TITUS
Avestan Corpus
Part No. 42
Previous part

Chapter: 41 

Paragraph: 1 
Verse: a    stūtō. garō. vahmə̄ṇg.
Verse: b       ahurāi. mazdāi.
Verse: c       aṣ̌āicā.1 vahištāi.
Verse: d          dadəmahicā.2 cīṣ̌mahicā.3 ācā. āuuaēdaiiamahī.4

Paragraph: 2 
Verse: a    vohū.1 xṣ̌aϑrəm. tōi. mazdā. ahurā.
Verse: b       apaēmā.
Verse: c          vīspāi. yauuē:2
Verse: d    huxṣ̌aϑrastū. nə̄.3
Verse: e       nā. vā.4 nāirī.vā.5
Verse: f          xṣ̌aētā.
Verse: g             ubōiiō. aŋhuuō.6
Verse: h          hātąm. hudāstəmā.7

Paragraph: 3 
Verse: a    humāīm.1 ϑβā. īžīm.2
Verse: b       yazatəm. aṣ̌aŋhācim.3 dadəmaidē:
Verse: c    aϑā. tū. nə̄.4 gaiiascā.5 astəṇtā̊scā.6 x́iiā̊.
Verse: d       ubōiiō.7 aŋhuuō.8
Verse: e          hātąm. hudāstəmā.9:: (..)

Paragraph: 3_R1 
Verse: a    humāīm. ϑβā. īžīm.
Verse: b       yazatəm. aṣ̌aŋhācim. dadəmaidē:
Verse: c    aϑā. tū. nə̄. gaiiascā. astəṇtā̊scā. x́iiā̊.
Verse: d       ubōiiō. aŋhuuō.
Verse: e          hātąm. hudāstəmā.::

Paragraph: 4 
Verse: a    hanaēmācā. zaēmācā. mazdā.1 ahurā.
Verse: b       ϑβahmī. rafənahī.2
Verse: c       darəgāiiāu.3
Verse: d    aēṣ̌ācā.4 ϑβā. ə̄mauuaṇtascā.5 buiiamā:6
Verse: e    rapōišcā.7 tū. nə̄.8
Verse: f       darəgəmcā.9 uštācā.
Verse: g          hātąm. hudāstəmā.10

Paragraph: 5 
Verse: a    1ϑβōi. staotarascā.2 mąϑranascā. +ahurā.3 mazdā.
Verse: b       aogəmadaēcā. usmahicā.4 vīsāmadaēcā:
Verse: c          hiiat̰.5 mīždəm.6 +mauuaiϑīm.
Verse: d             fradadāϑā. daēnābiiō. mazdā. ahurā:: (..)

Paragraph: 5_R1 
Verse: a    ϑβōi. staotarascā. mąϑranascā. +ahurā. mazdā.
Verse: b       aogəmadaēcā. usmahicā. vīsāmadaēcā:
Verse: c          hiiat̰. mīždəm. +mauuaiϑīm.
Verse: d             fradadāϑā. daēnābiiō. mazdā. ahurā::

Paragraph: 6 
Verse: a    ahiiā. huuō. nə̄.1 dāidī.
Verse: b          ahmāicā. ahuiiē.2 manax́iiāicā.3
Verse: c       tat̰. ahiiā.4
Verse: d          yā. tat̰. upā.jamiiāmā.5
Verse: e             tauuacā. sarəm.6 aṣ̌ax́iiācā.
Verse: f                vīspāi. yauuē.7


Paragraph: 7  {~ Y. 35,2}
Verse: Q1Aa    yeŋ́hē. hātąm.   āat̰. yesnē. paitī. vaŋhō.
Verse: Q1Ab    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1Ac    tąscā. tā̊scā. yazamaide.::::

Verse: Q1Ba    yeŋ́hē. hātąm.   āat̰. yesnē. paitī. vaŋhō.
Verse: Q1Bb    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1Bc    tąscā. tā̊scā. yazamaide.::::


Verse: Q2Aa       humatanąm. hūxtanąm. huuarštanąm.
Verse: Q2Ab          iiadacā. aniiadacā.
Verse: Q2Ac       vərəziiamnanąmcā. vāuuərəzananąmcā.
Verse: Q2Ad    mahī. aidī.jarətārō.
Verse: Q2Ae       +naē-naēstārō.
Verse: Q2Af          +yaϑənā. vohunąm. mahī.::

Verse: Q2Ba       humatanąm. hūxtanąm. huuarštanąm.
Verse: Q2Bb          iiadacā. aniiadacā.
Verse: Q2Bc       vərəziiamnanąmcā. vāuuərəzananąmcā.
Verse: Q2Bd    mahī. aidī.jarətārō.
Verse: Q2Be       +naē-naēstārō.
Verse: Q2Bf          +yaϑənā. vohunąm. mahī.::


Verse: Q3Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Aa    aṣ̌əm. vohū. vahištəm. astī::
Verse: Q4Ab    uštā. astī. uštā. ahmāi.
Verse: Q4Ac    hiiat̰. aṣ̌āi. vahištāi. aṣ̌əm.::

Verse: Q4Ba    aṣ̌əm. vohū. vahištəm. astī::
Verse: Q4Bb    uštā. astī. uštā. ahmāi.
Verse: Q4Bc    hiiat̰. aṣ̌āi. vahištāi. aṣ̌əm.::

Verse: Q4Ca    aṣ̌əm. vohū. vahištəm. astī::
Verse: Q4Cb    uštā. astī. uštā. ahmāi.
Verse: Q4Cc    hiiat̰. aṣ̌āi. vahištāi. aṣ̌əm.::


Paragraph: 8 
Verse: a    yasnəm. sūrəm. haptaŋhāitīm.1 aṣ̌auuanəm. aṣ̌ahe. ratūm. yazamaide.::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.