TITUS
Denkard Book 4
Part No. 100
Previous part

Chapter: 109 
Paragraph: A    dānāgān frahist windišn ōh-iz ān ī az xwadāyān abēr arzānīgīh madan pad wuzurg ham-bār ud drubištīh ud abar az arzānīgīh bahr kunišnīh pad garān bīm ud puhl ī ēdar ud ānōh dārēnd ud andar nixwārān ī abar ō paymānīg bahr windišnīh pahrēz ī az ān āhōg nē hilēnd nē-iz čihrīg pad šōnīg bahr xwāhišnīh wastārīh rēšīdār bawēnd xwēš mēnōgīg mān ud wis ud zand ud dih ud mān tā-iz ī bahr pad anarzānīgān gāh kunišnīh.

Paragraph: B    dānāgān abāg xwāstan ī mih-gāhīh andar xwadāyān ōh-iz andar pāymār mih-kār xwāhišnīh was bundāštīh-iz ī abārīg pityārag ī az-iš zāyīhēd ud andar āfrāhīh ham-mōxtārīh padīrišnīh purr bōzišnīh ī ōy ī xwadāy kāmag ī ī-š pad ān āfrāhīh ud abārīg kard ī ān kāmag rāh ō azēr wihīh gāh šabīg ud nazd kō(x)šišnīh-iz ī-š mēnōgīg ō gāh ī abar padīrag kō(x)šišnīh wizīrīh ān ī ōy ī xwadāy ud abārīg ī abar ham-dar abēr nigirēnd ud ān-iz rāy gāh winnārišnīh mēzag wih dānēnd.

Next part


This text is part of the TITUS edition of Denkard Book 4.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.