TITUS Texts: John Moschus, Leimonarion

TITUS
John Moschus, Leimonarion
Part No. 74

Previous part

Chapter: 73
Page of edition: 52
Migne number: 108
Line of edition: 16        ოგ (108). ვითარცა მივიწიენით ჩუენ ხერთვისსა მას სამონაჲსასა,^*¹⁵
Line of edition: 17     მივედით ერთსა მონასტერსა, რომელსა ეწოდა
Line of edition: 18     "უცხოთა განმსუენე", ისიდორე მამასახლისა, რომელი იყო კაცი
Line of edition: 19     სათნოვებითა შემკული და სიყუარულითა სრული, რომელიცა
Line of edition: 20     შემდგომად ებისკოპოზ იქმნა ^*¹⁶ ქალაქსა ზედა სამონასა.

Line of edition: 21        მითხრობდა ჩუენ ესე და თქუა, ვითარმედ: ვითარ რვა მილიონ
Line of edition: 22     ქალაქისაგან არს სოფელი, რომელსა ინა შჱნ არს ეკლესიაჲ.
Line of edition: 23     და იყო მუნ შინა ხიცესი ფრიად საკჳრველი, რომელი ოდესმე
Line of edition: 24     შეიპყრეს მშობელთა მისთა პირველ ხუცობისა და თჳნიერ ნებისა
Line of edition: 25     მისისა აქორწინეს და მოჰგუარეს მას ცოლად დედაკაცი
Line of edition: 26     ვინმე ^*¹⁷ პირმშუენიერი. და ესე დღაცათუ შჯულიერი ქორწინებაჲ
Line of edition: 27     იყო, ხოლო მან არა ხოლო თუ ჴორცთა იგი გემოჲ ^*¹⁸ მეუღლებისაჲ
Line of edition: 28     შეურაცხ-ყო, არამედ ყოლადვე არა ინება განხრწნაჲ ქალწულებისა
Line of edition: 29     თჳსისაჲ. და ეგრჱთვე არწმუნა დედაკაცსა ამს, რაჲთა
Line of edition: 30     დაადგრენ დღეთა ცხორებისა მათისათა ^*¹⁹ ორნივე ^*²⁰ უბიწოვებით
Line of edition: 31     ქალწულებასა შინა. და დაისწავეს დავითი და ფსალმუნებდეს
Line of edition: 32     ეკლესიასა შინა. და დაიცვნეს თავნი მათნი სიწმიდით
Line of edition: 33     ვიდრე სიბრედმდე. ესე ხუცესი შე-ოდესმე-ასმინეს ცრუდ კაცთა
Page of edition: 53   Line of edition: 1     ვიეთმე უკეთურთა ებისკოპოსსა თანა მის ^*¹ ქალაქისასა. ხოლო
Line of edition: 2     ებისკოპოსი უმეცარ იყო საქმეთა მისთა კეთილთა. და წარავლინა
Line of edition: 3     და მოიყვანა ხუცესი იგი ^*² თჳსით ^*³ სოფლით და შეაყენა იგი ^*⁴ საპყრობილესა,
Line of edition: 4     რომელსა მღდელნი შეცოდებულნი შეაყენნის.^*⁵

Line of edition: 5        და ვითარცა იყო იგი საპყრობილესა მას შინა, მოიწია წმიდაჲ
Line of edition: 6     კჳრიაკჱ. და ღამესა მას ეჩუენა ჭაბუკი ერთი შუენიერი ხილვითა
Line of edition: 7     ფრიად, მიუგო მას და ჰრქუა:

Line of edition: 8        _ წარვედ, Ms. page: 211v ჵ ხუცეს,^*⁶ ეკლესიად,^*⁷, რაჲთა ჟამის-წირვაჲ აღასრულო
Line of edition: 9     დღეს.

Line of edition: 10        და ^*⁸ ჰრქუა მას ხუცესმან მან ^*⁹: ვერ შემძლებელ ვარ წარსლვად,
Line of edition: 11     რამეთუ საპყრობილესა ამას შეყენებულ ვარ და ვერ ძალმიც ^*¹⁰
Line of edition: 12     მე გამოსლვად.

Line of edition: 13        მიუგო მას ^*¹¹ ჭაბუკმან მან, რომელი გამოუჩნდა: მე ^*¹² განგიღო
Line of edition: 14     საპყრობილჱ, აღდეგ და შემომიდეგ მე.

Line of edition: 15        და განუღო მას კარი საპყრობილისაჲ და გამოიყვანა იგი და
Line of edition: 16     წინა წარიძღუა მას. და მიიყვანა ^*¹³ იგი მახლობელად სოფელსა მას
Line of edition: 17     ვითარ ერთ მილიონ, და განუტევა. და ვითარცა განთენა კჳრიაკჱ,
Line of edition: 18     შევიდა შესაპყრობილჱ იგი ხილვად პყრობილთა და არა პოვა
Line of edition: 19     მუნ შინა ხუცესი იგი.

Line of edition: 20        მაშინ მივიდა ^*¹⁴ იგი და აუწყა ებისკოპოსსა, ვითარმედ: ხუცესი
Line of edition: 21     იგი, რომელ საპყრობილესა შევაყენეთ, ამას ღამესა განპარულ
Line of edition: 22     არს იგი საპყრიბილით და კლიტეთა განსაღებელნი ესერა
Line of edition: 23     ჩემ თანა არიან.^*¹⁵. და კარი კლიტული ვპოვე, ხოლო არა უწყი,
Line of edition: 24     სადაჲთ განიპარა იგი.

