TITUS
Vetus Testamentum graece iuxta LXX interpretes
Part No. 806
Previous part

Chapter: 17 
Verse: 1  ὀλέκομαι πνεύματι ϕερόμενος,
δέομαι δὲ ταϕῆς καὶ οὐ τυγχάνω.
Verse: 2  λίσσομαι κάμνων, καὶ τί ποιήσας;
Verse: 3  ἔκλεψαν δέ μου τὰ ὑπάρχοντα ἀλλότριοι.
τίς ἐστιν οὗτος; τῇ χειρί μου συνδεθήτω.
Verse: 4  ὅτι καρδίαν αὐτῶν ἔκρυψας ἀπὸ ϕρονήσεως,
διὰ τοῦτο οὐ μὴ ὑψώσῃς αὐτούς.
Verse: 5  τῇ μερίδι ἀναγγελεῖ κακίας,S
ὀϕθαλμοὶ δέ μου ἐϕ' υἱοῖς ἐτάκησαν.
Verse: 6  ἔθου δέ με θρύλημα ἐν ἔθνεσιν,
γέλως δὲ αὐτοῖς ἀπέβην·
Verse: 7  πεπώρωνται γὰρ ἀπὸ ὀργῆς οἱ ὀϕθαλμοί μου,
πεπολιόρκημαι μεγάλως ὑπὸ πάντων.
Verse: 8  θαῦμα ἔσχεν ἀληθινοὺς ἐπὶ τούτῳ·
δίκαιος δὲ ἐπὶ παρανόμῳ ἐπανασταίη·
Verse: 9  σχοίη δὲ πιστὸς τὴν ἑαυτοῦ ὁδόν,
καθαρὸς δὲ χεῖρας ἀναλάβοι θάρσος.
Verse: 10  οὐ μὴν δὲ ἀλλὰ πάντες ἐρείδετε, καὶ δεῦτε δή·S
οὐ γὰρ εὑρίσκω ἐν ὑμῖν ἀληθές.
Verse: 11  αἱ ἡμέραι μου παρῆλθον ἐν βρόμῳ,
ἐρράγη δὲ τὰ ἄρθρα τῆς καρδίας μου.
Verse: 12  νύκτα εἰς ἡμέραν ἔθηκαν,
ϕῶς ἐγγὺς ἀπὸ προσώπου σκότους.S
Verse: 13  ἐὰν γὰρ ὑπομείνω, ᾅδης μου ὁ οἶκος,
ἐν δὲ γνόϕῳ ἔστρωταί μου ἡ στρωμνή.
Verse: 14  θάνατον ἐπεκαλεσάμην πατέρα μου εἶναι,
μητέρα δέ μου καὶ ἀδελϕὴν σαπρίαν.
Verse: 15  ποῦ οὖν μου ἔτι ἐστὶν ἡ ἐλπίς;
ἦ τὰ ἀγαθά μου ὄψομαι;
Verse: 16  ἦ μετ' ἐμοῦ εἰς ᾅδην καταβήσονται,
ἢ ὁμοθυμαδὸν ἐπὶ χώματος καταβησόμεθα;S

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.