TITUS Texts: Rg-Veda: Rg-Veda-Khilani

TITUS
Textcollection: RV
R̥g-Veda
Text: RVKh
Khilāni

On the basis of the edition by
Isidor Scheftelowitz,
Die Apokryphen des R̥gveda,
Breslau 1906,
entered and corrected by Carlos Jordán Cólera,
Zaragoza 1996;
TITUS version by Jost Gippert,
Frankfurt a.M., 29.12.2001 / 7.12.2008 / 21.4.2012

[In the present TITUS edition, the transliterative rendering of the ms. contents as provided by Scheftelowitz has been retained.
Different from Scheftelowitz' edition, prose parts have been rearranged by sentences. J.G.]

Adhyaya: 1
Hymn: intr.
Halfverse: 1 oṃ namo viṣṇave /
Halfverse: 2 atʰa kʰileṣu sūktapratīkādy uktaṃ prayojana[m... ] ... śatarcyādīnām adʰidaivatā lakṣaṇāni ca /
Halfverse: 3 cʰandasāṃ cādʰikyaṃ ca /
Halfverse: 4 kr̥tiḫ prakr̥tir ākr̥tir vikr̥tis saṃkr̥tir abʰikr̥tir utkr̥tir ity 1) aśīty akṣarādīni, caturuttarāṇy 2) eva yajūṃṣi, saṅkʰyānuvartanāditulyaṃ 3) r̥ṣīṇāṃ ca tulyanāmnāṃ gotram anādeśe, kʰilānyantaraṃ 4) mantroktāny eva saṅkʰyādīni *sambʰavet 5) //

Hymn: anuk.
Halfverse: 1 saṃ tr̥caṃ śaśvat ṣaḍūnā tārkṣyas suparṇa āśvinaṃ vai tat saptamy āgneyī parā aindrī ekādaśī vā navamī liṅgoktā devatā aṣṭamyādi virāḍrūpāś 1) catasro jagatya urobr̥hatī pra sapta brāhmyo 2) niṣadupaniṣadau dvitīyā jagatī ṣaṣṭʰī virāṭstʰānā jyotiṣmantaṃ daśa bʰāradvājo jyotiṣmāṃ 3) ṣaṣṭʰyādyā liṅgoktadevatām 4) ānuṣṭum 5) navamyantye ca kr̥śa ekādaśāśvinaẖ kr̥śa ādyāṣ ṣaḍ liṅgoktadevatā ānuṣṭubʰam imāni saptāpunardoṣa aindrāvaruṇaṃ jāgatam ayam̐ ṣaḍ retāgāṅgyo yadā tr̥caṃ yāmuniḫ praṇetā /
Halfverse: 2 yaṃ ṣaḍ yajñavatso yaṃ catuṣkaṃ gaurīvītir idam aṣṭau cakṣuṣī āśvināpadoṣaṣ ṣaṣṭʰī jagaty atrānuktagotrās sauparṇāḥ //

Hymn: 1
oṃ

Verse: 1
Halfverse: a    sámaikṣiṣyordʰvámahasa ādityéna sahī́yasā /
Halfverse: b    aháṃ yyáśasvínāṃ yáśo viśvā rūpā́ṇy ā́ dade /

Verse: 2
Halfverse: a    udyánn adyá ví no bʰaja pitā́ putrébʰyo yátʰā /
Halfverse: b    dīrgʰāyutvásya heśiṣe tásya no dʰehi sūrya /

Verse: 3
Halfverse: a    udyántan tvā mitramaha āróhantaṃ vvicakṣaṇa /
Halfverse: b    páśyema śarádaś śatáṃ jī́vema śarádaś śatám /

Verse: 4
Halfverse: a    abʰí tyáṃ meśáṃ puruhūtám r̥gmíyam / 1 /

Hymn: 2

Verse: 1
Halfverse: a    śáśvan nā́satyā yuváyor mahitváṃ gā́vo arcanti sádam ít purukṣū
Halfverse: b    yád ūhátʰur aśvinā bʰujyúm ástam anārambʰaṇé ádʰvani taugryám ástam /

Verse: 2
Halfverse: a    yád áśvam̐ śvetáṃ dádʰato abʰigʰnán nā́satyā bʰujyū́sumátāya peráve /
Halfverse: b    tā́ṃ vvām̐ rátiṃ vvidátʰeṣu viprā rébʰanto dasrāv agamán manasyúm /

Verse: 3
Halfverse: a    ā́ no vipanyū sávanaṃ juṣétʰām ā́ vām̐ ham̐sā́s suyujo vahántu /
Halfverse: b    yuvā́m̐ stómāso jánayo ná máryā uśánto dasrā vr̥ṣaṇā sacente /

Verse: 4
Halfverse: a    ā́ no yātaṃ tr̥vŕ̥tā somapéyam̐ rátʰena dyukṣā sávanaṃ mádāya /
Halfverse: b    stīrṇáṃ vāṃ barhís súṣutā mádʰūni yuktā́ hótāro ratʰinā́s suhástāḥ

Verse: 5
Halfverse: a    vā́sātyau citraú jágato nidʰā́nau dyā́vābʰūmī śr̥ṇutám̐ rodásī me /
Halfverse: b    tā́v aśvínā rā́sabʰāśvā hávam me śubʰaspatī ā́gatam̐ sūryáyā sahá / 2 /

Verse: 6
Halfverse: a    pérṣas santu mádʰuno gʰr̥tásya tīvrám̐ sómaṃ ní vapantu śuṣmíṇaḥ
Halfverse: b    eváṃ tátʰā yuvaty *áśvinau bāhū́ ū́rjaṃ duhatu mádʰunā gʰr̥téna /

Verse: 7
Halfverse: a    ágne maddantu yátayas stómāḫ prá ṇú tyaṃ diváṃ yyānti gʰarmám /
Halfverse: b    cáturdaśaṃ tridívaṃ yyuvānam ójo mimātu dráviṇam̐ suméke /

Verse: 8
Halfverse: a    hárim̐ hinomi dáyamāno am̐śú purumīḍʰá r̥ṣabʰám jáyān /
Halfverse: b    háryaśvam̐ háritas saptā́śvaṃ yyuktā́nemiṃ trinā́bʰiṃ vváruṇaṃ pragā́tʰas svastáye /

Verse: 9
Halfverse: a    sómo vaiṣṇaváṃ mahimā́nam ojas saptá ŕ̥ṣayas suvī́rā nárāḫ prīṇayanti /
Halfverse: b    saudʰanvanā́sas suhástāś śámībʰis tvaṣṭám āṅgirasám r̥bʰávaṃ svastáye /

Verse: 10
Halfverse: a    ihaíha vo mágʰavan ní dadʰāmi dʰruváṃ tīvráṃ ca tám̐ hr̥diyántaṃ br̥háspatim /
Halfverse: b    sáte dadʰāmi dráviṇam̐ havíṣmate gʰarmáś cit taptáḫ pravŕ̥je váhanti / 3 /

Verse: 11
Halfverse: a    śáśvat sauparṇaú víṣitastukáṃ vvāyasáṃ viśvabʰújaḫ patʰirákṣī nr̥cákṣasau /
Halfverse: b    iyám̐ hítvā dáyamānaṃ pŕ̥cadbʰir māṃ vvāyasó doṣā́d dáyamāno abubudʰat /

Verse: 12
Halfverse: a    tám ekanemíṃ trívr̥taṃ ṣoḍaśā́ram̐ śatā́vāraṃ vvim̐śatí prátyarābʰiḥ
Halfverse: b    aṣṭakaíṣ ṣaḍbʰír viśvarū́paikapā́śaṃ trímārgabʰedáṃ dvínimittaíkamóham

Verse: 13
Halfverse: a    sádam̐ sádam ekámakaṃ tastʰúṣaḫ pañcátriṃśād daśáparam
Halfverse: b    tríṃśatam̐ śívaṃ návaguhyaṃ yajñám aṣṭaṣaṣṭʰaṃ vidat

Verse: 14
Halfverse: a    átiṣṭʰad vájraṃ vvŕ̥ṣaṇam̐ suvīraṃ dadʰanváṃ devā́m̐ hárim indrakeśam
Halfverse: b    āyā́m̐ índraṣ ṣoḍaśī́ śárma yaccʰatu ṣaḍvarmíṇam ékaṃ dʰruván ti sākám / 4

Hymn: 3

Verse: 1
Halfverse: a    prá dʰā́rā yantu mádʰuno gʰr̥tásya yad ávindatam̐ sū́rī usríyāyām /
Halfverse: b    mitrā́váruṇau bʰúvanasya kārū́ tā́ me aśvinā juṣatām̐ sa[vánā] /

Verse: 2
Halfverse: a    su[kʰám̐] rátʰam̐ śatáyāvānam āśúṃ prataryā́vāṇam̐ suṣádam̐ hiraṇyáyam /
Halfverse: b    ā́ tiṣṭʰad yátra duhitā́ vivásvatas tám evā́rvā́ñcam ávase karāmahe /

Verse: 3
Halfverse: a    yé vām áśvāso ratʰirā́ vipaścíto vā́tadʰrājiṣas suyújo gʰr̥taścútaḥ /
Halfverse: b    yébʰir yātʰa úpa sūryā́ṃ vvareyáṃ tébʰir no dasrā vardʰatam̐ samátsu /

Verse: 4
Halfverse: a    yád vām̐ réto aśvinā poṣayitnú yád rā́sabʰo vadʰrimatyaís *sudānū /
Halfverse: b    yásmāj jajñé devákāmas sudákṣas tád asyai dattaṃ bʰiṣajāv abʰidyú /

Verse: 5
Halfverse: a    yán nāsā́tyā bʰeṣajáṃ cittrábʰānū yénā́vatʰus tokákāmām u nú gʰoṣā́m /
Halfverse: b    tád asyai dattaṃ triṣú pum̐su *vadʰvaí yénā́vindatu náyam̐ sā suhástyam /

Verse: 6
Halfverse: a    váṣaḍ vān dásrāv asmin suté nā́satyā hótā kr̥ṇotu vedʰā́ḥ
Halfverse: b    sísratān nā́ry r̥táprajātā ví párvāṇi jihatām̐ sū́tavā́ u /

Verse: 7
Halfverse: a    evā́ niṣác copaniṣác ca víprā yuvā́m̐ rébʰatyau sayújā supárṇyau /
Halfverse: b    bráhmāṇyakratur vidátʰeṣu śákrā dʰattán táyos tánayan tokám ágryam // 5 //

Hymn: 4

Verse: 1
Halfverse: a    jyótiṣmantaṃ ketumántan tricakrám̐ sukʰám̐ rátʰam̐ suṣádaṃ bʰū́rimāyam /
Halfverse: b    cittrā́magʰā yásya yóge dʰi jajñe táṃ vām̐ huvé áti riktaṃ píbadʰyai /

Verse: 2
Halfverse: a    yuván devā́ krátunā pūrvyéṇa yuktā́ rátʰena taviṣáṃ yajatrā /
Halfverse: b    ā́ gaccʰatan nāsatyā śácībʰir idáṃ tr̥tī́yam̐ sávanaṃ píbātʰaḥ /

Verse: 3
Halfverse: a    yuvā́n devā́s tráya ekādaśā́sas satyā́ satyásya dadʰire purástāt /
Halfverse: b    asmā́kaṃ yyajñám̐ sávanañ juṣāṇā́ pātám̐ sómam aśvinā dī́dyagnī /

Verse: 4
Halfverse: a    panā́yyaṃ tád aśvinākr̥táṃ vvāṃ vr̥ṣabʰó divó rájasaḫ pr̥tʰivyā́ḥ /
Halfverse: b    sahásram̐ śám̐sā utá yé gáviṣṭʰau sárvām̐ ít tā́m̐ úpa yātaṃ píbadʰyai /

Verse: 5
Halfverse: a    ayáṃ vvāṃ bʰāgó níhito yájatremā́ gíro nāsatyópa yātam /
Halfverse: b    píbatam̐ sómaṃ mádʰumantam aśvinā prá dāśvā́m̐sam avatam̐ śácībʰiḥ // 6 //

Verse: 6
Halfverse: a    jyótiṣmantam̐ suprátīkam ájasreṇa bʰānúnā dī́dyagnī /
Halfverse: b    śiváṃ prajā́nāṃ kr̥ṇuṣva mā́ him̐sīḫ púruṣaṃ jágat /

Verse: 7
Halfverse: a    dʰātā́ rātís savitédáñ *juṣantāṃ tváṣṭā yád dū́to ábʰavad vivásvataḥ /
Halfverse: b    sáṃ vvām aśvíbʰyām uṣásā sajū́s tám ūrváṃ gávyaṃ máhi gr̥ṇāná indra /

Verse: 8
Halfverse: a    bʰarádvājasya sunváto yaviṣṭʰā́ yāhy agne mádʰumattamas sutáḥ /
Halfverse: b    somásya mā taváso dī́dʰyānā áccʰā kóśaṃ janáyitvā́vato bʰuvat /

Verse: 9
Halfverse: a    agníḫ pr̥tʰúr bráhmaṇaspátis sómo devéṣv ā́ yamat /
Halfverse: b    índrasyā́dʰipatya me bŕ̥haspate hávīm̐ṣi te /

Verse: 10
Halfverse: a    rucáṃ brā́hmyaṃ janáyanto devā́ agré yád ábruvan /
Halfverse: b    yás tvedám brāhmaṇó vidyā́t tásya devā́ asan váśe // 7 //

Hymn: 5

Verse: 1
Halfverse: a    kr̥śás tváṃ bʰuvanaspate pā́ti devā́nām ádbʰutaḥ /
Halfverse: b    áśvinā pātám asmayū́ nā́satyā tiróahnyam /

Verse: 2
Halfverse: a    tván tám̐ suparṇa ā́ bʰara divás putrā́ ní ṣedire /
Halfverse: b    agníḫ prajā́nām abʰavaj jā́tavedo vícarṣaṇe /

Verse: 3
Halfverse: a    agnír hótā vibʰū́ vásur devā́nām uttamáṃ yyáśaḥ /
Halfverse: b    púnar agníḫ prajā́patir vaiśvānaró hiraṇyáyaḥ /

Verse: 4
Halfverse: a    agnís trātā́ śivó bʰavad varūtʰyò viśvádevyoḥ /
Halfverse: b    dráviṇaṃ pāhi viśvátas somapā́ abʰayaṅkaráḥ /

Verse: 5
Halfverse: a    ágne ní jahi mármāṇy arātī́nāṃ ca mármaṇām /
Halfverse: b    dīrgʰāyutvásya heśiṣe tásya no dʰehi sūrya /

Verse: 6
Halfverse: a    udyántan tvā mitramaha ārohántaṃ vvicakṣaṇa /
Halfverse: b    páśyema śarádaś śatáṃ jī́vema śarádaś śatám // 8 //

Verse: 7
Halfverse: a    kr̥śáṃ cyávānam ŕ̥śim andʰám aśvinā jujurvā́m̐saṃ kr̥ṇutʰaẖ kárvarebʰiḥ
Halfverse: b    akṣaṇvántam̐ stʰūlavápuṣkam ugrā́ púnar yúvānaṃ pátim ít kanī́nām /

Verse: 8
Halfverse: a    yó vām̐ sómair havíṣā yó gʰr̥téna védena yó mánasā vāśá śakrā /
Halfverse: b    sá dʰatte rátnaṃ dyumád índravantam puruspŕ̥haṃ pr̥tanājyám̐ suvī́ram /

Verse: 9
Halfverse: a    prá vān narā saptávadʰrir manīṣā́ gíram̐ hinvát prativābʰyām idā́nīm /
Halfverse: b    vr̥kṣā́ samuddʰám uśánā yúvānam átʰa táṃ kr̥ṇuta mā vírapśin[am] /

Verse: 10
Halfverse: a    ájohavīt saptávadʰris suhásta drúṇi baddʰó ryyásamānaḫ kakúdmān /
Halfverse: b    árūrujataṃ yyuvám ásya vr̥kṣám ádrin ná vajrī suvr̥ṣāyámāṇaḥ /

Verse: 11
Halfverse: a    evā́ kr̥śáś cakamānám anā[...]s suhávā rātísūraḥ /
Halfverse: b    bráhmacakre yuváyor várdʰanāni dʰattáṃ tásmai sádam árātidabdʰím // 9 //

Hymn: 6

Verse: 1
Halfverse: a    īmā́ni vāṃ bʰāgadʰéyāni sisrata índrāvaruṇā prá mahé sutéṣu vām /
Halfverse: b    yajñé yajñe hí sávanā bʰuraṇyátʰo yát sunvaté yájamānāya śíkṣatʰaḥ /

Verse: 2
Halfverse: a    niṣṣídʰvarīr óṣadʰīr ā́pa ā́bʰyām índrāvaruṇā mahimā́nam āśata /
Halfverse: b    yā́ tastʰátū rájasas pāré ádʰvano yáyoś śátrur nákir ā́deva óhate /

Verse: 3
Halfverse: a    satyán tád indrāvaruṇā gʰr̥taścútam mádʰva ūrmín duhate saptá vā́ṇīḥ /
Halfverse: b    tā́bʰir dāśvā́m̐sam avatam̐ śubʰaspatī yó vām ádabdʰo abʰí pā́ti cíttibʰiḥ /

Verse: 4
Halfverse: a    gʰr̥taprúṣas saúmyā jīrádānavas saptá svásāras sádana r̥tásya /
Halfverse: b    yā́ ha vām indrāvaruṇā gʰr̥taścútā tā́bʰir dákṣaṃ yyájamānāya śikṣatam /

Verse: 5
Halfverse: a    ávocāma mahaté saúbʰagāya satyáṃ tveśā́bʰyām mahimā́nam indriyám /
Halfverse: b    asmā́n sv indrāvaruṇā gʰr̥taścútā tríbʰis saptébʰir avatam̐ śubʰaspatī /

Verse: 6
Halfverse: a    índrāvaruṇā yád r̥ṣíbʰyo manīṣā́ vācó matím̐ śśrutám ádʰattam ágre /
Halfverse: b    tā́ni ccʰándām̐sy asr̥janta dʰī́rā yajnán tanvānā́s tápasābʰy ápaśyan /

Verse: 7
Halfverse: a    índrāvaruṇā saumanasám ádr̥ptam̐ rāyás póṣaṃ yyájamāneṣu dʰattam /
Halfverse: b    prajā́ṃ puṣṭím̐ rayím asmā́su dʰattaṃ dīrgʰāyutvā́ya prá tiratan na ā́yuḥ // 10 //

Hymn: 7

Verse: 1
Halfverse: a    ayám̐ sómas suśámī ádribudʰnaḫ páriṣkr̥to matíbʰir uktʰaśastáḥ
Halfverse: b    góbʰiś śrītó matsarás sā́magīto makṣū́ párvāte pári vām̐ suśiprā /

Verse: 2
Halfverse: a    ásya pā́jasaḫ pibatam̐ sutásya vā́reṣṭʰā́vyāḫ páripūtasya vŕ̥ṣṇaḥ
Halfverse: b    tā́v aśvinā jaṭʰáram ā́ pr̥ṇetʰām átʰā máno vasudʰéyāya dʰattam

Verse: 3
Halfverse: a    éhá yātaṃ tanvā 3 śā́śadānā mádʰūni naś cakamānó nú medʰā /
Halfverse: b    ví suā́ mandrā́ pururéjamānā yuvāyátī hávate vām manīṣā́ /

Verse: 4
Halfverse: a    sukʰán nāsatyā rátʰam am̐śumántam̐ syonám̐ suváhnim ádʰi tiṣṭʰataṃ yyúvam /
Halfverse: b    yáṃ vāṃ vváhanti haríto váhiṣṭʰā śatám áśvā yádi vā saptá devā́ /

Verse: 5
Halfverse: a    yáṃ vvénan t-ā́-gaccʰatam mānavásya śāryātásya śadanám̐ śasyámānā /
Halfverse: b    ábībʰayus sadʰamā́daṃ cakānáś cyávano devā́n yuváyos sá eṣáḥ

Verse: 6
Halfverse: a    ā́ no aśvinā trivŕ̥tā rátʰenārvā́ṃcam̐ rayíṃ vvahatam̐ suvī́ram /
Halfverse: b    śr̥ṇvántā vām ávase johavīmi vr̥dʰé ca no bʰavataṃ vvā́jasātau // 11

Hymn: 8

Verse: 1
Halfverse: a    yadā́ yuṃjātʰe magʰávānam āśúm puruspŕ̥haṃ pr̥tanājyám̐ suvī́ram /
Halfverse: b    sváśvaṃ dasrā rátʰam ā́ havéṣu tádā yutī́r yeti rásan tanū́nām /

Verse: 2
Halfverse: a    bʰándiṣṭʰā imé kaváyaś caranti bʰáreṣu ná grátʰitā turváśāsaḥ
Halfverse: b    vā́cam̐ hinvānā́ḫ purupéśasaṃ vvā havíṣṃatī sávane mandayádʰyai

Verse: 3
Halfverse: a    śrutám̐ hávaṃ tarpayatam makʰasyúṅ kā́mam eṣām ā́ vahatʰo hávīṃṣi /
Halfverse: b    ádʰa stotr^̥́̄n yájamānaṃ ca pātám ūtíbʰir nr̥patī yā́ abʰī́ke / 12 /

Hymn: 9

Verse: 1
Halfverse: a    yáṃ gáccʰatʰas sutapā devávantam̐ havíṣkr̥taṃ vvŕ̥ṣaṇā rātáhavyam /
Halfverse: b    sá puṣyaty ánnam̐ śatám āviruktʰya 3 mánā píban práyatam ādayitnú //

Verse: 2
Halfverse: a    yā́ dám̐sām̐si jaritā́ duṣṭárā vāṃ yyā́ śám̐santi jaritā́ras sutéṣu /
Halfverse: b    yā́nīhá puṣyantu vidʰā́ jáneṣu yér aśnátʰo vidátʰe somapéyam //

Verse: 3
Halfverse: a    yád uśántā vr̥ṣaṇā yā́ dadʰīcé śiro bʰiṣajā samádʰattam arvā́k /
Halfverse: b    tád vāṃ matī́ mádʰunā táṃ yyúvānā váṣaákr̥taṃ bʰasatʰo mandasānā́ //

Verse: 4
Halfverse: a    mā́ voca ā́tʰarvaṇa yád brávīmi mádʰu te nyaír vīrátarair acittám /
Halfverse: b    yád anv áśāsan magʰávā dadʰīcáṃ tád vām *avakṣac cʰírasā hayásya //

Verse: 5
Halfverse: a    yád ā gáccʰād vīḍitó vájrabāhur dʰatté pitŕ̥bʰyā mádʰu no dadʰīcā́ /
Halfverse: b    ā́ tiréyaṃ duśśuté mā́ vádeti yadā́ vádat sā yúvayos sukīrtíḥ //

Verse: 6
Halfverse: a    yā́bʰiś śácībʰir vr̥ṣaṇā dadʰīcáṃ yā́bʰis túraṃ kāvaśeyáṃ makʰásya /
Halfverse: b    yā́bʰir dʰíyaṃ jínvatʰāké nípānā tā́bʰir novataṃ vidátʰe gabʰīrā́ // 13 //

Hymn: 10

Verse: 1
Halfverse: a    ayám̐ sómo devayā́ vām̐ sumedʰā́ hr̥dispŕ̥g yāti dʰíṣaṇāṃ miyānáḥ
Halfverse: b    svā́dʰiṣṭʰo havyā́n mádʰuno gʰr̥tā́d vā nū́tno vām̐ stómo aśvināhám emi /

Verse: 2
Halfverse: a    prá vām máhī mandate devákāmā́ yayaír ayāso vayúnāni viśvā /
Halfverse: b    tā́v aśvinā purubʰújā suśastī́ r̥ṣihítā mam̐hataṃ vviśvádʰenām /

Verse: 3
Halfverse: a    yó *vāṅ gomā́n áśvavān sūnŕ̥tāvān puruścandrá spārhā́[ṇi] spārhayiṣṇúḥ
Halfverse: b    yáñ jóhavīmi ratʰiró gáviṣṭʰau tám ahve *rátʰam ā́ viśvárūpam /

Verse: 4
Halfverse: a    suvŕ̥d rátʰo vāṃ vvr̥ṣaṇā suváhniḫ puruspŕ̥ho vasuvíd yó váyodʰā́ḥ
Halfverse: b    yéna vā́jān vahatam̐ spārhávīrān úruśríyaś śurúdʰośvā́m̐śca mādʰvī // 14 //

Hymn: 11

Verse: 1
Halfverse: a    īdán devā bʰāgadʰéyaṃ purāṇáṃ yád ā́śire hr̥ṣitā́ yajñíyāsaḥ
Halfverse: b    eṣásya gʰarmáḫ páripūta r̥gbʰís táṃ bápsatʰo ratʰirā́ vidrávantā /

Verse: 2
Halfverse: a    vr̥kṇám̐ śíro vr̥ṣaṇā yán makʰásya śiro bʰiṣajā samádʰattam arvā́k /
Halfverse: b    tád vān náras sarírañ cā́ru cittrám̐ sádā gr̥ṇanti kaváyas sutéṣu /

Verse: 3
Halfverse: a    yéna devā́ ágʰnata sám̐ rápām̐si yénā́sahanta pr̥tánā adevī́ḥ /
Halfverse: b    *yénā́bʰavann amŕ̥tās somadʰā́nan tám arpayatam̐ śirásā hayásya /

Verse: 4
Halfverse: a    purā́ viśīrṣṇā́ vidátʰena devā́ nā́vāśíṣorundʰata nā́pi nā́kam /
Halfverse: b    ījānā́ bahvī́r u sámā yadā́sya śíro dattam̐ sámadʰā́nvāruhan svàḥ // 15 //

Verse: 5
Halfverse: a    yád vām mātā́ úpa ā́tiṣṭʰad ugram̐ suvŕ̥drátʰān avyatʰeyám̐ saráṇyūḥ
Halfverse: b    tátra vām mādʰvī madʰvā́hitam̐ sunītʰáṃ pratnám aśvinā mayobʰú /

Verse: 6
Halfverse: a    yuvám̐ stribʰíś citayatʰópi nā́kaṃ yyuváṃ pá[y]ām̐si śákvarīṣu dʰattam /
Halfverse: b    yuváṃ vvīrúdbʰis sr̥játam mahīmáṃ yyuváṃ sártave sr̥jataṃ vví síndʰūn /

Verse: 7
Halfverse: a    yuváṃ mādʰvī mádʰubʰis sāragʰébʰir yuváṃ bʰeṣajā́ stʰo bʰiṣajā supāṇī́ /
Halfverse: b    yuvám̐ rátʰebʰī ratʰiraí stʰa ugrā sumaṅgalā́v amīvacā́tanebʰiḥ

Verse: 8
Halfverse: a    tán me dattañ cákṣur akṣṇór vicákṣe páśyāmo yéna svár imā́ díśaś ca /
Halfverse: b    yénābʰíkʰyāya vi dʰávāma śakran durháṇād vām aśvinā śū́rasātau // 16 //

