TITUS
Vetus testamentum iberice: Exodus (rec. AK)
Part No. 85
Previous part

Chapter: 4  
თავი IV


Verse: 1   Link to mcat Link to gelatat Link to sept   აწ გესმოდენ ისრაელსა სამართალი და მსჯავრი, რომელსა მე ესე გასწავებ შენ დღეს დღე ყოფად მაგისა, რაჲთა სცხონდე და განსძლიერდე, შეხჳდე, დაიმკჳდრო ქუეყანა იგი, რომელ უფალმან ღმერთმან მამათა შენთამან მოგცეს შენ.

Verse: 2   Link to mcat Link to gelatat Link to sept   არა შესძინო შენ სიტყუა ერთი, რომელსა-ესე მე გამცნებ თქუენ, და არცა დააკლოთ მაგას, არამედ დაიცვნე შენ მცნებანი უფლისა ღმრთისა შენისანი, რომელთაესე მე გამცნებ შენ დღეს დღე.

Verse: 3   Link to mcat Link to gelatat Link to sept   თუალნი თქუენნი ხედვიდეს, რაჲ-იგი უყო უფალმან ღმერთმან ბელფეგორს, რამეთუ ყოველი კაცი, რომელი შეუდგა ბელფეგორს, აღჴოცა იგი უფალმან ღმერთმან თქუენმან საშოვლისაგან.

Verse: 4   Link to mcat Link to gelatat Link to sept   თქუენ ეგე, რომელ შეახლებულ ხართ უფალსა ღმერთსა თქუენსა, სცხონდეთ, ვითარცა ესე დღეს დღე.

Verse: 5   Link to mcat Link to gelatat Link to sept   იგულეთ, აჰა ესერა, მიგეც თქუენ სამართალი და მსჯავრი, ვითარცა მამცნო Page of ms. S: 318V   მე უფალმან ღმერთმან, რაჲთა ჰყოთ თქუენ იგი ქუეყანასა მას, რომელსა შეხუალთ დამკჳდრებად მუნ,

Verse: 6   Link to mcat Link to gelatat Link to sept   დაცვად მცნებათა მათ და ყოფად ამისა, რამეთუ ესე არს სიბრძნე და მეცნიერება თქუენდა წინაშე ყოველთა წარმართთა, რომელთა ესმოდის ყოველი სამართალი ესე თქუენი. აჰა ესერა, ერი ბრძენი და მეცნიერი ნათესავი დიდი.

Verse: 7   Link to mcat Link to gelatat Link to sept   რამეთუ რომელი არს ნათესავი დიდი, რომლისამცა უფალი ღმერთი იყო მახლობელ მათა, ვითარცა უფალი ღმერთი ჩუენი მახლობელცა არს ჩუენდა ყოველსავე ადგილსა, რომელსაცა ვხადოდით მას?

Verse: 8   Link to mcat Link to gelatat Link to sept   ანუ რომელი არს ნათესავი დიდი, რომელსა მიცემულ არს სამართალი და მსჯავრი მსგავსად ყოვლისა ამის შჯულისა, რომელ-ესე მე მიგცემ თქუენ დღეს დღე?

Verse: 9   Link to mcat Link to gelatat Link to sept   იგულე თავი შენი და დაიცევ სული შენი ფრიად. ნუ დაივიწყებ* ამათ სიტყუათა, რომელ-ესე იხილეს თუალთა შენთა, და ნუცა განიშორებ გულისაგან შენისა ყოველთა დღეთა ცხორებისა შენისათა, არამედ წურთილ-ჰყვნე შვილნი შენნი და შვილნი შვილთა შენთანი

Verse: 10   Link to mcat Link to gelatat Link to sept   დღესა მას, რომელსა-იგი წარსდეგით თქუენ წინაშე უფლისა ღმრთისა თქუენისა ქორებს, რამეთუ მეტყოდა მე უფალი და მრქუა: შემოკრიბე ერი ეგე ჩემ წინაშე და ისმინნეს სიტყუანი ჩემნი და შეისწაონ შიში ჩემი ყოველთა დღეთა ცხორებისა მათისათა, რავდენცა ცხონდენ ქუეყანასა ზედა, და ასწაონ შვილთაცა მათთა.

Verse: 11   Link to mcat Link to gelatat Link to sept   და მოჰკერბით Page of ms. S: 319R   და დასდეგით წინაშე მთასა მას. და მთა იგი აღჭუოვილი აღატყდებოდა ცეცხლითა ვიდრე ცადმდე და ბნელი, ჴშირი ნისლისა და არმურისა და ჴმა ბრძანებისა უფლისა.

