TITUS
Black Yajur-Veda: Apastamba-Srautasutra
Part No. 58
Previous part

Paragraph: 12 
Verse: 1 
Sentence: a    ājñātamanājñātamamataṃ ca mataṃ ca yat /
Sentence: b    jātavedaḥ samdʰehi tvaṃ hi vettʰa yatʰātatʰam //
Sentence: c    yadakarma yannākarma yadatyareci yannātyareci agniṣṭatsviṣṭakr̥dvidvānsarvaṃ svīṣṭaṃ suhutaṃ karotu //
Sentence: d    yadasya karmaṇo 'tyarīricaṃ yadvā nyūnamihākaram /
Sentence: e    agniṣṭatsviṣṭakr̥dvidvānsarvaṃ sviṣṭaṃ suhutaṃ karotu //
Sentence: f    yata indra bʰayāmahe tato no abʰayaṃ kr̥dʰi /
Sentence: g    magʰavañcʰagdʰi tava tanna ūtaye vi dviṣo vi mr̥dʰo jahi //
Sentence: h    svastidā viśaspatirvr̥trahā vimr̥dʰo vaśī /
Sentence: i    vr̥ṣendraḥ pura etu naḥ svastidā abʰayaṃkaraḥ //
Sentence: j    ābʰirgīrbʰiryadato na ūnamāpyāyaya harivo vardʰamānaḥ /
Sentence: k    yadā stotr̥bʰyo mahi gotrā rujāsi bʰūyiṣṭhabʰājo adʰa te syāma //
Sentence: l    anājñātaṃ yadājñātaṃ yajñasya kriyate mitʰu /
Sentence: m    agne tadasya kalpaya tvaṃ hi vettʰa yatʰātatʰam //
Sentence: n    puruṣasaṃmito yajño yajñaḥ puruṣasaṃmitaḥ /
Sentence: o    agne tadasya kalpaya tvaṃ hi vettʰa yatʰātatʰam //
Sentence: p    yatpākatrā manasā dīnadakṣā nayajñasya manvate martāsaḥ /
Sentence: q    agniṣṭaddʰotā kratuvidvijānanyajiṣṭho devām̐ r̥tuśo yajāti //
Sentence: r    yadvidvāṃso yadavidvāṃso mugdʰāḥ kurvanty r̥tvijaḥ /
Sentence: s    agnirmā tasmādenasaḥ śraddʰā devī ca muñcatām

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.