TITUS Texts: Udabnos Mravaltavi

TITUS
Udabnos Mravaltavi
Part No. 28

Previous part

Text: Joh.Chrys.Lazar.
Line: 1   Line of ed.: 29
საკითხავნი წმიდისა ლაზარჱსნი შაბათსა ბზობისასა

Line: 2   Line of ed.: 30
თქუმული წმიდისა და ნეტარისა მამისა ჩუენისა იოვანე ^*
Line: 3   Line of ed.: 31
მთავარ-ეპისკოპოსისაჲ კოსტანტინეპოლელისაჲ,
Line: 4   Line of ed.: 32
მარიამისთჳს და მართაჲსთჳს და ლაზარჱსთჳს,
Line: 5   Line of ed.: 33
ძმისა მათისა, რომელი-იგი უფალმან აღადგინა
Line: 6   Line of ed.: 34
მკუდრეთით, და ელიაჲსთჳს წინაწარმეტყუელისა

{U_20} {BHG _2219p / PG_61_701-706}

Paragraph: 1
Line: 1   Line of ed.: 35    საყუარელნო, რავდენნი ^* საუფლოჲსა აღდგომის ტრფიალ იქმნნეს,
Line: 2   Line of ed.: 36    რომელი აწ ვითარ ჩუენ აღმოგუეკითხვის მარიამისი იგი ქრისტჱს-მოყუარებაჲ,
Line: 3   Page of ed.: 151   Line of ed.: 1    ვითარ-იგი წადიერად ნელსაცხებელი მოაქუნდა მაშინ, და აწცა სუნელ ^* არს
Line: 4   Line of ed.: 2    ეკლესიაჲ და სავსე!

Paragraph: 2
Line: 1   Line of ed.: 3       აჰა სანელსაცხებლჱ იგი დაცალიერდების და საკურთხეველი აღივსების
Line: 2   Line of ed.: 4    საკუმეველითა! მარიამ უფალსა ნელსაცხებელსა სცხებს და მართა ჰმსახურებს!
Line: 3   Line of ed.: 5    და ლაზარე, რომელი სამკჳდროჲთ ^* საშოჲთ გამოსრულ არს, თანა-ინაჴით უზის!
Line: 4   Line of ed.: 6    და დედანი ჰმსახურებენ, და მამაკაცი თანა-მეინაჴე!

Paragraph: 3
Line: 1   Line of ed.: 7       რავდენ უპატიოსნჱსღა ^* მამაკაცებისა ნათესავი, რამეთუ მამაკაცი
Line: 2   Line of ed.: 8    ხატად ღმრთეებისა ^* შექმნა, ხოლო დედაკაცი -- ხატად მამაკაცისა; და
Line: 3   Line of ed.: 9    მამაკაცი ადიდებს, ხოლო ღმერთსა ვერ მიემსგავსების.

Paragraph: 4
Line: 1   Line of ed.: 10       აწ ვინ არს ამის მოწამე, რაჲთა არა ბრალეულ ვიქმნნეთ.^* ისმინე
Line: 2   Line of ed.: 11    პავლჱს მოციქულისაჲ, რამეთუ იტყჳს, ვითარმედ: მამაკაცსა არა უღირს
Line: 3   Line of ed.: 12    დაბურვაჲ თავისაჲ, რამეთუ ხატი და დიდებაჲ ღმრთისაჲ არს, ხოლო დედაკაცი
Line: 4   Line of ed.: 13    Ms. page: 71r   დიდებაჲ ქმრისაჲ არს (1). დედაკაცი თჳსისა ქმრისა დიდება, არა
Line: 5   Line of ed.: 14    თუ უცხოთა; არა პირველისა შეთქუმისა ამაოჲსა, არამედ შემდგომად
Line: 6   Line of ed.: 15    შეთქმულებისა შვილთ-სხმასა. ამან რაჲმე დედაკაცი წყევისაგან გამოიჴსნა
Line: 7   Line of ed.: 16    -- ერთგულებისა შვილებამან. აწ ვინ არს ამისა მოწამე? -- იგივე პავლე,
Line: 8   Line of ed.: 17    რამეთუ იტყჳს, ვითარმედ: "ადამ არა სცთა, ხოლო დედაკაცი იგი სცთა და
Line: 9   Line of ed.: 18    გარდამავალ იქმნა, ხოლო ცხონდებისვე იგი შვილთა სხმისაგან" (2). ხედავა,
Line: 10   Line of ed.: 19    ვითარ შვილთა სხმისაგან ცხონდების დედაკაცი?

