TITUS
Denkard Book 4
Part No. 71
Previous part

Chapter: 75 
Paragraph: A    ēk abāyišnīgīh ī dānišn ō sūd, sūd ō xwēšāwand ud ēk az-iš-īh pad xwadīh būd šāyistan guft, yazdān šān kām framān anhambasān guft.

Paragraph: B    dānišn šān abar čiš guft tuwān šān abar nē kardan nē, bē abar abāz hāwandīh ī az kardan ǰōmā abārīg kardan guft.

Paragraph: C    dādwarīh šān az dēn wizīr ī dādār, framān abar čihr ī gēhān darmān ī bēšāz-tum.

Paragraph: D    dād-iz ī abar astišnīh az ham bē spurrīgīh abēr-tar pad dō guftan, ēk abē-mustīh ēk xwarrah pādār ud az ham čim tōzišn dō xōg paydāgēnīd, ēk pad tan ēk pad xwāstag.

Paragraph: E    andar ǰud ǰud ēwēnag and bay ud mānsarbarān ī dādāgāhān dānēnd.

Paragraph: F    kē abar ān ī kas pad wināhgārīh ī ham kē gōwēd kū gugāy hēm, ēdōnīh gōwēd ud naxust bawēd pad nakkīrāyīh ī az xwad wināhgārīh bōzišn, čē dādāgāhān dānēnd bawišn šān ī andar gētīg-ōmandīh ay az ham-bawišnīh ēk.

Paragraph: G    ōwōn bawēd guft čiyōn az ham-bawišnīh ī āb ud xāk xištān ēk bawišn az ham-bawišnīh pad ham-šōn wināhišn.

Next part


This text is part of the TITUS edition of Denkard Book 4.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.