Line of edition: 25        მაშინ, ვითარცა ესმა ესე ებისკოპოსსა, ჰგონებდა იგი ^*¹⁶ ჭეშმარიტად,
Line of edition: 26     ვითარმედ განიპარა იგი. მაშინ წარავლინა ყრმაჲ ერთი
Line of edition: 27     მსახურთაგანი ეკლესიისათაჲ სოფლად და ჰრქუა მას: წარვედ და
Line of edition: 28     იხილე, უკუეთუ ხუცესი იგი სოფელს იყოს, და შენ ნურას მიუგებ,
Line of edition: 29     არამედ მოვედ და მაუწყე მე. მაშინ წარვიდა ყრმაჲ იგი
Line of edition: 30     სოფლად და პოვა ხუცესი იგი ეკკლესიასა შინა, რამეთუ შესწირვიდა ^*¹⁷
Line of edition: 31     იგი ჟამსა. და მუნთქუესვე მოიქცა და აუწყა ებისკოპოსსა,
Line of edition: 32     ვითარმედ მუნ არს ^*¹⁸^{და ვპოვე იგი^*¹⁶, რამეთუ წარვიდა^*¹⁹ ჟამსა.}
Page of edition: 54   Line of edition: 1     მაშინ განრისხნა ფრიად ებისკოპოსი იგი ^*¹ მის ზედა და ფუცა,
Line of edition: 2     ვითარმედ ხვალე მრავლითა შეურაცხებითა მოიყვანოს ^*2 იგი მიერ.

Line of edition: 3        და კჳრიაკესა მწუხრი კუალად ეჩუენა ხუცესსა მას ჭაბუკი
Line of edition: 4     იგი,^*³, რომელმან საპყრობილით გამოიყვანა, და ჰრქუა მას:^*⁴. წარმოგუალე
Line of edition: 5     მუნვე საპყრობილედ, სადა-იგი შეგაყენა ებისკოპოსმან.
Line of edition: 6     და წარმოიყვანა იგი ^*⁵ ქალაქად და შეაყენა Ms. page: 198r მასვე ^*⁶ საპყრობილესა.
Line of edition: 7     და ვითარცა განთენა, მივიდა მესაპყრობილჱ იგი ხილვად
Line of edition: 8     პყრობილთა და პოვა ხუცესი იგი მუნვე საპყობილესა შინა.
Line of edition: 9     მაშინ ^*⁷ მივიდა და აუწყა ებისკოპოსსა, ვითარმედ: ვპოვე ხუცესი
Line of edition: 10     იგი საპყრობილესა ^*⁸ შინა და არა უწყი, ვითარ განსრულ იყო,
Line of edition: 11     ანუ ვითარ კუალად-მოიქცა ^*⁹ მუნვე. და ვითარცა ესმა ესე ^*¹⁰ ებისკოპოსსა,
Line of edition: 12     მიავლინა და მოუწოდა ხუცესსა მას ^*¹¹ და გამოჰკითხა
Line of edition: 13     მას,^*¹² თუ ვითარ გამოვიდა საპყრობილით, ანუ ვითარ კუალად
Line of edition: 14     იქცა თჳნიერ ცნობისამესაპყრობილისა. მიუგო ^*¹³ ხუცესმან და
Line of edition: 15     ჰრქუა,^*¹⁴ ვითარმედ: შანათსა მწუხრი შემოვიდა ჩემდა ყრმაჲ ერი
Line of edition: 16     ჭაბუკი, შუენიერი ხილვითა და შემოსილი სამოსლითა სპეტაკითა,
Line of edition: 17     საპყრობილედ. და ვითარ მრქუა ^*¹⁵ მე, ვითარმედ არს იგი მსახურთაგანი
Line of edition: 18     ეკლესიისათაჲ, და განმიღო ^*¹⁶ კარი და განმიყვანა მე ^*¹⁷ და
Line of edition: 19     მიმიყვანა მახლობელად სოფელსა, ვითარ ერთ მილიონ, და განმიტევა
Line of edition: 20     მე. და კუალად ამას ღამესა მანვე მომიყვანა საპყრობილედ.
Line of edition: 21     მაშუინ მოჰგუარნა მას ებისკოპოსმან ყოველნი ყრმანი, მსახურნი
Line of edition: 22     ეკლესიისანი, რაჲთა იცნის და აუწყოს, რომელი მათგანი იყო.
Line of edition: 23     ხოლო მან არცაღა ^*¹⁸ ერთი მათგანი იცნა. მაშინ გილისხმა-ყო
Line of edition: 24     ებისკოპოსმან, ვითარმედ ანგელოზი ღმრთისაჲ იყო იგი, რაჲთა
Line of edition: 25     არა დაეფარნენ ^*¹⁹ სათნოვებანი იგი ხუცისანი, არამედ, რაჲთა განცხადნენ
Line of edition: 26     ყოველთა წინაშე და ადიდებდენ ღმერთსა, მადიდებელსა
Line of edition: 27     ნების-მყოფელთა მისთათა. და ფრიად სარგებელ ეყო ებისკოპოსსა
Line of edition: 28     და განუტევა ხუცესი იგი მშჳდობით, და ფრიად შეჰრისხნა შემასმენელთა
Line of edition: 29     მისთა, რომელთა-იგი ^*²⁰ უსამართლოდ შეასმინეს ხუცესი იგი.

Next part

This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.