Paragraph: 5
Line: 1   Line of ed.: 20       არა ვითარ ევა კაენ შვა, არამედ დიდებულმან ქალწულმან თჳნიერ
Line: 2   Line of ed.: 21    მამაკაცისა უფალი მუცლად-იღო. აწ მისგან შობილსა უფალსა ყოველთასა
Line: 3   Line of ed.: 22    მარიამ ნელსაცხებელსა სცხებს ^* [და მართა ჰმსახურებს]^* და ლაზარე
Line: 4   Line of ed.: 23    თანამეინაჴედ, ვითარცა აწ გესმა.

Paragraph: 6
Line: 1   Line of ed.: 24       მარიამ ეკლესიისა ხატად გამოსწერს, და აღწერილ არიან ეკლესიაჲსა
Line: 2   Line of ed.: 25    სუნელებანი, და მართა შესაკრებელსა გჳჩუენებს, რამეთუ მცირედ-მორწმუნე
Line: 3   Line of ed.: 26    და ქუეყანისათა მოყუარჱ. ხოლო ლაზარეს სასწაული აღდგომისაჲ უპყრიეს,
Line: 4   Line of ed.: 27    ვითარცა აწ გასმია მახარებელისაგან: უწინარჱს ექუსისა დღისა ვნებისა
Line: 5   Line of ed.: 28    მოვიდა იესუ ბეთანიად, სადა იყო ლაზარე, რომელი აღადგინა მკუდრეთით, და
Line: 6   Line of ed.: 29    მზა-უყვეს მას სერი, და მართა ჰმსახურებდა, ხოლო ლაზარე იყო
Line: 7   Line of ed.: 30    თანა-მეინაჴე. და მარიამ მოიღო ლიტრაჲ ერთი ნელსაცხებელი, ნარდიონი
Line: 8   Line of ed.: 31    სარწმუნოჲ მრავლისა სასყიდლისაჲ, და სცხო ფერჴთა იესუჲსთა ^* და თმითა
Line: 9   Line of ed.: 32    თჳსითა წარჰჴოცნა და ყოველი იგი სახლი აღივსო სუნელებითა მის
Line: 10   Line of ed.: 33    ნელსაცხებლისაჲთა (3).

Paragraph: 7
Line: 1   Line of ed.: 34       აწ იხილეთა დედაკაცისა საქმჱ, ვითარ მარიამ წინავე ხატად
Line: 2   Line of ed.: 35    გამოწერა? მრავალნი დედათაგანნი დააცადნა მარიამ ბოროტთაგან საქმეთა და
Line: 3   Page of ed.: 152   Line of ed.: 1    ასწავა მათ ლიტრისა ნელსაცხებლისა პყრობაჲ; და არა ეგრე, ვითარცა-იგი
Line: 4   Line of ed.: 2    რომელთამე თავისა წარკუეთაი ^* წინამორბედისა და ნათლის-მცემელისაჲ. ყოველსა
Line: 5   Line of ed.: 3    ჟამსა მოისწრაფე უფლისა ნელსაცხებლისა ცხებად, ვითარცა მარიამ, Ms. page: 71v   და
Line: 6   Line of ed.: 4    ნუ იუდაჲს თანა იქმნები მპარავ, და ეგრეთვე თმათა განიჴსნიდ და ნუ
Line: 7   Line of ed.: 5    თანა-შეითხზავ ცოდვასა. დაჲ იგი ლაზარჱსი მოიკითხეთ და ნუ ასულსა მას
Line: 8   Line of ed.: 6    ეშმაკისა ეროდიადაჲსსა განსთქუამთ.

