TITUS
Treatise on Zodiacal Signs and Planets
Part No. 8
Previous part

Chapter: 8  
8. ღრიანკალი, რომელსა არაბულად
ჰრქჳან აყრაბ



Line: 1        ღრიანკალისა ბურჯი მარიხისა სახლი არს და
Line: 2     მთოარისა ჰუბუტი და მთიებისა ვაბალი. წყლისაჲ არს
Line: 3     და იგი წყალი, რომელ წჳმისაგან ჴევთა შიგან ღუარი
Line: 4     შეიქმნების მდინარე და ჴევთა წყალი. და ჩრდილოჲსა *
Line: 5     არს და ღამისაჲ არს და გრილი და ნედლი არს და დედალი
Line: 6     არს. და კაცისა ნივთთაგან ბალღამი მისი არს. და
Line: 7     რაჲ მზე ამას ბურჯსა შიგან მოვიდეს, გჳანად აღმოჰჴდების
Line: 8     და ადრე ჩაჰჴდების. და შუა სთუელი არს. და
Line: 9     ესე ბურჯი თურქთაჲ არს. და დღეთაგან სამშაბათი
Line: 10     მისი არს. უჴმოჲ არს და შვილ-მრავალი. და კაცისა
Line: 11     ასოთაგან ბუშტი და ყუერი და გუამი მისი არს. და
Page of ed.: 27   Line: 12     ხეთაგან რაჲცა არ დია მაღალი იყოს. და ქალაქთაგან
Line: 13     ბედიაჲ არაბეთისაჲ, რეჲ, ნაჰავანდი და არდაველი
Line: 14     და ყომისი, და ადგილთაგან საპყრობილენი და იგი
Line: 15     ა\დგილნი, Page of ms.: 365  სადა სცემდენ და ჴოცდენ. და ავაზაკთა *
Line: 16     და მპარავთა და ჰავის მოქმედთა საჯდომი და
Line: 17     სახარაბათოჲ; სულიერთაგან ღრიანკალი და ფუტკარი,
Line: 18     მწავი და წყლისა ჭიანი; ჴელისუფალთაგან მენავე, ჴელის
Line: 19     გამჴსნელი ჰაჯამი, დასტაქარი და გრძნეულობაჲ.
Line: 20     და ფერთაგან ოქროჲს ფერი მისი არს.

Line: 21        ვინცა ამას ეტლსა ზედა იშვას, კაცი იყოს პირ-მრგუალი,
Line: 22     თეთრ-გრემანი და მომწითურე, მკერდ-ბრტყელი
Line: 23     და წჳვ-გრძელი და ფერჴ-დიდი და თმა-მრავალი,
Line: 24     და მწყრომი და მტყუანი და უსირცხჳლოჲ და
Line: 25     ზურგსა ზედა ნიშანი მოწითანე, ენა-პილწი და უმეცარი,
Line: 26     და ძალად ძლიერი, სიძვისა და ღჳნისა მოყუარე და
Line: 27     ჯალაბიანი, და აბჯრისა და ლაშქრობისა და მგზავრობისა
Line: 28     მოყუარე, ჰავისა მოქმედი და კაცთა მაწყინარი.

Line: 29        ესე ბურჯი სამ-ნაწილი არს: პირველი ნაწილი *
Line: 30     ათ დარაჯამდის მარიხისაჲ არს, მეორე მზისაჲ არს
Line: 31     ოც დარაჯამდის, მესამე მთიებისაჲ არს ოცდაათ *
Line: 32     დარაჯამდის.

Line: 33        ვინცა მარიხისა დარაჯასა ზედა იშვას, თუალ-მაჩხი
Line: 34     და მწითური და მჭლე იყო, და ჴელსა მარჯუენასა
Line: 35     და ფერჴსა მარცხენესა და თავსა ნიშანი იყოს.
Line: 36     და თუალ-ფართოჲ იყოს და ძნელი და ფიცხელი და
Line: 37     კაცის მკლველი და სისხლის მჭამელი იყოს. და კაცთა
Line: 38     შუა გულ-ძჳრობასა ჩააგდებდეს.

Line: 39        და თუ მზისა ნაწილსა ზედა იშვას, კაცი იყოს ამპარტავანი
Line: 40     და დიდის-გემოჲ და ზაროანი და მრავლის
Line: 41     მეტყუელი და გულოანი და უხჳ და თავ-დიდი.

Line: 42        და თუ მთიებისა ნაწილსა ზედა იშვას, იყოს კაცი
Line: 43     მოკლე და დია მჭამელი და დია მსუმელი და დია
Line: 44     მომთრვალე, პირად კეკლუცი და დედათ მოყუარე,
Line: 45     ნარდისა და ჭადრაკისა მომღერალი და ცოლ-მრავალი.
Page of ed.: 28   Line: 46     და მისსა სიცოცხლესა შიგან მრავალსა ფათერაქსა
Line: 47     შევარდეს. ვინცა მეშჳდესა და მეთორმეტესა და
Line: 48     მეოცესა დარაჯასა ზედა იშვას, ბედიანი იყოს; და ბოლოჲსა
Line: 49     ზედა იშვას, უბედური და ბიჭი იყოს. და ოთხშაბათი
Line: 50     დღე არ აშუნდეს.


Line: n.22     ასეა ^
Line: n.23     ავაზთა ^
Line: n.24     ნაწილი ] ბურჯი ^
Line: n.25     ოცდაათ ^



Next part


This text is part of the TITUS edition of Treatise on Zodiacal Signs and Planets.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.