Verse: 12   Link to mcat Link to gelatat Link to sept   გეტყოდა თქუენ უფალი მიერ მთით შორის ცეცხლსა მას, რომლისა ჴმა სიტყუათა მისთა გესმოდა თქუენ, ხოლო ქმნულებასა არა ჰხედევდით.

Verse: 13   Link to mcat Link to gelatat Link to sept   და გითხრობდა თქუენ მცნებათა მათ, რომელ-იგი გამცნო თქუენ ყოფად მისა, და მოგცა თქუენ ათი იგი მცნება შჯულისა დაწერილი ორთა ზედა ფიცართა ქვისათა.

Verse: 14   Link to mcat Link to gelatat Link to sept   და მამცნო მე უფალმან მას ჟამსა შინა სწავლად თქუენდა სამართალი და მსჯავრი, რაჲთა ვყო იგი ქუეყანასა მას, რომელსა შეხუალთ თქუენ.

Verse: 15   Link to mcat Link to gelatat Link to sept   ეკრძალენით თავთა თქუენთა, რამეთუ ხატი ქმნულებისა არა იხილოთ თქუენ დღესა მას, რომელსა გეტყოდა თქუენ უფალი ღმერთი მთასა მას ქორებსა შორის ცეცხლსა მას, (16S) და თქუა, ვითარმედ:

Verse: 16   Link to mcat Link to gelatat Link to sept   ნუ ურჯულოებთ, ნუცა იქმთ თავისა თქუენისა კერპთა გამოქანდაკებულთა მსგავსად ხატისა მამლისა გინა დეოლისა,

Verse: 17   Link to mcat Link to gelatat Link to sept   გინათუ მსგავსად ყოვლისავე საცხოვარისა, რომელ-რაჲ არს ქუეყანასა ზედა, ანუთუ მსგავსად ყოვლისა მფრინველისა მფრთოვანისა, რომელ ფრინავს ცასა ქუეშე,

Verse: 18   Link to mcat Link to gelatat Link to sept   ანუ მსგავსად ყოვლისავე ქუეწარმძრომელისა, რომელი ძურების პირსა ზედა ქუეყანისასა, ანუ მსგავსად Page of ms. S: 319V   ყოვლისავე მცურვალისა, რომელი ცურავს წყალსა შინა ქუეყანასა ქუეშე.

Verse: 19   Link to mcat Link to gelatat Link to sept   ნუცა აღიხილავ ზეცად, რაჲთა არა. რაჟამს იხილო მზე გინათუ მთოვარე და ვარსკულავნი ანუთუ ყოველი სამკაული ცათა და შესცთე, თაყუანის-სცე მათ, ანუ ჰმსახურებდე მათ, რომელ-იგი განგაშოვრნა თქუენგან უფალმან ღმერთმან თქუენმან და მისცა წარმართთა, რომელ არს ქუეშე ცასა.

Verse: 20   Link to mcat Link to gelatat Link to sept   ხოლო თქუენ შეგიწყნარნა უფალმან ღმერთმან თქუენმან და გამოგიყვანნა თქუენ საჴუმილისა მისგან რკინისასა, ქუეყანისა მისგან ეგჳპტელთასა, რაჲთა იყო შენ მისა ერად მკჳდრობისა დღეს დღე.

Verse: 21   Link to mcat Link to gelatat Link to sept   და აწ უფალი ღმერთი განრისხნა ჩემ ზედა სიტყუათა თქუენთათჳს და ფუცა, რაჲთა არა წიაღ-ვიდე მე იორდანესა მდინარესა და არცა შევიდე მე ქუეყანასა მას, რომელ-იგი უფალმან ღმერთმან მოგცეს თქუენ ნაწილად მკჳდრობისა თქუენისა.

Verse: 22   Link to mcat Link to gelatat Link to sept   ხოლო აწ მე მოსიკუდიდ ვარ ამასვე ქუეყანასა და არა წიაღ-სლვად ვარ მე იორდანესა მდინარესა, ხოლო თქუენ წიაღ-ჰჴდეთ და დაიმკჳდროთ ქუეყანა იგი კეთილთა.

Verse: 23   Link to mcat Link to gelatat Link to sept   ეკრძალე, ნუუკუე დაივიწყო შენ მცნება იგი უფლისა ღმრთისა თქუენისა, რომელ გამცნო თქუენ, და იქმნნეთ თავისა თქუენისა კერპნი გამოქანდაკებულნი* მსგავსად ყოვლისა მის, რომლისა-ესე გიბრძანა შენ უფალმან ღმერთმან შენმან განშორებად მისგან.

Verse: 24   Link to mcat Link to gelatat Link to sept   რამეთუ უფალი ღმერთი ცეცხლ Page of ms. S: 320R   შემწუელ არს და ღმერთი მოშურნე.