Hymn: 12

Verse: 1
Halfverse: a    ā́śvinā vahataṃ pīvárīs svadʰā́śvāvatīr dāsápatnīr írāvatīḥ
Halfverse: b    yuvór dānā́so diví nāditeyó yuvóḫ páyām̐si rurucire súśukrā /

Verse: 2
Halfverse: a    yád *rebʰáṃ dasrā vinígūḍʰam apsú yuvāyántaṃ vvājayántam̐ *r̥bī́sāt /
Halfverse: b    únninyatʰur aśvinā́ vádʰrim āśúṃ tád vāṃ vratáṃ maháyanty uktʰaśā́saḥ /

Verse: 3
Halfverse: a    yā́ vān nú sárire yā́ pr̥tʰivyā́ṃ yyā́ vīrútsu grāvásu yā́ntárikṣe /
Halfverse: b    yā́ vī́réṣu sūríṣu yā́pi nā́ke tā́bʰir naś śárma yaccʰataṃ yyuvānā /

Verse: 4
Halfverse: a    yó vāṃ bʰarítrā stuvató magʰā́ni práyantrī́ṇi dviṣató barhā́ṇāni /
Halfverse: b    trā́trīṇi śáśvatām̐ sā́tápanti tā́bʰir naś śarma yaccʰataṃ yyuvānā // 17 //

Verse: 5
Halfverse: a    yó vān tricakrás supavís suśáptis trivandʰuráẖ ketumā́n vā́taram̐hāḥ
Halfverse: b    yóge yásya vi tánoty abʰīśúṃ vvibʰā́varīs sadatʰo yán mayobʰú /

Verse: 6
Halfverse: a    yuvám ūhatʰur vimadā́ya jāyā́ṃ yuváṃ vváśām̐ śayáve dʰenúm akratām /
Halfverse: b    yuvám ā́yuṣā tārayataṃ prá bándʰanam attrím amuktaṃ yyuvám am̐haso ví /

Verse: 7
Halfverse: a    *hávantam meṣā́n vr̥kyè śivā́yai pitā́ cákāra ŕ̥ṣim andʰám aśvinā /
Halfverse: b    tásminn r̥jrā́śve cákṣuṣī ádʰattam āvíṣ kr̥ṇutaṃ punár ásya lokám /

Verse: 8
Halfverse: a    yád vāṃ cákṣur diví yát supárṇo yéna paśyatʰo bʰúvanāny amartyāḥ /
Halfverse: b    tán me dattaṃ cákṣuṣī devábandʰū namásyāṃ vvindetʰa purudʰā́ cakānā́m /
Halfverse: c    upaprayantó adʰvarám // 18 //

Hymn: col.
Halfverse: 1 iti kʰile pratʰamodʰyāyaḥ /
Halfverse: 2 oṃ namo viṣṇave

Adhyaya: 2
Hymn: anuk.
Halfverse: 1 oṃ maikā bʰadraṃ pañcānuṣṭubʰo jāgarṣy ekā jātavedasyam̐ svastyayanaṃ dve varṣantv ekā hiraṇyavarṇām ekonā śrīr bʰārgavī śrīr alakṣmīgʰnaṃ śraiyyam ānuṣṭubʰaṃ vvai śakvaryantaṃ hiṃsāgneyī caturtʰī prastārapaṅktis triṣṭubʰau pañcadaśy upariṣṭādbr̥hatī śrīḫputrāḫ 1) pare ṣaṭ ciklītaḫ pañcānandakardamau vaiśvadevaṃ mayi śleṣaś śleṣo jātavedasyaṃ br̥hatyādi sam̐sravantv iti sam̐sravān vaiśvadevaṃ dvitīyādi triṣṭubʰāv ā te sapta prajāvān garbʰārtʰāśīstutiḫ 2) prajāpatir aindravāyavyau caturtʰī br̥hatī pañcamī prastārapaṅktir agniḫ pañca jīvaputra agnivāruṇam atijagaty ānuṣṭup triṣṭubantaṃ cakṣur ekātmastutiś śaṃvvatī ṣaṭ śāntir ānuṣṭubʰaṃ pañcamyādi br̥hatī jagatyau svapnekā yasyopā 3) nuṣṭub, vālakʰilyāḫ pareṣṭau 4)

Hymn: 1
oṃ

Verse: 1
Halfverse: a    mā́ bibʰer ná mariṣyasi pári tvā pāmi sarvátaḥ /
Halfverse: b    gʰanéna hanmi vŕ̥ścikam áhin daṇḍénā́gatam /
Halfverse: c    tvám agne dyúbʰis tvám āśuśukṣaṇiḥ // 1 //

Verse: 2
Halfverse: a    ādityaratʰavégena viṣṇór bāhubaléna ca /
Halfverse: b    garuḷapakṣanipā́tena bʰūmíṃ gaccʰa mahā́yaśāḥ /

Verse: 3
Halfverse: a    garuḷasya jā́tamātreṇá trayó lokāḥ prakámpitāḥ /
Halfverse: b    prakáṃpitā mahī́ sárvā saśaílavanakā́nanā /

Verse: 4
Halfverse: a    gáganaṃ náṣṭacandrārkáṃ jyotíṣaṃ ná prakā́śate /
Halfverse: b    devátā bʰáyabʰītāś cá mārúto na plavā́yati mārúto na plavā́yaty óṃ námaḥ /

Verse: 5
Halfverse: a    bʰo sarpa bʰadra bʰadráṃ te dūráṃ gaccʰa mahā́yaśāḥ /
Halfverse: b    janámejayásya yajñāṃté āstī́kavacanáṃ smara /

Verse: 6
Halfverse: a    āstīkavacanaṃ śrútvā yaḥ sárpo na nivártate /
Halfverse: b    śatádʰā bʰídyate mūrdʰní śiṃśávr̥kṣapʰaláṃ yatʰā /

Verse: 7
Halfverse: a    ágastyo mā́dʰavaś caivá mucúkuṃdo mahāmuniḥ /
Halfverse: b    kápilo múnir āstīkáḥ paṃcaíte sukʰaśā́yinaḥ /

Verse: 8
Halfverse: a    nármadāyaí namaḥ prātár narmádāyai namó niśi /
Halfverse: b    námostu nármade tubʰyáṃ trāhí māṃ viṣasárpataḥ /

Verse: 9
Halfverse: a    yó jaratkā́ruṇā jātó jarátkanyāṃ mahā́yaśāḥ /
Halfverse: b    tásya sarpópi bʰadráṃ te dūráṃ gaccʰa mahā́yaśāḥ /
Halfverse: c    tásya sarpásya sarpatváṃ tasmaí sarpa namóstu te /

Hymn: 2

Verse: 1
Halfverse: a    bʰadráṃ vvada dakṣiṇató bʰadrám uttarató vada /
Halfverse: b    bʰadráṃ purástān no vada bʰadrám paścā́t kapiñjala /

Verse: 2
Halfverse: a    bʰadráṃ vvada putraír bʰadráṃ vvada gr̥héṣu ca /
Halfverse: b    bʰadrám asmā́kaṃ vvada bʰadráṃ no ábʰayaṃ vvada /

Verse: 3
Halfverse: a    bʰadrám adʰástān no vada bʰadrám upáriṣṭān no vada /
Halfverse: b    bʰadráṃ bʰadráṃ na ā́ vada bʰadráṃ nas sarvató vada /

Verse: 4
Halfverse: a    asapatnáṃ purástān naś śiván dakṣiṇatás kr̥dʰi /
Halfverse: b    ábʰayam̐ sátataṃ paścā́d bʰadrám uttarató gr̥hé /

Verse: 5
Halfverse: a    yauvánāni maháyasi jigyúṣām iva dundubʰíḥ /
Halfverse: b    śákuntaka pradakṣiṇám̐ śatápattrābʰí no vada /
Halfverse: c    āvádam̐s tvám̐ śakune bʰadrám ā́ vada // 2 //

Hymn: 3

Verse: 1
Halfverse: a    jā́garṣi tváṃ bʰúvane jātavedo jā́garṣi yátra yájate havíṣmān /
Halfverse: b    idám̐ havíś śraddádʰāno juhomi téna pāsi gúhyaṃ nā́ma gónām /
Halfverse: c    vidā́ divó viṣyann ádrim uktʰaíḥ // 3 //

Hymn: 4

Verse: 1
Halfverse: a    stvastyáyanaṃ tā́rkṣyam áriṣṭanemim mahádbʰūtaṃ vvāyasáṃ devátānām /
Halfverse: b    asuragʰnám índrasakʰam̐ samátsu br̥hád yáśo nā́vam ivā́ ruhema /

Verse: 2
Halfverse: a    am̐homúcam āṅgirasáṃ gáyaṃ ca svasty ā́treyám mánasā ca tā́rkṣyam /
Halfverse: b    práyatapāṇiś śaraṇáṃ prá padye svastí sambādʰéṣv ábʰayan no astu /
Halfverse: c    prá śyāvāśva dʰr̥ṣṇuyā́ // 4 //

Hymn: 5

Verse: 1
Halfverse: a    várṣantu te vibʰāvari divó abʰrásya vidyútaḥ /
Halfverse: b    róhantu sárvabījāny áva brahmadvíṣo jahi /
Halfverse: c    prá saṃrā́je br̥hádarcā gabʰīrám // 5 //

Hymn: 6

Verse: 1
Halfverse: a    híraṇyavarṇām̐ háriṇīm̐ suvárṇarajatásrajām /
Halfverse: b    candrā́m̐ hiráṇmayīṃ lakṣmī́ṃ jā́tavedo mámā́ vaha /

Verse: 2
Halfverse: a    tā́m ma ā́ vaha jātavedo lakṣmī́m ánapagāmínīm /
Halfverse: b    yásyām̐ híraṇyaṃ vindéyaṃ gā́m áśvaṃ púruṣān ahám /

Verse: 3
Halfverse: a    aśvapūrvā́m̐ ratʰamadʰyā́m̐ hastínādapramodínīm /
Halfverse: b    śríyaṃ devī́m úpa hvaye śrī́r mā devī́ juṣatām /

Verse: 4
Halfverse: a    kām̐sy ásmi tā́m̐ híraṇyaprāvārām ārdrā́ñ jválantīṃ tr̥ptā́ṃ tarpáyantīm /
Halfverse: b    padmestitʰā́ṃ padmávarṇāṃ tā́m ihópa hvaye śríyam /

Verse: 5
Halfverse: a    candrā́ṃ prabʰāsā́ṃ yyaśásā jválantīm̐ śríyaṃ lloké devájuṣṭām udārā́m /
Halfverse: b    tā́m padmánemim̐ śáraṇaṃ prá padye alakṣmī́r me naśyatāṃ tvā́ṃ vr̥ṇomi // 6 //

Verse: 6
Halfverse: a    ādityávarṇe tápasódʰi jātó vánaspátis táva vr̥kṣótʰá bilváḥ /
Halfverse: b    tásya pʰálāni tápasā́ nudantu māyā́ntarā yā́śca bāhyā́ alakṣmī́ḥ /

Verse: 7
Halfverse: a    úpaitu mān devasakʰáẖ kīrtíś ca máṇinā sahá /
Halfverse: b    prādúr bʰūtósmi rā́ṣṭresmín kīrtíṃ vr̥ddʰíṃ dadātu me /

Verse: 8
Halfverse: a    kṣútpipāsā́malā jyeṣṭʰā́m alakṣmī́n nāśayāmy áham /
Halfverse: b    ábʰūtim ásamr̥ddʰiṃ ca sárvān nír ṇuda me gŕ̥hāt /

Verse: 9
Halfverse: a    gándʰadvārā́ṃ durā́dʰarṣāṃ nityápuṣṭāṃ karīṣíṇīm /
Halfverse: b    ī́śvarīm̐ sárvabʰūtānān tā́m ihópa hvaye śríyam /

Verse: 10
Halfverse: a    mánasaẖ kā́mam ā́kūtiṃ vvācás satyám aśīmahi /
Halfverse: b    paśū́nāṃ rūpám ánnasya máyi śrī́ś śrayatāṃ yyáśaḥ // 7 //

Verse: 11
Halfverse: a    kardamená prajā bʰūtā́ máyi sám bʰava kárdama /
Halfverse: b    śríyaṃ vvāsáya me kulé mātáraṃ padmamālínīm /

Verse: 12
Halfverse: a    ā́pa sravantu snígdʰāni cíklītā vása me gr̥hé /
Halfverse: b    ní ca devī́m mātáram̐ śríyaṃ vvāsáya me kulé /

Verse: 13
Halfverse: a    pakvā́ṃ puṣkáriṇīṃ puṣṭā́ṃ piṅgálāṃ padmamālínīm /
Halfverse: b    sūryā́m̐ hiráṇmayīṃ lakṣmī́ṃ jā́tavedo mámā́ vaha /

Verse: 14
Halfverse: a    ārdrā́ṃ puṣkáriṇīṃ yaṣṭī́m̐ suvárṇam̐ hemamālínīm /
Halfverse: b    candrā́m̐ hiráṇmayīṃ llakṣmī́ṃ jā́tavedo mámā́ vaha /

Verse: 15
Halfverse: a    tā́m ma ā́ vaha jātavedo lakṣmī́m ánapagāmínīm /
Halfverse: b    yásyām̐ híraṇyaṃ prábʰūtaṃ gā́vo dāsyó vindéyaṃ púruṣān ahám // 8 //

Verse: 16
Halfverse: a    yá ānandám̐ samā́viśad upā́dʰāvan vibʰā́vasum /
Halfverse: b    śríyas sárvā upā́siṣva cíklīta vasa me gr̥hé /

Verse: 17
Halfverse: a    kardamená prajā sraṣṭā́ sambʰū́tiṃ gamayāmasi /
Halfverse: b    ádadʰād úpāgād yéṣāṃ kā́mām̐ sasr̥jmáhe /

Verse: 18
Halfverse: a    jā́tavedaḫ punīhí mā rāyáspóṣaṃ ca dʰāraya /
Halfverse: b    agnír mā tásmād énaso viśvā́n muñcatv ám̐hasaḥ /

Verse: 19
Halfverse: a    áccʰā no mittramaho deva devā́n ágne vócas sumatím̐ [ródas]y[oḥ] /
Halfverse: b    vīhí svastím̐ sukṣitín divó nr^̥́̄n dviṣó ám̐hām̐si duritā́ tarema tā́ tarema távā́vasā tarema / 9 /

Hymn: 6A

Verse: 16
Halfverse: a    yáḥ śúciḥ práyato bʰūtvā́ juhúyād ājyam ánvahaṃ /
Halfverse: b    sūktáṃ paṃcádaśarcaṃ ca śrīkā́maḥ satatáṃ japet /

Verse: 17
Halfverse: a    pádmānané padma-ūrū padmā́kṣī padmasáṃbʰave /
Halfverse: b    tán me bʰajási padmā́kṣī́ yéna saúkʰyaṃ labʰā́my áhaṃ /

Verse: 18
Halfverse: a    aśvadā́yai godāyaí dʰanádāyai mahā́dʰane /
Halfverse: b    dʰánaṃ me júṣatāṃ devi sarvákāmāṃś ca déhi me /

Verse: 19
Halfverse: a    pútrapautráṃ dʰanaṃ dʰānyaṃ hastyáśvādigavé ratʰaṃ /
Halfverse: b    prajānā́ṃ bʰávasi mātā āyúṣmaṃtaṃ karótu me /

Verse: 20
Halfverse: a    dʰánam agnír dʰanaṃ vāyúr dʰánaṃ sū́ryo dʰanaṃ vásuḥ /
Halfverse: b    dʰánam índro bŕ̥haspátir váruṇaṃ dʰánaṃ út sr̥je /

Verse: 21
Halfverse: a    vaínateya sómam piba sómam pibatu vr̥trahā /
Halfverse: b    sómaṃ dʰánasya somíno máhyaṃ dádātu somínaḥ /

Verse: 22
Halfverse: a    ná kródʰo na ca mātsaryáṃ na lóbʰo nāśubʰā́ matiḥ /
Halfverse: b    bʰávaṃti kŕ̥tapuṇyānāṃ bʰaktā́nāṃ śrī́sūktaṃ japet /

Verse: 23
Halfverse: a    sarasijanilaye sárojahaste dʰavalatarāṃ śubʰagaṃdʰámālyaśobʰe /
Halfverse: b    bʰagavati harivallábʰe manojñe tribʰuvanabʰūtikarí pra sīda mahyaṃ /

Verse: 24
Halfverse: a    śrīvárcasvam ā́yuṣyam ā́rogyam ā́vidʰāc cʰúbʰamānaṃ mahīyate /
Halfverse: b    dʰānyáṃ dʰanáṃ paśúṃ bahúputralābʰáṃ śatásaṃvatsaráṃ dīrgʰám ā́yuḥ /

Verse: 25
Halfverse: a    víṣṇupatnī́ṃ kṣamāṃ devī́ṃ mādʰávīṃ mādʰavápriyāṃ /
Halfverse: b    lákṣmīṃ priyásakʰīṃ devī́ṃ namā́ny acyutavállabʰāṃ /

Verse: 26
Halfverse: a    mahālakṣmī́ ca vidmáhe viṣṇupatnī́ ca dʰīmahi /
Halfverse: b    tán no lakṣmīḥ pra codáyāt /

Verse: 27
Halfverse: a    padmānane padmini padmapatre padmapriye padmadalāyatākṣi /
Halfverse: b    viśvapriye viśvamanonukūle tvatpādapadmaṃ hr̥di saṃ ni dʰatsva /

Verse: 28
Halfverse: a    ānaṃdaḥ kardamaḥ śrītaś ciklīta iva viśritaḥ /
Halfverse: b    r̥ṣayaś śriyaḥ putrāś ca śrīr devī devadevatā /

Verse: 29
Halfverse: a    r̥ṇarogādi dāridryaṃ pāpakṣudapamr̥tyavaḥ /
Halfverse: b    bʰayaḥ śokamanas tāpā naśyaṃtu mama sarvadā /

Hymn: 6B

Verse: 23
Halfverse: a    candrābʰā́ṃ lákṣmīm īśānā́ṃ sūryā́bʰāṃ śríyam aíśvarīm /
Halfverse: b    cándrasūryāgnivarṇābʰā́ṃ mahālákṣmīm upāsmáhe /

Verse: 24
Halfverse: a    várṣantu te vibʰāvari divo abʰrásya vidyútaḥ /
Halfverse: b    róhantu sárvabījāny áva brahmadvíṣo jahi /

Verse: 25
Halfverse: a    pádmapriye pádmini pádmahaste pádmānane pádmadálāyatākṣi /
Halfverse: b    víśvapriye viṣṇumánónukūle tvátpādapadmáṃ mayí sán nidʰatsva /

Verse: 26
Halfverse: a    yā sā padmāsanastʰā vipulakaṭitaṭī padmapatrāyatākṣī gambʰīrā /
Halfverse: b    vartanābʰistanabʰaranamitā śubʰravastrottarīyā /

Verse: 27
Halfverse: a    lakṣmīr divyair gajendrair maṇigaṇakʰacitai snāpitā hemakuṃbʰaiḥ /
Halfverse: b    nityaṃ sā padmahastā mama vasatu gr̥he sarvamāṅgalyayuktā /

Verse: 28
Halfverse: a    siddʰalakaṣmīr mokṣalakṣmīr jayalakṣmīḥ sarasvatī /
Halfverse: b    śrīr lakṣmīr varalakṣmīś ca prasannā mama sarvadā /

Verse: 29
Halfverse: a    varāṃ kuśāpāśam abʰītim udrāṃ karair vahaṃtī kamalāsanastʰām /
Halfverse: b    bālārkakoṭipratibʰāṃ trinetrāṃ bʰajeham ādyāṃ jagadīśvarīṃ tām /

Verse: 30
Halfverse: a    sarvamaṃgalamāṃgalye śive sarvārtʰasādʰike /
Halfverse: b    śaradʰaye tryaṃbake gaurī nārāyaṇi namostu te

Hymn: 7

Verse: 1
Halfverse: a    cíklīto yásya nā́ma tád dívā náktaṃ ca sukrato /
Halfverse: b    asmā́n dīdāsa yújyāya jīváse jātavedaḫ
Halfverse: c    punántu mān devajanā́ḥ /
Verse: 2
Halfverse: a    punántu mánasā dʰíyaḫ punántu viśvā bʰūtā́ni /
Halfverse: b    jā́tavedo yád ástutam /
Verse: 3
Halfverse: a    viśve devāḫ punītá mā jā́tavedaḫ punīhí mā /
Halfverse: b    sáṃbʰūtā asmā́kaṃ vvīrā́ dʰruvā́ dʰruvéṣu tiṣṭʰati /
Verse: 4
Halfverse: a    dʰruvā́ dyaúr dʰruvā́ pr̥tʰivī́ dʰruvā́ dʰruvéṣu tiṣṭʰati /
Halfverse: b    ágne áccʰā yád ástutam̐ rāyás póṣaṃ ca dʰāraya /
Verse: 5
Halfverse: a    áccʰā no mittramaho deva devā́n ágne vocas sumatím̐ródasyoḥ /
Halfverse: b    vīhí svastím̐ sukṣitín divó nr^̥́̄n dviṣó ám̐hām̐si duritā́ tarema tā́ tarema távā́vasā tarema // 10 //

Hymn: 8

Verse: 1
Halfverse: a    máyi śleṣó mā vadʰīḫ prá sam̐rā́jaṃ ca sukrato /
Halfverse: b    asmā́n pr̥ṇīṣva yújyāya jīváse jā́tavedaḫ punīhí mā /

Verse: 2
Halfverse: a    márto yó *no dídāsaty ádʰirastʰā ná nīnaśat /
Halfverse: b    dávidʰvato vibʰā́vaso jāgā́ram utá te dʰíyam /

Verse: 3
Halfverse: a    anamīvā́ bʰavantv agʰnyā sú saṅ garbʰo ví mocatu /
Halfverse: b    arātīyánti yé kécit sū́rayaś cābʰi majmánā /

Verse: 4
Halfverse: a    rāyás póṣaṃ vví dʰāraya jā́tavedaḫ punīhí mā /
Halfverse: b    usrā́ bʰavantu *no máyo bahvī́r goṣṭʰé gʰr̥tā́cyaḥ /

Verse: 5
Halfverse: a    áccʰā no mittramaho deva devā́n agne vocas sumatím̐ ródasyoḥ /
Halfverse: b    vīhí svastím̐ sukṣitín divó nr^̥́̄n dviṣó ám̐hām̐si duritā́ tarema tā́ tarema távā́vasā tarema // 11 //

Hymn: 9

Verse: 1
Halfverse: a    sám̐ sravantu marútas sám áśvās sám u pū́ruṣāḥ /
Halfverse: b    sán dʰānyásya yā́ spʰātís sam̐srā́vyeṇa havíṣā juhomi /

Verse: 2
Halfverse: a    éhá yanti paśávo yé páreyur vāyúr yéṣām̐ sáhacāráṃ jujóṣa /
Halfverse: b    tváṣṭā yéṣāṃ rūpadʰéyāni védāsmím̐s tā́m̐ lloké savitā́bʰí rakṣatu /

Verse: 3
Halfverse: a    imáṃ goṣṭʰáṃ paśávas sám̐ sravantu bŕ̥haspátir ā́ nayatu prajānán /
Halfverse: b    sinīvālī́ nayaty ágra eṣām ā́ jagmúṣonumate ní yaccʰa /

Verse: 4
Halfverse: a    sám̐ siñcāmi gávāṅ kṣīrám̐ sám ā́jyena bálam̐ rásam /
Halfverse: b    sám̐siktā asmā́kaṃ vvīrā́ dʰruvā́ gā́vas santu gópatau /

Verse: 5
Halfverse: a    ā́ harāmi gávāṅ kṣīrám ā́ harāmi dʰānya3m̐ rásam /
Halfverse: b    ā́hr̥tā asmā́kaṃ vvīrā́ ā́ pátnīr idám ástakam // 12 //

Hymn: 10

Verse: 1
Halfverse: a    ā́ te gárbʰo yónim etu púmān bā́ṇa iveṣudʰím /
Halfverse: b    ā́ vīró átra jāyatāṃ putrás te dáśamāsyaḥ /

Verse: 2
Halfverse: a    karómi te prājāpatyám ā́ gárbʰo yónim etu te /
Halfverse: b    ánūnaḫ pūrnó jāyatām ánandʰóśroṇopiśācadʰītáḥ /

Verse: 3
Halfverse: a    púmām̐s te putró jāyatāṃ púmān ánu jāyatām /
Halfverse: b    yā́ni bʰadrā́ṇi bī́jāny r̥ṣabʰā́ janáyanti naḥ /

Verse: 4
Halfverse: a    tā́ni bʰadrā́ṇi bī́jāny r̥ṣabʰā́ janáyantu te /
Halfverse: b    taís tváṃ putráṃ janayes sá jāyatāṃ vvīrātamas svā́nām /

Verse: 5
Halfverse: a    yó váśāyāṃ gárbʰo yópi vehatī́ndras tán ní dadʰe vánaspátau /
Halfverse: b    taís tváṃ putrā́n vindasva sā́ prasū́r dʰénukā bʰava /

Verse: 6
Halfverse: a    sáṃ vvo mánām̐si jānātām̐ sán nā́bʰis sán tátosat /
Halfverse: b    sán tvā kā́masya yóktreṇa yuñjāny ávimocanāya /

Verse: 7
Halfverse: a    kā́mas sám r̥dʰyatāṃ máhyam áparājitam evá me /
Halfverse: b    yáṃ kā́maṃ kāmáye deva tám me vāyo sám ardʰaya // 13 //

Hymn: 11

Verse: 1
Halfverse: a    agnír etu pratʰamó devátānām̐ só syāḫ prajā́ṃ muñcatu mr̥tyupāśā́t /
Halfverse: b    tád ayám̐ rā́jā váruṇonumanyatāṃ yyátʰeyám̐ strī́ paútram agʰán ná rodāt /

Verse: 2
Halfverse: a    imā́m agnís trāyatāṃ gā́rhapatyaḫ prajā́m asyai tiratu dīrgʰám ā́yuḥ /
Halfverse: b    áśūnyopástʰā jī́vatām astu mātā́ paútram ānandám abʰí ví budʰyatām iyám /

Verse: 3
Halfverse: a    mā́ te gr̥hé niśi gʰorá uttʰā́d anyátra tvád rudatyás sáṃ vviśantu /
Halfverse: b    mā́ tváṃ vvikeśy úra ā́ vadʰiṣṭʰā jīváputrā patiloké ví rāja prajā́ṃ páśyaṃtī sumanasyámānā /

Verse: 4
Halfverse: a    aprajasyám pautramartyáṃ pāpmā́nam utá vāgʰám /
Halfverse: b    prajā́m ivonmucyasva dviṣádbʰyaḫ práti muñcāmi pā́śān /

Verse: 5
Halfverse: a    devákr̥taṃ brā́hmaṇaṃ kalpámānaṃ téna hanmi yoniṣádaḫ piśācā́n /
Halfverse: b    kravyā́do mr̥tyū́n ádʰarān pātayāmi dīrgʰám ā́yus táva jī́vantu putrā́ḥ /
Halfverse: c    tvám̐ hy agne pratʰamó manótā // 14 //

