და ესე სახელები ტოჰმებისაჲ დასაბამითგან ჩრდილოჲთ კერძოჲსაჲთ ადგილით კერძო გარდამოსავალით, რომელი განიყოფვის შესავალსა ემათისა, ეზოჲ ავნანისი, საზღვარ დიმასკესა ჩრდილოჲთ ემათით კერძო ეზოჲსა, იყოს მათა მზის-ავმოსავალით ვიდრე ზღუადმდე დანისი ერთ.
და საზღვარითგან Page of ms. J: B113v ასერისით აღმოსავალითგან ვიდრე ზღუადმდე ნეფთალემისი ერთ./
(?) და საზღვრითგან ნეფთალემისით აღმოსავალითგან ვიდრე ზღუადმდე ეფრ[!!!!!]
და საზღვრითგან მანასჱსით მზის-აღმოსავალით ვიდრე ზღუადმდე ეფრემისი ერთ.
და საზღვრითგან ეფრემისით მზის-აღმოსავალით ვიდრე ზღუადმდე რუბენისი ერთ.
და საზღვრითგან რუბენისით მზის-ავმოსავალით ვიდრე ზღუადმდე იუდაჲსი ერთ.
და საზღვრითგან იუდაჲსით მზის-აღმოსავალითგან ვიდრე ზღუადმდე იყოს პირველ ნაყოფ განჩემებულ ოც და ხუთ ათას სივრცჱ, და სიგრძჱ ვითარცა ერთი ნაწილთაგანი მზის-აღმოსავალითგან ვიდრე ზღუადმდე, და იყოს სიწმიდჱ იგი შორის მათსა , , ,.
პირველი ნაყოფად რომელ განუჩემონ უფალსა, სიგრძით ოც და ხუთ ათას.
ესე იყოს პირველ ნაყოფ სიწმიდეთა მღდელთათჳს, ჩრდილოდ კერძო ოც და ხუთ ათას, ზღ<უ>ად მიმართ ათ ათას, და სამხრად კერძო ოც და ხუთ ათას; და მთაჲ იგი წმიდათაჲ იყოს შორის მისსა .
მღდელთათჳს განწმედილთა ძეთა სადუკისთა, რომელნი სცვენ საცოსა მას სახლისასა, რომელნი არა სცთეს ცთომასა მას ძეთა ისრაჱლისათასა, ვითარცა იგი სცთეს ლევიტელნი.
და იყოს მათა პირველი ნაყოფი მიცემულ ნაყოფთაგან ქუეყანისათა წმიდაჲ წმიდათაჲ საზღვართაგან ლევიტელთა.
ხოლო სხუათა ლევიტელთა მახლობელი საზღვართა მათ მღდელთაჲ, სიგრძით ოც <დ>ა ხუთ ათასი და სივრცით ათი ათასი; ყოველი სიგრძჱ ოც და ხუთ ათას, და სივრცჱ ოც ათას.
არა განიყიდოს მისგანი, არცა განიზომოს, არა გამოეჴუას პირველი ნაყოფი ქუეყანისაჲ, რამეთუ წმიდაჲ უფლისაჲ არს.
და ხუთი იგი ათასი მეტი სივრცე ოც და ხუთ ათასსა მას, ზღუდის ზღუდე იყოს ქალაქისა სამკჳდრებელად და განსაგრძობელად მისა, და იყოს ქალაქი შორის ამათსა. Page of ms. J: B114r
და ესე საზომი მისი, მზის-ავმოსავალით ხუთას, და ოთხ ათას/ და სამხრით ხუთას და ოთხ ათას, და ჩრდილოჲთ ოთხ ათას და ხუთას, და ზღჳთგან ოთხ ათას და ხუთას.
და იყოს განშოვრებულ ქალაქსა ჩრდილოჲთ კერძო ას ერგასის, და მზის-აღმოსავალით ას ერგასის, და ზღჳთ კერძო ას ერგასის.