Verse: 25   Link to mcat Link to gelatat Link to sept   უკუეთუ ისხნე შენ შვილ ანუ შვილისშვილ და დღეგრძელ იყო ქუეყანასა ზედა და უშჯულოებდე და ჰყო ბოროტ წინაშე უფლისა ღმრთისა შენისა და იქმნნე შენ თავისა შენისა კერპნი გამოქანდაკებულნი და განარისხო უფალი ღმერთი შენი,

Verse: 26   Link to mcat Link to gelatat Link to sept   აჰა ესერა, შეგწამებ მე დღეს თქუენ წინაშე ცასა და ქუეყანასა, რამეთუ მოსპოლვით მოგსპნეს თქუენ ქუეყანისა მისგან, რომლისათჳს წიად-ხუალთ იორდანესა მდინარესა დამკჳდრებად მისა. და არა დღეგრძელად დაიმკჳდროთ მუნ, არამედ მოსრვით მოისრნეთ.

Verse: 27   Link to mcat Link to gelatat Link to sept   და განგაბნინეს თქუენ უფალმან ღმერთმან თქუენმან ყოველთა შორის წარმართთა და დაშთეთ თქუენ მცირედ რიცხჳთ წარმართთა შორის, რომელსა-იგი შეგიყვანნეს თქუენ უფალმან.

Verse: 28   Link to mcat Link to gelatat Link to sept   და ჰმსახურებდეთ თქუენ კერპთა უცხოთა, ქმნულთა ჴელთა კაცთასა, ძელისა და რვალისათა, რომელნი არა ხედვიდენ და არცა ესმოდის, არცა ჭამდენ და არცა იყნოსდენ.

Verse: 29   Link to mcat Link to gelatat Link to sept   და ეძიებდეთ თქუენ უფალსა ღმერთსა თქუენსა და ჰპოოთ იგი, რაჟამს ეძიებდეთ მას ყოვლითა გონებითა თქუენითა და ყოვლითა გულითა თქუენითა, (30S) რაჟამს სიმდაბლით ეძიებდეთ მას ჭირსა შინა თქუენსა.

Verse: 30   Link to mcat Link to gelatat Link to sept   და მოგეგონებოდიან თქუენ სიტყუანი ესე ჩემნი შემდგომად ჟამთა. და მოიქცე შენ უფლისა მიმართ ღმრთისა შენისა და ისმინო ჴმა ბრძანებისა მისისაჲ. Page of ms. S: 320V  

Verse: 31   Link to mcat Link to gelatat Link to sept   რამეთუ უფალი ღმერთი მოწყალე არს, უფალმან ღმერთმან შენმან არა დაგაგდოს შენ, არცაღა წარგწყმიდოს შენ, არცა დაივიწყოს აღთქუმა იგი მამათა შენთა, რომელ-იგი ეფუცა მათ.

Verse: 32   Link to mcat Link to gelatat Link to sept   იკითხეთ დღენი იგი პირველნი, რომელ-იგი თქუენსა წინა იყვნეს, დღითგან, ვინათგან შექმნა ღმერთმან კაცი იგი პირსა ზედა ქუეყანისასა, და კიდითგან ცისათ ვიდრე კიდედმდე მისა, ყოფილ თუ სადმე არს მსგავსად სიტყჳსა ამის დიდისა, (33S) რომელ-ესე თქუენ გესმა,

Verse: 33   Link to mcat Link to gelatat Link to sept   ესმა თუ რომელსამე ნათესავსა ჴმა ღმრთისა ცხოველისა, ვითარ-იგი იტყოდა შორის ცეცხლსა, რომელ-იგი გესმოდა შენ და სცხონდი,

Verse: 34   Link to mcat Link to gelatat Link to sept   ანუთუ გან-სადამე-ცადა ღმერთმან შესლვად და გამოყვანებად ნათესავი ნათესავთაგანი სასწაულებითა და ნიშებითა ჴელითა მტკიცითა და მკლავითა მაღლითა და საჩუენებლითა დიდძალითა ყოველთათჳს, რომელ ყო უფალმან ღმერთმან თქუენმან ქუეყანასა მას ეგჳპტისასა წინაშე შენსა,

Verse: 35   Link to mcat Link to gelatat Link to sept   რაჲთა გულისჴმა-ჰყო, რამეთუ უფალი ღმერთი შენი მხოლო არს ღმერთ და არა არს სხუა ღმერთ მისსა გარეშე.