Hymn: 12

Verse: 1
Halfverse: a    cákṣuś ca śrótaṃ ca mánaś ca vā́k ca prāṇāpā́ṇau déha idám̐ śárīram /
Halfverse: b    dvaú pratyáñcāv anulomaú visárgāv édán tám manye dáśayantram útsam /
Halfverse: c    yá ā́nayat parāvátaḥ // 15 //

Hymn: 13

Verse: 1
Halfverse: a    śáṃvvatīḫ pāráyanty etédáṃ pr̥ccʰasva váco yátʰā /
Halfverse: b    abʰyā́ran tám̐ samā́ketaṃ yyá evédám iti brávat /

Verse: 2
Halfverse: a    jāyā́ketaṃ párisrutam bʰā́ratī brahmavā́dinī /
Halfverse: b    sañjānānā́ mahī́ jātā́ yá evédám iti brávat /

Verse: 3
Halfverse: a    índras táṃ kiṃ vibʰúṃ prabʰúṃ bʰānúnā yáṃ jújoṣati /
Halfverse: b    téna sū́ryam arocayad yénemé ródasī ubʰé /

Verse: 4
Halfverse: a    juṣásvāgne aṅgiraẖ kāṇvám médʰyātitʰim /
Halfverse: b    mā́ tvā sómasya bárbr̥hat sutásya mádʰumattamaḥ /

Verse: 5
Halfverse: a    tvā́m agne aṅgiraś śocasva devavī́tamaḥ /
Halfverse: b    ā́ śantama śántamābʰir abʰíṣṭibʰiś śāntím̐ svastím akurvata /

Verse: 6
Halfverse: a    śán naẖ kanikradad deváḫ parjányo abʰí varṣatv óṣadʰayas sám pravardʰantam /
Halfverse: b    śán no dyā́vāpr̥tʰivī́ śáṃ prajā́bʰyas śán no astu dvipáde śáñ cátuṣpade /
Halfverse: c    śán na indrāgnī́ bʰavatām ávobʰiḥ // 16 //

Hymn: 14

Verse: 1
Halfverse: a    svápnas svapnā́dʰikáraṇe sárvan ní ṣvāpayā jánam /
Halfverse: b    ā́ sū́ryam anyā́n svāpáyāvyuṣáṃ *jāgr̥yā́m ahám /
Halfverse: c    ká īṃ vyáktā náras sánīḍʰāḥ // 17 //

Verse: 2
Halfverse: a    ájagaro nāma sarpáḥ sarpíraviṣo mahā́n /
Halfverse: b    tásmin hí sárpaḥ súdʰitas téna tvā svāpayāmasi /

Verse: 3
Halfverse: a    sárpaḥ sárpo ajágaraḥ sarpíraviṣo mahā́n /
Halfverse: b    tásya sárpāt siṃdʰavas tásya gādʰám aśīmahi /

Verse: 4
Halfverse: a    kāḷikó nāma sarpó navánāgasahásrabaḷaḥ /
Halfverse: b    yamunahradé ha so jāto3 yo nārāyaṇavā́hanaḥ /

Verse: 5
Halfverse: a    yádi kāḷíkadūtasyá yadí kāḥkāḷikā́d bʰayam /
Halfverse: b    jánmabʰūmím atikrāṃtó nirvíṣo yāti kā́ḷikaḥ /

Verse: 6
Halfverse: a    ā́ yāhīṃdra patʰíbʰir iḷitébʰir yajñám imáṃ no bʰāgadʰéyaṃ juṣasva /
Halfverse: b    tr̥ptā́ṃ juhur mā́tuḷasyeva yóṣā bʰāgás te paítr̥ṣvaséyī vapā́m iva /

Verse: 7
Halfverse: a    yaśáskaraṃ bálavaṃtaṃ prabʰútvaṃ tám evá rājādʰipátir babʰūva /
Halfverse: b    sáṃkīrṇánāgāśvapátir narāṇā́ṃ sumaṃgályaṃ satataṃ dīrgʰám ā́yuḥ /

Verse: 8
Halfverse: a    karkoṭakó nāma sarpó yo dŕ̥ṣṭīviṣa úcyate /
Halfverse: b    tásya sarpásya sarpatváṃ tasmaí sarpa namóstu te /

Verse: 9A
Halfverse: a    áti kāḷíkaraudrasyá viṣṇúḥ saumyena *bʰā́minā /
Halfverse: b    yamunanadī́ kāḷikaṃ te víṣṇustotram anú smaram /

Verse: 9B
Halfverse: a    yé 'dó rocané divó yé vā sū́ryasya raśmíṣu /
Halfverse: b    téṣām apsú sádaskr̥táṃ tébʰyaḥ sarpébʰyo námaḥ /

Verse: 10
Halfverse: a    námo astu sarpébʰyo yé ké ca pr̥tʰivī́m ánu /
Halfverse: b    yé antárikṣe yé diví tébʰyaḥ sarpébʰyo námaḥ /

Verse: 11
Halfverse: a    ugrāyudʰā[ḥ] pramatʰina[ḥ] pravīrā māyāvino balino miccʰamānāḥ /
Halfverse: b    ye devā asurān parābʰavan tāṃs tvaṃ vajreṇa magʰavan ni vāraya //

Hymn: 15

Verse: _
Halfverse: a    yásya vratám upatíṣṭʰanta ā́po yásya vraté paśávo yánti sárve /
Halfverse: b    yásya vraté púṣṭipatir níviṣṭas tám̐ sárasvantam ávase johavīmi /
Halfverse: c    yajñé divó nr̥ṣádane pr̥tʰivyā́ḥ // 18 //

Hymn: 16

Verse: 1
Halfverse: a    upá pra vada maṇḍūki varṣám ā́ vada tāduri /
Halfverse: b    mádʰye hradásya plavásva nigŕ̥hya catúraḫ padáḥ /
Halfverse: c    índrāsomā tápatam̐ rákṣa ubjátam // 19 //

Hymn: col.
Halfverse: 1 ity r̥gvede kʰile dvitīyodʰyāyaḥ //
Halfverse: 2 oṃ namo viṣṇave

Adhyaya: 3
Hymn: anuk.
Halfverse: 1 abʰi daśa praskaṇvaḫ prāgātʰan tu 1) pra puṣṭigur yatʰā śruṣṭigur yatʰā āyur upamam aṣṭau medʰya etat te mātariśvā dvitīyaḫ 2) prāgātʰo vaiśvadevo bʰūri pañca kr̥śaḫ pr̥ṣadʰrasya 3) dānastutis tu 4) gāyatraṃ tu 4) tr̥tīyāpañcamyāv anuṣṭubʰau prati pr̥ṣadʰraḫ pāṅktyantam̐ 5) saliṅgoktā devatā tvam ekā pāvamānīṣ ṣaḍ vaiśvadevam antyādye ca pāvamānīstutiḫ pañcamī triṣṭub iḍaiva dve br̥haddivo yatra tisras sasruṣīr ekaihi mama dvātrim̐śat prājāpatyo hr̥dyo vaiśvadevan tu vivāhārtʰāśīs tv ānuṣṭubʰan tv ādyā triṣṭup tr̥tīyāvim̐śīpañcavim̐śyaḥ paṅktayo daśamī pura-uṣṇig dvādaśādye āstārapaṅktiḫ prastārapaṅktir ekonavim̐śī br̥haty ekonatrim̐śī triṣṭub jagatīvod aṣṭau parāgadāso dʰruva ekā eko dve ud ekā yac cāsau dve brahma daśa vāmadevyo nakulas saurī gʰarmastutir bārhaspatyā sāvitry aṣṭir gʰarmaparā 6) etās sauryaś cāndramasyaś ca śeṣā jagatyaḥ

Hymn: 1
oṃ

Verse: 1
Halfverse: a    abʰí prá vas surā́dʰasam índram arca yátʰā vidé /
Halfverse: b    yó jaritŕ̥bʰyo magʰávā purūvásus sahásreṇeva śíkṣati /

Verse: 2
Halfverse: a    śatā́nīkeva prá jigāti dʰr̥ṣṇuyā́ hánti vr̥ttrā́ṇi dāśúṣe /
Halfverse: b    girér iva prá rásā asya pinvire dátrāṇi purubʰójasaḥ /

Verse: 3
Halfverse: a    ā́ tvā sutā́sa índavo mádā yá indra girvaṇaḥ /
Halfverse: b    ā́po ná vajrinn ánv okyam̐ 3 sáraḫ pr̥ṇánti śūra rā́dʰase /

Verse: 4
Halfverse: a    anehásaṃ pratáraṇaṃ vivákṣaṇaṃ mádʰvas svā́diṣṭʰam īṃ piba /
Halfverse: b    ā́ yátʰā mandasānáẖ kirā́si naḫ prá kṣudréva tmánā dʰr̥ṣát /

Verse: 5
Halfverse: a    ā́ nas stómam úpa dravád dʰiyānó áśvo ná sótr̥bʰiḥ /
Halfverse: b    yán te svadʰāvan svadáyanti dʰenáva índra káṇveṣu rātáyaḥ // 1 //

Verse: 6
Halfverse: a    ugrán ná vīrán námasópa sedima víbʰūtim ákṣitāvasum /
Halfverse: b    udrī́va vajrinn avató ná siṃcate kṣárantīndra dʰītáyaḥ /

Verse: 7
Halfverse: a    yád dʰa nūnáṃ yyád vā yajñé yád vā pr̥tʰivyā́m ádʰi /
Halfverse: b    áto no yajñám āśúbʰir mahemata ugrá r̥ṣvébʰir ā́ gahi /

Verse: 8
Halfverse: a    ajirā́so hára[yo] y[é] ta āśáv[o] v[ā́]t[ā] iva prasakṣíṇaḥ /
Halfverse: b    yébʰir [ápa]ty[aṃ] m[á]nuṣaḫ parī́yase yébʰir víśvam̐ svà[r] dr̥[śé] /

Verse: 9
Halfverse: a    [etā́vatas ta īmaha índra] sumnásya gómataḥ /
Halfverse: b    yátʰā prā́va étaśaṃ kŕ̥tvye dʰáne yátʰā váśan dáśavraje /

Verse: 10
Halfverse: a    yátʰā káṇve magʰavann trasádasyavi y[átʰā paktʰé dá]śavraje /
Halfverse: b    yátʰā góśarye ásanor r̥jiśvanī́ndra gómad dʰíraṇyavat // 2 //

Hymn: 2

Verse: 1
Halfverse: a    prá sú śrutám̐ surā́dʰasam árcā śakrám [abʰíṣṭa]ye /
Halfverse: b    yás sunvaté stuvaté kā́myaṃ vvásu sahásreṇeva mám̐hate /

Verse: 2
Halfverse: a    śatā́nīkā hetáyo asya duṣṭárā índrasya samíṣo mahī́ḥ /
Halfverse: b    śinír ná bʰujmā́ magʰávatsu pinvate yád īṃ sutā́ ámandiṣuḥ /

Verse: 3
Halfverse: a    yád īm̐ sutā́sa índavobʰí priyám ámandiṣuḥ /
Halfverse: b    ā́po ná dʰāyi sávanam ma ā́ vaso dúgʰā ivópa dāśúṣe /

Verse: 4
Halfverse: a    anehásaṃ vvo hávamānam ūtáye mádʰvaẖ kṣaranti dʰītáyaḥ /
Halfverse: b    ā́ tvā vaso havamānāsa índava úpa stotréṣu dadʰire /

Verse: 5
Halfverse: a    ā́ nas sóme svadʰavará iyānó átyo ná tośate /
Halfverse: b    yán te svadʰāvan svadʰáyanti gūrtáyaḫ pauré ccʰandáyase há[vam] // 3 //

Verse: 6
Halfverse: a    prá vīrám ugráṃ vvivicin dʰanaspŕ̥taṃ vvíbʰūtim̐ rā́dʰaso maháḥ /
Halfverse: b    udrī́va vajrinn avató vasutvanā́ sádā pīpetʰa dāśúṣe /

Verse: 7
Halfverse: a    yád dʰa nūnáṃ parāváti yád vā pr̥tʰivyā́n diví /
Halfverse: b    yujāná indra háribʰir mahemata ugrá r̥ṣvébʰir ā́ gahi /

Verse: 8
Halfverse: a    ratʰirāso hárayo yé te asrídʰa ójo vā́tasya píprati /
Halfverse: b    yébʰir ní dásyuṃ mánuṣo nigʰóṣayo yébʰis svàḫ parī́yase /

Verse: 9
Halfverse: a    etā́vatas te vaso vidyā́ma śūra návyasaḥ /
Halfverse: b    yátʰā prā́vo magʰavan médʰyātitʰiṃ yyátʰā nī́pātitʰin dʰáne /

Verse: 10
Halfverse: a    yátʰā káṇve magʰavan médʰe adʰvaré dīrgʰánītʰe dámūnasi /
Halfverse: b    yátʰā góśarye ásiṣāso adrivo máyi gotrám̐ hariśríyam // 4 //

Hymn: 3

Verse: 1
Halfverse: a    yátʰā mánau sā́ṃvvaraṇam̐ sómam indrā́pibas sutám /
Halfverse: b    nī́pātitʰau magʰavan médʰyātitʰau púṣṭigau śrúṣṭigau sácā /

Verse: 2
Halfverse: a    pārṣadvānáḫ práskaṇvam̐ sám a[sādayac] cʰáyānaṃ jívrim úddʰitam /
Halfverse: b    sahásrāṇy ā́siṣāsad gávām ŕ̥ṣis tvóto dásyave vŕ̥kaḥ /

Verse: 3
Halfverse: a    yá uktʰébʰir ná vindʰáte cikíd yá r̥ṣicódanaḥ /
Halfverse: b    índran tám áccʰā vada návyasyā maty áviṣyantan ná bʰójase /

Verse: 4
Halfverse: a    yásmā arkám̐ saptáśīrṣāṇam ānr̥cús tridʰā́tum uttamé padé /
Halfverse: b    sá tv imā́ víśvā bʰúvanāni cikradad ā́d ij janiṣṭa paúm̐syam /

Verse: 5
Halfverse: a    yó no dātā́ vásūnām índraṃ tám̐ hūmahe vayám /
Halfverse: b    vidmā́ hy asya sumatín návīyasīṃ gaméma gómati vrajé // 5 //

Verse: 6
Halfverse: a    yásmai tváṃ vaso dānā́ya śíkṣasi sá rāyás póṣam aśnute /
Halfverse: b    tán tvā vayáṃ magʰavann indra girvaṇas sutā́vanto havāmahe /

Verse: 7
Halfverse: a    kadā́ caná starī́r asi néndra saścasi dāśúṣe /
Halfverse: b    úpopén nú magʰavan bʰū́ya ín nú te dā́nan devásya pr̥cyate /

Verse: 8
Halfverse: a    prá yó nanakṣé abʰy ójasā kríviṃ vadʰaíś śúṣṇan nigʰoṣáyan /
Halfverse: b    yadéd ástambʰīt pratʰáyann amū́n divám ā́d íj janiṣṭa pā́rtʰivaḥ /

Verse: 9
Halfverse: a    yásyāyáṃ vvíśva ā́ryo dā́saś śevadʰipā́ aríḥ /
Halfverse: b    tirás cid aryé rúśame pávīravi túbʰyét só ajyate rayíḥ /

Verse: 10
Halfverse: a    turaṇyávo mádʰumanto gʰr̥taścúto víprāso arkám ānr̥cuḥ /
Halfverse: b    asmé rayíḫ papratʰe vŕ̥ṣṇyam̐ śávosmé suvānā́sa índavaḥ // 6 //

Hymn: 4

Verse: 1
Halfverse: a    yátʰā mánau vívasvati sómam̐ śakrā́pibas sutám /
Halfverse: b    yátʰā trité ccʰánda indra jújoṣasy āyaú mādayase sácā /

Verse: 2
Halfverse: a    pŕ̥ṣadʰre médʰye mātariśvanī́ndra suvāné ámandatʰāḥ /
Halfverse: b    yátʰā sómaṃ dáśaśipre dáśoṇye syū́maraśmāv ŕ̥jīnasi /

Verse: 3
Halfverse: a    yá uktʰā́ kévalā dadʰé yás sómaṃ dʰr̥ṣatā́pibat /
Halfverse: b    yásmai víṣṇus trī́ṇi padā́ vicakramá úpa mitrásya dʰármabʰiḥ /

Verse: 4
Halfverse: a    yásya tvám indra stómeṣu cākáno vā́je vājiñ cʰatakrato /
Halfverse: b    tán tvā vayám̐ sudúgʰām iva godúhe juhūmási śrávassu ca /

Verse: 5
Halfverse: a    yó no dātā́ sá naḫ pitā́ mahā́m̐ ugrá īśānakŕ̥t /
Halfverse: b    áyāmann ugró magʰávā purūvásur gór áśvasya prá dāti naḥ // 7 //

Verse: 6
Halfverse: a    yásmai tváṃ vvaso dānā́ya mám̐hase sá rāyás póṣam invati /
Halfverse: b    vasūyávo vásupatim̐ śatákratum̐ stómair índram̐ havāmahe /

Verse: 7
Halfverse: a    kadā́ caná prá yuccʰasy ubʰé ní pāsi jánmanī /
Halfverse: b    túrīyāditya sávanan ta indriyám ā́ tastʰāv amŕ̥tan diví /

Verse: 8
Halfverse: a    yásmai tváṃ magʰavann indra girvaṇaś śíkṣo śíkṣasi dāśúṣe /
Halfverse: b    asmā́ka[ṅ gíra utá suṣṭutíṃ vaso kaṇvavác] cʰr̥[ṇu]dʰī hávam /

Verse: 9
Halfverse: a    ástāvi mánma pūrvyám bráhméndrāya vocata /
Halfverse: b    pūrvī́r r̥tásya br̥hatī́r anūṣa[ta stotúr medʰā́ a]sr̥kṣata /

Verse: 10
Halfverse: a    sám índro rā́yo br̥hatī́r adʰūnuta sáṃ kṣoṇī́ sám u sū́ryam /
Halfverse: b    sám̐ śukrā́saś śúcayas sáṃ gávāśiras sómā [índram ama]ndiṣuḥ // 8 //

Hymn: 5

Verse: 1
Halfverse: a    upamán tvā magʰónāṃ jyéṣṭʰaṃ ca vr̥ṣabʰā́ṇām /
Halfverse: b    pūrbʰíttamaṃ magʰavann indra govídam ī́śānam̐ rāyá [īma]he /

Verse: 2
Halfverse: a    yá āyúṅ kútsam atitʰigvám árdayo vāvr̥dʰānó divédive /
Halfverse: b    tán tvā vayám̐ háryaśvam̐ śatákratuṃ vājayánto havāmahe /

Verse: 3
Halfverse: a    ā́ no viśveṣām̐ rásaṃ mádʰvas siñcanty ádrayaḥ /
Halfverse: b    yé parāváti sunviré jáneṣv ā́ yé arvāvátī́ndavaḥ /

Verse: 4
Halfverse: a    viśvā dvéṣām̐si jahi cā́va cā́ kr̥dʰi víśve sunvantv ā́ vásu /
Halfverse: b    śī́rṣṭeṣu cit te madirā́so am̐śávo yátrā sómasya tr̥mpási // 9 //

Verse: 5
Halfverse: a    índra né[dī]ya éd ihi mitámedʰābʰir ūtíbʰiḥ /
Halfverse: b    ā́ śantama śántamābʰir abʰíṣṭibʰir ā́ svāpe svāpíbʰiḥ /

Verse: 6
Halfverse: a    ājitúram̐ sátpatiṃ vviśvácarṣaṇiṃ kr̥dʰí prajā́sv ā́bʰagam /
Halfverse: b    prá sū́ tirā śácībʰir yé ta uktʰínaẖ krátuṃ punata ānuṣák /

Verse: 7
Halfverse: a    yás te sā́dʰiṣṭʰóvase té syāma bʰáreṣu te /
Halfverse: b    vītíhótrābʰir utá deváhūtibʰis sasavā́m̐so viśr̥ṇviré /

Verse: 8
Halfverse: a    ahám̐ hí te harivo bráhma vājayúr ājíṃ yyā́mi sádotíbʰiḥ /
Halfverse: b    tvā́m íd evá tám áme sám aśvayúr gavyúr ágre matīnā́m // 10 //

Hymn: 6

Verse: 1
Halfverse: a    etát ta indra vīryàṃ [g]īrbʰír gr̥ṇánti kārávaḥ /
Halfverse: b    te stóbʰanta ū́rjam āvan gʰr̥taścútaṃ paprā́so nakṣan dʰītíbʰiḥ /

Verse: 2
Halfverse: a    nákṣanta índram ávase ṣu[k]r̥tyáyā yéṣām̐ sutéṣu mándase /
Halfverse: b    yátʰā saṃvvarté ámado yátʰā kr̥śá evā́smé indra matsva /

Verse: 3
Halfverse: a    ā́ no víśve sajóṣaso dévāso gántanópa naḥ /
Halfverse: b    vásavo rudrā́ ávase na ā́ gamam̐ śr̥ṇvántu marúto hávam /

Verse: 4
Halfverse: a    pūṣā́ víṣṇur hávanaṃ me sárasvaty ávantu saptá síndʰavaḥ /
Halfverse: b    ā́po vā́taḫ párvatāso vánaspátiś śr̥ṇótu pr̥tʰivī́ hávam // 11 //

Verse: 5
Halfverse: a    yád indra rā́dʰo ásti te mā́gʰonaṃ magʰávattama /
Halfverse: b    téna no bodʰi sadʰamā́dyo vr̥dʰé bʰágo dānā́ya vr̥ttrahan /

Verse: 6
Halfverse: a    ā́jipate nr̥pate tvám íd dʰí no vā́ja ā́ bʰakṣi sukrato /
Halfverse: b    vayám̐ hótrābʰir utá deváhū́tibʰis sasavā́m̐so manāmahe /

Verse: 7
Halfverse: a    sánti hya3ryá āśíṣa índra ā́yur jánānām /
Halfverse: b    asmā́n nakṣasva magʰavann úpā́vase dʰukṣásva pípyúṣīm íṣam /

Verse: 8
Halfverse: a    vayán ta indra stómebʰir vidʰema tvám asmā́kam̐ śatakrato /
Halfverse: b    máhi stʰūrám̐ śaśayam̐ rā́dʰo áhrayaṃ práskaṇvāya ní tośaya // 12 //

Hymn: 7

Verse: 1
Halfverse: a    bʰū́rī́d índrasya vīryaṃ 3 vy ákʰyam abʰyā́jati /
Halfverse: b    rā́dʰas te dasyave vr̥ka /

Verse: 2
Halfverse: a    śatám̐ śvetā́sa ukṣáṇo diví tā́ro ná rocante /
Halfverse: b    mahnā́ dívan ná tastabʰuḥ /

Verse: 3
Halfverse: a    śatáṃ vveṇū́m̐ śatám̐ śúnaś śatáṃ cármāṇi mlātā́ni /
Halfverse: b    śatám me balbajastukā́ áruṣīṇāṃ cátuśśatam /

Verse: 4
Halfverse: a    sudevā́s stʰa kaṇvāyanā́ váyovayo vicarántaḥ /
Halfverse: b    áśvāso ná caṅkṣamata /

Verse: 5
Halfverse: a    ā́d ít sāptásya carkirann ā́nūnaṃ ca máhi śrávaḥ /
Halfverse: b    śyā́vīr atidʰvasán patʰáś cákṣuṣā caná sannáśe // 13 //

Hymn: 8

Verse: 1
Halfverse: a    práti te dasyave vr̥ka rā́dʰo adarśy áhrayam /
Halfverse: b    dyaúr ná pratʰinā́ śávaḥ /

Verse: 2
Halfverse: a    dáśa máhyaṃ pūtákratus sahásrā dásyave vŕ̥kaḥ /
Halfverse: b    nítyād rāyó ámam̐hata /

Verse: 3
Halfverse: a    śatám me gardabʰā́nām̐ śarám ū́rṇāvatīnām /
Halfverse: b    śatán dāsā́m̐ ádʰi srajaḥ /

Verse: 4
Halfverse: a    tátro ápi prā́ṇīyata pūtákratāyī vyaktā /
Halfverse: b    áśvānām ín ná yūtʰyam /

Verse: 5
Halfverse: a    ácety agniś cikitir havyavā́ṭ sá sumádratʰaḥ /
Halfverse: b    agníś śukréṇa śocíṣā br̥hát sū́ryo arocata diví sū́ryo arocata /
Halfverse: c    ágna ā́ yāhy agníbʰiḥ // 14 //

Hymn: 9

Verse: 1
Halfverse: a    tváṃ drapsáṃ dʰánuṣā yúdʰyamānam upā́tiṣṭʰo magʰavann am̐śumátyāḥ /
Halfverse: b    prá śū́ra ā́pas sánitā dʰánānīndra tā́ni te purukr̥t sáhām̐si /
Halfverse: c    tvam̐ ha tyát saptábʰyo jā́yamānaḥ // 15 //

Hymn: 10

Verse: 1
Halfverse: a    pāvamānī́s svastyáyanīs sudúgʰā hí gʰr̥taścútaḥ /
Halfverse: b    ŕ̥ṣibʰis sámbʰr̥to ráso brāhmaṇéṣv amŕ̥tam̐ hitám /

Verse: 2
Halfverse: a    pāvamānī́r diśantu na imám̐ llokám átʰo amúm /
Halfverse: b    kā́mān sám ardʰayantu no devaír devī́s samā́hr̥tāḥ /

Verse: 3
Halfverse: a    yéna devā́ḥ pavítreṇātmā́nam [punáte sádā] /
Halfverse: b    [téna sahásradʰāreṇa pāvamānyáḫ punantu mā /

Verse: 4
Halfverse: a    prājāpatyáṃ pavítram̐ śatódyāmam̐ hiraṇmáyam /
Halfverse: b    téna brahmavído vayáṃ pūtám bráhma punīmahe /

Verse: 5
Halfverse: a    índras sunītī́ sahá mā punātu sómas svastyā́ váruṇas samī́cyā /
Halfverse: b    yamó rā́jā pramr̥ṇā́bʰiḫ punātu māṃ jātávedā morjáyantyā punātu /

Verse: 6
Halfverse: a    pāvamānī́s svastyáyanīr yā́bʰir gaccʰati nāndanám /
Halfverse: b    púṇyām̐ś ca bʰakṣā́n bʰakṣayaty] amr̥tatváṃ ca gaccʰati /
Halfverse: c    prá devám accʰā mádʰumanta // 16 //

Hymn: 10Pet.

