TITUS
Vetus Testamentum graece iuxta LXX interpretes
Part No. 779
Previous part

Chapter: 10 
Verse: 1  Μυῖαι ϑανατοῦσαι σαπριοῦσιν σκευασίαν ἐλαίου ἡδύσματος·
τίμιον ὀλίγον σοϕίας ὑπὲρ δόξαν ἀϕροσύνης μεγάλης.
Verse: 2  καρδία σοϕοῦ εἰς δεξιὸν αὐτοῦ,
καὶ καρδία ἄϕρονος εἰς ἀριστερὸν αὐτοῦ·
Verse: 3  καί γε ἐν ὁδῷ ὅταν ἄϕρων πορεύηται,
καρδία αὐτοῦ ὑστερήσει,
καὶ ἃ λογιεῖται πάντα ἀϕροσύνη ἐστίν.
Verse: 4  ἐὰν πνεῦμα τοῦ ἐξουσιάζοντος ἀναβῇ ἐπὶ σέ,
τόπον σου μὴ ἀϕῇς,
ὅτι ἴαμα καταπαύσει ἁμαρτίας μεγάλας.
Verse: 5  ἔστιν πονηρία, ἣν εἶδον ὑπὸ τὸν ἥλιον,
ὡς ἀκούσιον, ὃ ἐξῆλϑεν ἀπὸ προσώπου τοῦ ἐξουσιάζοντος·
Verse: 6  ἐδόϑη ὁ ἄϕρων ἐν ὕψεσι μεγάλοις,
καὶ πλούσιοι ἐν ταπεινῷ καϑήσονται·
Verse: 7  εἶδον δούλους ἐϕ' ἵππους
καὶ ἄρχοντας πορευομένους ὡς δούλους ἐπὶ τῆς γῆς.
Verse: 8  ὁ ὀρύσσων βόϑρον ἐν αὐτῷ ἐμπεσεῖται,
καὶ καϑαιροῦντα ϕραγμόν, δήξεται αὐτὸν ὄϕις·
Verse: 9  ἐξαίρων λίϑους διαπονηϑήσεται ἐν αὐτοῖς,
σχίζων ξύλα κινδυνεύσει ἐν αὐτοῖς.
Verse: 10  ἐὰν ἐκπέσῃ τὸ σιδήριον,
καὶ αὐτὸς πρόσωπον ἐτάραξεν,
καὶ δυνάμεις δυναμώσει,
καὶ περισσεία τοῦ ἀνδρείου σοϕία.
Verse: 11  ἐὰν δάκῃ ὁ ὄϕις ἐν οὐ ψιϑυρισμῷ,
καὶ οὐκ ἔστιν περισσεία τῷ ἐπᾴδοντι.
Verse: 12  λόγοι στόματος σοϕοῦ χάρις,
καὶ χείλη ἄϕρονος καταποντιοῦσιν αὐτόν·
Verse: 13  ἀρχὴ λόγων στόματος αὐτοῦ ἀϕροσόνη,
καὶ ἐσχάτη στόματος αὐτοῦ περιϕέρεια πονηρά·
Verse: 14  καὶ ὁ ἄϕρων πληϑύνει λόγους.
οὐκ ἔγνω ὁ ἄνϑρωπος τί τὸ γενόμενον,
καὶ τί τὸ ἐσόμενον ὀπίσω αὐτοῦ, τίς ἀναγγελεῖ αὐτῷ;
Verse: 15  μόχϑος τῶν ἀϕρόνων κοπώσει αὐτούς,
ὃς οὐκ ἔγνω τοῦ πορευϑῆναι εἰς πόλιν.
Verse: 16  οὐαί σοι, πόλις, ἧς ὁ βασιλεύς σου νεώτερος
καὶ οἱ ἄρχοντές σου ἐν πρωίᾳ ἐσϑίουσιν·
Verse: 17  μακαρία σύ, γῆ, ἧς ὁ βασιλεύς σου υἱὸς ἐλευϑέρων
καὶ οἱ ἄρχοντές σου πρὸς καιρὸν ϕάγονται ἐν δυνάμει
καὶ οὐκ αἰσχυνϑήσονται.
Verse: 18  ἐν ὀκνηρίαις ταπεινωϑήσεται ἡ δόκωσις,
καὶ ἐν ἀργίᾳ χειρῶν στάξει ἡ οἰκία.
Verse: 19  εἰς γέλωτα ποιοῦσιν ἄρτον,
καὶ οἶνος εὐϕραίνει ζῶντας,
καὶ τοῦ ἀργυρίου ἐπακούσεται σὺν τὰ πάντα.
Verse: 20  καί γε ἐν συνειδήσει σου βασιλέα μὴ καταράσῃ,
καὶ ἐν ταμιείοις κοιτώνων σου μὴ καταράσῃ πλούσιον·
ὅτι πετεινὸν τοῦ οὐρανοῦ ἀποίσει σὺν τὴν ϕωνήν,
καὶ ὁ ἔχων τὰς πτέρυγας ἀπαγγελεῖ λόγον.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.