და იყო შემდგომად წყლულებისა და ეტყოდა უფალი მოსეს და ელეაზარს მღდელსა, მეტყუელი:
მიიღე დასაბამი ყოვლისა შესაკრებელისა ძეთა ისრაელისათაჲსა ოცითგან და წამართ, Page of ms. Gb: 81v სახლებით ტომთა მათთაჲთ, ყოველი განმავალი წყობად ისრაელსა შორის.
და უთხრა მოსე და ელეაზარ მღდელმან მათ არაბოთს მოაბს, იორდანესა ზედა, იერიქოდ მიმართ, მეტყუელმან:
ოცით წლითგან და წამართ, ვითარ-\სახედ Page of ms. Ga: 187r უბრძანა უფალმან მოსეს. და ძენი ისრაელისანი, გამოსრულნი ეგჳპტით:
რუბენ, პირმშოჲ ისრაელისი, და ძენი რუბენისნი: ენუქ და დასი ენუქიანი, ფალუ და და ფალუიანი,
ასრომ და დასი ასრომიანი, ხარმი და დასი ხარმიანი,
-- ესე დასნი რუბენისნი. და იქმნა აღხილვაჲ სამ და ორმეოც ათასეულნი და შჳდასნი და ერგასისნი.
და ძენი ფალლუჲსნი: ელიაბ.
და ძენი ელიაბისნი: ნამუილ და დათან და აბირონ. ესე არიან აღდგომილნი მოსეს ზედა და აარონს შესაკრებელსა თანა კორესსა და ზედა-აღდგომასა თანა უფლისასა,
და განმღებელმან ქუეყანამან პირისა თჳსისამან მთაწბნა იგინი და კორე სიკუდილსა თანა შესაკრებელისა მისისასა, ოდეს შეწამნა ცეცხლან ერგასისნი და ორასნი და იქმნეს სასწაულებ,
ხოლო ძენი კორესნი არა მოკუდეს.
და ძენი სჳმეონისნი, დასი ძეთა სჳმეონისთაჲ, ანამუილ, დასი ანამუილიანი, იამინ, დასი იამიანი, იაქინ, დასი იაქიანი,
ზარა, დასი ზარიანი, საულ დასი საულიანი,
-- ესე დასნი სჳმეონისნი, აღხილვისაგან მათისა ორ და ოც ათასეულნი და ორასნი.
Page of ms. Ga: 187v ხოლო ძენი იუდაჲსნი: ირ და ავნან და სელომ და ფარეზ და ზარა. და მოკუდეს ირ და ავნან ქუაყანასა ქანაანისასა.
და იყვნეს ძენი იუდაჲსნი დასთაებრ მათთა: სელომ, დასი სელომიანი, ფარეზ, დასი ფარეზიანი, ზარა, დასი ზარაიანი,
და იყვნეს ძენი ფარეზისნი: ასრომ, დასი ასრომიანი, იამუილ დასი იამუილიანი,
-- ესე დასნი იუდაჲსნი, აღხილვისაებრ მათისა ექუს და სამეოცდაათ ათასეულნი და ხუთასნი.
და ძენი ისახარისნი დასთაებრ მათთა: თოლა, დასი თოლიანი, ფუა, დასი ფუაიანი,
იასომ, დასი იასომიანი, აბრამ, დასი აბრამიანი,
-- ესე დასნი ისახარისნი, აღხილვისაგან მათისა ოთხ და სამეოც ათასეულნი და ოთხასნი.
ძენი ზაბულონისანი დასთაებრ მათთა: სარაიდ, დასი სარაიდიანი, ზამბრი, დასი ზამბრიანი, ალონ დასი ალონიანი, ალლად დასი ალადიანი,
-- ესე დასნი ზაბულონისანი, აღხილვისაგან მათისა სამეოც ათასეულნი და ხუთასნი.
ძენი გადისნი დასთაებრ მათთა: საფონ, დასი საფონიანი, ანგი, ტომი ანგიანი, სუნი, დასი სუნიანი,
აზანი, დასი აზანიანი, ადდი, დასი ადდიანი,
აროადი, დასი აროადიანი, არიილ, დასი არიილიანი,
-- ესე დასნი გადისნი, აღხილვისაგან მათისა ოთხ და ორმეოც ათასეულნი და ხუთსნი.
ძენი ასირისნი ტომთაებრ Page of ms. Ga: 188r მათთა: იოამენ, დასი იოამიანი, იესუი, დასი იესუიანი, ბარია, დასი ბარიანი,
ხოვერ, დასი ხოვერიანი, მელქიილ, დასი მელიილიანი,
და სახელი ასულისა ასირისი სარა,
-- ესე დასნი ასირისნი, აღხილვისაგან მათისა სამ და ორმეოც ათასეულნი და ექუსასნი.
ძენი იოსებისნი დასთაებრ მათთა: მანასსი და ეფრემ.
ძენი მანასისნი: მაქირ, დასი მაქირიანი, და მაქირ შვა გალაადი, გალაად, დასი გალაადიანი.
და ესე ძენი გალაადისნი: აქიეზერ, დასი აქიეზერიანი, ხელეკ, დასი ხელეკიანი,
ესრიი\ლ, Page of ms. Gb: 82r დასი ესრიილიანი, სჳქემ, დასი სჳქემიანი,
სჳმერ, დასი სჳმერიანი და ოფირ, დასი ოფირიანი.