Verse: 1
Halfverse: a    yán me gárbʰe vásataḥ pāpám ugrám yáj jāyamā́nasya ca kíṃ cid anyát /
Halfverse: b    jātásya ca yác cāpi ca várddʰato me tát pāvamānī́bʰir ahám punāmi /

Verse: 2
Halfverse: a    mātā́pitrór yan ná kr̥taṃ váco me yát stʰāvaráṃ jaṃgámam ābabʰū́va /
Halfverse: b    víśvasya yát prahr̥ṣitáṃ váco me tát pāvamānī́bʰir aháṃ punāmi /

Verse: 3
Halfverse: a    kráyavikrayād yónidoṣād bʰákṣād bʰójyāt pratígrahāt /
Halfverse: b    asaṃbʰojanā́c cāpi nr̥śám̐saṃ tátpāvamānī́bʰir ahám punāmi /

Verse: 4
Halfverse: a    gógʰnāt táskaratvāt strī́vadʰād yác ca kílbiṣam /
Halfverse: b    pāpakáṃ ca cáraṇebʰyas tátpāvamānī́bʰir ahám punāmi /

Verse: 5
Halfverse: a    bráhmavadʰāt súrāpānāt súvarṇasteyād vŕ̥ṣalimitʰúnasaṃgamāt /
Halfverse: b    gúror dārābʰigámanāc ca tátpāvamānī́bʰir aháṃ punāmi /

Verse: 6
Halfverse: a    bā́lagʰnān mā́tr̥pitr̥vadʰād bʰū́mitaskarāt sarvavarṇagamana-mitʰúnasaṃgamāt /
Halfverse: b    pāpébʰyaś ca pratígrahāt sádyaḥ praharaṃti sárvaduṣkr̥taṃ tátpāvamānī́bʰir ahám punāmi /

Verse: 7
Halfverse: a    amaṃtram ánnam yát kiṃ cíd dʰūyate ca hutā́śane /
Halfverse: b    saṃvatsarákr̥taṃ pāpáṃ tátpāvamānī́bʰir aháṃ punāmi /

Verse: 8
Halfverse: a    dúryaṣṭaṃ dúradʰītaṃ pāpám yác cājñānatókr̥tam /
Halfverse: b    ayājitā́ś cāsáṃyājyās tátpāvamānī́bʰir aháṃ punāmi /

Verse: 9
Halfverse: a    r̥tásya yónayomr̥tásya dʰā́ma sárvā devébʰyaḥ púṇyagaṃdʰā /
Halfverse: b    tā na āpáḥ pravahaṃtu pāpáṃ śráddʰā gaccʰāmi sukŕ̥tām u lokáṃ tátpāvamānī́bʰir ahám punāmi /

Verse: 10
Halfverse: a    bráhmavadʰāt súrāpānāt súvarṇasteyād vŕ̥ṣalimitʰúnasaṃgamāt /
Halfverse: b    gúror dārābʰigámanāc ca tátpāvamānī́bʰir aháṃ punāmi /

Verse: 11
Halfverse: a    yán me gárbʰe vásataḥ pāpám ugrám yáj jāyamā́nasya ca kíṃ cid anyát /
Halfverse: b    jātásya ca yác cāpi ca várddʰato me tát pāvamānī́bʰir ahám punāmi /

Verse: 12
Halfverse: a    mātā́pitrór yan ná kr̥taṃ váco me yát stʰāvaráṃ jaṃgámam ābabʰū́va /
Halfverse: b    víśvasya yát prahr̥ṣitáṃ váco me tát pāvamānī́bʰir aháṃ punāmi /

Verse: 13
Halfverse: a    kráyavikrayād yónidoṣād bʰákṣād bʰójyāt pratígrahāt /
Halfverse: b    asaṃbʰojanā́c cāpi nr̥śám̐saṃ tátpāvamānī́bʰir ahám punāmi /

Verse: 14
Halfverse: a    gógʰnāt táskaratvāt strī́vadʰād yác ca kílbiṣam /
Halfverse: b    pāpakáṃ ca cáraṇebʰyas tátpāvamānī́bʰir ahám punāmi /

Verse: 15
Halfverse: a    bā́lagʰnān mā́tr̥pitr̥vadʰād bʰū́mitaskarāt sarvavarṇagamana-mitʰúnasaṃgamāt /
Halfverse: b    pāpébʰyaś ca pratígrahāt sádyaḥ praharaṃti sárvaduṣkr̥taṃ tátpāvamānī́bʰir ahám punāmi /

Verse: 16
Halfverse: a    pāvamānī́ṃ pitr^̥́̄n dévān dʰyāyéd yaś ca sarásvatīṃ /
Halfverse: b    pítīṃs tasyópa tiṣṭʰeta kṣīráṃ sarpír mádʰūdakáṃ /

Verse: 17
Halfverse: a    r̥ṣayas tu tápas tepuḥ sarvé svargajigī́ṣavaḥ /
Halfverse: b    tápasas tápasogryaṃ tu pāvámanīr r̥có japet /

Verse: 18
Halfverse: a    pāvamānáṃ paraṃ brahmá ye páṭʰaṃti manī́ṣiṇaḥ /
Halfverse: b    sáptajánma bʰaved vipró dʰanā́ḍʰyo vedapā́ragaḥ /

Verse: 19
Halfverse: a    dáśottarāṇy r̥cāṃ caitátpāvámānīḥ śatā́ni ṣaṭ /
Halfverse: b    etáj juhváṃ jápaṃś caiva gʰoráṃ mr̥tyubʰayám jayet /

Verse: 20
Halfverse: a    pāvamānáṃ paraṃ brahmá śukrájyotiḥ sanā́tanam /
Halfverse: b    ŕ̥ṣīṃs tasyópa tiṣṭʰeta kṣīráṃ sarpír mádʰūdakám //

Hymn: 11

Verse: 1
Halfverse: a    íḍaiva [vām ánu vastāṃ gʰr̥téna yásyāḫ padé puná]te devayántaḥ /
Halfverse: b    gʰr̥tápadī śákvarī sómapr̥ṣṭʰópa yajñám astʰita vaiśvadevī́ /

Verse: 2
Halfverse: a    vaiśvadevī́ punatī́ devy ā[gād yasyām imā bahvyas ta]nvò vītápr̥ṣṭʰāḥ /
Halfverse: b    táyā mádantas sadʰamā́dʰyeṣu vayáṃ syāma pátayo rayīṇā́m /
Halfverse: c    prá tu drava pári kóśan ni ṣīda // 17 //

Hymn: 12

Verse: 1
Halfverse: a    yátra lókyās tanutyájāś śraddʰáyā tápasā jitā́ḥ /
Halfverse: b    téjaś ca yátra bráhma ca tátra mā́m amŕ̥taṅ kr̥dʰī́ndrāyendo pári srava /

Verse: 2
Halfverse: a    yátra dévā mahātmánas séndras samarúdgaṇāḥ /
Halfverse: b    brahmā́ ca yátra víṣṇuś ca tátra mā́m amŕ̥taṅ kr̥dʰī́ndrāyendo pári srava /

Verse: 3
Halfverse: a    yátra tát paramáṃ padáṃ víṣṇor loké mahīyáte /
Halfverse: b    devaís sukŕ̥takarmabʰis tátra mā́m amŕ̥taṅ kr̥dʰī́ndrāyendo pári srava /

Hymn: 13

Verse: 1
Halfverse: a    sasrúṣīs tád apáso dívā náktaṃ ca sasrúṣīḥ /
Halfverse: b    váreṇyakratur ahám ā́ devī́r ávasā huve /
Halfverse: c    ó cit sákʰāyam̐ sakʰyā́ vavr̥tyām // 19 //

Hymn: 14

Verse: 1
Halfverse: a    éhindra vasumátā rátʰena sākám̐ sómam apiban mádāya /
Halfverse: b    hr̥tsú pītvā́ mándasān[o] marúdbʰis stīrṇáṃ yyāhi vr̥ttrahátyāya vajrī́ /
Halfverse: c    índra sómam imám piba // 20 //

Hymn: 15

Verse: 1
Halfverse: a    máma vraté hŕ̥dayan te dadʰāmi máma citám ánu cittán te astu /
Halfverse: b    máma vācám ekavratā́ jusasva br̥haspátis tvā ní yunaktu máhyam /

Verse: 2
Halfverse: a    dʰātā́ tvā máhyam adadan máhyam dʰātā́ dadʰātu tvā /
Halfverse: b    prá dʰātā́ tvā máhyaṃ prā́ yaccʰan máhyaṃ tvānúmatir dadau /

Verse: 3
Halfverse: a    anúmaténu manyasva svā́numaténu manyasva /
Halfverse: b    máhyam enam̐ sám ā kuru vā́cā cákṣuṣā mánasā máyi sáṃyyatam /

Verse: 4
Halfverse: a    ā́ harayat te hŕ̥dayan tád astu hŕ̥dayaṃ máma /
Halfverse: b    átʰo yán máma hŕ̥dayaṃ tád astu hŕ̥dayaṃ táva /

Verse: 5
Halfverse: a    hŕ̥dayena hŕ̥dayaṃ prāṇéna prāṇám agr̥bʰam /
Halfverse: b    gr̥bʰṇā́mi cákṣuṣā cákṣur gr̥bʰṇā́mi mánasā mánaḥ // 21 //

Verse: 6
Halfverse: a    ā́kūtaṃ cittáṃ cákṣuś śrótram átʰo bálam /
Halfverse: b    śríyaṃ yā́ṃ devā́ jagmus táyā badʰnāmi te mánaḥ /

Verse: 7
Halfverse: a    ánnamayena maṇinā prāṇásūtreṇa pŕ̥śninā /
Halfverse: b    badʰnā́mi sátyagrantʰínā hŕ̥dayaṃ ca mánaś ca te /

Verse: 8
Halfverse: a    āvártanaṃ nivártanaṃ máyā saṃvvánanaṃ táva /
Halfverse: b    indrāgnī́ aśvínobʰā́ tváṣṭā dʰātā́ ca cakrátuḥ /

Verse: 9
Halfverse: a    yéna citténa vádasi yéna tvānyóbʰi dā́sati /
Halfverse: b    sárvaṃ tád agna ā́ bʰara máhyaṃ dāsā́ya rā́dʰyaḥ /

Verse: 10
Halfverse: a    ánuvanam̐ súvanam údvanaṃ vvánam /
Halfverse: b    gʰarmásya paśya rūpā́ṇi téna badʰnāmi te mánaḥ // 22 //

Verse: 11
Halfverse: a    sám mā viśantu paśávas sám mā viśantv óṣadʰīḥ /
Halfverse: b    sám mā viśantu rā́jāno yátʰāháṅ kāmaye tátʰā /

Verse: 12
Halfverse: a    antaráṃ ca nédīyaś ca máno devā́ upā́sate /
Halfverse: b    anantaróháṃ túbʰyaṃ bʰūyāsam̐ hŕ̥dayam me bʰūyāsam anantarám /

Verse: 13
Halfverse: a    sabʰā́ sam āsāv itúś cāvatām ubʰé prajā́pater duhitārau sácetasau /
Halfverse: b    sáṅgatʰéṣu páde cāru námo vaiśvānarā́ya adʰ[i] /

Verse: 14
Halfverse: a    [.........] ya pádena ta ā́ te prāṇā́n sam ā́ dade /
Halfverse: b    átʰo etát sam ā́ dade yád anyéṣu jáneṣu ca /

Verse: 15
Halfverse: a    ahán te cákṣuṣā cákṣur ahán te mánasā mánaḥ /
Halfverse: b    aháṃ gandʰárvarūpeṇa sána ā́ vartayāmi te // 23 //

Verse: 16
Halfverse: a    hatácitto hatámáno ható anyéṣu te mánaḥ /
Halfverse: b    sarvéṣu kŕ̥ṣṇakeśeṣu ható anyéṣu te mánaḥ /

Verse: 17
Halfverse: a    sárvāsu śúddʰadantīṣu ható anyā́su te mánaḥ /
Halfverse: b    mā́ṃ caivá paśya sū́ryaṃ ca mā tŕ̥tīyaṃ kádā caná /

Verse: 18
Halfverse: a    smr̥tír asi kāmasañjánanī máyi te kā́mo astu /
Halfverse: b    yát te máno váreṇyam̐ llokéṣu báhudʰā kr̥tám /

Verse: 19
Halfverse: a    samudrám iva sarítas sárvan tvā́nuvartayāmasi /
Halfverse: b    ā́ dīpayāmi te hŕ̥dayam agnā́ me vá prá dīpayāmasi /

Verse: 20
Halfverse: a    eṣá te hŕ̥dayeṅgāró dīptás te asmi dáhyase /
Halfverse: b    mayā́ te dáhyamānasyāgnír dāṃséna na tr̥pyatu bʰū́mir dām̐séna tr̥pyatu // 24 //

Verse: 21
Halfverse: a    cíttaṃ ca te mánaś ca te máyi dʰātā́ ní yaccʰatu /
Halfverse: b    máyi te cíttam ā́yattam mánas te máyi samáśnute /

Verse: 22
Halfverse: a    ā́vr̥tās te máyā prā[
Halfverse: b

Verse: 23
Halfverse: a
Halfverse: b

Verse: 24
Halfverse: a
Halfverse: b

Verse: 25
Halfverse: a
Halfverse: b

Verse: 26
Halfverse: a    naṣṭán te kr̥pam any[a]smin máyi te ramatām mánaḥ /
Halfverse: b    anu [ ] mánaḥ /

Verse: 27
Halfverse: a    cákṣuś śrótraṃ cā́dʰītaṃ ca sárvan te ahám ā́ dade /
Halfverse: b    hŕ̥dya ŕ̥ṣir ajāyata de [ ] /

Verse: 28
Halfverse: a    tád evaiṣv adadʰur hŕ̥dayeṣv ártʰadarśinam /
Halfverse: b    sárvajñam̐ sárvadarśinam̐ sá naẖ kármāṇi sādʰáya /

Verse: 29
Halfverse: a    yé [ ] st[a]va jātavedaḫ práviṣṭā agnír durhŕ̥dayasya kárma /
Halfverse: b    téṣām ahám bʰāgadʰéyaṃ juhomi tā́m mā devā́s sárvai[h] kām[ai]s tarpayantām /

Verse: 30
Halfverse: a    bʰŕ̥gūṇām áṅgirasāṃ tápaso gr̥ṇá saṃyyátam /
Halfverse: b    kuśikā́bʰyávarāṇāṃ ca mána ā́ vartayāmi te /

Verse: 31
Halfverse: a    yát te máno váreṇyam̐ llokéṣu báhudʰā kr̥tám /
Halfverse: b    tát ta ā́ vartayāmasy adʰríś cāháś ca brāhmaṇáḥ /

Verse: 32
Halfverse: a    yát kákṣīvān saṃvvánanaṃ putró áṅgirasām ávet /
Halfverse: b    téna nodya víśve devā́s sám priyā́m̐ sám avīvanan // 26 //

Hymn: 16

Verse: 1
Halfverse: a    uttúdainaṃ gr̥hápate jñātébʰyaś śayanā́d ádʰi /
Halfverse: b    grīvā́ gr̥hītvót tiṣṭʰa pādáto na viveśaya /

Verse: 2
Halfverse: a    út kʰā́d udantu marúta út samudrā́m áto dádʰi /
Halfverse: b    krátvāyám agnír dahatu krátvā tapatu sū́ryaḥ /

Verse: 3
Halfverse: a    kāmaśayyā́rtʰebʰitaptā́ṃ yyátʰā stríyam̐ śoṣayasi /
Halfverse: b    evám̐ śoṣáya no rā́tīr dívā n[a]ktaṃ daśasyatam /

Verse: 4
Halfverse: a    imā́m me mittrā́váruṇau kr̥dʰí citténa vy asyatām /
Halfverse: b    datvā́ pītvā́grataẖ kr̥tvā́ yátʰāsyā́ṃ devaśo váśe /

Verse: 5
Halfverse: a    párān kr̥ṇuṣva dāsā́n dévīváśān anvavā́yinaḥ /
Halfverse: b    adʰiṣṭʰā́ya padā́ mūrdʰni sānváyāñ cʰāśvatī́s samā // 27 //

Verse: 6
Halfverse: a    r̥túbʰiṣ ávārtavébʰir ā́yuṣā sahá várcasā /
Halfverse: b    saṃvatsarásya téjasā téna mā sahá śundʰata /

Verse: 7
Halfverse: a    anéna bráhmaṇāgne tvám ayáṃ cendro ná īḍitaḥ /
Halfverse: b    sam̐rā́jaṃ cā́dʰipatyaṃ ca svānāṅ kr̥ṇu tam úttamam /

Verse: 8
Halfverse: a    ágne ní jahi sám̐hitān iṣū́n marmaṇi mármaṇi /
Halfverse: b    *kʰādíram̐ hr̥di śaṅkún no dviṣáto na vivéśaya /

Verse: 9
Halfverse: a    satyenottabʰitā bʰū́miḥ // 28 //

Hymn: 17

Verse: _
Halfverse: a    dʰrúvaidʰi póṣyā máyi máhyan tvādād bŕ̥haspátiḥ /
Halfverse: b    máyā pátyā prajā́vatī sáñ śarádaś śatám /
Halfverse: c    ví hí sótor ásr̥kṣata // 29 //

Verse: 1
Halfverse: a    avidʰavā́ bʰava várṣāṇi śatáṃ sāgraṃ tu súvratā /
Halfverse: b    tejásvī ca yaśásvī ca dʰarmápatnī patívratā /

Verse: 2
Halfverse: a    janáyad bahupútrāṇi mā́ ca duḥkʰáṃ labʰét kvacit /
Halfverse: b    bʰartā́ te sómapā nityáṃ bʰavéd dʰarmaparā́yaṇaḥ /

Verse: 3
Halfverse: a    aṣṭaputrā́ bʰava tvaṃ ca subʰágā ca patívratā /
Halfverse: b    bʰartúś caivá pitur bʰrātúr hr̥dáyānandinī sádā /

Verse: 4
Halfverse: a    índrasya tú yatʰendrāṇī́ śrīdʰárasya yatʰā́ śriyā́ /
Halfverse: b    śaṃkárasya yatʰā gaúrī tad bʰártur api bʰártari /

Verse: 5
Halfverse: a    átrer yatʰā́nusūyā syād vasíṣṭʰasyāpy arúndʰatī /
Halfverse: b    kauśikasya yatʰā sátī tatʰā́ tvam api bʰártari /

Hymn: 18

Verse: 1
Halfverse: a    éka evā́gnir bahudʰā́ sámiddʰa ékas sū́ryo víśvam ánu prábʰūtam /
Halfverse: b    ékaivóṣā́s sárvam idáṃ vví bʰāty ékaivā́ idáṃ vví babʰūva sárvam /

Verse: 2
Halfverse: a    yám r̥tvíjo bahudʰā́ kalpáyantas sácetaso yajñám imáṃ vváhanti /
Halfverse: b    yó anūcānó brāhmaṇó yuktá āste kā́ svit tátra yájamānasya saṃvvít /
Halfverse: c    yāvanmātrám uṣáso ná prátīkam // 30 //

Hymn: 19

Verse: 1
Halfverse: a    úd apaptama vasatér váyo yatʰā́ riṇantv ā bʰr̥gavo mányamānāḥ /
Halfverse: b    púrūravaḫ púnar ástam párehi yāme máno devajanā́ áyāt svaḥ /
Halfverse: c    prá te mahé vidátʰe śam̐siṣam̐ hárī // 31 //

Hymn: 20

Verse: _
Halfverse: a    yád [ ] yád ákr̥taṃ yád énaś cakr̥mā́ vayám /
Halfverse: b    óṣadʰayas tásmāt pāntu duritā́d énasas pári /
Halfverse: c    bŕ̥haspate práti me devátām ihi // 32 //

Hymn: 21

Verse: 1
Halfverse: a    asaú yā́ sénā marutaḫ páreṣām abʰyaíti na ójasā spárdʰamānā /
Halfverse: b    tā́ṃ gūhata támasā́pavratena yátʰāmī́ṣām anyó anyán ná jā́nāt /

Verse: 2
Halfverse: a    andʰā́ amítrā bʰavatāśīrṣā́ṇoháya iva /
Halfverse: b    téṣāṃ vo agnídagdʰānām índro hantu váraṃvaram // 33 //

Hymn: 22

Verse: 1
Halfverse: a    bráhma jajñā́naṃ pratʰamáṃ purástāt ví sīmatás surúco vená āvaḥ /
Halfverse: b    sá budʰnyā̀ upamā́ asya viṣṭʰā́s satáś ca yónim ásataś ca ví vaḥ /

Verse: 2
Halfverse: a    iyám pitré rā́ṣṭry ety ágre pratʰamā́ya janúṣe bʰū́maneṣṭʰā́ḥ /
Halfverse: b    tásmā etám̐ surúcaṃ hvārámahyaṃ gʰarmám̐ śrīṇanti pratʰamā́ya dʰāséḥ /

Verse: 3
Halfverse: a    mahā́n mahī́ ástabʰāyad víjāto dyā́ṃ pitā́ sádma pā́rtʰivaṃ ca rájaḥ /
Halfverse: b    sá budʰnyā́d āṣṭa janúṣābʰy u3grám bŕ̥haspátir devátā tásya samrā́ṭ /

Verse: 4A
Halfverse: a    abʰí tyáṃ devám̐ savitā́ram oṇyòẖ kavíkratum
Halfverse: b    ūrdʰvā́ yásyāmátir bʰā́ ádidyutat sávīmani
Verse: 4B
Halfverse: a    árcāmi satyásavam̐ ratnadʰā́m abʰí priyáṃ matíṃ kavím /
Halfverse: b    híraṇyapāṇir amimīta sukrátuẖ kr̥pā́ svàḥ // 34 //

Verse: 5
Halfverse: a    tā́ sū́ryācandramásā [g]ātuvíttamā mahát téjo vásumad bʰrā́jato diví /
Halfverse: b    sā́mātmánā cáratas sāmacāríṇā yáyor vratáṃ na vasé jā́tu deváyoḥ /

Verse: 6
Halfverse: a    [ubʰā́v ántau pári yāta ármyā divó ná raśmī́m̐s tanutó vy arṇavé /
Halfverse: b    ubʰā́ bʰuvantī́ bʰúvanā kavíkratū sū́ryā ná candrā́ carato hatā́matī /

Verse: 7
Halfverse: a    pátī dyumád viśvavídā ubʰā́ divás sū́ryā ubʰā́ candrámasā vicakṣaṇā́ /
Halfverse: b    viśvávārā varivobʰā́ váreṇyā tā́] no[vataṃ] matimántā máhivratā /

Verse: 8
Halfverse: a    víśvaváparī pratá[raṇā tarantā́ suvarvídā dr̥śáye bʰū́riraśmī /
Halfverse: b    sū́ryā hí candrā́ vásu tve]ṣádarśatā manasvínobʰā́nu carató nu sán dívam // 35 //

Verse: 9
Halfverse: a    asyá śráv[o] n[ad]y[às] s[aptá bíbʰrati dyā́vā kṣā́mā pr̥tʰivī́ da]rśatáṃ vápuḥ /
Halfverse: b    asmé sūryācandramásābʰicákṣe śraddʰé kám indra carato vitarturám /

Verse: 10
Halfverse: a    pūrv[ā]par[áṃ] c[arato māyáyaitaú śíśū krī́]ḍantau pári yāto adʰvarám /
Halfverse: b    víśvāny anyó bʰúvanābʰicáṣṭa r̥tū́m̐r anyó vidádʰaj jāyate púnaḥ /
Halfverse: c    ásāvi sómaḫ pu[ruhūta tú]bʰyam // 36 //

Hymn: col.
Halfverse: 1 ity r̥gvede kʰile tr̥tīyodʰyāyaḥ
Halfverse: 2 oṃ namo viṣṇave

Adhyaya: 4
Hymn: anuk.
Halfverse: 1 oṃ ā yasminn ekānuṣṭubʰam 1) tu tad ā rātri catuṣkam ādyā br̥haty arvāṃcam ekā triṣṭum namas te catuṣkam aśmākʰāno vaidyutam antye triṣṭubʰau yāṃ catvārim̐śat prtayaṅ 2) kr̥tyānāśanam āśīḫ pāṅkty antam āyuṣyaṃ daśa dākṣāyaṇāyaikarcās sanakas sanākas sanātanas sanandanas sahasaṃjñās sumas suśrīs suvāk sarvo hiraṇyātmastutiḫ pañcamy aṣṭamīnavamyau [triṣṭubʰas sap] 3) tamī śakvarī bʰūmis sapta prājāpatyā lākṣā lākṣāstavo medʰā nava medʰā mānavī madʰāvī caturtʰ[yā]dir mahābr̥hatī paṅktir virāḍjagatī 4) gāyatrī triṣṭub ā sūs saptātʰarvaṇas subʰeṣaja āgneyaḫ prakr̥tīẖ kr̥tir ākr̥tir vikr̥tis saṅkr̥tir abʰikr̥tir *utkr̥tir 5) venas tr̥caṃ veno bʰāvavr̥ttaṃ tu yena saptonā mānavaś śivasaṅkalpo mānasaṃ yāsāṃ dve anuṣṭup paṅktī nejameṣa tr̥caṃ prājāpatyo nejameṣonīkavantam ekā

Hymn: 1
oṃ

Verse: 1
Halfverse: a    ā́ yásmin devávītaye putrā́so yantu saṃyyátaḥ /
Halfverse: b    ánādʰr̥ṣṭaṃ vipanyáyā práti śrutā́ya vo dʰr̥ṣát /
Halfverse: c    aháṃ rudrébʰir vásubʰiś carāmi // 1 //

Hymn: 2

Verse: 1
Halfverse: a    ā́ rātri pā́rtʰivam̐ rájaḫ pitúr aprāyi dʰā́mabʰiḥ /
Halfverse: b    divás sádām̐si br̥hatī́ ví tiṣṭʰasa ā́ tveṣáṃ vartate támaḥ /

Verse: 2
Halfverse: a    yé te rātri nr̥cákṣaso yuktā́so navatír náva /
Halfverse: b    aśītís santv áṣṭā utó te saptá saptatíḥ /

Verse: 3
Halfverse: a    rā́trīṃ prá padye janánīm̐ sarvábʰūtanivéśanīm /
Halfverse: b    bʰradrā́ṃ bʰagávatīṃ kr̥ṣṇā́ṃ vviśvásya jagató niśām /

Verse: 4
Halfverse: a    saṃvveśanī́m̐ saṃyamanī́ṃ grahánakṣatramā́linīm /
Halfverse: b    prápannohám̐ śivām̐ rātrī́ṃ bʰadré pārám aśī́mahi /
Halfverse: c    mámāgne várco vihavéṣv astu // 2 //

Verse: 5
Halfverse: a    stoṣyāmi práyato devī́ṃ śaráṇyām bahvr̥cápriyām /
Halfverse: b    sahasrasáṃmitāṃ durgāṃ jātávedase sunavāma sómam /

Verse: 6
Halfverse: a    śāṃtyartʰaṃ taddvijātī́nām r̥ṣibʰiḥ samupā́śritāḥ /
Halfverse: b    ŕ̥gvede tvaṃ samutpannā́rātīyato ní dahāti védaḥ /

Verse: 7
Halfverse: a    yé tvāṃ devi prapádyanti brāhmaṇā havyavā́hanīm /
Halfverse: b    avidyā báhuvidyā vā sá naḥ parṣád ati durgā́ṇi viśvā /

