 1 
Halfverse: a    árāyi kā́ṇe víkaṭe giríṃ gacʰa sadānve /
   árāyi kā́ṇe víkaṭe
   árāyi kā́ṇe víkaṭe
   árāyi kā́ṇe víkaṭe

Halfverse: b    giríṃ gacʰa sadānve /
   girím gacʰa sadānve /
   giríṃ gacʰa sadānuve /

Halfverse: c    śirímbiṭʰasya sátvabʰis tébʰiṣ ṭvā cātayāmasi //
   śirímbiṭʰasya sátvabʰis
   śirímbiṭʰasya sátvabʰiḥ
   śirímbiṭʰasya sátvabʰis

Halfverse: d    tébʰiṣ ṭvā cātayāmasi //
   tébʰiḥ tvā cātayāmasi //
   tébʰiṣ ṭvā cātayāmasi //


Verse: 2 
Halfverse: a    cattó itáś cattā́mútaḥ sárvā bʰrūṇā́ny ārúṣī /
   cattó itáś cattā́mútaḥ
   cattā́ u itáḥ cattā́ amútaḥ
   cattó itáś cattā́mútaḥ

Halfverse: b    sárvā bʰrūṇā́ny ārúṣī /
   sárvā bʰrūṇā́ni ārúṣī /
   sárvā bʰrūṇā́ni ārúṣī /

Halfverse: c    arāyyàm brahmaṇas pate tī́kṣṇaśr̥ṇgodr̥ṣánn ihi //
   arāyyàm brahmaṇas pate
   arāyyàm brahmaṇaḥ pate
   arāyyàm brahmaṇas pate

Halfverse: d    tī́kṣṇaśr̥ṇgodr̥ṣánn ihi //
   tī́kṣṇaśr̥ṇga udr̥ṣán ihi //
   tī́kṣṇaśr̥ṇgodr̥ṣánn ihi //


Verse: 3 
Halfverse: a    adó yád dā́ru plávate síndʰoḥ pāré apūruṣám /
   adó yád dā́ru plávate
   adáḥ yát dā́ru plávate
   adó yád dā́ru plávate

Halfverse: b    síndʰoḥ pāré apūruṣám /
   síndʰoḥ pāré apūruṣám /
   síndʰoḥ pāré apūruṣám /

Halfverse: c    tád ā́ rabʰasva durhaṇo téna gacʰa parastarám //
   tád ā́ rabʰasva durhaṇo
   tát ā́ rabʰasva durhaṇo
   tád ā́ rabʰasva durhaṇo

Halfverse: d    téna gacʰa parastarám //
   téna gacʰa parastarám //
   téna gacʰa parastarám //


Verse: 4 
Halfverse: a    yád dʰa prā́cīr ájagantóro maṇḍūradʰāṇikīḥ /
   yád dʰa prā́cīr ájaganta_
   yát ha prā́cīḥ ájaganta
   yád dʰa prā́cīr ájaganta

Halfverse: b    _úro maṇḍūradʰāṇikīḥ /
   úraḥ maṇḍūradʰāṇikīḥ /
   úro maṇḍūradʰāṇikīḥ /

Halfverse: c    hatā́ índrasya śátravaḥ sárve budbudáyāśavaḥ //
   hatā́ índrasya śátravaḥ
   hatā́ḥ índrasya śátravaḥ
   hatā́ índrasya śátravaḥ

Halfverse: d    sárve budbudáyāśavaḥ //
   sárve budbudáyāśavaḥ //
   sárve budbudáyāśavaḥ //


Verse: 5 
Halfverse: a    párīmé gā́m aneṣata páry agním ahr̥ṣata /
   párīmé gā́m aneṣata
   pári imé gā́m aneṣata
   párīmé gā́m aneṣata

Halfverse: b    páry agním ahr̥ṣata /
   pári agním ahr̥ṣata /
   pári agním ahr̥ṣata /

Halfverse: c    devéṣv akrata śrávaḥ ká imā́m̐ ā́ dadʰarṣati //
   devéṣv akrata śrávaḥ
   devéṣu akrata śrávaḥ
   devéṣu akrata śrávaḥ

Halfverse: d    ká imā́m̐ ā́ dadʰarṣati //
   káḥ imā́n ā́ dadʰarṣati //
   ká imā́m̐ ā́ dadʰarṣati //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.