და სალპაად, ძე ოფერისი და არა იყვნეს მისდა ძენი, არამედ ასულნი. და ესე სახელები ასულთა სალპაადისთაჲ: მაალა და ნუა და მეღლა და მელხა და თერსა,
-- ესე დასნი მანასსისნი, აღხილვისაგან მათისა ორ და სამეოც ათესეულნი და შჳდასნი.
და ესე ძენი ეფრემისნი: სუთალა, დასი სუთალიანი, ვახარ, დასი ვახარიანი, ტანახ, დასი ტანახიანი,
ესე ძენი სუთალაჲსნი: ედინ, დასი ედინიანი,
-- ესე დასნი ეფრემისნი, აღხილვისაგან მათისა ორ და ოცდაათ ათასეულნი და ხუთასნი. ესე დასი ძეთა იოსებისთაჲ დასებისაებრ მათისა.
ძენი ბენიამინისნი ნათესავობისაებრ მათისა: ვალე, დასი ვალეიანი, ასჳვირ, დასი ასჳვირიანი, აქირან, დასი აქირანიანი,
სოფან, დასი სოფანიანი,
და იყვნეს ძენი ვალესნი: ადერ და ნოემან, დასი ნოემანიანი,
ესე ძენი ბენიამი[ნი]სნი დასისაებრ მათისა, აღხილვისაგან მათისა ხუთ და ოცდაათ ათასეულნი და ხუთასნი.
და ძენი დანისნი დასთაებრ მათთა: სამი, დასი სამიანი, ესე დასნი დანისნი დასთაებრ დანისთა,
-- ყოველნი დასნი სამისნი, აღხილვისაებრ მათისა ოთხ და სამეოც ათასეულნი და ექუსასნი.
ძენი ლეფთალემისნი დასებისაებრ მათისა ოთხ და სამეოც ათსეულნი და ექუსასნი.
ძენი ლეფთალემისნი დასებისაებრ მათისა: ასიილ, დასი ასიილიანი, ღოინი, დასი ღოინიანი,
იესერ, დასი იესერიანი, სელიმ, დასი სელიმიანი,
-- ესე დასნი ნეფთალიმისნი, აღხილვისაგან მათისა ხუთ და ორმეოც ათსეულნი და სამასნი.
ესე არს აღხილვაჲ ძეთა ისრაელისათაჲ ექუსას ათსეულნი და ათას ხუთასოცდაათ.
და ეტყოდა უფალი მოსეს, მეტყუელი:
ამათ განეყოს ქუეყანაჲ სამკჳდრებელად რიცხჳსაებრ სახელთაჲსა.
უმრავლესთათჳს განამრავლო წილი მკჳდრობისაჲ და უკნინესთათჳს დააკნინო წილი მკჳდრობისაჲ და უკნინესთათჳს დააკნინო წილი მკჳდრობისა მათისაჲ, თითოეულსა, ვითარცა აღხილულ იქმნეს, მიეცეს სამკჳდრებელი მათი.
წილითა განეყოს ქუეყანაჲ; სახელთა ტომებისაებრ ნათესავთა მათთაჲსა და\იმკჳდრონ Page of ms. Gb: 82v ;
წილითა განჰყო სა\მკჳდრებელი Page of ms. Ga: 189r მათი: კაცად-კაცადსა, ვითარცა აღხილულ იქმნეს, მიეცეს სამკჳდრ\ებელი Page of ms. Ga: 189v მათი. წილითა განეყოს ქუეყანაჲ, სახელებთა ტომთაებრ ნათესავთა მათთაჲსა განინაწილონ. წილითა განჰყო სამკჳდრებელი მათი შორის მრავალთა და მცირეთა.
და ძენი ლევისნი დასთაებრ მათთა: გედსონ, დასი გედსონიანი, კაათ, დასი კაათიანი, მერარი, დასი მერარიანი.
ესე დასნი ძეთა ლევისთანი: დასი ლევენიანი, დასი ქებრონიანი და დასი მოსესი და დასი კორესი. და კაათ შვა ავრამ.
ხოლო სახელი ცოლისა ავრამისი იოხაბეტ, ასული ლევისი, რომელმან უშვნა ესენი ლევის ეგჳპტეს შინა, და უშვნა აბრამს აარონ და მოსე და მარიამ, დაჲ მათი.
და იშვნეს აარონისსა ნადაბ და აბიუდ და ელიაზარ და ითამარ.
და მოკუდეს ნადაბ და აბიუდ მოღებისათჳს მათგან უცხოჲსა ცეცხლისა წინაშე უფლისა უდაბნოსა სინაჲსასა.
და იყვნეს აღხილვისაებრ მათისა სამ და ოც ათასეულნი ყოველი წული თჳთგან და წამართ, რამეთუ არა თანა-შეირაცხნეს ძეთა თანა ისრაელისათა, რამეთუ არა მიეცემოდა მათ სამკჳდრებელი ძეთა შორის ისრაელისათა.
და ესე არს აღხილვაჲ მოსესი და ელეაზარ მღდელისაჲ, რომელთა აღიხილნეს ძენი ისრაელისანი არაბოთს შინა მოაბს, იორდანესა ზედა, იერიქოდ მიმართ.
და ამათ შორის არა იყო კაცი აღრიცხული მოსეს და აარონისგან, რომელთა აღრიცხუნეს ძენი ისრაელისანი უდაბნოსა Page of ms. Ga: 190r სინაჲსასა.
რამეთუ თქუა უფალმან: სიკუდილით მოკუდენ იგინი უდაბნოს ზედა. და არა დაშთა მათგანი არცა ერთი, თჳნიერ ხალებ, ძე იეფონესი, და ისო, ძე ნავესი.