Verse: 8
Halfverse: a    yé agnivarṇā́ṃ śubʰāṃ saumyāṃ kīrtáyiṣyaṃti yé dvijāḥ /
Halfverse: b    tāṃ tārayati dúrgāṇi navéva síṃdʰuṃ duritāty agníḥ /

Verse: 9
Halfverse: a    durgeṣu viṣame gʰóre saṃgrāme ripusáṃkaṭe /
Halfverse: b    ágnicoránipāteṣu duṣṭágrahanivā́raṇe duṣṭágrahanivā́raṇy óṃ námaḥ /

Verse: 10
Halfverse: a    durgeṣu viṣameṣú tvaṃ saṃgrā́meṣu vanéṣu ca /
Halfverse: b    mohayitvā́ prapadyaṃte teṣāṃ me abʰayáṃ kuru teṣā́m me abʰayáṃ kurv óṃ námaḥ /

Verse: 11
Halfverse: a    keśinī́ṃ sárvabʰūtā́nāṃ paṃcámīti ca nā́ma ca /
Halfverse: b    sā māṃ samāṃ díśāṃ devī sarvátaḥ parirákṣatu sarvátaḥ parirákṣatu óṃ námaḥ /

Verse: 12
Halfverse: a    tā́m agnívarṇāṃ tápasā jvalaṃtī́ṃ vairocanī́ṃ karmapʰaléṣu júṣṭām /
Halfverse: b    durgā́ṃ devī́ṃ śáraṇam aháṃ prá padye sutárasi tarase námaḥ sutárasi tarase námaḥ /

Verse: 13
Halfverse: a    dúrgā durgéṣu stʰāneṣú śaṃ nó devīr abʰíṣṭaye /
Halfverse: b    yá imáṃ durgā́stavaṃ puṇyáṃ rātraú rātrau sadā́ paṭʰet /

Verse: 14
Halfverse: a    rā́triḥ kúśikaḥ saubʰáro rātrir vā́ bʰāradvājī́ rātristávaṃ gāyatram /
Halfverse: b    rā́trīsūktáṃ japen nityáṃ tatkā́la upapádyate //

Hymn: 3

Verse: 1
Halfverse: a arvā́ñcam índram a[m]úto havāmahe yó gojíd dʰanajíd aśvajíd yáḥ /
Halfverse: b imán no yajñáṃ vvihavé juṣasvehá kúrmo harivo vedínan tvā // 3 //

Hymn: 4

Verse: 1
Halfverse: a    námas te astu vidyúte námas te stanayitnáve /
Halfverse: b    námas te astv áśmane yó mā dūṇā́śo ásyasi /

Verse: 2
Halfverse: a    námas te pravato nápād yáttas tápas samū́hasi /
Halfverse: b    mr̥ḍáyā nas tanúbʰyóbʰayan naḫ paśúbʰyaḥ /

Verse: 3
Halfverse: a    právato nápān náma evā́stu túbʰyam námas te hetáye tápuṣe ca kr̥ṇ[maḥ] /
Halfverse: b    vidmā́ te nā́ma paramáṅ gúhā yát samudré antár níhitāpi nā́si /

Verse: 4
Halfverse: a    yā́n tvā devā́ ájaniṣṭa dʰíṣva dʰíyaṃ kr̥ṇvānā́ ásanāya vā́yam /
Halfverse: b    sā́ no mr̥ḍa vidátʰe gr̥ṇānā́ tásyai te námo astu devi // 4 //

Hymn: 5

Verse: 1
Halfverse: a    yā́ṅ kalpáyanti noráyaẖ krūrā́ṃ kr̥tyā́ṃ vvadʰū́m iva /
Halfverse: b    tā́m bráhmaṇā pári nijmaḫ pratyák kartā́ram r̥ccʰatu /

Verse: 2
Halfverse: a    śīrṣaṇvatī́ṃ karṇavatī́ṃ vvíśvarūpāṃ bʰayáṅkarīm /
Halfverse: b    yáḫ prā́ hiṇómi hādyá tvā ví tát tváṃ yojayāśubʰi /

Verse: 3
Halfverse: a    yéna citténa vádasi prátikūlam agʰāyūni /
Halfverse: b    tám eváṃ te ní kr̥tye ha mā́smām̐ r̥ṣyo ánāgasaḥ /

Verse: 4
Halfverse: a    abʰí vartasva kartā́ra[ṃ] nírastāsmā́bʰir ójasā /
Halfverse: b    ā́yur asya ní vartasva p[r]ajā́ṃ ca puruṣā́dini /

Verse: 5
Halfverse: a    yás tvā kr̥tye cakārehá tán tváṃ gaccʰa punarnave /
Halfverse: b    árātīẖ kr̥tyān nāśaya sárvāś ca yātudʰānyàḥ // 5 //

Verse: 6
Halfverse: a    kṣípraṃ kr̥tye ní vartasva kartúr evá gr̥hā́n práti /
Halfverse: b    paśū́m̐ś cā́vāsya nāśaya vīrā́m̐ś cāsya ní bārhaya /

Verse: 7
Halfverse: a    yás tvā kr̥tye prá jigā[ti ....
Halfverse: b    [ ]

Verse: 10
Halfverse: a    [yás te párūṃṣi sandadʰáu rástʰasyeva r̥]bʰúr dʰiyā́ /
Halfverse: b    táṃ gr̥ccʰa tátra t[e] jánam[ájñātas te]yá[ṃ jánaḥ] [//6.]

Verse: 11
Halfverse: a    [... ] kaścid vā ny abʰi him̐sati /
Halfverse: b    tásya tváṃ dror iveddʰognís tanúḫ pr̥ccʰasva heḍitaḥ /

Verse: 12
Halfverse: a    bʰ [... ] sy[a] t[e] pāpakŕ̥tvane /
Halfverse: b    hárasvatīs tváṃ ca kr̥tye nóc cʰiṣas tásya kiñcaná /

Verse: 13
Halfverse: a    yé no śivā́saḫ pántʰānaḫ pa[rā]yānti parā́vatam /
Halfverse: b    taír devyárātīẖ kr̥tyā́ no gamáyasvā́ ní vartaya /

Verse: 14
Halfverse: a    yó naẖ káścid druhórātir mánasāpy ábʰi dā́sati /
Halfverse: b    dū́rastʰo vāntikastʰó vā tásya hr̥dyám ásr̥k piba /

Verse: 15
Halfverse: a    yénāsi kr̥tye práhitā dūḍʰyénāsmajjigʰā́m̐sayā /
Halfverse: b    tásya vyanác cā́vyanac ca hinástu śaradā́śaniḥ // 7 //

Verse: 16
Halfverse: a    yády u vaíṣi dvipády asmā́n yádi vaiṣi cátuṣpadī /
Halfverse: b    *nírastā́to 'vratā́smā́bʰi[h] kartúr aṣṭā́padī gr̥hám /

Verse: 17
Halfverse: a    yó naś śápād áśapato yáś ca naś śápataś śápāt /
Halfverse: b    vr̥kṣá iva vidyútā hatá ā́ mūlā́d anuśúṣya[tu] /

Verse: 18
Halfverse: a    yáṃ dviṣmó yáś ca no dvéṣṭy agʰā́yur yáś ca naś śápāt /
Halfverse: b    śúne péṣṭram ivā́vakṣā́maṃ táṃ práty asyāmi mr̥tyáve /

Verse: 19
Halfverse: a    yáś ca sāpatnáś śapá[tʰo] yás ca jāmyā́ś śapátʰaḥ /
Halfverse: b    brahmā́ ca yát kruddʰáś śapāt sárvaṃ tát kr̥dʰy adʰaspadám /

Verse: 20
Halfverse: a    sábandʰuś cā́sabandʰuś ca yó [asmā́m̐ abʰi]dā́sati /
Halfverse: b    tásya tvám bʰindʰy adʰiṣṭʰāya padā́ viṣpūryate śíraḥ // 8 //

Verse: 21
Halfverse: a    abʰí prehi [sa]hasrākṣáṃ yyuktvā́śu[m̐ śapa]tʰa rátʰ[am] /
Halfverse: b    śátrūm̐r anvíccʰatī kr̥tye vŕ̥kīvā́vivr̥to gr̥hā́n /

Verse: 22
Halfverse: a    pári ṇo vr̥ṅdʰi śapátʰān dáhann agnír iva vrajám /
Halfverse: b    śátrūm̐r evā́ vi no jahi divyā́ vr̥kṣám ivāśániḥ /

Verse: 23
Halfverse: a    śátrūn me proṣṭa śapátʰān kr̥tyā́ś ca súhr̥do *hŕ̥dyāḥ /
Halfverse: b    jihmā́ś ślakṣṇā́ś ca dúrhr̥das sámiddʰaṃ jātávedasam /

Verse: 24
Halfverse: a    asapatnáṃ purástān naś śiváṃ dakṣiṇatás kr̥dʰi /
Halfverse: b    ábʰayam̐ sátataṃ paścā́d bʰadrám uttarató gr̥hé /

Verse: 25
Halfverse: a    párehi kr̥tye mā́ tiṣṭʰa vr̥ddʰásyeva padán naya /
Halfverse: b    mr̥gásya hi mŕ̥gāris tváṃ rán tvan níkartum arhasi // 9 //

Verse: 26
Halfverse: a    agʰnyā́sye gʰórarūpe várarūpe vínāśani /
Halfverse: b    jambʰitā́ḫ *prátyā gr̥bʰṇīṣva sváyamādāyā́dbʰutam /

Verse: 27
Halfverse: a    tvám indro yámo váruṇas tvám ā́po agnír atʰāniláḥ /
Halfverse: b    brahmā́ caivá rudráś ca tváṣṭā caiva prajā́patiḥ /

Verse: 28
Halfverse: a    āvártadʰvan nivártadʰvam r̥távaḫ parivátsarāḥ /
Halfverse: b    áhorātrā́ś cābdā́ś ca tván díśaḫ pradíśaś ca me /

Verse: 29
Halfverse: a    tvám indro yámo váruṇas tvám ā́po agnír atʰāniláḥ /
Halfverse: b    atyā́hr̥tya paṣū́n devā́n út pātayasvā́dbʰutam // 10 //

Verse: 30
Halfverse: a    ábʰyaktās tā́[s] svalaṅkr̥tās sárvan no duritáṃ jahi /
Halfverse: b    jānītʰā́ś caiva kr̥tyā́nāṃ kartr^̥́̄[n] nr^̥́̄n pāpacétasaḥ /

Verse: 31
Halfverse: a    yátʰā hánti pūrvāsínaṃ táyaivéṣvāśukr̥j jánaḥ /
Halfverse: b    tátʰā tváyā yujā́ vayáṃ tásya nikr̥ṇma stʰā́s tu jaṅga[ma]m /

Verse: 32
Halfverse: a    út tiṣṭʰaivá parehītó3gʰnyā́sye kím ihéccʰasi /
Halfverse: b    grīvā́s te kr̥tye padā́ cā́pi kartsyāmi nír drava /

Verse: 33
Halfverse: a    svāyasā́ santi nosáyo vidmaś caivá párūm̐ṣi te /
Halfverse: b    taí stʰa nikŕ̥ṇma stʰāny ugré yádi no jīvayásva īm /

Verse: 34
Halfverse: a    mā́syóc cʰiṣo dvipádaṃ móca kiñcíc cátuṣpadam /
Halfverse: b    mā́ jñātī́r ánujāsvanvā́ mā́ veśá[ṃ] prátiveśinā // 11 //

Verse: 35
Halfverse: a    śatrūyatā́ práhitām imā́ṃ yyénābʰi yátʰāyatʰā /
Halfverse: b    tátas tátʰā tvānudatu yó 'yám antár máyi śritáḥ /

Verse: 36
Halfverse: a    eváṃ tván níkr̥tāsmābʰír brahmáṇā devi sárvaśaḥ /
Halfverse: b    yátʰā tám ā́śritaṅ kartvā́ pā́padʰīr evá no jahi /

Verse: 37
Halfverse: a    yó nas svó áraṇo yáś ca níṣṭyo jígʰāṃsati /
Halfverse: b    devā́s tám̐ sárve dʰūrvantu bráhma várma mámā́ntaram /

Verse: 38
Halfverse: a    yátʰā vidyúddʰató vr̥kṣá ā́ mū́lād anuśuṣyáti /
Halfverse: b    evám̐ sá prati śuṣyatu yó me pāpáṃ cikī́rṣati /

Verse: 39
Halfverse: a    yátʰā prátihitā bʰūtvā́ tā́m evá práti dʰāvati /
Halfverse: b    pāpáṃ tám evá dʰāvatu yó me pāpáṃ cikī́rṣati /

Verse: 40
Halfverse: a    kuvī́ran te súkʰam̐ rudráṃ nándīmānaṃ vvimatʰa ha /
Halfverse: b    bráhma várma mámā́ntaram̐ śárma várma mámā́ntaraṃ gʰármavárma mámā́ntaram // 12 //

Hymn: 6

Verse: 1
Halfverse: a    āyúṣyaṃ [varcasyàṃ rāyáspóṣam aúbʰidam /
Halfverse: b    idám̐ híraṇyaṃ várcasvaj jaítrāyā́ viśatād u mā́m /

Verse: 2
Halfverse: a    uccaír vājí pr̥tanāṣā́ṭ sa]bʰāsāháṃ dʰanañjayám /
Halfverse: b    sárvās sámagrā ŕ̥ddʰayo híraṇye[smín] samā́hr̥tāḥ /

Verse: 3
Halfverse: a    śunám ahá[m̐] hir[aṇ]yasva[pit]ú[r] n[ā́]m[eva] jagrabʰa /
Halfverse: b    téna mā́m̐ sū́ryatvacam akaram puruṣapriyám /

Verse: 4
Halfverse: a    samrā́jaṃ ca virā́jaṃ cābʰiṣṭír yā́ ca me dʰruvā́ /
Halfverse: b    lakṣmī́ rāṣṭrásya yā́ múkʰe táyā mām indra sám̐ sr̥ja /

Verse: 5
Halfverse: a    agnéḫ prájātaṃ pári yád dʰíraṇyam amŕ̥taṃ jajñé ádʰi mártyeṣu /
Halfverse: b    yá enad véda sá íd enad arhati jarā́mr̥tyur bʰavati yó bibʰárti // 13 //

Verse: 6
Halfverse: a    yád véda rā́jā váruṇo yád u devī́ sárasvatī /
Halfverse: b    índro yád vr̥trahā́ veda tán me varcasa ā́yuṣe /

Verse: 7
Halfverse: a    ná tád rákṣām̐si ná piśācā́s táranti devā́nām ójaḫ pratʰamajám̐ hye3tát /
Halfverse: b    yó bibʰárti dākṣāyaṇā́híraṇyam̐ sá devéṣu kr̥ṇute dīrgʰám ā́yus sá manuṣyéṣu kr̥ṇute dīrgʰám ā́yuḥ /

Verse: 8
Halfverse: a    yad ā́badʰnan dākṣāyaṇā́ híraṇyam̐ śatā́nīkāya sumanasyámānāḥ /
Halfverse: b    tán ma ā́ badʰnāmi śataśāradāyā́yuṣmāṃ jarádaṣṭír yátʰā́sat /

Verse: 9
Halfverse: a    gʰr̥tā́d úlluptaṃ mádʰumat suvárṇam dʰanañjayáṃ dʰarúṇaṃ dʰārayiṣṇú /
Halfverse: b    r̥ṇák sapátnān ádʰarām̐ś ca kr̥ṇvád ā́ roha mā́ṃ mahaté saúbʰagāya /

Verse: 10
Halfverse: a    priyám mā kuru devéṣu priyám̐ rā́jasu mā kuru /
Halfverse: b    priyáṃ vviśvéṣu goptréṣu máyi dʰehi rucā́ rúcam /
Halfverse: c    nā́sad āsīn no sad āsīt // 14 //

Hymn: 7

Verse: 1
Halfverse: a    bʰū́mir mātā́ nábʰaḫ pitā́ryamā́ te pitāmaháḥ /
Halfverse: b    gʰr̥tā́cī nā́ma vā́ asi sā́ devā́nām ási svásā /

Verse: 2
Halfverse: a    yás tvā píbati jī́[vati] trā́yase púruṣan tvám /
Halfverse: b    *trā́triṇī śáśvatām asi śáśvatām̐ samyáñcanī /

Verse: 3
Halfverse: a    yád daṇḍéna yád íṣuṇā yád vā́rur hárasā kr̥tám /
Halfverse: b    tásya tvám asi níṣkr̥tis sā́nau níṣkītya óṣadʰīḥ /

Verse: 4
Halfverse: a    vr̥kṣáṃvr̥kṣam̐ sáṃ patasi vŕ̥ṣāyantīva kanyánā /
Halfverse: b    jáyantī pratyātíṣṭʰantī sañjeyā́ nā́ma vā́ asi /

Verse: 5
Halfverse: a    bʰadrā́t plakṣé nís tiṣṭʰāśvattʰé kʰadiré dʰavé /
Halfverse: b    bʰadrā́t parṇé nyagródʰe sā́ mā́m̐ rautsī́d arundʰatī́ /

Verse: 6
Halfverse: a    *áśvasyā́sr̥k saṃpatasi tát parṇám abʰi tiṣṭʰasi /
Halfverse: b    sarát pataty arṇasi sā́ mā́m̐ rautsīd arundʰatī́ /

Verse: 7
Halfverse: a    híraṇyaparṇe súbʰage sókṣme lómaśavakṣaṇé /
Halfverse: b    apā́m asi svásā lā́kṣe vā́to hātmā́ babʰūvá te /
Halfverse: c    táva tyá indra sakʰyéṣu váhnayáḥ // 15 //

Hymn: 7PS

Verse: 1
Halfverse: a    rātrī mātā nabʰaḫ pitāryamā te pitāmahaḥ /
Halfverse: b    śilādī nāma vāsi sā devānām asi svasā /

Verse: 2
Halfverse: a    yas tvā pibati jīvati trāyase puruṣaṃ tvaṃ /
Halfverse: b    dʰaratrī ca śaśvatām asi śaśvatāṃ nyanvaṃcanīṃ /

Verse: 3
Halfverse: a    yad aṇḍeṇa yad uṣṭā yad adur harasā kr̥taṃ /
Halfverse: b    tasya tvam asi bʰīṣajīṃ niẖkr̥tir nāma vāsī /

Verse: 4
Halfverse: a    bʰadrā prakṣeṇa tiṣṭʰasy aśvattʰe kʰadire dʰave /
Halfverse: b    bʰadrā nyagrodʰe parṇe mā nehy arundʰatī /

Verse: 5
Halfverse: a    vr̥kṣaṃ vr̥kṣaṃ ārohasi vr̥ṣaṇyantīva kanyalā /
Halfverse: b    jayantī pratyātiṣṭʰantī saṃjayā nāma vāsī /

Verse: 6
Halfverse: a    hiraṇyavarṇe yuvate śuṣme lomasamakṣaṇe /
Halfverse: b    apām asi svasā lākṣe vāto yat sā babʰūvyatʰe /

Verse: 7
Halfverse: a    hiraṇyabāhū subʰage sūryavarṇe vapuṣṭame /
Halfverse: b    r̥taṃ gaccʰasi niṣkr̥dʰi semaṃ niṣkr̥dʰi pauruṣaṃ /

Verse: 8
Halfverse: a    gʰr̥tācī nāma kānīno na babʰru pitā bʰava /
Halfverse: b    aśvo yamasye (!) śrāvas tāsya hāstnāsy ukṣata /

Verse: 9
Halfverse: a    aśvasyāstnas saṃpatitā sā parṇam abʰiśuṣyata /
Halfverse: b    sadā patatinn asi mā nehy arundʰatī /

Verse: 10
Halfverse: a    gʰr̥tācake vāmarate vidyutparṇe arundʰatī /
Halfverse: b    yā turaṅgamiṣṭāsi tvam aṃga niṣkarī yasī /

Verse: 11
Halfverse: a    yat te jagradʰam piśācais tat tārhāpy āyatāṃ punaḥ /
Halfverse: b    lākṣā yadvā víśvabʰeṣajīr devebʰis trāyatāṃ saha /

Hymn: 8

Verse: 1
Halfverse: a    médʰā[m] máhyam áṅgiraso médʰām̐ saptárṣayo daduḥ /
Halfverse: b    médʰām índraś cāgníś ca médʰān dʰātā́ dadʰātu me /

Verse: 2
Halfverse: a    médʰāṃ me váruṇo rājā́ médʰān devī́ sárasvatī /
Halfverse: b    médʰām me aśvínau devā́v ā́ dʰattaṃ púṣkarasrajā /

Verse: 3
Halfverse: a    yā́ médʰāpsarássu gandʰarvéṣu ca yán mánaḥ /
Halfverse: b    daívī yā́ mā́nuṣī médʰā sā́ mām ā́ viśatād ihá /

Verse: 4
Halfverse: a    yán menū́ktaṃ tád ramatām̐ śákeyaṃ yyád anubruvé /
Halfverse: b    níśāmitaṃ ní śāmaye máyi śrutám /
Halfverse: c    sahá vratena bʰūyāsaṃ bráhmaṇā sáṅ gamemahi /

Verse: 5
Halfverse: a    śárīram me vicakṣaṇa vā́ṅ me mádʰumad duhe /
Halfverse: b    ávr̥dʰam ahám asaú sū́ryo bráhmaṇa āṇī́s stʰa /
Halfverse: c    śrutám me mā́ prá hāsīḥ // 16 //

Verse: 6
Halfverse: a    médʰāṃ devī́ṃ mánasā réjamānāṃ gandʰarvájuṣṭāṃ práti no juṣasva /
Halfverse: b    máhyaṃ médʰāṃ vada máhyam̐ śríyaṃ vvada médʰāvī́ bʰūyāsam ajírācariṣṇúḥ /

Verse: 7
Halfverse: a    sádasaspátim ádbʰutaṃ priyám índrasya kā́myam /
Halfverse: b    saním médʰām ayāsiṣam /

Verse: 8
Halfverse: a    medʰā́vy ahám̐ sumánās suprátīkaś śraddʰā́manās satyámatis suśévaḥ /
Halfverse: b    mahāyaśā́ dʰārayíṣṇuḫ pravaktā́ bʰūyā́sam asyeśvaráyā prayogé /

Verse: 9
Halfverse: a    yā́ṃ médʰān devagaṇā́ḥ pitáraś cópāsate /
Halfverse: b    tayā mā́m adyá medʰayā́gne medʰāvínaṃ kuru // 17 //

Hymn: 9

Verse: 1
Halfverse: a    ā sū́r etu parāvátognír gr̥hapátis suprátīko vibʰā́vasur /
Halfverse: b    agnír jyótir nicā́yyaḫ pr̥tʰivyā́m ádʰy ā́bʰara /
Halfverse: c    yám āgátya vājy ádʰvānam̐ sárvā mŕ̥dʰo ví dʰūnute /
Halfverse: d    ākrámyā vājin pr̥tʰivī́m agním iccʰa rucā́ tvám /
Halfverse: e    sénāṃ jigāti suṣṭutím̐ sudī́dʰitir vibʰā́vasum //

Verse: 2
Halfverse: a    dʰruvám agnír no dūtó rodásī havyavā́ḍ devā́m̐ ā́ vakṣad adʰvaré /
Halfverse: b    vípro dūtáḫ páriṣkr̥to yákṣaś ca yajñíyaẖ kavíḥ /
Halfverse: c    apnavānav[ád] aurvavád bʰr̥guváj jamadagniva[d ................................ ]

Verse: 3
Halfverse: a    [yadi te mātrā] ..... [havya]vā́ḍ agnír no dūtó rodásī utóttaréṇa duhitā́ juhótā mádʰumattamam agnáye jātávedase /
Halfverse: b    prajā́ṃ me yáccʰa dvi[pa]da[ṃ] catúṣpadam agním *ahim̐santam aṅgirásvat /
Halfverse: c    úd astʰād ūrdʰvá īyate dyumánto dī́dyato br̥háccʰukrā́ś śócanto arcáyaḥ //

Verse: 4
Halfverse: a    máhiṣī vo agnír dʰūmáketur uṣarbudʰó vaiśvānará uṣásām ágram akʰyad áty akramīd draviṇodā́ vājy árvā́kas sú lokám̐ súkr̥taḫ pr̥tʰivyā́ṃ tátaẖ kʰanéma suprátīkam agníṃ vvaiśvānarám̐ svó rúhāṇā ádʰi nā́ke asmínn ádʰā poṣásva póṣeṇa púnar no naṣṭám ā́ kr̥dʰi púnar no rayím ā́ kr̥dʰi //

Verse: 5
Halfverse: a    ná vaí devā́n pī́varo sáṃyyatātmā rórūyamāṇaẖ kakúbʰām acodátégne ú mánya tvám agne vratabʰŕ̥c cʰúcir ágne devā́m̐ ihā́ vahópa yajñám̐ havíś ca naḥ /
Halfverse: b    vratā́ni bibʰrad vratapā́ ádabdʰo yájā no devā́m̐ ajáras suvī́raḥ /
Halfverse: c    dádʰad rátnāni sumŕ̥ḍīko ágne gopāya no jīváse jātavedaḥ //

Verse: 6
Halfverse: a    devó agnís svíṣṭakr̥t sudráviṇā mandráẖ kavís satyámanmāyajī́ hótā hotur hotur ā́yajīyān ágne yān devā́n áyāḍ yā́m̐ ápiprer yé te hotré ámatsata tā́m̐ sasanúṣīm̐ hótrān devaṅgamā́n diví devéṣu yajñám érayemám̐ svíṣṭakr̥c cāgnir hótā́bʰūd vásuváne vasudʰéyasya namovāké vīhi /

Verse: 7
Halfverse: a    sárvam vváhantu duṣkr̥tám agníṅ gīrbʰír havāmahe /
Halfverse: b    agníś śukréṇa śocíṣā br̥hát sū́ryo arocata diví sū́ryo árocata /
Halfverse: c    gʰr̥taír havyébʰir ā́hutaṃ dyumát sū́ryo ná rocan tegnaú hávyāni dʰattánāgnaú bráhmāṇi kévalā́gne br̥hántam adʰvaré /
Halfverse: d    saścáto dāśúṣo gr̥hám evā́ tvā́m agne sáhobʰir gīrbʰír vatsó avīvr̥dʰat //
Halfverse: e    śāsá ittʰā́ mahā́m̐si / 18 /

Hymn: 10

Verse: 1
Halfverse: a    venás tát paśyad bʰúvanasya vidvā́n yátra víśvaṃ bʰúvaty ékanī́ḍam /
Halfverse: b    idáṃ dʰenúr aduhaj jā́yamānā svarvídam abʰyanūṣata vrā́ḥ /

Verse: 2
Halfverse: a    prá tád voced amŕ̥tan nú vidvā́n gandʰarvó nā́ma níhitaṃ gúhā yát /
Halfverse: b    trī́ṇi padā́ni níhitā gúhāsya yás tā́ni véda sá pitúṣ pitā́sat /

