TITUS
Sama-Veda: Chandogya-Upanisad
Part No. 123
Previous part

Khanda: 10 
Paragraph: 1 
Sentence: 1    āpo vāvānnād bʰūyasyaḥ \
   āpo+ vāva+ annād+ bʰūyasyaḥ \

Sentence: 2    tasmād yadā suvr̥ṣṭir na bʰavati vyādʰīyante prāṇā annaṃ kanīyo bʰaviṣyatīti \
   tasmād+ yadā su-vr̥ṣṭir+ na bʰavati vyādʰīyante prāṇā+ annaṃ+ kanīyo+ bʰaviṣyati+ iti \

Sentence: 3    atʰa yadā suvr̥ṣṭir bʰavaty ānandinaḥ prāṇā bʰavanty annaṃ bahu bʰaviṣyatīti \
   atʰa yadā su-vr̥ṣṭir+ bʰavaty+ ānandinaḥ prāṇā+ bʰavanty+ annaṃ+ bahu bʰaviṣyati+ iti \

Sentence: 4    āpa evemā mūrtā yeyaṃ pr̥tʰivī yad antarikṣaṃ yad dyaur yat parvatā yad devamanuṣyā yat paśavaś ca vayāṃsi ca tr̥ṇavanaspatayaḥ śvāpadāny ākīṭapataṅgapipīlakam \
   āpa+ eva+ imā+ mūrtā+ yā+ iyaṃ+ pr̥tʰivī yad+ antarikṣaṃ+ yad+ dyaur+ yat parvatā+ yad+ deva-manuṣyā+ yat paśavaś+ ca vayāṃsi ca tr̥ṇa-vanas-patayaḥ śvā-padāny+ ā-kīṭa-pataṅga-pipīlakam \

Sentence: 5    āpa evemā mūrtāḥ \
   āpa+ eva+ imā+ mūrtāḥ \

Sentence: 6    apa upāssveti \\710.1\
   apa+ upāssva+ iti \\710.1\

Paragraph: 2 
Sentence: 1    sa yo 'po brahmety upāste \
   sa+ yo+ +apo+ brahma+ ity+ upāste \

Sentence: 2    āpnoti sarvān kāmāṃs tr̥ptimān bʰavati \
   āpnoti sarvān kāmāṃs+ tr̥ptimān bʰavati \

Sentence: 3    yāvad apāṃ gataṃ tatrāsya yatʰākāmacāro bʰavati yo 'po brahmety upāste \
   yāvad+ apāṃ+ gataṃ+ tatra+ asya yatʰā-kāma-cāro+ bʰavati yo+ +apo+ brahma+ ity+ upāste \

Sentence: 4    asti bʰagavo 'dbʰyo bʰūya iti \
   asti bʰagavo+ +adbʰyo+ bʰūya+ iti \

Sentence: 5    adbʰyo vāva bʰūyo 'stīti \
   adbʰyo+ vāva bʰūyo+ +asti+ iti \

Sentence: 6    tan me bʰagavān bravītv iti \\710.2\
   tan+ me bʰagavān bravītv+ iti \\710.2\

Next part


This text is part of the TITUS edition of Sama-Veda: Chandogya-Upanisad.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.