Verse: 36   Link to mcat Link to gelatat Link to sept   ცით გარდამოისმა ჴმა მისი სასწაულად შენდა და ქუეყანასა ზედა გიჩუენა შენ ცეცხლი იგი მისი დიდი, და სიტყუა იგი მისი გესმა შორის ცეცხლსა მას,

Verse: 37   Link to mcat Link to gelatat Link to sept   რამეთუ შეიყვანნა მან მამანი იგი თქუენნი და გამოირჩია Page of ms. S: 321R   მან ნათესავი იგი მათი შემდგომად მათსა თქუენ ყოველთა უფროს წარმართთა და გამოგიყვანა შენ ძალითა მით დიდითა ქუეყანისა მისგან ეგჳპტელთასა

Verse: 38   Link to mcat Link to gelatat Link to sept   დაცემად წინაშე პირსა შენსა ნათესავები იგი დიდ-დიდები უძლიერესი შენსა, შეყვანებად და მიცემად შენდა ქუეყანა იგი მათი სამკჳდრებელად მკჳდრობისა შენისა, ვითარცა ეგე გიპყრიეს დღეს დღე,

Verse: 39   Link to mcat Link to gelatat Link to sept   რაჲთა გულისჴმა-ჰყო დღეს გონებასა შენსა, რამეთუ უფალი თავადი არს ღმერთ ზეცათა შინა და ქუეყანასა ზედა, და არავინ არს მისსა გარეშე სხუა ღმერთ.

Verse: 40   Link to mcat Link to gelatat Link to sept   და დაიცვნე შენ მცნებანი მისნი და სამართალნი, რომელთა-ესე მე გამცნებ შენ დღეს დღე, რაჲთა კეთილი გეყოს შენ და შვილთა შენთა შენ თანა და დღეგრძელ იყვნეთ ქუეყანასა ზედა, რომელ-იგი უფალმან ღმერთმან თქუენმან მოგცეს თქუენ ყოველთა დღეთა თქუენთა.

Verse: 41   Link to mcat Link to gelatat Link to sept   მას ჟამსა გამოაყენნა მოსე სამნი ქალაქნი წიაღ იორდანესა მზის აღმოსავალით კერძო

Verse: 42   Link to mcat Link to gelatat Link to sept   შესავედრებელად კაცისმკლველთა, რაჲთა რომელმანცა მოკლას მოყუასი თჳსი იშჳდ და არა ნებსით თჳსით, არა ზრახვით და არცა სიძულილით იყო მისა მიმართ გუშინ ანუ ძუღან, და შევარდეს ეგევითარი ერთსა მას ქალაქთაგანსა, განერეს და ცხონდეს:

Verse: 43   Link to mcat Link to gelatat Link to sept   ბოსორი უდაბნოთ კერძო ველთა მათ ქუეყანისა რუბენისგან, და ჰრამოთი გალადით კერძო ქუეყანისა მისგან გადისი, და გოლანი ბასაანს ქუეყანასა მას მანასესსა.

Verse: 44   Link to mcat Link to gelatat Link to sept   Page of ms. S: 321V   ესე შჯული არს, რომელ დადვა მოსე ძეთა მათ ისრაელისათა.

Verse: 45   Link to mcat Link to gelatat Link to sept   ესე მცნებანი არიან, წამებანი და სამართალნი, რომელთა ეტყოდა მოსე ძეთა მათ ისრაელისათა უდაბნოსა მას, რაჟამს გამოვიდეს იგინი ქუეყანით ეგჳპტით,

Verse: 46   Link to mcat Link to gelatat Link to sept   წიაღ იორდანესა, ჴევსა მას მახლობელად სახლისა მის ფოგორისსა, ქუეყანასა მას სეონ მეფისა მის ამორეველთასა, რომელ-იგი დამკჳდრებულ იყო ესებონს, რომელი-იგი მოსრა მოსე და ძეთა მათ ისრაელისათა, რაჟამს გამოვიდეს იგინი ქუეყანით ეგჳპტით.

Verse: 47   Link to mcat Link to gelatat Link to sept   და დაიმკჳდრეს მათ ქუეყანა იგი მისი და ქუეყანა ოგისი, მეფისა მის ბასანისა, ორთა მათ შარავანდედთა ამორეველთა, რომელ-იგი იყვნეს წიაღ იორდანესა (48S) მზის აღმოსავალით კერძო,

Verse: 48   Link to mcat Link to gelatat Link to sept   აროერითგან, რომელ არს კიდესა ნაღუარევთა მათ არნონისთა, მიმთადმდე სეონისა, რომელ არს ერმონი,

Verse: 49   Link to mcat Link to gelatat Link to sept   ყოვლით კერძო არაბიათ წიაღ იორდანესა მზის აღმოსავალით ასეროთით მთით თლილით.



Next part


This text is part of the TITUS edition of Vetus testamentum iberice: Exodus (rec. AK).

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.