TITUS
Sama-Veda: Chandogya-Upanisad
Part No. 115
Previous part

Khanda: 2 
Paragraph: 1 
Sentence: 1    vāg vāva nāmno bʰūyasī \
   vāg+ vāva nāmno+ bʰūyasī \

Sentence: 2    vāg vā r̥gvedaṃ vijñāpayati yajurvedaṃ sāmavedam ātʰarvaṇaṃ caturtʰam itihāsapurāṇaṃ pañcamaṃ vedānāṃ vedaṃ pitryaṃ rāśiṃ daivaṃ nidʰiṃ vākovākyam ekāyanaṃ devavidyāṃ brahmavidyāṃ bʰūtavidyāṃ kṣatravidyāṃ nakṣatravidyāṃ sarpadevajanavidyāṃ divaṃ ca pr̥tʰivīṃ ca vāyuṃ cākāśaṃ cāpaś ca tejaś ca devāṃś ca manuṣyāṃś ca paśūṃś ca vayāṃsi ca tr̥ṇavanaspatīñ śvāpadāny ākīṭapataṅgapipīlakaṃ dʰarmaṃ cādʰarmaṃ+
   vāg+ vāai+ r̥g-vedaṃ+ vijñāpayati yajur-vedaṃ+ sāma-vedam ātʰarvaṇaṃ+ caturtʰam itihāsa-purāṇaṃ+ pañcamaṃ+ vedānāṃ+ vedaṃ+ pitryaṃ+ rāśiṃ+ daivaṃ+ nidʰiṃ+ vāko-vākyam eka-ayanaṃ+ deva-vidyāṃ+ brahma-vidyāṃ+ bʰūta-vidyāṃ+ kṣatra-vidyāṃ+ nakṣatra-vidyāṃ+ sarpa-deva-jana-vidyāṃ+ divaṃ+ ca pr̥tʰivīṃ+ ca vāyuṃ+ ca+ ākāśaṃ+ ca+ apaś+ ca tejaś+ ca devāṃś+ ca manuṣyāṃś+ ca paśūṃś+ ca vayāṃsi ca tr̥ṇa-vanas-patīñ+ śvā-padāny+ ā-kīṭa-pataṅga-pipīlakaṃ+ dʰarmaṃ+ ca+ a-dʰarmaṃ+

Paragraph: 2 
Sentence: 1    ca satyaṃ cānr̥taṃ ca sādʰu cāsādʰu ca hr̥dayajñaṃ cāhr̥dayajñaṃ ca \
   ca satyaṃ+ ca+ an-r̥taṃ+ ca sādʰu ca+ a-sādʰu ca hr̥daya-jñaṃ+ ca+ a-hr̥daya-jñaṃ+ ca \

Paragraph: 3 
Sentence: 1    yad vai vāṅ nābʰaviṣyan na dʰarmo nādʰarmo vyajñāpayiṣyan na satyaṃ nānr̥taṃ na sādʰu nāsādʰu na hr̥dayajño nāhr̥dayajñaḥ \
   yad+ vai vāṅ+ na+ abʰaviṣyan+ na dʰarmo+ na+ a-dʰarmo+ vyajñāpayiṣyan+ na satyaṃ+ na+ an-r̥taṃ+ na sādʰu na+ a-sādʰu na hr̥daya-jño+ na+ a-hr̥daya-jñaḥ \

Paragraph: 4 
Sentence: 1    vāg evaitad sarvaṃ vijñāpayati vācam upāssveti \\702.1\
   vāg+ eva+ etad+ sarvaṃ+ vijñāpayati vācam upāssva+ iti \\702.1\

Paragraph: 5 
Sentence: 1    sa yo vācaṃ brahmety upāste \
   sa+ yo+ vācaṃ+ brahma+ ity+ upāste \

Paragraph: 6 
Sentence: 1    yāvad vāco gataṃ tatrāsya yatʰākāmacāro bʰavati yo vācaṃ brahmety upāste \
   yāvad+ vāco+ gataṃ+ tatra+ asya yatʰā-kāma-cāro+ bʰavati yo+ vācaṃ+ brahma+ ity+ upāste \

Paragraph: 7 
Sentence: 1    asti bʰagavo vāco bʰūya iti \
   asti bʰagavo+ vāco+ bʰūya+ iti \

Paragraph: 8 
Sentence: 1    vāco vāva bʰūyo 'stīti \
   vāco+ vāva bʰūyo+ +asti+ iti \

Paragraph: 9 
Sentence: 1    tan me bʰagavān bravītv iti \\702.2\
   tan+ me bʰagavān bravītv+ iti \\702.2\

Next part


This text is part of the TITUS edition of Sama-Veda: Chandogya-Upanisad.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.