TITUS
Vetus Testamentum graece iuxta LXX interpretes
Part No. 805
Previous part

Chapter: 16 
Verse: 1  ῾Υπολαβὼν δὲ Ιωβ λέγει
Verse: 2  ᾽Ακήκοα τοιαῦτα πολλά·
παρακλήτορες κακῶν πάντες.
Verse: 3  τί γάρ; μὴ τάξις ἐστὶν ῥήμασιν πνεύματος;
ἢ τί παρενοχλήσει σοι, ὅτι ἀποκρίνῃ;S
Verse: 4  κἀγὼ καθ' ὑμᾶς λαλήσω,
εἰ ὑπέκειτό γε ἡ ψυχὴ ὑμῶν ἀντὶ τῆς ἐμῆς·
εἶτ' ἐναλοῦμαι ὑμῖν ῥήμασιν,
κινήσω δὲ καθ' ὑμῶν κεϕαλήν·
Verse: 5  εἴη δὲ ἰσχὺς ἐν τῷ στόματί μου,
κίνησιν δὲ χειλέων οὐ ϕείσομαι.
Verse: 6  ἐὰν γὰρ λαλήσω, οὐκ ἀλγήσω τὸ τραῦμα·
ἐὰν δὲ καὶ σιωπήσω, τί ἔλαττον τρωθήσομαι;
Verse: 7  νῦν δὲ κατάκοπόν με πεποίηκεν, μωρόν, σεσηπότα,
Verse: 8  καὶ ἐπελάβου μου, εἰς μαρτύριον ἐγενήθη·
καὶ ἀνέστη ἐν ἐμοὶ τὸ ψεῦδός μου,
κατὰ πρόσωπόν μου ἀνταπεκρίθη.S
Verse: 9  ὀργῇ χρησάμενος κατέβαλέν με,
ἔβρυξεν ἐπ' ἐμὲ τοὺς ὀδόντας,
βέλη πειρατῶν αὐτοῦ ἐπ' ἐμοὶ ἔπεσεν.
Verse: 10  ἀκίσιν ὀϕθαλμῶν ἐνήλατο,
ὀξεῖ ἔπαισέν με εἰς σιαγόνα,
ὁμοθυμαδὸν δὲ κατέδραμον ἐπ' ἐμοί.
Verse: 11  παρέδωκεν γάρ με ὁ κύριος εἰς χεῖρας ἀδίκου,
ἐπὶ δὲ ἀσεβέσιν ἔρριψέν με·
Verse: 12  εἰρηνεύοντα διεσκέδασέν με,
λαβών με τῆς κόμης διέτιλεν,
κατέστησέν με ὥσπερ σκοπόν.
Verse: 13  ἐκύκλωσάν με λόγχαις
βάλλοντες εἰς νεϕρούς μου οὐ ϕειδόμενοι,
ἐξέχεαν εἰς τὴν γῆν τὴν χολήν μου·
Verse: 14  κατέβαλόν με πτῶμα ἐπὶ πτώματι,
ἔδραμον πρός με δυνάμενοι.
Verse: 15  σάκκον ἔρραψα ἐπὶ βύρσης μου,
τὸ δὲ σθένος μου ἐν γῇ ἐσβέσθη.
Verse: 16  ἡ γαστήρ μου συγκέκαυται ἀπὸ κλαυθμοῦ,
ἐπὶ δὲ βλεϕάροις μου σκιά.
Verse: 17  ἄδικον δὲ οὐδὲν ἦν ἐν χερσίν μου,
εὐχὴ δέ μου καθαρά.
Verse: 18  γῆ, μὴ ἐπικαλύψῃς ἐϕ' αἵματι τῆς σαρκός μου,
μηδὲ εἴη τόπος τῇ κραυγῇ μου.
Verse: 19  καὶ νῦν ἰδοὺ ἐν οὐρανοῖς ὁ μάρτυς μου,
ὁ δὲ συνίστωρ μου ἐν ὑψίστοις.
Verse: 20  ἀϕίκοιτό μου ἡ δέησις πρὸς κύριον,
ἔναντι δὲ αὐτοῦ στάζοι μου ὁ ὀϕθαλμός.
Verse: 21  εἴη δὲ ἔλεγχος ἀνδρὶ ἔναντι κυρίου
καὶ υἱὸς ἀνθρώπου τῷ πλησίον αὐτοῦ.S
Verse: 22  ἔτη δὲ ἀριθμητὰ ἥκασιν,
ὁδῷ δέ, ᾗ οὐκ ἐπαναστραϕήσομαι, πορεύσομαι.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.