TITUS
Pahlavi Rivayat
Part No. 21
Previous part

Chapter: 21 
Ch. 21
(a)


Paragraph: a1    dar ēn kū<kē> kūn-marz-ē be ōzanēd ā-š tanāpuhl-ē kirbag

Paragraph: a2    kē mard-ē druwand ī margarzān be ōzanēd ā-š tanāpuhl-ē kirbag

Paragraph: a3    kē mār-ē pad parr be ōzanēd ā-š tanāpuhl-ē kirbag

Paragraph: a4    ud kē wak-ē andar āb gīrēd be ōzanēd ud az āb be āwarēd ā-š tanāpuhl-ē kirbag ka andar āb ōzanēd ud hazar ud panǰ sad be ōzanēd tanāpuhl-ē <kirbag>

Paragraph: a5    kē +mōr-ē be ōzanēd nawad kirbag

Paragraph: a6    <kē> mār-ē be ōzanēd ka-š abestāg padiš gōwēd ā-š tanāpuhl-ē kirbag ka-š abestāg padiš nē gōwēd

Paragraph: a7    ka dwāzdah be ōzanēd ā-š tanāpuhl-ē kirbag

Paragraph: a8    +ka gazdumb ud (?) ud zālūg +taštagwar ē-sad be ōzanēd ā-š tanāpuhl-ē kirbag

Paragraph: a9    ka pāzug ī gand-gardān be ōzanēd dwāzdah kirbag

Paragraph: a10    ud kē +gilābīg-ē be ōzanēd ā-š ē māh drahnāy yašt ī āb ud srōd ī gāhān

Paragraph: a11    kē karzang ē-sad panǰāh be ōzanēd tanāpuhl-ē kirbag

Paragraph: a12    kē +karbūg-ē be ōzanēd ā-š ē māh drahnāy yašt āb ud srōd ī gāhān

Paragraph: a13    kē +kasūg-ē be ōzanēd a-š tanāpuhl-ē kirbag

Paragraph: a14    kē magas ī kirm-rēz be ōzanēd ā-š dah rēz yašt ī āb ud srōd ī gāhān

Paragraph: a15    ke ē-sad yōz be ōzanēd ā-š sāl drahnāy yašt ī āb ud srōd ī gāhān

Paragraph: a16    kē garzag-ē nasā-brīn be ōzanēd ā-š kirbag ēdōn bawēd čēōn ka-š gurg čahār ī šēr hē ud gurg yōz ud gurg šēr ka be ōzanēd ā and čand tan <ī šēr ī gur<g>īg> sanǰēd ā-š ān tanāpuhl kirbag

Paragraph: a17    ud kē dō +sās ayāb dō kayk be ōzanēd ā-š ē rōz yašt ī āb ud srōd ī gāhān


(b)


Paragraph: b1    ēn-iz paydāg kū zarduxšt az ohrmazd pursīd kū az ahreman xrafstarān čē dērandtar pad gyān zīwistan

Paragraph: b2    ohrmazd guft kū mōr ud mār ud awēšān harw ēk rāy ē-hazār sāl zīwēnd mōr pad ē-hazār ud sē-sad ud sīh ud sē sāl abāg mār parr be rōyēd ka-š parr be rust bawēd ēg mār srū be rōyēd az ān ī ahreman xrafstar wišōmand and čand darzag-ē ī angust be ōzanēd ā-š rōz yašt ī āb ud srōd ī gāhān bawēd

Paragraph: b3    kē zūzag-ē be ōzanēd ā-š panǰ tanāpuhl wināh bawēd

Paragraph: b4    kē udrag-ē ayāb rōbāh-ē be ōzanēd ayāb rasūg-ē ā-š dō tanāpuhl ud nēm wināh

Paragraph: b5    kē sag-ē be ōzanēd ā-š čahār tanāpuhl wināh

Paragraph: b6    kē babrag-ē ābīg be ōzanēd ā-š ē-sad ud panǰāh tanāpuhl wināh


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.