TITUS
Movses Kalankatowaci, Patmowtiwn Alowanic Asxarhi
Part No. 105
Previous part

Chapter: 23  
Page: 386  
Line: 17 
ԳԼՈՒԽ Ի՜Գ.

Line: 18  Կրկնաբանութիւն ազգաշար անուանց համառօտաբար։


Line: 19       Ստուգաբանութեամբ այսպէս ծանեաք. --
Line: 20    ընդ Հայկազնեայց արանց խնամաւորիլ Միրհական
Line: 21    տոհմին, եւ պատուաստութեամբս այսուիկ
Line: 22    զոյգ ունել զպետութիւն արեւելից կողմանցս Աղուանից։
Line: 23    Զանուանս արքայիցն վերագոյն գրեցաք
Line: 24    ՛ի քաջէն Վաչականայ մինչեւ ցբարեպաշտն Վաչական՝
Page: 387   Line: 1    տասն թագաւորք, յորոց ըստ թուոց աւուրց
Line: 2    տարւոյն եկեղեցիս միայն բարեպաշտն
Line: 3    Վաչական շինեաց յարեւելս։ Եւ յետ մահուն նորա
Line: 4    սկսաւ նուաճիլ ազգն այն։ Եւ Միրհեանն, որ ՛ի
Line: 5    Սասանեան տոհմէ էր եկեալ ՛ի Պարսից՝ հաստատեցաւ
Line: 6    ՛ի նախարարութեան. եւ անուանք նոցա
Line: 7    որդի ՛ի հօրէ առնլով, են այսոքիկ՝ Միրհ, Արմայէլ,
Line: 8    Վարդ, քաջ Վարդան, որ հաւատացեալ
Line: 9    ՛ի Քրիստոս, եւ ոչ շինողն Գարդման բերդոյ. Սորա
Line: 10    որի Վարդ, Վարդ ծնաւ զՎարազ Գրիգոր՝
Line: 11    զառաջին իշխանն Աղուանից, որ ծնաւ զչորս
Line: 12    որդիս՝ զՎարազ Պերոժ, զՋիւանշիր, զՅեզուտ
Line: 13    Խոսրով եւ զՎարազման։

