TITUS
Rg-Veda: Rg-Veda-Samhita
Part No. 995
Previous part

Hymn: 158_(984) 
Verse: 1 
Halfverse: a    sū́ryo no divás pātu vā́to antárikṣāt /
   sū́ryo no divás pātu
   sū́ryaḥ naḥ diváḥ pātu
   sū́riyo no divás pātu

Halfverse: b    vā́to antárikṣāt /
   vā́taḥ antárikṣāt /
   vâáto antárikṣâát /

Halfverse: c    agnír naḥ pā́rtʰivebʰyaḥ //
   agnír naḥ pā́rtʰivebʰyaḥ //
   agníḥ naḥ pā́rtʰivebʰyaḥ //
   agnír naḥ pā́rtʰivebʰiyaḥ //


Verse: 2 
Halfverse: a    jóṣā savitar yásya te háraḥ śatáṃ savā́m̐ árhati /
   jóṣā savitar yásya te
   jóṣa+ savitar yásya te
   jóṣā savitar yásya te

Halfverse: b    háraḥ śatáṃ savā́m̐ árhati /
   háraḥ śatám savā́n árhati /
   háraḥ śatáṃ savā́m̐ árhati /

Halfverse: c    pāhí no didyútaḥ pátantyāḥ //
   pāhí no didyútaḥ pátantyāḥ //
   pāhí naḥ didyútaḥ pátantyāḥ //
   pāhí no didyútaḥ pátantyāḥ //


Verse: 3 
Halfverse: a    cákṣur no deváḥ savitā́ cákṣur na utá párvataḥ /
   cákṣur no deváḥ savitā́
   cákṣuḥ naḥ deváḥ savitā́
   cákṣur no deváḥ savitā́

Halfverse: b    cákṣur na utá párvataḥ /
   cákṣuḥ naḥ utá párvataḥ /
   cákṣur na utá párvataḥ /

Halfverse: c    cákṣur dʰātā́ dadʰātu naḥ //
   cákṣur dʰātā́ dadʰātu naḥ //
   cákṣuḥ dʰātā́ dadʰātu naḥ //
   cákṣur dʰātā́ dadʰātu naḥ //


Verse: 4 
Halfverse: a    cákṣur no dʰehi cákṣuṣe cákṣur vikʰyaí tanū́bʰyaḥ /
   cákṣur no dʰehi cákṣuṣe
   cákṣuḥ naḥ dʰehi cákṣuṣe
   cákṣur no dʰehi cákṣuṣe

Halfverse: b    cákṣur vikʰyaí tanū́bʰyaḥ /
   cákṣuḥ vikʰyaí tanū́bʰyaḥ /
   cákṣur vikʰyaí tanū́bʰiyaḥ /

Halfverse: c    sáṃ cedáṃ ví ca paśyema //
   sáṃ cedáṃ ví ca paśyema //
   sám ca idám ví ca paśyema //
   sáṃ cedáṃ ví ca paśyema //


Verse: 5 
Halfverse: a    susaṃdŕ̥śaṃ tvā vayám práti paśyema sūrya /
   susaṃdŕ̥śaṃ tvā vayám
   susaṃdŕ̥śam tvā vayám
   susaṃdŕ̥śaṃ tuvā vayám

Halfverse: b    práti paśyema sūrya /
   práti paśyema sūrya /
   práti paśyema sūriya /

Halfverse: c    ví paśyema nr̥cákṣasaḥ //
   ví paśyema nr̥cákṣasaḥ //
   ví paśyema nr̥cákṣasaḥ //
   ví paśyema nr̥cákṣasaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.