და უმეტჱს<ი> იგი სიგრძისაჲ მახლობელად პირველსა მას ნაყოფსა წმიდათასა ათი ათასი მზის-აღმოსავალით, და ათი ათასი ზღუად მიმართ; და იყვნენ პირველნი ნაყოფნი წმიდისანი, და იყოს ნაყოფი მისი პურად მოქმედთა ქალაქისათა.
ხოლო მოქმედნი იგი ქალაქისანი იქმოდედ მას ყოველთა <გან> ტოჰმთა ისრაჱლისათა.
ყოველი პირველ ნაყოფი ოც და ხუთ ათას ოთ<ხ>-კიდედ განუჩემოთ იგი პირველ ნაყოფად სიწმიდისა საბრძანებელისაგან ქალაქისა.
ხოლო უმეტჱსი იგი მთავრისა მის იყოს ამისგან და იმისგან პირველთა ნაყოფთაგან წმიდათაჲსა, და დასაპყრობელად ქალაქისა ოც და ხუთ ათას სიგრძედ ვიდრე საზღვრადმდე ზღჳთ კერძოთა მახლობელად საზღვართა მთავრისათა, და იყოს პირველ ნაყოფ წმიდათა და სიწმიდჱ იგი სახლისაჲ შორის მისსა.
ლევიტელთაგან და საბრძანებელისაგან ქალაქისაჲ შორის მთავართასა მას იყოს შორის საზღვართა იუდაჲსთა და შორის საზღვართა ბენიამინისთა მთავართაჲ მათ იყოს.
და უმეტესთაჲ მათ ტოჰმთაჲ მზის-აღმოსავალთაჲ ვიდრე ზღუად მიმართთაჲ ბანიამინისი ერთ.
და საზღვრითგან ბენიამინისით მზის-აღმოსავალით ვიდრე ზღუად მიმართ სჳმეონისი ერთ.
და საზღვართაგან სჳმეონისთა მზის-აღმოსავალით ვიდრე ზღუად მიმართ ისაქარისი ერთ.
და საზღვართაგან ისაქარისთა მზის-აღმოსავალით ვიდრე ზღუად მიმართ ზაბულონისი ერთ.
და საზღვართაგან ზაბულონისთა მზის-აღმოსავალით ვიდრე ზღუად მიმართ გადისი ერთ.
და საზღვართაგან გადისთა მზის-აღმოსავალით ვიდრე ბღუარად მიმართ, და იყოს საზღვარი მისი თემანითგან Page of ms. J: B114v ვიდრე წყლადმდე/ არიმოთისა კადესა სამკჳდრებელი ვიდრე ზღუადმდე დიდად.
ესე არს ქუეყანაჲ, რომელი განუყოთ ნაწილად ტოჰმთა ისრაჱლისათა, <და> ესე არს განყოფაჲ მათი, იტყჳს უფალი უფალი.
და ესე არიან განსავალნი ქალაქისანი ჩრდილოჲთ კერძონი ოთხ ათას და ხუთას საზომითა.
და ბჭეები ქალაქისაჲ სახელებითა ტოჰმთა ისრაჱლისათა, ბჭენი სამ ჩრდილოჲთ, ბჭჱ ჰრბენისი ერთ, და ბჭჱ იუდაჲსი ერთ, და ბჭჱ ლევისი ერთ,
და მზის-აღმოსავალით ოთხ ათას და ხუთას, და ბჭენი სამ, ბჭჱ იოსეფისი ერთ, და ბჭჱ ბენიამინისი ერთ, და ბჭჱ დანისი ერთ.
და სამხრით ოთხ ათას და ხუთას, და ბჭენი სამ, ბჭჱ სჳმეონისი ერთ, და ბჭჱ ისაქარისი ერთ, და ბჭჱ ზაბულონისი ერთ.
და ზღუად კერძო ოთხ ათას და ხუთას საზომითა, და ბჭენი სამ, ბჭჱ გადისი ერთ, ბჭჱ ასერისი ერთ, ბჭჱ ნეფთალემისი ერთ.
გარემო ათრვამეტ ათას და სახელი ქალაქისაჲ, რომლისაგანცა იყოს იგი, იყოს სახელი მისი.: .: .:
