TITUS
Dadestan-i denig
Part No. 75
Previous part

Chapter: 74  
Paragraph: 1     74-om pursišn ud pāsox ān ī pursēd kū-šān rist wirāyēnd ayāb nē
Paragraph: 2     pāsox ēd kū az ān čēōn ham rēman ud purr-gand ud *a-dahm ud an-ābēdān wināh ud sahmgēn abzār ī dām *abesīhēnišnīgīh ud ān warzišn ī ka narān pargast uspurrīg andar kār dārēnd ēg-iš a-mardōmīh az-iš šāyēd būd ī čēōn az ī dahāg ī was-ōztōm dēw kāmist ud padistīd ud tuxšīd ud nē *pattūgīhist ud āmurzišn az was dēwīg-čim-rāhīh wēnābdāg hēnd būd dastwar kē-š guft kū-šān rist nē wīrāyēnd
Page of ed.: 84 
Paragraph: 3     bē amaragānīhā pōryōtkēšān andar xwēškārīh ham-wēnišnīhā ud ham-dādestānīhā ud ham-bōzišnīhā abar ēn be ēstād hēnd kū hamāg mardōmān rist wirāyēnd čē dādār ī weh ī aboxšāwand ī purr-wehīh ēč dām abar druz be nē hilēd
Paragraph: 4     pad dēn guft ēstēd kū harwist rist ul hangēzēnēd kē ahlaw kē-z druwand nē kē pad druz be hilēnd
Paragraph: 5     u-šān ēn-iz ēdōn wizīrēnīd kū ōy-iz garān-wināh-tom ka mēnišnīg abaxš ud pašēmān az wināh bawēd čand-iš tuwān wizārdār andar āstawānīh ī pad weh dēn ud wināh-wizārišnīh ī tan ud xīr ō tōzišn ī pādifrāh abēspārēd ēg-iš ruwān-iz ō gāh ī ahlawān madan šāyēd

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.