Verse: 3
Halfverse: a    sató bándʰur janitā́ sá vidʰātā́ dʰā́māni veda bʰúvanāni víśvā /
Halfverse: b    yátra devā́ amŕ̥tam ānaśānā́s tr̥tī́ye dʰā́mann ábʰy aírayanta /
Halfverse: c    akṣī́bʰyān te nā́sikābʰyām // 19 //

Hymn: 10PS

Verse: 1
Halfverse: a    venas tat paśyanta paramaṃ padaṃ yatra viśvaṃ bʰavaty ekanaḍaṃ /
Halfverse: b    idaṃ dʰenur aduhaj jāyamānās svarvidobʰyanukti virāṭ /

Verse: 2
Halfverse: a    pr̥tʰag voced amr̥taṃ na vidvān gandʰarvo dʰāma paramaṃ guhā yat /
Halfverse: b    trīṇi padāni hatā guhāsu vas tāni veda sa pituṣ pitāsat /

Verse: 3
Halfverse: a    sa no bandʰur janitā sa vidʰantā dʰāmāni veda bʰuvanāni viśvā /
Halfverse: b    yatra devā amr̥tām ānaśānā samāne dʰāmann addʰīrayanta /

Verse: 4
Halfverse: a    pari viśvā bʰuvanāny āyam upācaṣṭe pratʰamajā r̥tasya /
Halfverse: b    vācasi vāktri bʰuvaneṣṭʰā dʰāsraṃ neṣaṇatveṣo agniḥ /

Verse: 5
Halfverse: a    pari dyāvāpr̥tʰi (!) sadyāyam r̥tasya tantuṃ vitataṃ dr̥keśaṃ /
Halfverse: b    devo devatvam abʰirakṣamāṇas samānaṃ bandʰuṃ vipariccʰade kaḥ //

Hymn: 11

Verse: 1
Halfverse: a    yénedám bʰūtáṃ bʰúvanaṃ bʰaviṣyát párigr̥hītam amŕ̥tena sárvam /
Halfverse: b    yéna yajñás tāyáte saptá hótā tán me mánaś śivásaṅkalpam astu /

Verse: 2
Halfverse: a    yéna kármāṇy apáso manīṣíṇo yajñé kr̥ṇvánti vidátʰeṣu dʰī́rāḥ /
Halfverse: b    yád apūrváṃ yyakṣám antáḫ prajā́nān tán me mánaś śivásaṅkalpam astu /

Verse: 3
Halfverse: a    yát prajñā́nam utá céto dʰŕ̥tiś ca yáj jyótir antár amŕ̥taṃ prajā́su /
Halfverse: b    yásmān ná r̥té kíñ caná kárma kriyáte tán me mánaś śivásaṅkalpam astu /

Verse: 4
Halfverse: a    yáj jā́grato dūrám udaíti daívaṃ tád u suptásya tátʰaivaíti /
Halfverse: b    dūraṅgamáṃ jyótiṣāṃ jyótir ékaṃ tán me mánaś śivásaṅkalpam astu /

Verse: 5
Halfverse: a    yásmin ŕ̥cas sā́ma yájūm̐ṣi yásmin prátiṣṭʰitā ratʰanābʰā́vivārā́ḥ /
Halfverse: b    yásmim̐ś cittám̐ sárvam ótam prajā́nān tán me mánaś śivásaṅkalpam astu /

Verse: 6
Halfverse: a    suṣāratʰír áśvān iva yán manuṣyā́n nenīyátebʰī́śubʰir vājína iva /
Halfverse: b    hr̥tprátiṣṭʰaṃ yyád ajiráñ jáviṣṭʰan tán me mánaś śivásaṅkalpam astu // 20 //

Verse: 7
Halfverse: a    yád átra ṣaṣṭʰáṃ triśatám̐ śarīráṃ yajṅásya [ ] hyan návanā́bʰam ā́dyam /
Halfverse: b    *dáśa pañcá trim̐śátam̐ yyát paráñ ca tán me mánaś śivásaṅkalpam astu /

Verse: 8
Halfverse: a    yé pañcapañcā́ daśatám̐ śatám̐ ca sahásraṃ ca niyútaṃ nyárbudaṃ ca /
Halfverse: b    té yajñacittéṣṭakāt tám̐ śárīraṃ tán [me mánaś śi]vá[saṅkalpam as]tu /

Verse: 9
Halfverse: a    [ved]āham [e]taṃ puruṣa[ṃ] ma[hān]tam ādityavarṇan ta[masa]ḫ parastā[t] /
Halfverse: b    [ ]u[ ] nt[ ] dʰī́rās tán me mánaś śivásaṅkalpam astu /

Verse: 10
Halfverse: a    yéna kármāṇi prácaranti dʰī́rā víprā vācā́ mánasā karma [ṇāca] /
Halfverse: b    saṃvvídam ánu sáṃ yyánti prāṇínas tán me mánaś śivásaṅkalpam astu /

Verse: 11
Halfverse: a    yé máno hŕ̥dayaṃ yyé ca devā́ yé antárikṣe bahudʰā́ cáranti /
Halfverse: b    yé śrotráṃ cakṣúṣī sáñcaranti tán me mánaś śivásaṅkalpam astu /

Verse: 12
Halfverse: a    yéna dyaúr ugrā́ pr̥tʰivī́ cāntárikṣaṃ yé párvatāḫ pradíśo díśaś ca /
Halfverse: b    yénedáñ jágaty ā́ptaṃ prajā́nān tán me mánaś śivásaṅkalpam astu /

Verse: 13
Halfverse: a    yénedáṃ sárvaṃ jágato babʰūvúr yé devā́ ápi maható jātávedāḥ /
Halfverse: b    tád *ivā́gnis tápaso jyotír ékan tan me mánaś śivásaṅkalpam astu /
Halfverse: c    túbʰyedám indra pári ṣicyate mádʰu // 21 //

Hymn: 12

Verse: 1
Halfverse: a    yā́sām ū́dʰaś cáturbilaṃ mádʰoḫ pūrṇáṃ gʰr̥tásya ca /
Halfverse: b    tā́ nas santu páyasvatīr báhvīr goṣṭʰé gʰr̥tā́cyaḥ /

Verse: 2
Halfverse: a    upamaítu mayobʰúvam ū́rjaṃ caújaś ca pípratīḥ /
Halfverse: b    dúhānā akṣitím páyo máma gotré niviśadʰvaṃ yátʰā bʰávāmy uttamáḥ /
Halfverse: c    vibʰrā́ḍ br̥hát pibatu somyám mádʰu // 22 //

Hymn: 13

Verse: 1
Halfverse: a    néjameṣa párā pata súputraḫ púnar ā́ pata /
Halfverse: b    asyaí me putrákāmāyai gárbʰam ā́ dʰehi yáḫ púmān /

Verse: 2
Halfverse: a    yátʰeyáṃ pr̥tʰivī́ máhy uttānā́ gárbʰam ā́ dadʰe /
Halfverse: b    eván táṃ gárbʰaṃ ā́ dʰehi daśamé māsí sū́tave /

Verse: 3
Halfverse: a    víṣṇoś śraíṣṭʰyena rūpéṇāsyā́n nā́ryāṅ gavīnyā́m /
Halfverse: b    púmām̐saṃ putrám ā́ dʰehi daśamé māsí sū́tave /
Halfverse: c    máhi trīṇā́m ávostu // 23 //

Hymn: 14

Verse: 1
Halfverse: a    ánīkavantam ūtáyegníṃ gīrbʰír havāmahe /
Halfverse: b    sá naḫ parṣad áti dvíṣaḥ /
Halfverse: c    prá ṇūnám jātávedasam // 24 //

Hymn: col.
Halfverse: 1 ity r̥gvede kʰile caturtʰodʰyāyaḥ
Halfverse: 2 oṃ namo viṣṇave

Adhyaya: 5
Hymn: anuk.
Halfverse: 1 oṃ saṃjñānaṃ pañca kaśyapas saṃjñānaś śaṃyyur uttamā sāśīś śakvarī 1) sarvatra nairhastyaṃ tr̥caṃ nirhastyasapatnagʰnaṃ senādaraṇam 2) ānuṣṭubʰaṃ br̥hatīmadʰyaṃ pra sapta kaśyapo jamadagnir uttamā 3) śaṃyyur ādyāgneyī gāyatrī dvitīyopottamāśīḫ pāṅktyaṃ tr̥tīyā akṣarastutis sānuṣṭup caturtʰī saumī pañcamī saurī vidā daśa pādāś ca pañca 4) viśvāmitra indro 5) vā prajāpatir aindraṃ pāvanam ānuṣṭubʰam purīṣapadāny āgneyavaiṣṇavaaindrapauṣṇadaivāni vairājāni dvitīyāpañcamyāv uṣṇihau 6) caturtʰī nyaṅkusāriṇī saptamī purastādbr̥hatī navamyantye paṅktī agnir 7) ekādaśa liṅgoktadevataṃ yajūṃṣi vāyus 8) sapta pra-ugeṇoktadaivatam 9) gāyatram̐ ṣaṣṭīśakvarī, yājuṣāṇi pañca hotā dvādaśa vasiṣṭʰo vā 10) praiṣasūktāny ādyam āpriyaṃ paraṃ liṅgoktadevatam aniruktam̐ svayajñoktadevatam anyat proktaṃ, ajaid 11) ekādaśa saptamīnavamyau triṣṭubʰau devam̐ hotāṣṭādaśa hotā dvādaśa idan tr̥caṃ vvasiṣṭʰavāmedavau kuntāpau dvibr̥hatyāv 12) anuṣṭubvacyasvarānuṣṭub 13) antam̐ rājñaś catuṣkam indraḫ paṅkty antaṃ yyaḫ 14) pañca yaṣ ṣaḍ yat pañca etā dvyūnaitaśo muniṣ ṣaṣṭyaṣṭamyāv uṣṇihāv antyā dvipadā yajūm̐ṣi vā catvāri vitatau ṣaḍ ānuṣṭubʰam ihettʰa catuṣkaṃ dvipadam 15) bʰug ekapādā 16) nicr̥d vīmenuṣṭub ādityāḫ panca jagatī triṣṭub upariṣṭādbr̥hatī purastʰādbr̥hatī 17) dvipadā yajur vā tvan tr̥cam ānuṣṭubʰan tu yad daśa hotr̥pratigaritros saṃvādo nākapr̥tsu jagaty 18) ādyā jagaty ādyā //

Hymn: 1
oṃ

Verse: 1
Halfverse: a    saṃjñā́nam uśánāvadat saṃjñā́naṃ vváruṇo vadat /
Halfverse: b    saṃjñā́nam índraś cāgníś ca saṃjñā́nam̐ savitā́ vadat /

Verse: 2
Halfverse: a    saṃjñā́nam nas svébʰyas saṃjñā́nam̐ áraṇebʰyaḥ /
Halfverse: b    saṃjñā́nam aśvínā yuvám ihā́smā́su ní yaccʰatām /

Verse: 3
Halfverse: a    yát kakṣī́vān saṃvvánaṃ putró áṅgirasām ávet /
Halfverse: b    téna nodya víśve devā́s sám priyā́m̐ sám avīvanan /

Verse: 4
Halfverse: a    sáṃ vvo mánā́m̐si jānatām̐ sám ā́kūtim manāmasi /
Halfverse: b    asaú yó vímanā jánas tám̐ samā́vartayāmasi /

Verse: 5
Halfverse: a    tac cʰaṃ[yyór ā́ vr̥ṇīma]he gātúṃ yajñāya gātúṃ yajñápataye daívī svastír astu nas svastír mā́nuṣebʰyaḥ /
Halfverse: b    ūrdʰváṃ jigātu [bʰeṣajám̐ śán] no astu dvipáde śáñ cátuṣpade // 1 //

Hymn: 2

Verse: 1
Halfverse: a    nairhástyam̐ senādáraṇaṃ pári vártmeva yád dʰavíḥ /
Halfverse: b    ténāmítrāṇ[āṃ bāhū́]n havíṣā śoṣayāmasi /

Verse: 2
Halfverse: a    pári vártmāny eṣām índraḫ pūṣā́ ca cakrátuḥ /
Halfverse: b    téṣāṃ vvo agnídagdʰānām agnígūḍʰānā[m índ]ro hantu váraṃvvaram /

Verse: 3
Halfverse: a    aíṣu nahyá viṣā́danam̐ hariṇásya dʰíyaṃ yyatʰā /
Halfverse: b    párāṅ amitrā́m̐ aiṣatv arvā́cī gaúr upéjatu // 2 //

Hymn: 3

Verse: 1
Halfverse: a    prā́dʰavarā́ṇāṃ pate vaso hótar váreṇyakrato /
Halfverse: b    túbʰyaṃ gāyatrám r̥cyáte /

Verse: 2
Halfverse: a    gókāmo ánnakāmaḫ prajā́kāmotá kaśyápaḥ /
Halfverse: b    bʰūtáṃ bʰaviṣyát prá stauti mahád bráhmaikam akṣáram bahú bráhmaikam akṣáram /

Verse: 3
Halfverse: a    yád akṣáraṃ bʰūtakŕ̥to víśve devā́ upā́sate /
Halfverse: b    mahaŕ̥ṣim asya goptā́raṃ jamádagnim akurvata /

Verse: 4
Halfverse: a    jamádagnir ā́ pyāyate cʰándobʰiś caturuttáraiḥ /
Halfverse: b    rā́jñas sómasya bʰakṣéṇa bráhmaṇā vīryávatām̐ śivā́ naḫ pradíśo diśaḥ /

Verse: 5
Halfverse: a    ajó yát téjo dádr̥śe śukráṃ jyótiḫ parogúhā /
Halfverse: b    tád r̥ṣiẖ káśyapa staúti satyáṃ bráhma carācaráṃ dʰruváṃ bráhma carācarám /

Verse: 6
Halfverse: a    tryāyuṣáṃ jamádagneẖ káśyapasya tryāyuṣám /
Halfverse: b    agástyasya tryāyuṣáṃ yád devā́nāṃ tryāyuṣáṃ tán no astu tryāyuṣám /

Verse: 7
Halfverse: a    tác cʰaṃyyór ā́ vr̥ṇīmahe gātúṃ yajñā́ya gātúṃ yajñápataye daívī svastír astu nas svastír mā́nuṣebʰyaḥ /
Halfverse: b    ūrdʰváṃ jigātu bʰeṣajám̐ śán no astu dvipáde śáñ cátuṣpade // 3 //

Hymn: 4

Verse: 1
Halfverse: a    vidā́ magʰavan vidā́ gātúm ánu śam̐siṣo díśaḥ /
Halfverse: b    śíkṣā śácīnāṃ pate pūrvīṇā́ṃ purūvaso /

Verse: 2
Halfverse: a    ābʰíṣ ávam abʰíṣṭibʰiḫ pracetana prá cetaya /
Halfverse: b    índra dyumnā́ya na iṣá evā́ hí śakráḥ /

Verse: 3
Halfverse: a    rāyé vā́jāya vajrivaś śáviṣṭʰa vajrin r̥ñjáse /
Halfverse: b    mám̐hiṣṭʰa vajrin r̥ñjása ā́ yāhi piba mátsva /

Verse: 4
Halfverse: a    vidā́ rāyé suvī́ryaṃ bʰúvo vā́jānāṃ pátir váśām̐ ánu /
Halfverse: b    mám̐hiṣṭʰa vajrin r̥ñjáse yáś śáviṣṭʰaś śū́rāṇām /

Verse: 5
Halfverse: a    yó mám̐hiṣṭʰo magʰónāṃ cikitvó abʰí no náya /
Halfverse: b    índro vide tám u stuṣe vaśī́ hi śakráḥ // 4 //

Verse: 6
Halfverse: a    tám ūtáye havāmahe jétāram áparājitam /
Halfverse: b    sá naḫ parṣad áti dvíṣaẖ krátuś cʰánda r̥táṃ br̥hat /

Verse: 7
Halfverse: a    índran dʰánasya sātáye havāmahe jétāram áparājitam /
Halfverse: b    sá naḫ parṣad áti dvíṣas sá naḫ parṣad áti srídʰaḥ /

Verse: 8
Halfverse: a    pū́rvasya yát te adrivas sumná ā́ dʰehi no vaso /
Halfverse: b    pūrtíś śaviṣṭʰa śáśvata ī́śe hí śakráḥ /

Verse: 9
Halfverse: a    nūnáṃ tán návyaṃ mányase prábʰo jánasya vr̥ttrahan /
Halfverse: b    sám anyéṣu bravāvahai śū́ro yó góṣu gaccʰati sákʰā suśévo advayāḥ // 5 //

Verse: 10
Halfverse: a    evā́ hy evaívā́ hy agnā́3ī́ / evā́ hy evaívā́ hi viṣṇā́3ú /
Halfverse: b    evā́ hy evaívā hīndra / evā́ hy evaívā hi pūṣan /
Halfverse: c    evā́ hy evaívā hi devāḥ /

Verse: 11
Halfverse: a    evā́ hí śakró vaśī́ hi śakró váśām̐ ánu /
Halfverse: b    ā́yo manyā́ya manyáva úpo manyā́ya manyáva úpehi viśvátʰa // 6 //

Hymn: 5

Verse: 1
Halfverse: a    agnir deveddʰaḥ /
Halfverse: b    agnir manviddʰaḥ /
Halfverse: c    agnis suṣamit /
Halfverse: d    hotā devavr̥taḥ /
Halfverse: e    hotā manuvr̥taḥ /
Halfverse: f    praṇīr yajñānām /
Halfverse: g    ratʰīr adʰvarāṇām /
Halfverse: h    atūrto hotā /
Halfverse: i    tūrṇir havyavāṭ /
Halfverse: j    ā devo devān vakṣat /
Halfverse: k    yakṣad agnir devo devān /
Halfverse: l    so adʰvarā karati jātavedāḥ // 7 //

Verse: 2
Halfverse: a    indro marutvān somasya pibatu /
Halfverse: b    marutstotro marudgaṇaḥ /
Halfverse: c    marutsakʰā marudvr̥dʰaḥ /
Halfverse: d    gʰnan vr̥ttrā sr̥jad apaḥ /
Halfverse: e    marutām ojasā saha /
Halfverse: f    ya īm enaṃ devā anvamadan /
Halfverse: g    aptūrye vr̥ttratūrye /
Halfverse: h    śambarahatye gaviṣṭʰau /
Halfverse: i    arcantaṃ guhyā padā /
Halfverse: j    paramasyāṃ parāvati /
Halfverse: k    ād īṃ brahmāṇi vardʰayan /
Halfverse: l    anādʰr̥ṣṭāny ojasā /
Halfverse: m    kr̥ṇvan devebʰyo duvaḥ /
Halfverse: n    marudbʰis sakʰibʰis saha /
Halfverse: o    indro marutvām̐ iha śravad iha somasya pibatu /
Halfverse: p    premān devo devahūtim avatu devyā dʰiyā /
Halfverse: q    predaṃ brahma /
Halfverse: r    predaṃ kṣattram /
Halfverse: s    premam̐ sunvantaṃ yajamānam avatu /
Halfverse: t    cittraś cittrābʰir ūtibʰiḥ /
Halfverse: u    śravad brahmāṇy āvasā gamat // 8 //

Verse: 3
Halfverse: a    indro devas somaṃ pibatu /
Halfverse: b    ekajānāṃ vvīratamaḥ /
Halfverse: c    bʰūrijānāṃ tavastamaḥ /
Halfverse: d    haryos stʰātā /
Halfverse: e    pr̥śneḫ pretā /
Halfverse: f    vajrasya bʰartā /
Halfverse: g    purāṃ bʰettā /
Halfverse: h    purān darmā /
Halfverse: i    apām̐ sr̥ṣṭā /
Halfverse: j    ap[āṃ ne]tā /
Halfverse: k    satvanāṃ netā /
Halfverse: l    nijagʰnir dūreśravāḥ /
Halfverse: m    upamājikr̥d dam̐sanāvān /
Halfverse: n    ihośan devo babʰūvān /
Halfverse: o    indro [deva iha śravad i]ha somam pibatu /
Halfverse: p    premān devo devahūtim avatu devyā dʰiyā /
Halfverse: q    predaṃ brahma /
Halfverse: r    predaṃ kṣattraṃ /
Halfverse: s    premam̐ sunvantaṃ yajamānam avatu /
Halfverse: t    cittraś cittrābʰir ūtibʰiḥ /
Halfverse: u    śravad brahmāṇy āvasā gamat // 9 //

Verse: 4
Halfverse: a    savitā devas somasya pibatu hiraṇyapāṇis sujihvaḥ /
Halfverse: b    subāhus svaṅguriḥ /
Halfverse: c    trir ahan satyasavanaḥ /
Halfverse: d    yat prāsuvad vasudʰitī ubʰe joṣṭrī savīmani /
Halfverse: e    śreṣṭʰam̐ sāvitram āsuvan /
Halfverse: f    dogdʰrīn dʰenuṃ /
Halfverse: g    voḍʰāram anaḍvāham /
Halfverse: h    āśum̐ saptiṃ /
Halfverse: i    jiṣṇum̐ ratʰeṣṭʰāṃ /
Halfverse: j    purandʰiṃ yoṣāṃ /
Halfverse: k    sabʰeyaṃ yuvānam /
Halfverse: l    parāmīvām̐ sāviṣat parāgʰaśam̐sam /
Halfverse: m    savitā deva iha śravad iha somasya matsat /
Halfverse: n    premāṃ devo devahūtim avatu devyā dʰiyā /
Halfverse: o    predaṃ brahma /
Halfverse: p    predaṃ kṣattraṃ /
Halfverse: q    premam̐ sunvantaṃ yyajamānam avatu /
Halfverse: r    cittraś cittrābʰir ūtibiḥ /
Halfverse: s    śravad brahmāṇy āvasā gamat // 10 //

Verse: 5
Halfverse: a    dyāvāpr̥tʰivī somasya matsatām /
Halfverse: b    pitā ca mātā ca /
Halfverse: c    putraś ca prajananaṃ ca /
Halfverse: d    dʰenuś ca r̥ṣabʰaś ca /
Halfverse: e    dʰanyā ca dʰiṣaṇā ca /
Halfverse: f    suretāś ca sudugʰā ca /
Halfverse: g    śambʰūś ca mayobʰūś ca /
Halfverse: h    ūrjasvatī ca payasvatī ca /
Halfverse: i    retodʰāś ca retobʰr̥c ca /
Halfverse: j    dyāvāpr̥tʰivī iha śrutām iha somasya matsatām /
Halfverse: k    premāṃ devī devahūtim avatāṃ devyā dʰiyā /
Halfverse: l    predaṃ brahma /
Halfverse: m    predaṃ kṣattraṃ /
Halfverse: n    premam̐ sunvantaṃ yajamānam avatām /
Halfverse: o    cittre cittrābʰir ūtibʰiḥ /
Halfverse: p    śrutāṃ brahmāṇy āvasā gamatām // 11 //

Verse: 6
Halfverse: a    r̥bʰavo devās somasya matsan /
Halfverse: b    viṣṭvī svapasaḥ /
Halfverse: c    karmaṇā suhastāḥ /
Halfverse: d    dʰanyā dʰaniṣṭʰāḥ /
Halfverse: e    śamyā śamiṣṭʰāḥ /
Halfverse: f    śacyā śaciṣṭʰāḥ /
Halfverse: g    ye dʰenuṃ vviśvajuvaṃ viśvarūpām arakṣan /
Halfverse: h    arakṣan dʰenur abʰavad viśvarūpī /
Halfverse: i    ayuñjata harī /
Halfverse: j    ayur devām̐ upa /
Halfverse: k    abudʰran saṅ kanīnā madantaḥ /
Halfverse: l    saṃvvatsare svapaso yajñiyaṃ bʰāgam āyan /
Halfverse: m    r̥bʰavo devā iha śravann iha somasya matsan /
Halfverse: n    premāṃ devā devahūtim avantu devyā dʰiyā /
Halfverse: o    predaṃ brahma /
Halfverse: p    predaṃ kṣattraṃ /
Halfverse: q    premam̐ sunvantaṃ yyajamānam avantu /
Halfverse: r    cittrāś cittrābʰir ūtibʰiḥ /
Halfverse: s    śravan brahmāṇy āvasā gaman // 12 //

Verse: 7
Halfverse: a    víśve devās somasya matsan /
Halfverse: b    viśve vaiśvānarāḥ /
Halfverse: c    viśve viśvamahasaḥ /
Halfverse: d    mahi mahāntaḥ /
Halfverse: e    takvānnā nemadʰitīvānaḥ /
Halfverse: f    āskrāḥ pacatavāhasaḥ /
Halfverse: g    vāta ātmāno agnijūtāḥ /
Halfverse: h    ye dyāṃ ca pr̥tʰivīṃ cātastʰuḥ /
Halfverse: i    apaś ca svaś ca /
Halfverse: j    brahma ca kṣatraṃ ca /
Halfverse: k    barhiś ca vediṃ ca /
Halfverse: l    yajñaṃ coru cāntarikṣam /
Halfverse: m    ye stʰa traya ekādaśāḥ /
Halfverse: n    trayaś ca trim̐śac ca /
Halfverse: o    trayaś ca trī ca śatā /
Halfverse: p    trayaś ca trī ca sahasrā /
Halfverse: q    tāvantobʰiṣācaḥ /
Halfverse: r    tāvanto rātiṣācaḥ /
Halfverse: s    tāvatīḫ patnīḥ /
Halfverse: t    tāvatīr gnāḥ /
Halfverse: u    tāvanta udaraṇe /
Halfverse: v    tāvanto niveśane /
Halfverse: w    ato vā devā bʰūyām̐sas stʰa /
Halfverse: x    mā vo devā atiśaṣā mā pariśasā vikṣi /
Halfverse: y    viśve devā iha śravann iha somasya matsan /
Halfverse: z    premāṃ devā devahūtim avaṃtu devyā dʰiyā /
Halfverse: aa    predaṃ brahma /
Halfverse: ab    predaṃ kṣattraṃ /
Halfverse: ac    premam̐ sunvantaṃ yyajamānam avantu /
Halfverse: ad    cittrāś cittrābʰir ūtibʰiḥ /
Halfverse: ae    śravan brahmāṇy āvasā gaman // 13 //

Verse: 8
Halfverse: a    agnir vaiśvānaras somasya matsat /
Halfverse: b    viśveṣāṃ devānām̐ samit /
Halfverse: c    ajasraṃ daivyaṃ jyotiḥ /
Halfverse: d    yo viḍbʰyo mānuṣībʰyo dīdet /
Halfverse: e    dyuṣu pūrvāsu didyutānaḥ /
Halfverse: f    ajara uṣasām anīke /
Halfverse: g    ā yo dyāṃ bʰāty ā pr̥tʰivīm /
Halfverse: h    urv antarikṣam /
Halfverse: i    jyotiṣā yajñāya śarma yam̐sat /
Halfverse: j    agnir vaiśvānara iha śravad iha somasya matsat /
Halfverse: k    premān devo devahūtim avatu devyā dʰiyā /
Halfverse: l    predaṃ brahma /
Halfverse: m    predaṃ kṣattram /
Halfverse: n    premam̐ sunvantaṃ yyajamānam avatu citraś citrābʰir ūtibʰiḥ /
Halfverse: o    śravad brahmāṇy āvasā gamat // 14 //

