TITUS
Treatise on Zodiacal Signs and Planets
Part No. 6
Previous part

Chapter: 6  
6. ქალწული, რომელსა არაბულად
ჰრქჳან სუმბულა



Line: 1        ქალწულისა ბურჯი ოტერიდისა სახლი არს და
Line: 2     მისივე შარაფი და მთიებისა ჰუბუტი. და მიწისაჲ არს,
Line: 3     იგი მიწაჲ, რომელ ნაყოფსა გამოიღებდეს. ღამისაჲ
Line: 4     არს და გრილი და ჴმელი არს. დედალი არს და კაცისა
Line: 5     ნივთთაგან სევდაჲ მისი არს. და სამხრისაჲ არს და
Line: 6     ორ-ბუნებაჲ არს, ამისთჳს რომელ, რაჲ მზე ხუთმეტ
Line: 7     დარაჯამდის მოვიდეს, ნახევარი პირველი მისი ზაფხულისა
Line: 8     ბუნებაჲ არს და ნახევარი შემდგომი მისი
Line: 9     სთულისა ბუნებაჲ არს, და ზაფხულისა ბოლოჲ არს. და
Line: 10     მზე ამას ბურჯსა შიგან რაჲ იყოს, გჳანად ამოჰჴდების
Line: 11     და ადრე ჩაჰჴდების. ჴმა-მაღალი არს და ბერწი
Line: 12     არს. და ვაზირთა და მწიგნობართა უხუცესთაჲ არს,
Line: 13     და კაცისა ასოთაგან მუცელი და მარჯუენაჲ გუერდი
Line: 14     და მარჯუენაჲ მუჴლი მისი არს. ქუეყანათგან ასურასტანისა
Line: 15     კუნძულნი და დამასკი და მოსილი, ჴარსი Page of ms.: 361 
Line: 16     და შირაზი და ასთარაბადი * და სარი, თაქრითი.
Line: 17     და ადგილთაგან მწიგნობართ უხუცესთა საჯდომი და
Line: 18     ვენაჴნი და ბოსტანნი და ნაფუძარნი და სამკაულისა
Line: 19     მოთხენი მისნია. და ოქრომჭედელთა მსახურობაჲ
Page of ed.: 24   Line: 20     მისი არს. და სულიერთაგან ტუტაქი და იადონი, შაშჳ
Line: 21     და ჩიტი და კჳრიონი და რაჲცა ჰამო-ჴმაჲ არს, მისია;
Line: 22     მელი და კატაჲ ველური და შინაური და ძაღლი; ხელისუფალთაგან
Line: 23     მწერალნი და მეჭრელენი. და ფერთაგან
Line: 24     ყჳთელი, რომელი თეთრსა ჰგვანდეს. და დღეთაგან
Line: 25     ოთხშაბათი მისი არს.

Line: 26        ვინცა ამას ეტლსა ზედა იშვას, კაცი ბრძენი და
Line: 27     გონიერი და მართალი იყოს, და პირ-შუენიერი და უხჳ,
Line: 28     არცა მჭლე იყოს, არცა მსუქანი, თუალ-ფართოჲ
Line: 29     იყოს და რაჲცა დაესწავლოს *, ყოველსავე გონებად
Line: 30     მოიღებდეს და აჴსოვდეს. ახჳრ-მაღალი * და საუბნარად
Line: 31     წყლიანი და კაცთა სიახლედ საყუარელი და
Line: 32     წიგნის მოყუარე, მოწყალე და მისთა მქებელთა მოყუარე.
Line: 33     და მტერნი ვერ[ა]ს ავნებდენ, და სიკეთისა მუქაფასა
Line: 34     ადრე მიუზღვიდეს. მაგრა ზოგი სიძვის მოყუარე
Line: 35     იყოს. და სიმჴურვალისაგან და წყლულისა და ჰავისა
Line: 36     კაცისაგან ფათერაკი ედვას. და მუცელსა და ჴელსა
Line: 37     ნიშანი იყოს.

Line: 38     ესე ბურჯი სამ-ნაწილი არს: პირველი ნაწილი ათ
Line: 39     დარაჯამდის მზისაჲ არს, მეორე ნაწილი ოც დარაჯამდის
Line: 40     მთიებისაჲ არს, მესამე ნაწილი ოტერიდისაჲ
Line: 41     არს ოცდაათ დარაჯამდის.

Line: 42        ვინცა მზისა ნაწილსა ზედა იშვას, კაცი პირ-კეკლუცი
Line: 43     და თუალ-შუენიერი და მოყვითანე და მამაცური
Line: 44     იყოს, და ასო-მტკიცე და გულოანი. და თუ მთიებისა
Line: 45     ნაწილსა ზედა იშვას, ჴმა-შუენიერი იყოს და ჴმაჲ
Line: 46     შუენიერი და პირი შუენიერი და სამოსელი შუენიერი
Line: 47     და სამკაული შუენიერი უყუარდეს და განმცხრომი და
Line: 48     ღჳნის მოყუარე იყოს.

Line: 49        და თუ ოტერიდისა ნაწილსა ზედა იშვას, ბრძენი
Line: 50     და მწიგნობარი იყოს ანუ მოშაჰირე.

Line: 51        ვინცა მესამესა და მეთორმეტესა და მეოცესა დარაჯასა
Line: 52     ზედა იშვას, ბედიანი იყოს. და პარასკევი დღე
Line: 53     არ აშუნდეს. Page of ms.: 362 


Line: n.13     დასთარაბადი. ^
Line: n.14     დაესწავლოს და, აქ და ზედმეტია. ^
Line: n.15     ცხჳრ-მ[~]ი ^



Next part


This text is part of the TITUS edition of Treatise on Zodiacal Signs and Planets.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.