Line: 14       ՛Ի սոցանէ զերէց որդւոյն շարեալ ըստ կարգի
Line: 15    զանուանս բերցուք ՛ի յայտ առ Հայկազինս,
Line: 16    եւ այլքն կացցեն. որք են Վարազ Պերոժ, Վարազ
Line: 17    Տրդատ, Վարդան Ներսեհ դժնդակ, որ է
Line: 18    հանճափ գլխոյ...** արար. եւ ոտք տառապելոց
Line: 19    պարաւանդեալ կապեցան ՛ի շղթայս երկաթեղէնս.
Line: 20    վասն որոյ բազումք խորշակահար եւ հեղձամղձուկ
Line: 21    սատակեցան։ ՛Ի նոյն խորհուրդ գնացեալ
Line: 22    Ներսեհի՝ անցանէր զՀացիւն գիւղ մտանել
Line: 23    յԱսորիս եւ լինէր օրն կիւրակէ։ Նա մեկնեալ
Line: 24    յընկերացն միայն դարձաւ առ հոգեւոր
Line: 25    հայրն Սիմէոն՝ առ սպասաւորն սրբոյ խաչին,
Page: 388   Line: 1    եւ ծածկելով զանուն իւր՝ ընդ այլսն աղօթէր։
Line: 2    Իսկ երանելին Սիմէոն առ նա խրախուսեալ
Line: 3    ասէր. "Ո՞վ ես դու, զի Տէր Աստուած յայտնեաց
Line: 4    զաշխարհակործան քո ամբարշտութիւնդ.
Line: 5    եւ որդիք քո զքո անլրութեանդ չարութիւն կորըստեան
Line: 6    տառապելոց առնուն գաւազան, ո՞չ ապաքէն
Line: 7    դու իցես Ներսեհ, որ դիմեալ երթաս
Line: 8    յատելիս Քրիստոսի՝ յաւելադրել զնոյն չարութիւն
Line: 9    արեւելից եկեղեցեաց։ Արդ երթաս յարկիրն,
Line: 10    այլ բաց աչօք ոչ տեսցես զերկիր հարց քոց"։
Line: 11    Իսկ Ներսեհի անկեալ առ ոտս ծերոյն՝ ոչ ինչ
Line: 12    լսէր պատասխանի. միայն զճանապարհն գնայր,
Line: 13    եւ անդէն վախճանեալ ըստ բանի հօրն Սիմէոնի՝
Line: 14    անշնչացեալ լոկ մարմինն բերաւ ՛ի հող իւր։
Line: 15    Ներսեհի որդի՝ Գագիկ, Գագկայ որի Ստեփաննոս
Line: 16    եւ Ապրասմեն քոյր նորա։ Զայս Վարազ
Line: 17    Տրդատ եւ զորդի նորա Ստեփաննոս, Ներսեհ ՛ի
Line: 18    Փիլիպեան՝ ազգակիցն նորա սպան ՛ի միում ժամու
Line: 19    ՛ի խորաձորն՝ որ կոչի Դադոյի վանք։ Ապա
Line: 20    յայն աղետիցն զառն զգեցեալ զարութիւն կնոջն
Line: 21    սպանելոյ՝ առեալ զմնացեալ իւր դուստրն Սպրամ
Line: 22    գիշերահէն տաժանելի ուղեւորմամբ՝ մտանէ ՛ի
Line: 23    բերդն Խաչենոյ՝ եւ բարուոք խորհեալ տան իւրում՝
Line: 24    ամուսնացուցանէ զՍպրամ ընդ Ատրներսեհի՝
Line: 25    Սահլի որդւոյ, որ էր ՛ի Տոհակայ եւ տէր Սիւնեաց
Line: 26    եւ բռնազբօսութեամբ կալեալ էր զգաւառն
Line: 27    Գեղամայ. եւ որդի նորա Ատրներսեհ հանդիպեցաւ
Page: 389   Line: 1    կնոջ զգաստի, որք երկիւղածք յԱստուծոյ
Line: 2    եւ բարեպաշտք զիւրեանց ցուցանէին զկեանս եւ
Line: 3    աշխարհի քաղցունք։ Սա Ատրներսեհ շինէ զբերդն
Line: 4    Հանդու, եւ զապարանս իւր դնէ ՛ի գիւղն, որ
Line: 5    կոչի Վայունիք, ուր եւ բաղանիքն են արքունականք.
Line: 6    զնա տարան ընդ այլ իշխանս յերկիրն
Line: 7    Պարսից. եւ կալով նորա անդ ամս բազումս տիկինն
Line: 8    Սպրամ յառաւել բարեգործութիւնս յաճախէր.
Line: 9    եւ մեծածախ տենչմամբ շինէր զնորավանս
Line: 10    ՛ի գաւառին Սողէից ամենապայծառ զարդուք։
Line: 11    Եւ իսկոյն գայր Ատրներսեհ զերծեալ ՛ի կողմանցն
Line: 12    Տաճկաց. եւ խաղաղութեամբ զառժամայնն
Line: 13    լուծանէ կեանս։ Լինին սորա որդիք Գրիգոր
Line: 14    եւ Ապուլէթ. Գրիգոր շինէ զՀաւախաղացին
Line: 15    բերդն, եւ յայն կողմն ձգէ զձեռն իւրոյ իշխանութեանն.
Line: 16    եւ Գրիգորի լինին որդիք հինգ, յորոց
Line: 17    երէց որդին Ապուլի սպանինի յազգակցէն Սըմբատայ.
Line: 18    եւ միւս որդին Սահակ, որ եւ Սեւադայ
Line: 19    կոչեցաւ, այր քաջ եւ յաջող, սա առհասարակ
Line: 20    տիրեաց Գարդմանայ եւ Քաւսայ եւ Փառնայ
Line: 21    գաւառաց, այլ եւ աւազակապետաց Ձորոյգետոյն
Line: 22    բովանդակ եղեւ իշխան, եւ խնդրող իսկ գրագիտութեան.
Line: 23    եւ դպրապետս ՛ի տան իւրում կարգեաց.
Line: 24    ընդ որում եւ բազմաջան հնարիւք թագաւորն
Line: 25    Հայոց Սմբատ մարտուցեալ ոչ ինչ կաբաց
Line: 26    ստերիւրել զնա ՛ի կամս իւր։ Սեւադայ ծնանի
Line: 27    զերկուս որդիս՝ զԳրիգոր եւ զԴաւիթ. Գրիգոր
Page: 390   Line: 1    ծնանի զՍեւադայ, որոյ Իշխան անուն կոչիւր, եւ
Line: 2    զԱտրներսեհ եւ զՓիլիպպէ։ Իսկ զերէց որդին Իշխանի
Line: 3    (Սեւադայի) զՅովհաննէս, որ եւ Սենեքերիմ
Line: 4    կոչեցաւ, ընտրեաց աջն Բարձրելոյն՝ կոչելով
Line: 5    զնա ՛ի թագաւորութիւն. եւ զվաղնջուց խափանեալ
Line: 6    թագաւորութիւն Տէրն ամենակալ ՛ի ձեռն
Line: 7    սորա նորոգեաց, զոր եւ թագաւորն Պարսից մեծամեծ
Line: 8    զարդուք պատուէ եւ տայ նմա զթագ հօր
Line: 9    իւրոյ եւ զնորին երիվարն։ ՛Ի նմին ամի եւ որ
Line: 10    Յունացն էր Մագիստբոս՝ Դաւիթ կոչեցեալ անուն
Line: 11    թագ զարմանազան եւ ծիրանիս թագաւորական
Line: 12    առաքէր ՛ի պատիւ եւ ՛ի գովեստ աստուածայաջող
Line: 13    առն այնորիկ, որ եւ ՛ի ձեռն հայրապետական
Line: 14    աջոյն առնոյր զօծումն թագաւորական
Line: 15    ՛ի փառս Քրիստոսի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.