Verse: 9
Halfverse: a    maruto devās somasya matsan /
Halfverse: b    suṣṭubʰas svarkāḥ /
Halfverse: c    arkastubʰo br̥hadvayasaḥ /
Halfverse: d    śūrā anādʰr̥ṣṭaratʰāḥ /
Halfverse: e    tveṣāsaḫ pr̥śnimātaraḥ /
Halfverse: f    śubʰrā hiraṇyakʰādayaḥ /
Halfverse: g    tavaso bʰandadiṣṭayaḥ /
Halfverse: h    nabʰasyā varṣanirṇijaḥ /
Halfverse: i    maruto devā iha śravann iha somasya matsan /
Halfverse: j    premān devā devahūtim avantu devyā dʰiyā /
Halfverse: k    predaṃ brahma /
Halfverse: l    predaṃ kṣattram /
Halfverse: m    premam̐ sunvantaṃ yyajamānam avantu /
Halfverse: n    citrāś citrābʰi[r ūtibʰiḥ /
Halfverse: o    śravan b]rahmāṇy āvasā gaman // 15 //

Verse: 10
Halfverse: a    agnir jātavedās somasya matsat /
Halfverse: b    svanīkaś cittrabʰānuḥ /
Halfverse: c    apro[ṣivān gr̥hapa]tis tiras tamām̐si darśataḥ /
Halfverse: d    gʰr̥tāhavana īḍyaḥ /
Halfverse: e    bahulavartmāstr̥tayajvā /
Halfverse: f    pratītyā śattrūñ jetāparāji[taḥ] /
Halfverse: g    [a]gne jātavedobʰi dyumnam abʰi saha āyaccʰasva /
Halfverse: h    tuśo aptuśaḥ /
Halfverse: i    samiddʰāram̐ stotāram am̐hasas pāhi /
Halfverse: j    agnir jātave[dā] iha śravad iha somasya matsat /
Halfverse: k    premāṃ devo devahūtim avatu /
Halfverse: l    devyā dʰiyā /
Halfverse: m    predaṃ brahma /
Halfverse: n    predaṃ kṣattram /
Halfverse: o    premam̐ sunvantaṃ yyajamānam avatu /
Halfverse: p    citraś citrābʰir ūtibʰiḥ /
Halfverse: q    śravad brahmāṇy āvasā gamat // 16 //

Verse: 11
Halfverse: a    asya made jaritar indras somasya matsat /
Halfverse: b    asya made jaritar indrohim ahan /
Halfverse: c    asye made jaritar indro vr̥ttram ahan /
Halfverse: d    asya made jaritar indropāṃ vvegam airayat /
Halfverse: e    asya made jaritar indro jinvad ajuvo pinvad ajitaḥ /
Halfverse: f    asya made jaritar indra ud āryaṃ vvarṇam atirad ava dāsīd viśo astabʰnāt /
Halfverse: g    asya made jaritar indra ud dyām astabʰnād apratʰayat pr̥tʰivīm /
Halfverse: h    asya made jaritar indro divi sūryam airayad vy antarikṣam atirat /
Halfverse: i    asya made jaritar indras samudrān prakupitām̐ aramṇāt /
Halfverse: j    asya made jaritar indra r̥śyām̐ iva paṃpʰaṇataḫ parvatān prakupitām̐ aramṇāt /
Halfverse: k    asya made jaritar indra iha śravad iha somasya matsat /
Halfverse: l    premān devo devahūtim avatu devyā dʰiyā /
Halfverse: m    predaṃ brahma /
Halfverse: n    predaṃ kṣattram /
Halfverse: o    premam̐ sunvantaṃ yyajamānam avatu /
Halfverse: p    cittraś cittrābʰir ūtibʰiḥ /
Halfverse: q    śravad brahmāṇy āvasā gamat // 17 //

Hymn: 6

Verse: 1
Halfverse: a    vāyúr agregā́ yajñaprī́s sākáṃ gan mánasā yajñám /
Halfverse: b    śivó niyúdbʰiś śivā́bʰiḥ /

Verse: 2
Halfverse: a    híraṇyavartanī nárā devā́ patī́ abʰíṣṭaye /
Halfverse: b    vāyúś céndraś ca súmakʰā /

Verse: 3
Halfverse: a    kā́vyā rā́jānā krátvā dákṣasya duroṇé /
Halfverse: b    riśā́dasā sadʰástʰa ā́ /

Verse: 4
Halfverse: a    daívyā adʰvaryū́ ā́ gatam̐ rátʰena sū́ryatvacā /
Halfverse: b    mádʰvā yajñám̐ sám añjātʰe /

Verse: 5
Halfverse: a    índra uktʰébʰir bʰándiṣṭʰo vā́jānāṃ ca vā́japatiḥ /
Halfverse: b    hárivān sutā́nām̐ sákʰā /

Verse: 6
Halfverse: a    víśvān devā́n havāmahesmín yajñé supéśasaḥ /
Halfverse: b    tá imáṃ yajñám ā́ gaman devā́so devyā́ dʰiyā́ /
Halfverse: c    juṣāṇā́ adʰvaré sádo yé yajñásya tanūkŕ̥taḥ /
Halfverse: d    víśva ā́ sómapītaye /

Verse: 7
Halfverse: a    vācā́ mahī́ṃ devī́ṃ vā́cam asmín yajñé supéśasam /
Halfverse: b    sárasvatīm̐ havāmahe // 18 //

Hymn: 7
praiṣadʰyāya

Verse: 1
Halfverse: a    hótā yakṣad agníṃ samídʰā suṣamídʰā sámiddʰaṃ nā́bʰā pr̥tʰivyā́s saṅgatʰé vāmásya /
   várṣmaṃ divá iḍás padé vétv ā́jyasya hótar yája /
Halfverse: b    hótā yakṣat tanūnápātam áditer gárbʰaṃ bʰúvanasya gopā́m /
   mádʰvādyá devó devébʰyo devayā́nān patʰó anaktu vétv ā́jyasya hótar yaja /
Halfverse: c    hótā yakṣan nárā́śam̐saṃ nr̥śastáṃ nr^̥́̄m̐ḫ praṇetrám /
   góbʰir vapā́vān syād vīraíś śáktīvān rátʰaiḫ pratʰamayā́vā híraṇyaiś cándrī vétv ā́jyasya hótar yája /
Halfverse: d    hótā yakṣad agním iḍá īḍitó devó devā́m̐ ā́ vakṣad dūtó havyavā́ḍ ámūraḥ /
   úpemáṃ yyajñám úpemā́ṃ devó deváhūtim avatu vétv ā́jyasya hótar yája /
Halfverse: e    hótā yakṣad barhís suṣṭárīmórṇamradā asmín yajñé ví ca prá ca pratʰatām̐ svāsastʰán devébʰyaḥ /
   ém enad adyá vásavo rudrā́ ādityā́s sadantu priyám índrasyāstu vétv ā́jyasya hótar yája /
Halfverse: f    hótā yakṣad dúra r̥ṣvā́ẖ kavaṣyó kóṣadʰāvanīr úd ā́tābʰir jíhatāṃ vví pákṣobʰiś śrayantām /
   suprāyaṇā́ asmín yajñé ví śrayantām r̥tāvŕ̥dʰo vyántv ā́jyasya hótar yája // 19 //
Halfverse: g    hótā yakṣad uṣā́sānáktā br̥hatī́ supéśasā nr^̥́̄m̐ḫ pátibʰyo yóniṃ kr̥ṇvāné /
   sam̐smáyamāne índreṇa devaír édáṃ barhís sīdatāṃ vītā́m ā́jyasya hótar yája /
Halfverse: h    hótā yakṣad daívyā hotā́rā mandrā́ pótārā kavī́ prácetasā /
   svíṣṭam adyā́nyáẖ kárad iṣā́ svábʰigūrtam anya ū́rjā svatavasemáṃ yajñáṃ diví devéṣu dʰattāṃ vvītā́m ā́jyasya hótar yája /
Halfverse: i    hótā yakṣat tisró devī́r apásām apástamā áccʰidram adyédám ápas tanvatām /
   devébʰyo devī́r devám ápo vyántv ā́jyasya hótar yája /
Halfverse: k    hótā yakṣat tváṣṭāram áciṣṭam ápākam̐ retodʰā́ṃ vvíśravasaṃ yyaśodʰā́m /
   pururū́pam ákāmakarśanam̐ supóṣaḫ póṣais syāt suvī́ro vīraír vétv ā́jyasya hótar yája /
Halfverse: l    hóta yakṣad vánaspátim upā́va srakṣad dʰi[yó joṣṭā́]ram̐ śaśáman náraḥ /
   svádāt svádʰitir r̥tutʰā́dyá devó devébʰyo havyā́vāḍ vétv ā́jyasya hótar yája /
Halfverse: m    [hótā yakṣad agním̐] svā́hā́jyasya svā́hā médasas svā́hā stokā́nām̐ svā́hā svā́hākr̥tīnām̐ svā́hā havyásūktīnām /
   svā́hā devā ājyapā juṣāṇā́ ágna ā́jyasya vyántu hótar yaja // 20 //

Verse: 2
Halfverse: a    ajaid agnir asanad vājan ni devo devebʰyo havyāvāṭ /
   prāñjobʰir hinvāno dʰenābʰiẖ kalpamāno yajñasyāyuḫ /
   pratirann upapreṣa hotar havyā devebʰyaḥ /
Halfverse: b    hotā yakṣad agnim ājyasya juṣatām̐ havir hotar yaja /
Halfverse: c    hotā yakṣat somam ājyasya juṣatām̐ havir hotar yaja /
Halfverse: d    hotā yakṣad agnīṣomau ccʰāgasya vapāyā medaso juṣetāṃ havir hotar yaja /
Halfverse: e    hotā yakṣad agnīṣomau puroḍāśásya juṣetām̐ havir hotar yaja/
Halfverse: f    hotā yakṣad agnīṣomau ccʰāgasya haviṣa āttām adya madʰyato meda udbʰr̥taṃ purā dveṣobʰyaḫ purā pauruṣeyyā gr̥bʰo gʰastāṃ nūnaṃ gʰāse ajrāṇām yyavasapratʰamānām̐ sumatkṣarāṇām̐ śatarudriyāṇām agniṣvāttānāṃ pīvopavasanānāṃ pārśvataś śroṇitaś śitāmata utsādatoṅgād aṅgād avattānāṃ karata evāgnīṣomau juṣetām̐ havir hotar yaja // 21 //
Halfverse: g    devebʰyo vanaspate havīm̐ṣi hiraṇyaparṇa pradivas te artʰam /
   pradakṣiṇid raśanayā niyūya r̥tasya vakṣi patʰibʰī rajiṣṭʰaiḥ /
Halfverse: h    hotā yakṣad vanaspatim abʰi hi piṣṭatamayā rabʰiṣṭayā raśanayādʰita /
   yatrāgner ājyasya haviṣaḫ priyā dʰāmāni yatra somasyājyasya haviṣaḫ priyā dʰāmāni yatrāgnīṣomayoś cʰāgasya haviṣaḫ priyā dʰāmāni yatrā vanaspateḫ priyā pātʰā́m̐si yatra devānām ājyapānāṃ priyā dʰāmāni yatrāgner hotuḫ priyā dʰāmāni tatraitaṃ prastuty evopastuty evopāvasrakṣad rabʰīyām̐ sam iva kr̥tvī karad evan devo vanaspatir juṣatām̐ havir hotar yaja /
Halfverse: i    vanaspate raśanayā niyūya piṣṭatamayā vayunāni vidvān /
   vahā devatrā dadʰiṣo havīm̐ṣi pra ca dātāram amr̥teṣu vocaḥ /
Halfverse: k    hotā yakṣad agnim̐ sviṣṭakr̥tam ayāḍ agnir agner ājyasya haviṣaḫ priyā dʰāmāny ayāṭ somasyājyasya haviṣaḫ priyā dʰāmāny ayāḍ agnīṣomayoś cʰāgasya haviṣaḫ priyā dʰāmāny ayāḍ vanaspateḫ priyā pātʰām̐sy ayāḍ devānām ājyapānāṃ priyā dʰāmāni yakṣad agner hotuḫ priyā dʰāmāni yakṣat svaṃ mahimānam āyajatām ejyā iṣaẖ kr̥ṇotu so adʰvarā jātavedā juṣatām̐ havir hotar yaja
Halfverse: l    agnim adya hotāram avr̥ṇītāyaṃ yyajamānaḫ pacan paktīḫ pacan puroḍāśaṃ gr̥hṇann agnaya ājyaṃ gr̥hṇan somāyājyaṃ badʰnann agnīṣomābʰyāṃ ccʰāgam̐ sūpastʰādya devo vanaspatir abʰavad agnaya ājyena somāyājyenāgnīṣomābʰyāṃ ccʰāgenāgʰattāṃ tam medastaḫ prati pacatāgrabʰīṣṭām avīvr̥dʰetāṃ puroḍāśena tvām adya r̥ṣa ārṣeya r̥ṣīṇāṃ napād avr̥ṇītāyaṃ yyajamāno bahubʰya ā saṅgatebʰyaḥ /
   eṣa me deveṣu vasu vāry āyakṣyata iti tā yā devā devadānāny adus tāny asmā ā ca śāssvā ca gurasveṣitaś ca hotar asi bʰadravācyāya preṣito mānuṣas sūktavākāya sūktā brūhi // 22 //

Verse: 3
Halfverse: a    devam barhis sudevaṃ devais syāt suvīraṃ vīrair vastor vr̥jyetāktoḫ prabʰriyetāty anyān rāyā barhiṣmato madema vasuvane vasudʰeyasya vetu yaja /
Halfverse: b    devīr dvāras saṅgʰāte vīḍvīr yāmañ cʰitʰirā dʰruvā devahūtau vatsa īm enās taruṇā āmimīyāt kumāro vā navajāto mainā arvā reṇukakāṭaḫ praṇag vasuvane vasudʰeyasya vyantu yaja /
Halfverse: c    devī uṣāsānaktā vy asmin yajñe prayaty ahvetām api nūnaṃ daivīr viśaḫ prāyāsiṣṭām̐ suprīte sudʰite vasuvane vasudʰeyasya vītāṃ yyaja /
Halfverse: d    devī joṣṭrī vasudʰitī yayor anyāgʰā dveṣām̐si yūyavad ānyāvakṣad vasu vāryāṇi yajamā[nāya vasuvane] vasudʰeyasya vītāṃ yyaja /
Halfverse: e    devī ūrjāhutī iṣam ūrjam anyāvakṣat sagdʰim̐ sapītim anyā [navena pūrvaṃ dayamānā s]yāma purāṇena navan tām ūrjam ūrjāhutī ūrjayamāne adʰātāṃ vvasuvane vasudʰeyasya vītāṃ yyaja // 23 //
Halfverse: f    devā daivyā hotārā potārā neṣṭārā hatāgʰaśam̐sāv ābʰarad vasū vasuvane vasudʰeyasya vītāṃ yyaja /
Halfverse: g    devīs tisras tisro devīr iḍā sarasvatī bʰāratī dyāṃ bʰāraty ādityair aspr̥kṣat sarasvatīmam̐ rudrair yajñam āvīd ihaiveḍayā vasumatyā sadʰamādam madema vasuvane vasudʰeyasya vyantu yaja /
Halfverse: h    devo narāśam̐sas triśīrṣā ṣaḍakṣaś śatam id enam̐ śitipr̥ṣṭʰā ādadʰati sahasram īṃ pravahanti mittrāvaruṇed asya hotram arhato br̥haspati stotram aśvinādʰvaryavaṃ vvasuvane vasudʰeyasya vetu yaja /
Halfverse: i    devo vanaspatir varṣaprāvā gʰr̥tanirṇig dyām agreṇāspr̥kṣad āntarikṣaṃ madʰyenāprāḫ pr̥tʰivīm upareṇādr̥m̐hīd vasuvane vasudʰeyasya vetu yaja /
Halfverse: k    devam barhir vāritīnāṃ nidʰedʰāsi pracyutīnām apracyutaṃ nikāmadʰaraṇaṃ puruspārhaṃ yyaśasvad enā barhiṣāṇyā barhīm̐ṣy abʰiṣyāma vasuvane vasudʰeyasya vetu yaja /
Halfverse: l    devo agnis sviṣṭakr̥t sudraviṇā mandraẖ kavis satyamanmāyajī hotā hotur hotur āyajīyān agne yān devān ayāḍ yām̐ apiprer ye te hotre amatsata /
   tām̐ sasanuṣīm̐ hotrān devaṅgamāṃ divi deveṣu yajñam erayemam̐ sviṣṭakr̥c cāgne hotābʰūr vasuvane vasudʰeyasya namovāke vīhi yaja /

Verse: 4
Halfverse: a    hotā yakṣad indram̐ harivām̐ indro dʰānā attu pūṣaṇvān karambʰam̐ sarasvatīvān bʰāratīvān parivāpa indrasyāpūpo mittrāvaruṇayoḫ payasyā prātassāvasya puroḍāśām̐ indraḫ prastʰitāṃ juṣāṇo vetu hotar yaja // 24 //
Halfverse: b    hotā yakṣad indram̐ harivām̐ indro dʰāna attu pūṣaṇvān karambʰam̐ sarasvatīvān bʰāratīvān parivāpa indrasyāpūpo mādʰyandinasya savanasya puroḍāśām̐ indraḫ prastʰitāṃ juṣāṇo vetu hotar yaja /
Halfverse: c    hotā yakṣad indram̐ harivām̐ indro dʰāna attu puṣaṇvān karambʰam̐ sarasvatīvān bʰāratīvān parivāpa indrasyāpūpas tr̥tīyasya savanasya puroḍāśām̐ indraḫ prastʰitāṃ juṣāno vetu hotar yaja /
Halfverse: d    hotā yakṣad agniṃ puroḍāśānāṃ juṣatām̐ havir hotar yaja /
Halfverse: e    hotā yakṣad vāyum agregām agreyāvānam agre somasya pātāraṃ karad evaṃ vvāyur āvasā gamaj juṣatāṃ vetu pibatu somam̐ hotar yaja // 25 //
Halfverse: f    hotā yakṣad indravāyū arhantā rihāṇā gavyābʰir gomantā bʰriyantāṃ vvīrayā śukrayā enayor niyuto goagrayāṇāṃ vvīrau kaśāśvapurastāt tāsām iha prayāṇam āstikavimocanaṃ karata evendravāyū juṣetāṃ vītāṃ pibatāṃ somam̐ hotar yaja /
Halfverse: g    hotā yakṣan mitrāvaruṇā sukṣattrā riśādasā ni cin miṣantā nicirā nicayyām̐sākṣṇaś cid gātuvittarānulbaṇena cakṣasā r̥tamr̥tam iti dīdʰyānā karata evam mittrāvaruṇā juṣetāṃ vītāṃ pibetām̐ somam̐ hotar yaja /
Halfverse: h    hotā yakṣad aśvinā nāsatyā dīdyagnī rudravartanī ny antareṇa cakreṇa ca vāmīr iṣa ūrja āvahantam̐ suvīrās sanutareṇā naruṣo bādʰetāṃ madʰukaśayemaṃ yyajñaṃ yuvānā mimikṣatāṃ karata evāśvinā juṣetāṃ vvītāṃ pibetām̐ somam̐ hotar yaja /
Halfverse: i    hotā yakṣad indraṃ prātaḫ prātassāvasy arvāvato gamad ā parāvata oror antarikṣād ā svāt sadʰastʰād ime asmai śukrā madʰuścutaḫ prastʰitā indrāya somās tāṃ juṣatāṃ vetu pibatu somam̐ hotar yaja //
Halfverse: k    hotā yakṣad indram mādʰyandinasya savanasya niṣkevalyasya bʰāgasyāttāraṃ pātāram̐ śrotāram̐ havam āgantāram asyā dʰiyo vitāram̐ sunvato yajamānasya vr̥dʰam o[bʰā kukṣī] pr̥ṇatāṃ vvārtragʰnaṃ ca māgʰonaṃ ceme asmai śukrā mantʰinaḫ prastʰitā indrāya somās tāṃ ju[ṣatāṃ vetu piba]tu somam̐ hotar yaja // 26 //
Halfverse: l    hotā yakṣad indraṃ tr̥tīyasya savanasya r̥bʰumato vibʰumato vājavato br̥haspativato viśvadevyāvatas sam asya madāḫ prātastanāgmata sam mādʰyandinās samidātanās teṣām̐ samukṣitānāṃ gaura iva pragāhyā vr̥ṣāyasvāyūyā bāhubʰyām upa yāhi haribʰyāṃ praprutʰyā śipre niṣpr̥tʰya r̥jīṣinn ime asmai tīvrā āśīrvantaḫ prastʰitā indrāya somās tāṃ juṣatāṃ vvetu pibatu somam̐ hotar yaja /
Halfverse: m    hotā yakṣad indraṃ marutvantam indro marutvāñ juṣatāṃ vvetu pibatu somam̐ hotar yaja /
Halfverse: n    hotā yakṣad ādityān priyān priyadʰāmnaḫ priyavratān mahas svasarasya patīn uror antarikṣasyādʰyakṣān svādityam avocat tad asmai sunvate yajamānāya karann evam ādityā juṣantāṃ mandantāṃ vyantu pibantu mandantu somam̐ hotar yaja /
Halfverse: o    hotā yakṣad devam̐ savitāram parāmīvām̐ sāviṣat parāgʰaśam̐sam̐ susāvitram asāviṣat tad asmai sunvate yajamānāya karad evan devas savitā juṣatāṃ mandatāṃ vetu pibatu somam̐ hotar yaja /
Halfverse: p    agnim adya hotāram avr̥ṇītāyam̐ sunvan yajamānaḫ pacan paktīḫ pacan puroḍāśān gr̥hṇann agnaya ājyaṃ gr̥hṇan somāyājyaṃ badʰnann agnaye ccʰāgam̐ sunvann indrāya somaṃ bʰr̥jja haribʰyāṃ dʰānās sūpastʰā adya devo vanaspatir abʰavad agnaye ājyena somāyājyenāgnaye ccʰāgenendrāya somena haribʰyāṃ dʰānābʰir agʰattaṃ medastaḫ prati pacatāgrabʰīd avīvr̥dʰata puroḍāśair apād indras somaṃ gavāśiraṃ yyavāśiraṃ tīvrāntaṃ bahulamadʰyam upottʰā madā vyaśrod vimadām̐ ānaḍ avīvr̥dʰatāṅgūṣais tvām adya r̥ṣa ārṣeya r̥ṣīṇāṃ napād avr̥ṇītāyam̐ sunvan yajamāno bahubʰya ā saṅgatebʰyaḥ /
   eṣa me deveṣu vasu vāry āyakṣyata iti tā yā devā devadānāny adus tāny asmā ā ca śāssvā ca gurasveṣitaś ca hotar asi bʰadravācyāya preṣito mānuṣas sūktavākāya sūktā brūhi // 27 //
Halfverse: q    dʰānāsomānām indrāddʰi ca piba ca babdʰān te harī dʰānā upa r̥jīṣaṃ jigʰratām ā ratʰacarṣaṇe siṃcasva yat tvā pr̥ccʰād viṣaṃ patnīẖ kvāmīmadatʰā ity asmin sunvati yajamāne tasmai kim arāstʰāḥ /
   suṣṭʰu suvīryaṃ yajñasyāgura udr̥caṃ yyad yad acīkamatot tat tatʰābʰūd dʰotar yaja /
Halfverse: r    iha mada eva magʰavann indra te śvo vasumato rudravato ādityavata r̥bʰumato vibʰumato vājavato br̥haspativato viśvadevyāvataś śvassutyām agnim indrāyendrāgnibʰyāṃ prabrūhi /
   mittrāvaruṇābʰyāṃ vvasubʰyo rudrebʰyo ādityebʰyo viśvebʰyo devebʰyo brahmaṇebʰyas somyebʰyas somapebʰyo brahman vācaṃ yaccʰa /
Halfverse: s    hotā yakṣad aśvinā somānāṃ tiroahnyānāṃ trir ā vartir yātāṃ trir aha mānayetʰām uto turīyan nāsatyā vājināya devāḥ /
   sajūr agnī rohidaśvo gʰr̥tasnuḥ /
   sajūr uṣā arūṣebʰiḥ /
   sajūs sūrya etaśebʰiḥ /
   sajoṣasāv aśvinā dam̐sobʰiẖ karata evāśvinā juṣetāṃ mandetāṃ vītāṃ pibetām̐ somam̐ hotar yaja // 28 //

Verse: 5
Halfverse: a    hotā yakṣad indram̐ hotrāt sajūr divā pr̥tʰivyā r̥tunā somaṃ pibatu hotar yaja /
Halfverse: b    hotā yakṣan marutaḫ potrāt suṣṭubʰas svarkā r̥tunā somam pibantu potar yaja /
Halfverse: c    hotā yakṣad grāvo neṣṭrāt tvaṣṭā sujanimā sajūr devānāṃ patnībʰir r̥tunā somaṃ pibatu neṣṭar yaja /
Halfverse: d    hotā yakṣad agnim āgnīdʰrād r̥tunā somaṃ pibatv agnīd yaja /
Halfverse: e    hotā yakṣad indraṃ brahmāṇaṃ brahmaṇād r̥tunā somaṃ pibatu brahman yaja
Halfverse: f    hotā yakṣan mittrāvaruṇā praśāstā[rau praśā]strād r̥tunā somaṃ pibatāṃ praśāstar yaja // 29 //
Halfverse: g    hotā yakṣad devaṃ draviṇodām̐ hotr[ād r̥tubʰis somaṃ] pibatu hotar yaja /
Halfverse: h    hotā yakṣad devaṃ draviṇodāṃ potrād r̥tubʰis somaṃ pibatu potar yaja /
Halfverse: i    hotā yakṣad devaṃ draviṇodāṃ neṣṭrād r̥tubʰis somaṃ pibatu neṣṭar yaja
Halfverse: k    hotā yakṣad devaṃ draviṇodām apād dʰotrād apāt potrād apān neṣṭrāt turīyaṃ pātram amr̥ktam amartyam indrapānaṃ devo draviṇodāḫ pibatu drāviṇodasaḥ /
   svayamāyūyās svayamabʰigūryāḥ /
   svayamabʰigūrtayā hotrāya r̥tubʰis somasya pibatv accʰāvāka yaja /
Halfverse: l    hotā yakṣad aśvinādʰavaryū ādʰvaryavād r̥tunā somaṃ pibetām adʰvaryū yajatām /
Halfverse: m    hotā yakṣad agniṃ gr̥hapatiṃ gārhapatyāt sugr̥hapatis tv adʰāgne yam̐ sunvan yajamānas syāt sugr̥hapatis tvam anena sunvatā yajamānenāgnir gr̥hapatir gārhapatyād r̥tunā somaṃ pibatu gr̥hapate yaja // 30 // //

