TITUS
Black Yajur-Veda: Apastamba-Srautasutra
Part No. 434
Previous part

Paragraph: 26 
Verse: 1 
Sentence: a    atʰo kʰalvāhurna cetavyeti /
Sentence: b    rudro vā eṣa yadagnirityuktam

Verse: 2 
Sentence: a    cʰandaścitamiti kāmyāḥ /
Sentence: b    te śulbeṣvanukrāntāḥ

Verse: 3 
Sentence: a    tāpaścite 'gnau saṃvatsaraṃ dīkṣāḥ /
Sentence: b    saṃvatsaramupasadaḥ

Verse: 4 
Sentence: a    purastādupasadāmāgneyamaṣṭākapālamiti pañca caturaścaturo māsānekaikenopasanmantreṇa juhoti

Verse: 5 
Sentence: a    anūpasadamagniṃ cinoti

Verse: 6 
Sentence: a    dvaudvau māsāvekaikā citiḥ /
Sentence: b    catura uttamā

Verse: 7 
Sentence: a    catustanaṃ tristanaṃ dvistanamekastanamiti trīṃstrīnmāsānvratāni

Verse: 8 
Sentence: a    r̥ṣīṇāmāgneyena saṃvatsaramupadʰāna āste

Verse: 9 
Sentence: a    vijñāyata etadvā r̥ṣīṇāmāgneyaṃ yadyājñasenī citiriti

Verse: 10 
Sentence: a    yāni vā daśatayīṣvāgneyāni sūktāni syustairupadadʰyāt

Verse: 11 
Sentence: a    sūktaparimāṇā nānāmantrā iṣṭakāḥ /
Sentence: b    yatʰārtʰaṃ lokaṃpr̥ṇā atʰa purīṣam

Verse: 12 
Sentence: a    tr̥tīye saṃvatsare 'bʰijitā viśvajitā vā yajeta

Verse: 13 
Sentence: a    sarvavedasaṃ dadāti

Verse: 14 
Sentence: a    udavasāya rohiṇīṃ vatsaccʰavīṃ sakarṇapuccʰāvaccʰātāṃ sakʰurāṃ sakʰurikāṃ vā bahirlomaḥ paridʰāyoṣṇīṣeṇa pradakṣiṇaṃ śiro veṣṭayitvaudumbaraṃ camasamādatte /
Sentence: b    audumbarīṃ cābʰrīṃ vaiṇavīṃ vā kalmāṣīṃ pūrvavatpramāṇām

Verse: 15 
Sentence: a    araṇyaudumbare tisro rātrīrvasato mūlapʰalabʰakṣau /
Sentence: b    kʰanitreṇa vā jīvataḥ /
Sentence: c    mūlaṃparikʰāyaitasminpātre 'vadʰāyānyo'nyamapyādadataḥ patnī yajamānaśca

Verse: 16 
Sentence: a    na mr̥nmayena pibataḥ

Verse: 17 
Sentence: a    samūhakena kʰanātakena vā yajamāno bʰakṣamiccʰeta /
Sentence: b    upavīkṣāyeṇopavikr̥ntena vā patnītyeke

Verse: 18 
Sentence: a    niṣāde tisro rātrīrvasataḥ /
Sentence: b    vaiśye tisraḥ /
Sentence: c    rājanye tisraḥ /
Sentence: d    brāhmaṇe vā tisrastisraḥ

Verse: 19 
Sentence: a    saṃvatsaraṃ na yācet /
Sentence: b    na ca dīyamānaṃ pratyācakṣīta

Verse: 20 
Sentence: a    na cetsaṃvatsaraṃ dvādaśāhaṃ dvādaśāham

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.