TITUS
Rg-Veda: Rg-Veda-Samhita
Part No. 993
Previous part

Hymn: 156_(982) 
Verse: 1 
Halfverse: a    agníṃ hinvantu no dʰíyaḥ sáptim āśúm ivājíṣu /
   agníṃ hinvantu no dʰíyaḥ
   agním hinvantu naḥ dʰíyaḥ
   agníṃ hinvantu no dʰíyaḥ

Halfverse: b    sáptim āśúm ivājíṣu /
   sáptim āśúm iva ājíṣu /
   sáptim āśúm ivājíṣu /

Halfverse: c    téna jeṣma dʰánaṃ-dʰanam //
   téna jeṣma dʰánaṃ-dʰanam //
   téna jeṣma dʰánaṃ-dʰanam //
   téna jeṣma dʰánaṃ-dʰanam //


Verse: 2 
Halfverse: a    yáyā gā́ ākárāmahe sénayāgne távotyā́ /
   yáyā gā́ ākárāmahe
   yáyā gā́ḥ ākárāmahe
   yáyā gā́ ākárāmahe

Halfverse: b    sénayāgne távotyā́ /
   sénayā agne táva ūtyā́ /
   sénayāgne távotiyā́ /

Halfverse: c    tā́ṃ no hinva magʰáttaye //
   tā́ṃ no hinva magʰáttaye //
   tā́m naḥ hinva magʰáttaye //
   tā́ṃ no hinva magʰáttaye //


Verse: 3 
Halfverse: a    ā́gne stʰūráṃ rayím bʰara pr̥tʰúṃ gómantam aśvínam /
   ā́gne stʰūráṃ rayím bʰara
   ā́ agne stʰūrám rayím bʰara
   ā́gne stʰūráṃ rayím bʰara

Halfverse: b    pr̥tʰúṃ gómantam aśvínam /
   pr̥tʰúm gómantam aśvínam /
   pr̥tʰúṃ gómantam aśvínam /

Halfverse: c    aṅdʰí kʰáṃ vartáyā paṇím //
   aṅdʰí kʰáṃ vartáyā paṇím //
   aṅdʰí kʰám vartáya+ paṇím //
   aṅdʰí kʰáṃ vartáyā paṇím //


Verse: 4 
Halfverse: a    ágne nákṣatram ajáram ā́ sū́ryaṃ rohayo diví /
   ágne nákṣatram ajáram
   ágne nákṣatram ajáram
   ágne nákṣatram ajáram

Halfverse: b    ā́ sū́ryaṃ rohayo diví /
   ā́ sū́ryam rohayaḥ diví /
   ā́ sū́ryaṃ rohayo diví /

Halfverse: c    dádʰaj jyótir jánebʰyaḥ //
   dádʰaj jyótir jánebʰyaḥ //
   dádʰat jyótiḥ jánebʰyaḥ //
   dádʰaj jyótir jánebʰiyaḥ //


Verse: 5 
Halfverse: a    ágne ketúr viśā́m asi préṣṭʰaḥ śréṣṭʰa upastʰasát /
   ágne ketúr viśā́m asi
   ágne ketúḥ viśā́m asi
   ágne ketúr viśā́m asi

Halfverse: b    préṣṭʰaḥ śréṣṭʰa upastʰasát /
   préṣṭʰaḥ śréṣṭʰaḥ upastʰasát /
   préṣṭʰaḥ śréṣṭʰa upastʰasát /

Halfverse: c    bódʰā stotré váyo dádʰat //
   bódʰā stotré váyo dádʰat //
   bódʰa+ stotré váyaḥ dádʰat //
   bódʰā stotré váyo dádʰat //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.