Hymn: 8
kuntāpādʰyāya

Verse: 1
Halfverse: a    idáṃ janā upaśrutan nárāśám̐sa staviṣyate /
Halfverse: b    ṣaṣtím̐ sahásrā navatíñ ca kauráva ā́ ruśámeṣu dadmahe /

Verse: 2
Halfverse: a    úṣṭrā yásya pravā́hiṇo vadʰū́manto dvír dáśa /
Halfverse: b    varṣmā́ rátʰasya ní jihīḍate díva ī́ṣamāṇā úpaspŕ̥śaḥ /

Verse: 3
Halfverse: a    eṣá iṣā́ya māmahe śatáṃ níṣkān dáśasrajaḥ /
Halfverse: b    trī́ṇi śatā́ny árvatām̐ sahásrā dáśa gónām // 31 //

Hymn: 9

Verse: 1
Halfverse: a    vacyásva rebʰa vacyásva vr̥kṣé ná pakvé śakunáḥ /
Halfverse: b    níṣ ṭe jihvā́ carcarīti kṣuró ná bʰuríjor iva /

Verse: 2
Halfverse: a    prá rebʰāso manī́ṣayā vŕ̥tʰā gā́va iverate /
Halfverse: b    amótaputrakā eṣā́m u módakā upā́sate /

Verse: 3
Halfverse: a    prá rebʰa dʰíyaṃ bʰarasva govídaṃ vvasuvídam /
Halfverse: b    devatrémā́ṃ vvā́cam̐ śr̥ṇīhī́ṣur nā́ vīrā́stāram // 32 //

Hymn: 10

Verse: 1
Halfverse: a    rā́jño viśvajanī́nasya yó devó mártyām̐ áti /
Halfverse: b    vaiśvānarásya suṣṭutím ā́ sunotā parikṣítaḥ /

Verse: 2
Halfverse: a    parikṣín naẖ kṣémam akarat táma āsanám ā́ saram /
Halfverse: b    arāyyáṅ kúrvan kaúravyaḫ pátir vadati jāyáyā /

Verse: 3
Halfverse: a    katarát ta ā́ harāṇi dádʰi mántʰāṃ3 parisrútam /
Halfverse: b    jāyā́ pátiṃ vví pr̥ccʰati rāṣṭré rā́jñaḫ parikṣítaḥ //

Verse: 4
Halfverse: a    [ábʰīva svàḫ prá jihīte yávaḥ pakváḫ pátʰo bílam /
Halfverse: b    jánas sá bʰadrám edʰate rāṣṭré rā́jñaḫ parikṣítaḥ] // 33 //

Hymn: 11

Verse: 1
Halfverse: a    índraẖ kārúm abūbudʰad út tiṣṭʰa ví carā cáran /
Halfverse: b    máméd ugrásya carkr̥tís sárva ít te pr̥ṇād aríḥ /

Verse: 2
Halfverse: a    ihá gāvaḫ prá jāyadʰvam ihā́śvā ihá pūruṣāḥ /
Halfverse: b    ihó sahásradakṣiṇo vīrás trātā́ ní ṣīdatu /

Verse: 3
Halfverse: a    némā́ indra gā́vo riṣán mo ā́sāṅ gópatī ríṣat /
Halfverse: b    mā́sām amittrayúr jána indra mā́ stená ī́śata /

Verse: 4
Halfverse: a    úpa vo nára emasi sūkténa vácasā vayám bʰadréṇa vácasā vayám /
Halfverse: b    cáno *dadʰiṣva no gíro ná riṣyema kadā́ caná // 34 //

Hymn: 12

Verse: 1
Halfverse: a    yás sábʰeyo vidatʰya3s sútvā yájvā ca pū́ruṣaḥ /
Halfverse: b    sū́ryaṃ cā́mū riśā́dasaṃ tád devā́ḫ prā́g akalpayan /

Verse: 2
Halfverse: a    yó jāmyā3ḫ práty amadad yás sákʰāyan nínitsati /
Halfverse: b    jyéṣṭʰo yád ápracetās tád ā́hur adʰarāg íti /

Verse: 3
Halfverse: a    yád bʰadrásya púruṣasya putró bʰavati dā́dʰr̥ṣiḥ /
Halfverse: b    tád vípro ábravīd udág gandʰarváẖ kā́myaṃ vvácaḥ /

Verse: 4
Halfverse: a    yáś ca paṇír abʰújiṣyo3 yáś ca revā́m̐ ádāśuriḥ /
Halfverse: b    dʰī́rāṇām̐ śāśvatām áhaṃ tád apā́g íti śuśrava /

Verse: 5
Halfverse: a    yé ca devā́ ayajantā́tʰo yé ca *parādadúḥ /
Halfverse: b    sū́ryo dívam iva gatvā́ya magʰávāno ví rapśate // 35 //

Hymn: 13

Verse: 1
Halfverse: a    yónāktākṣyó anabʰyakto3 máṇivo áhiraṇyávaḥ /
Halfverse: b    ábrahmā́brahmaṇas putrás tó tā́ kálpeṣu sámmitā /

Verse: 2
Halfverse: a    yá ā́ktākṣyas svàbʰyaktas sumáṇis suhiraṇyávaḥ /
Halfverse: b    súbrahmā brahmáṇas putrás tó tā́ kálpeṣu sámmitā /

Verse: 3
Halfverse: a    aprapāṇā́ ca veśantā́ revā́m̐ ápracatiś cáyaḥ /
Halfverse: b    áyabʰyā kányā kalyāṇī tvó tā́ kálpeṣu sámmitā /

Verse: 4
Halfverse: a    suprapāṇā́ ca veśantā́ revā́m̐ súpracatiś cáyaḥ /
Halfverse: b    súyabʰyā kányā kalyāṇī́ tvó tā kálpeṣu sámmitā /

Verse: 5
Halfverse: a    parivr̥ktā́ ca máhiṣī svastyā́ ca yúdʰiṅgamáḥ /
Halfverse: b    śvā́śur áśva ā́yāmī tvó tā́ kálpeṣu sámmitā /

Verse: 6
Halfverse: a    vāvātā ca mahiṣvaṇistʰā́ ca yúdʰiṅgamáḥ /
Halfverse: b    ánāśur áśva ā́yāmī tvó tā́ kálpeṣu sámmitā // 36 //

Hymn: 14

Verse: 1
Halfverse: a    yád [indrādó dāśarājñémānuṣaṃ vigā́hatʰāḥ] /
Halfverse: b    vírūpas s[árvasmā āsīt sadŕ̥g ákṣāya váñcate] /

Verse: 2
Halfverse: a    [tváṃ viṣākṣam magʰavan namrám paryākaror a]bʰí /
Halfverse: b    tvám̐ rauhiṇáṃ vyāsyás tváṃ vvr̥ttrásyābʰinac cʰ[íraḥ] /

Verse: 3
Halfverse: a    yáḥ párvatān vy ádadʰād yó apó vy ágāhatʰāḥ /
Halfverse: b    [yo vr̥traṃ vr̥trahann aha]n tásmā indra námostu te /

Verse: 4
Halfverse: a    práṣṭin dʰā́vantam̐ háryor auccaiśśravasám abravam /
Halfverse: b    svasty áśva jaítrāyéndram ā́ vahato rátʰam /

Verse: 5
Halfverse: a    yátvā śvetā́ úccaiśśravasam̐ háryor yuñjanti dákṣiṇam /
Halfverse: b    mūrdʰā́nam áśvaṃ devā́nām bíbʰrad índraṃ mahīyate // 37 //

Hymn: 15

Verse: 1
Halfverse: a    etā́ áśvā ā́ plavante / pratīpáṃ prātisatvanám /
Halfverse: b    tā́sām ékā háriklikā / háriklike kím iccʰasi /

Verse: 2
Halfverse: a    sādʰúṃ putráṃ hiraṇyayám / kvā́ha táṃ párāsyaḥ /
Halfverse: b    yátrāmū́s tisráś śim̐śápāḥ / pári tráyaḫ pŕ̥dākavaḥ /

Verse: 3
Halfverse: a    śŕ̥ṅgan dʰámanta ā́sate / ayáṃ vvahāte avahi /
Halfverse: b    sá ittʰa kam̐ sá eva kam / ságʰā gʰa te ságʰā gʰa me /

Verse: 4
Halfverse: a    gómī gʰa gominīr abʰi / púmāṃ bʰūmné ninitsasi /
Halfverse: b    bálbab átʰo íti / bálbabo átʰo íti /

Verse: 5
Halfverse: a    ájakorákovikā́ / áśvasya vāro góś śápʰaḥ /
Halfverse: b    keśínī śyénī énīva / ánāmayopajíhvikā // 38 //

Verse: 6
Halfverse: a    kó amba húlam ā́yuni / kó árjunyāḫ páyaḥ /
Halfverse: b    kó ásiknyāḫ páyaḥ / étaṃ pr̥ccʰa kuháṃ pr̥ccʰa /

Verse: 7
Halfverse: a    kúhā káṃ pákvakaṃ pr̥ccʰa / yá āyánti śvábʰiṣ kúbʰiḥ /
Halfverse: b    ábjantaẖ kubʰāyávaḥ / ā́manako mánastʰakaḥ /

Verse: 8
Halfverse: a    devattáḫ práti jū́ryaḥ / pináṣṭi partikā́ havíḥ /
Halfverse: b    prā́ budbudo matʰāyati / śúṅga út pata /

Verse: 9
Halfverse: a    mā́ tvā́ti sákʰā no vadat / vaśā́yāḫ putrám āyan tám /
Halfverse: b    írā céndram amandata / iyánn iyánn íti /

Verse: 10
Halfverse: a    átʰo iyánn íti / átʰo jyā́yastaro bʰuvat /
Halfverse: b    iyáṃ yyakā́ śalākakā́ / ā́ minoti ní bʰajyate // 39 //

Verse: 11
Halfverse: a    tásyā anunibʰáñjanam / váruṇo yāti bábʰrubʰiḥ /
Halfverse: b    śatám babʰrór *abʰī́śubʰiḥ / śatáṃ káśā hiraṇyáyīḥ /

Verse: 12
Halfverse: a    śatám̐ rátʰā hiraṇyáyāḥ / ā́halakuś śavartakáḥ /
Halfverse: b    ā́yavanena téjanī / śapʰéna pī́va óhate /

Verse: 13
Halfverse: a    vániṣṭʰunopá nr̥tyati / imám máhyam adur íti /
Halfverse: b    te vr̥kṣā́s sahá tíṣṭʰanti / pā́kavaliś śákavaliḥ /

Verse: 14
Halfverse: a    aśvattʰáḥ kʰadiró dʰávaḥ / aradúḥ paramáś śaye /
Halfverse: b    hatá iva pāpapū́ruṣaḥ / ádoham ít pī́yūṣakam /

Verse: 15
Halfverse: a    dvaú ca hastíno dŕ̥tī / ádʰyardʰaṃ ca párasvataḥ /
Halfverse: b    ā́d alā́bukam ekakám / alābukáṃ níkʰātakam // 40 //

Verse: 16
Halfverse: a    karkaríko nikʰātákaḥ / tád vā́ta ún matʰāyati /
Halfverse: b    kulāyáṃ káravām̐ íti / ugráṃ *vvalṣad ā́tatam /

Verse: 17
Halfverse: a    na *valṣad ánātatam / ká eṣāṃ karkarím̐ llikʰat /
Halfverse: b    ká eṣāṃ dundubʰím̐ hanát / yád īm̐ hanat katʰám̐ hanát /

Verse: 18
Halfverse: a    daílīm̐ hanat katʰám̐ hanat / páry ākā́raṃ púnaḫ punaḥ // 41 //

Hymn: 16

Verse: 1
Halfverse: a    vítatau kiraṇaú dvaú tā́v ā́ pinaṣṭi pū́ruṣaḥ /
Halfverse: b    ná vai kumāri tát tátʰā yátʰā kumāri mányase /

Verse: 2
Halfverse: a    [mātúṣ ṭe kiráṇau dvaú nīvī́táḫ púruṣād r̥té /
Halfverse: b    ná vai kumāri tád tátʰā yátʰā kumāri mányase /]

Verse: 3
Halfverse: a    nigŕ̥hya kárṇakau dvaú nír āyáccʰasi madʰyamám /
Halfverse: b    ná vai kumāri tát tátʰā yátʰā kumāri mányase /

Verse: 4
Halfverse: a    uttānā́yai śayānā́yai tíṣṭʰann evā́va gūhasi /
Halfverse: b    ná vai kumāri tát tátʰā yátʰā kumāri mányase /

Verse: 5
Halfverse: a    ślakṣṇā́yām̐ ślákṣṇikāyām̐ ślákṣṇam evā́va gūhasi /
Halfverse: b    ná vai kumāri tát tátʰā yátʰā kumāri mányase /

Verse: 6
Halfverse: a    áva ślakṣṇám avabʰraśad antár lomávati hradé /
Halfverse: b    ná vai kumāri tát tátʰā yátʰā kumāri mányase // 42 //

Hymn: 17

Verse: 1
Halfverse: a    ihéttʰa prā́g ápāg udag adʰarā́g arā́lā ud abʰartsata /

Verse: 2
Halfverse: a    ihettʰa prāg apāg udag adʰarāg vatsāḫ pruṣanta āsate /

Verse: 3
Halfverse: a    ihettʰa prāg apāg udag adʰarāk stʰālīpāko vi līyate /

Verse: 4
Halfverse: a    ihettʰa prāg apāg udag adʰarāk silīpuccʰo vi līyate /

Hymn: 18

Verse: 1
Halfverse: a bʰug ity abʰigataḥ / śar ity abʰiṣṭʰitaḥ /
Halfverse: b pʰal ity apakrāntaḥ /

Hymn: 19

Verse: 1
Halfverse: a vīme devā akram̐satādʰvaryoẖ kṣipraṃ [pra]cara /
Halfverse: b suśastir id gavām asy ati prakʰidaso mahat // 43 //

Hymn: 20

Verse: 1
Halfverse: a    ādityā ha jaritar aṅgirobʰyo dakṣiṇām anayan /
Halfverse: b    tām̐ ha jaritar na praty āyan tām u ha jaritaḫ pratyāyan /

Verse: 2
Halfverse: a    tām̐ ha jarita[r na praty agr̥bʰṇan tām u ha jaritaḫ pratyagr̥bʰṇan /
Halfverse: b    ahā neta sann avicetanāni jajñā neta sann apurogavāsaḥ /

Verse: 3
Halfverse: a    uta śveta āśupatvā uto padyābʰir javiṣṭʰaḥ /
Halfverse: b    u]tem āśu mānaṃ piparti /

Verse: 4
Halfverse: a    ādityā rudr[ā vasavas tv eḍate idam̐ rā]dʰaḫ práti gr̥bʰṇīhy áṅgiraḥ /
Halfverse: b    [idam̐ rādʰo br̥ha]t pr̥tʰú devā́ dádatv ā varám /

Verse: 5
Halfverse: a    tád vo astu sucétanaṃ yyuṣme astu [divedive] /
Halfverse: b    práty eva gr̥bʰāyata // 44 //

Hymn: 21

Verse: 1
Halfverse: a    tvám indra śármann ariṇā havyáṃ pā́rāvatebʰyaḥ /
Halfverse: b    víprāya stuvaté vásu r̥júr ic cʰravase vaháḥ /

Verse: 2
Halfverse: a    tvám indra kápotāya ccʰínnapakṣāya váñcate /
Halfverse: b    śyāmā́kaṃ pakváṃ vviruja vā́r asmā akr̥ṇór bahú /

Verse: 3
Halfverse: a    āraṅgaró vāvadīti tredʰā́ baddʰó varaty áyāḥ /
Halfverse: b    írām u ha prá śam̐saty ányrām ápa sedʰata // 45 //

Hymn: 22

Verse: 1
Halfverse: a    yád asyā ám̐hubʰedyāḫ pŕ̥tʰu stʰūrám upā́tasat /
Halfverse: b    muṣkā́ íd asyā ejato gośápʰe śakulā́v iva /

Verse: 2
Halfverse: a    yádā stʰūréṇa pasasā́ áṇū muṣkā́ upā́vadʰīt /
Halfverse: b    víṣvañcāv asyārdatas síkatāsv iva gárdabʰau /

Verse: 3
Halfverse: a    yád álpikā sválpikā karkandʰukévá pacyate /
Halfverse: b    vāsántikám iva téjanaṃ yábʰyamānā ví namyate /

Verse: 4
Halfverse: a    yád devā́so lalābukáṃ prá viṣṭīmínam ā́viṣuḥ /
Halfverse: b    saktʰnā́ te dr̥śyate nārī́ satyásyākṣībʰagó yátʰā // 46 //

Verse: 5
Halfverse: a    mahānagny úpa brūte śvásyā́ veśitáṃ pásaḥ /
Halfverse: b    īdŕ̥k pʰálasya vŕ̥kṣasya śūrpám̐ śūrpaṃ bʰájemahi /

Verse: 6
Halfverse: a    mahānagny ádr̥ptam̐ hi só krandad ástam ā́sadat /
Halfverse: b    śáknu kāmanā́ bʰuva máśakam̐ sáktʰy údyatam /

Verse: 7
Halfverse: a    mahānagny úlū́kʰalam áti krāmanty ábravīt /
Halfverse: b    yátʰaiva te vanaspate pí gʰnanti tátʰaiva me

Verse: 8
Halfverse: a    mahānagnī́ kr̥kavā́kum̐ śamyáyā paridʰā́vati
Halfverse: b    idán ná vidma téjanam̐ śīrṣṇā́ bʰavati dʰā́nikā

Verse: 9
Halfverse: a    mahānagnī́ mahānagnán dʰā́vantam ánu dʰāvati
Halfverse: b    imā́s tád asya gā́ rakṣa yábʰa mā́m addʰy ódanam

Verse: 10
Halfverse: a    mahā́n vaí bʰradró bilbó mahā́n pakvá udumbáraḥ
Halfverse: b    mahām̐ abʰijñú bā́dʰate mahatás sādʰú kʰódanam /

Verse: 11
Halfverse: a    kápr̥n náraẖ kapr̥tʰám úd dadʰātana codáyata kʰudáta vā́jasātaye /
Halfverse: b    niṣṭigryàḫ putrám ā́ cyāvayotáya índram̐ sabā́dʰa ihá sómapītaye /

Verse: 12
Halfverse: a    yád dʰa prā́cīr ájagantóro maṇḍūradʰāṇikīḥ /
Halfverse: b    hatā́ índrasya śáttravas sárve budbudáyāśavaḥ /

Verse: 13
Halfverse: a    dadʰikrā́vṇo akāriṣañ jiṣñór áśvasya vājínaḥ /
Halfverse: b    surabʰí no múkʰā karat prá ṇa ā́yūm̐ṣi tāriṣat / 47 /

Adhyaya: S
saṃhitāraṇyaṃ

Hymn: 3

Verse: 1
Halfverse: a    úditaś śukríyan dadʰe tád 1) ahám ātmáni dadʰe /
Halfverse: b    anu mām aítv indriyáṃ máyi śrī́r máyi yáśaḥ //

Verse: 2
Halfverse: a    sárvasya prāṇás 2) sabala úttiṣṭʰāmy ánu māśīr 3) uttiṣṭʰatv anu mā yantu devatāḥ /
Halfverse: b    adabdʰañ cakṣur iṣiram 4) manas 5) sūryo jyotiṣāṃ śreṣṭʰo dīkṣe mā mā him̐sīḥ //

Verse: 3
Halfverse: a    tac cakṣur devahitaṃ śukram uccarat /
Halfverse: b    paśyema śaradaś śatañ jīvema śaradaś śatam //

Verse: 4
Halfverse: 1    agne iḍā nama iḍā nama 6) r̥ṣibʰyo mantrakr̥dbʰyo mantrapātibʰyo namo vo astu devebʰyaḥ /
Halfverse: 2    śivā naś śantamā bʰava sumr̥ḍīkā sarasvati /
Halfverse: 3    mā te vyoma sandr̥śi /
Halfverse: 4    bʰadraṅ karṇebʰiḥ /
Halfverse: 5    r̥k /
Halfverse: 6    śan na indrāgnī r̥k /
Halfverse: 7    stuṣe janam /
Halfverse: 8    r̥k kayā naś citraḥ /
Halfverse: 9    kas tvā satyo madānām /
Halfverse: 10    abʰī ṣu ṇaḥ /
Halfverse: 11    syonā pr̥tʰivī bʰava 7) /
Halfverse: 12    sapratʰa iti śāntiś śāntiś śāntiḥ ///.

Verse: col.
Halfverse: 1
ity r̥gvede saṃhitāraṇye tr̥tīyodʰyāyaḥ //
iti śrīr̥gvede śākalake śākʰāyāṃ daśamamaṇḍale r̥gvedakʰilasahitas saṃhitāraṇyasahitaś ca sampūrṇaṃ samāptam. //
oṃ námo bráhmaṇe námo astv agnáye námaḫ pr̥tʰívyai náma óṣadʰībʰyaḥ /
námo vācé námo vācaspátaye námo víṣṇave br̥haté kr̥ṇomīty *etā́sām evá devátānāṃ sārṣṭítāṃ sā́yujyaṃ salokátām āpnoti yá eváṃ vidvā́(m̐) svādʰyāyám adʰīté //

Halfverse: 2
oṃ anantaśākʰākalpāya bʰogyamokṣapʰalāya ca /
brahmaṇāsevimānāya vedavr̥kṣāya vai namaḥ //
saṃ 51 bʰā śu ti 13 likʰitam. //
bʰaṭṭabʰīmasvāmino rāmisvāminaḫ putraś śavalasvāminaḫ pautras saṃpādyataṃ samāptam //
śubʰam astu.

Adhyaya: Add.

Hymn: 1

Verse: 1
Halfverse: a    sūktānte tr̥ṇāny agnāv araṇye vodake 'pi vā /
Halfverse: b    yat str̥ṇair adʰyayanaṃ tad adʰītaṃ str̥ṇāni bʰava te bʰava //

Verse: 2
Halfverse: a    vāpīkūpataḍāgānāṃ samudraṃ gaccʰa svāhāgniṃ gaccʰa svāhā //.

Hymn: 2

Verse: 1
Halfverse: a    viśveśvara virūpākṣa viśvarūpa sadāśiva /
Halfverse: b    śaraṇaṃ bʰava bʰūteśa karuṇākara śaṃkara /

Verse: 2
Halfverse: a    hara śaṃbʰo mahādeva viśveśāmaravallabʰa /
Halfverse: b    śiva śaṃkara sarvātman nīlakaṃṭʰa namo 'stu te /

Verse: 3
Halfverse: a    mr̥tyuṃjayāya rudrāya nīlakaṃṭʰāya śaṃbʰave /
Halfverse: b    amr̥teśāya śarvāya śrīmahādevāya te namaḥ /

Verse: 4
Halfverse: a    etāni śivanāmāni yaḥ paṭʰen niyataḥ sakr̥t /
Halfverse: b    nāsti mr̥tyubʰayaṃ tasya pāparogādi kiṃcana /

Hymn: 3

Verse: 1
Halfverse: a    yajñeśācyuta goviṃda mādʰavānaṃta keśava /
Halfverse: b    kr̥ṣṇa viṣṇo hr̥ṣīkeśa vāsudeva namo 'stu te /

Verse: 2
Halfverse: a    kr̥ṣṇāya gopinātʰāya cakriṇe suravairiṇe /
Halfverse: b    amr̥teśāya gopāya goviṃdāya namo namaḥ /

Verse: 3
Halfverse: 1    etāny anantanāmāni maṇḍalānte (sadā) paṭʰet /

Hymn: 4

Verse: 1
Halfverse: a    yat str̥ṇair adʰyayanaṃ tad adʰītaṃ str̥ṇāni bʰava te bʰava /
Halfverse: b    vāpīkūpataḍāgānāṃ samudraṃ gaccʰa svāhā /

Verse: 2
Halfverse: 1    sūktānte tr̥ṇāny agnau. /

Hymn: 5

Verse: 1
Halfverse: a sítāsite saríte yátra saṃgaté tátrāplutā́so dívam útpataṃti /
Halfverse: b yé vai tanvàṃ1 ví sr̥jaṃti dʰī́rās te jánāso amr̥tatváṃ bʰajaṃte. //

Hymn: 6

Verse: 1
Halfverse: a havirbʰir eke svar itaḥ sacaṃte sunvaṃta eke savaneṣu somān /
Halfverse: b śacīr madaṃta uta dakṣiṇābʰir nej jihmāyaṃto narakaṃ patāma. /

Hymn: 7

Verse: 1
Halfverse: a    himasya tvā jarāyuṇā śāle pari vyayāmasi /
Halfverse: b    uta hrado hi no bʰuvo 'gnir dadātu bʰeṣajaṃ /
Halfverse: c    śītahrado hi no bʰuvo 'gnir dadātu bʰeṣajaṃ /

Verse: 2
Halfverse: a    antikām agnim ajanayad durvāraḥ śiśur āgamat /
Halfverse: b    ajātaputrapakṣāyā hr̥dayaṃ mama dūyate /

Verse: 3
Halfverse: a    vipulaṃ vanaṃ bahvākāśaṃ cara jātavedaḥ kāmāya /
Halfverse: b    māṃ ca rakṣa putrāmś ca śaraṇam abʰūt tava /

Verse: 4
Halfverse: a    piṅgākṣa lohitagrīva kr̥ṣṇavarṇa namo 'stu te /
Halfverse: b    asmān ni barha rasyonaṃ sāgarasyormayo yatʰā /

Verse: 5
Halfverse: a    indraḥ kṣatraṃ dadātu varuṇam abʰi ṣiñcatu /
Halfverse: b    śatravo nidʰanaṃ yāntu jayas tvaṃ brahmatejasā /

Verse: 6
Halfverse: a    kapilajaṭīṃ sarvabʰakṣaṃ cāgniṃ pratyakṣadaivatam /
Halfverse: b    varuṇaṃ ca vaśāmy agre mama putrāṃś ca rakṣatu mama putrāṃś ca rakṣatv oṃ namaḥ /

Verse: 7
Halfverse: a    sāgraṃ varṣaśataṃ jīva piba kʰāda ca moda ca /
Halfverse: b    duḥkʰitāṃś ca dvijāṃś caiva prajāṃ ca paśu pālaya /

Verse: 8
Halfverse: a    yāvad ādityas tapati yāvad bʰrājati candramāḥ /
Halfverse: b    yāvad vāyuḥ plavāyati tāvaj jīva jayā jaya /

Verse: 9
Halfverse: a    yena kena prakāreṇa ko vīnām anu jīvati /
Halfverse: b    pareṣām upakārārtʰaṃ yaj jīvati sa jīvati /
Halfverse: c    etāṃ vaiśvānārīṃ sarvadeva namo 'stu te /

Verse: 10
Halfverse: a    na corabʰayaṃ na ca sarpabʰayaṃ na ca vyāgʰrabʰayaṃ na ca mr̥tyubʰayaṃ /
Halfverse: b    yasyāpamr̥tyur na ca mr̥tyuḥ sa sarvaṃ labʰate sa sarvaṃ jayate. /

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.