TITUS
Dadestan-i denig
Part No. 56
Previous part

Chapter: 55  
Paragraph: 1     55-om pursišn ud pāsox ān ī pursēd ēn stūrīh ud dūdag-sālārīh čē ast ud čē bawēd ud čē ēwēnag abāyēd gumārdan u-š xwarišn ud wastarag az abāyēd kardan u-š čēōn abāyēd būdan
Paragraph: 2     
pāsox ēd stūrīh ēdōn bawēd ī ka mard ī weh-dēn ī *āzād ī šāhān-šāh bandag kē-š zan ud frazand ī pādixšāyīhā ud padīriftag ud brād ī hambāy ud stūr ī kardag nēst u-š xwāstag šast stēr ast ī barōmand widerān bawēd
Paragraph: 3     
ud ān xwāstag *xwadāyīh ān widurdag *gōhrīg paydāg kunišn xwānīhēd stūr u-š pad-iš gumārišn ān ī nazdīktar az ham-nāfān pad ān ī ōy nāmgānīh rāyēnēd ud paywand dārēd xwāstag
Page of ed.: 62 
Paragraph: 4     
dūdag-sālārīh ān bawēd ī ka mard ī pad ān ēwēnag kē-š zan ayāb duxt ayāb pus ī aburnāyag pad xwēš-sālārīh šāyēnd abar dūdag-sālār gumārišn
Paragraph: 5     
ēdōn abāyēd gumārdan stūr ud dūdag-sālār čēōn-išān ast sazāgīh pad hangām gumārdan ud ka widerēd mard ī čēōn nibišt pad ān gāh ī čēōn nibišt abāyēd gumārdan zamānīg dastwarīhā spōxtan az sāl drahnāy
Paragraph: 6     
pad stūrīh xwāh ī purnāy pad any dūdag stūr ud pas duxt ī brād ud pus ī brād ud pas abārīg paywand ī nazdīktar.
Paragraph: 7     
pad dūdag sālārīh fradom pid ī čagar pas brād ud pas duxt ud pas abārīg paywand ī nazdīktar andar brādarānandar ān ī meh sazāgtar
Paragraph: 8     
ud zan ī pādixšāyīhā dūdag kadag-bānūg ayōkēn stūr ast zīndag ud pus ī aburnāy purnāy bawēd ud duxt ī dūdag pad sālārīh bawēd ud dūdag sālār[īh] andar kār bawēd xwarišn ud wastarag az xīr ī dūdag ēwēnag būd
Paragraph: 9     
dūdag-sālār sēnag-masāy ud bāzāy-masāy harw māh-ē čahār stēr ī ast 16 ī pūl zan ka šāyēd ēdōn čēōn kadag-bānūg hammist ēdōn čēōn-išān adwadād brahnagīhā ud adādīhā abar rasēd az bar ayāb az bun ī xwāstag ī pad dūdag ēstēd xwarišn ud wastarag ud darmān ud pānagīh handāzišn

Page of ed.: 63 
Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.