TITUS
Treatise on Zodiacal Signs and Planets
Part No. 7
Previous part

Chapter: 7  
Page of ed.: 25  
7. სასწორი, რომელსა არაბულად
ჰრქჳან მიზან



Line: 1        სასწორისა ბურჯი მთიებისა სახლი არს და მზისა
Line: 2     ჰუბუტი არს და მარიხისა ვაბალი და ზუჰალისა შარაფი.
Line: 3     და ჰაერისაჲ არს, -- იგი ჰაერი, რომელ ყუავილსა
Line: 4     გამოიღებს და ხილსა დაამწიფებს. დასავლეთისაჲ არს,
Line: 5     დღისაჲ არს და მჴურვალი და ნედლი არს. მამალი არს
Line: 6     და კაცისა ნივთთაგან სისხლი მისი არს. და დღეთაგან
Line: 7     პარასკევი მისი არს. ჴმა-მაღალი არს და შვილ-მცირე
Line: 8     არს და ფერთაგან თეთრი მისი არს. და რაჲ მზე ამას
Line: 9     ბურჯსა მთელსა დაყიყასა მივიდეს, დღე და ღამე განსწორდების.
Line: 10     სთულისა პირველი არს. და ამას ბურჯსა რაჲ
Line: 11     მზე მივიდეს, გჳანად ამოჰჴდების და ადრე ჩაჰჴდების.
Line: 12     და ესე ბურჯი ვაჭართა და მწიგნობართაჲ არს.
Line: 13     და კაცისა ასოთაგან მცირე მუცელი და ასოჲ მამათა
Line: 14     და დედათაჲ მისი არს და თირკუმელი და Page of ms.: 363  *... და
Line: 15     ქალაქთაგან საბერძნეთი და ბასრაჲ და ეთიოპიაჲ,
Line: 16     ანტიოქიაჲ და ბალხი და ქაბული და ქაშმინი; და
Line: 17     ადგილთაგან მთანი და თესულნი და ადგილნი სათამაშონი
Line: 18     და სანადიმონი და სანადირონი და სარკინოზთა
Line: 19     სალოცავნი. და ჴელისუფალთაგან ვაჭარნი და ღჳნის-მსუმელნი *.
Line: 20     და სულიერთაგან კაკაბი და ჴოჴობი და სირაქლემი, კორნაჲ, სინჯაბი.

Line: 21        ვინცა ამას ეტლსა ზედა იშვას, კაცი იყოს პირ-შუენიერი
Line: 22     და ჴორც-თეთრი, თავ-ცოტაჲ, თუალ-ჟივჟავი,
Line: 23     არცა მოკლე, არცა გრძელი, სიტყუა-ტკბილი და
Line: 24     წყლიანად მოუბნარი, მოშაჰირე და მომღერალი და
Line: 25     ძალისა სახიობათა მცემელი, ჴმა-შუენიერი, დედათა
Line: 26     მოყუარე და სიძვის მოყუარე, შაჰვის მოყუარე, მლაღობელი.
Line: 27     და პირსა ანუ კისერსა, ანუ მკერდსა ნიშანი
Line: 28     იყოს. და ოქროჲსა და ვეცხლისა და საქონლისა არ
Line: 29     შემნახავი იყოს და გლახაკთ მოწყალე და მიმცემელი
Line: 30     იყოს. და დასასრულსა ყოველივე მოიწყჳდოს, აღთქუმაჲ
Line: 31     დადვას და შეინანოს. და სიმაღლისაგან ეშინოდის.

Page of ed.: 26  
Line: 32        ესე ბურჯი სამ-ნაწილი არს *: პირველი ნაწილი
Line: 33     ათ დარაჯამდის მთოარისაჲ არს, მეორე ოცამდის
Line: 34     ზუალისაჲ არს, მესამე ოცდაათამდის * მუშთარისაჲ
Line: 35     არს.

Line: 36        ვინცა მთოარისა ნაწილსა ზედა იშვას, პირ-მგუალი *
Line: 37     და ტან-მოკლე იყოს და მანქლიოზი.

Line: 38     და თუ ზუჰალისა ნაწილსა ზედა იშვას, მომწუანე
Line: 39     იყოს და თმა-მრავალი და შენების მოყუარე. და
Line: 40     ზურგსა ზედა ძუძუსა ქუეშე ნიშანი იყოს, და ზარმაცი
Line: 41     იყოს.

Line: 42        და თუ მუშთარისა ნაწილსა ზედა იშვას, სჯულისა
Line: 43     მოყუარე და სჯულისა შემნახავი და ცნობილი. და
Line: 44     სასულიეროჲსათჳს კარგისა მოქმედი იყოს.

Line: 45        და თუ მესამესა და მეხუთესა და მეოცდაერთესა *
Line: 46     დარაჯასა ზედა იშვას, ბედიანი იყოს. და თუ ბოლოსა
Line: 47     ზედა იშვას ამის ბურჯისას, არ ბედიანი იყოს. და
Line: 48     შაბათი დღე არ აშუნდეს.


Line: n.16     აქ ამოშლილია ერთი სიტყვა. ^
Line: n.17     მოსალოდნელი იყო ღჳნის განმსყიდელნი. ^
Line: n.18     ნაწილი ] ბურჯი. ^
Line: n.19     ოცდაათაამდის. ^
Line: n.20     ასეა. ^
Line: n.21     თე მარცვალი ორჯერ არის დაწერილი: მეოცდაერთეთესა. ^



Next part


This text is part of the TITUS edition of Treatise on Zodiacal Signs and Planets.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.