TITUS
Vetus Testamentum graece iuxta LXX interpretes
Part No. 806
Previous part

Chapter: 17 
Verse: 1  ὀλέκομαι πνεύματι ϕερόμενος,
δέομαι δὲ ταϕῆς καὶ οὐ τυγχάνω.
Verse: 2  λίσσομαι κάμνων, καὶ τί ποιήσας;
Verse: 3  ἔκλεψαν δέ μου τὰ ὑπάρχοντα ἀλλότριοι.
τίς ἐστιν οὗτος; τῇ χειρί μου συνδεϑήτω.
Verse: 4  ὅτι καρδίαν αὐτῶν ἔκρυψας ἀπὸ ϕρονήσεως,
διὰ τοῦτο οὐ μὴ ὑψώσῃς αὐτούς.
Verse: 5  τῇ μερίδι ἀναγγελεῖ κακίας,S
ὀϕϑαλμοὶ δέ μου ἐϕ' υἱοῖς ἐτάκησαν.
Verse: 6  ἔϑου δέ με ϑρύλημα ἐν ἔϑνεσιν,
γέλως δὲ αὐτοῖς ἀπέβην·
Verse: 7  πεπώρωνται γὰρ ἀπὸ ὀργῆς οἱ ὀϕϑαλμοί μου,
πεπολιόρκημαι μεγάλως ὑπὸ πάντων.
Verse: 8  ϑαῦμα ἔσχεν ἀληϑινοὺς ἐπὶ τούτῳ·
δίκαιος δὲ ἐπὶ παρανόμῳ ἐπανασταίη·
Verse: 9  σχοίη δὲ πιστὸς τὴν ἑαυτοῦ ὁδόν,
καϑαρὸς δὲ χεῖρας ἀναλάβοι ϑάρσος.
Verse: 10  οὐ μὴν δὲ ἀλλὰ πάντες ἐρείδετε, καὶ δεῦτε δή·S
οὐ γὰρ εὑρίσκω ἐν ὑμῖν ἀληϑές.
Verse: 11  αἱ ἡμέραι μου παρῆλϑον ἐν βρόμῳ,
ἐρράγη δὲ τὰ ἄρϑρα τῆς καρδίας μου.
Verse: 12  νύκτα εἰς ἡμέραν ἔϑηκαν,
ϕῶς ἐγγὺς ἀπὸ προσώπου σκότους.S
Verse: 13  ἐὰν γὰρ ὑπομείνω, ᾅδης μου ὁ οἶκος,
ἐν δὲ γνόϕῳ ἔστρωταί μου ἡ στρωμνή.
Verse: 14  ϑάνατον ἐπεκαλεσάμην πατέρα μου εἶναι,
μητέρα δέ μου καὶ ἀδελϕὴν σαπρίαν.
Verse: 15  ποῦ οὖν μου ἔτι ἐστὶν ἡ ἐλπίς;
ἦ τὰ ἀγαϑά μου ὄψομαι;
Verse: 16  ἦ μετ' ἐμοῦ εἰς ᾅδην καταβήσονται,
ἢ ὁμοϑυμαδὸν ἐπὶ χώματος καταβησόμεϑα;S

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.