Paragraph: 8
Line: 1   Line of ed.: 7       ხოლო მე ამას შესაკრებელისათჳს ჰურიათაჲსა ვიტყჳ, ვითარ-იგი
Line: 2   Line of ed.: 8    უფალსა ნელსაცხებელი არა სცხეს, არამედ ძმარი და ნავღელი მიუპყრეს და
Line: 3   Line of ed.: 9    სისხლისა სიყუარულითა ^* მარადის წინააღმდგომად ქრისტჱსსა იქმნნეს და
Line: 4   Line of ed.: 10    ისწრაფდეს მოკლვად ლაზარე, რომელი უფალმან აღადგინა (4). და ვინ-მე
Line: 5   Line of ed.: 11    უმტკიცჱს იყოს: რომელი უფალმან აღადგინოს, და რომელსა საცხებელსა იგინი
Line: 6   Line of ed.: 12    დააცალიერებდეს, ვითარცა აწ გესმა მახარებელისა თქუმული? აგრძნა ერმან მან
Line: 7   Line of ed.: 13    ჰურიათამან, ვითარმედ მუნ არს იესუ, მოკრბეს არა ხოლო იესუჲსა, არამედ
Line: 8   Line of ed.: 14    რაჲთა ლაზარეცა იხილონ, რომელი-იგი აღადგინა მკუდრეთით, რამეთუ მრავალნი
Line: 9   Line of ed.: 15    ჰურიანი მისთჳს მოვიდოდეს და ჰრწმენებოდა იესუჲსი (5).

Paragraph: 9
Line: 1   Line of ed.: 16       იხილე აწ შესაკრებელი ჰურიათაჲ, ვითარ ყოვლად კაცის-მკლველ არს:
Line: 2   Line of ed.: 17    წინაწარმეტყუელნი მოწყჳდნეს და მერმე უფლისაცა მკლველ იქმნნეს! თჳთ
Line: 3   Line of ed.: 18    თავადი ღმერთი თჳსითა პირითა, ვითარცა მოყუარეთა სისხლისათა და
Line: 4   Line of ed.: 19    ავაზაკთა, ეტყჳს: იერუსალჱმ, იერუსალჱმ, რომელმან მოსწყჳდენ
Line: 5   Line of ed.: 20    წინაწარმეტყუელნი და ქვაჲ დაჰკრიბე მოვლინებულთა შენ ზედა (6),
Line: 6   Line of ed.: 21    ვიდრემდის ჰკლვიდე და არა მოიქცევი?

Paragraph: 10
Line: 1   Line of ed.: 22       გთრავს არა ღჳნის სუმითა, არამედ სისხლისა სიყუარულითა და აწ
Line: 2   Line of ed.: 23    რაჲთა ისწაო, რამეთუ არა დიდ არს სიტყუაჲ ესე უფლისაჲ წინაწარმეტყუელისა
Line: 3   Line of ed.: 24    მიერ: ისმინეთ ესე მთავართა მაგათ სახლისა იაკობისთა და ნეშტთა
Line: 4   Line of ed.: 25    ისრაჱლისათა, რომელთა გძაგს საშჯელი და სამართალსა გარდააქცევთ; რომელნი
Line: 5   Line of ed.: 26    აღაშჱნებთ სიონსა სისხლითა, იერუსალჱმსა უმშჯავროებითა (7). და კუალად:
Line: 6   Line of ed.: 27    უკუეთუ განიპყრნეთ ჴელნი ჩემდა მომართ, გარე-მივიქციო პირი ჩემი მე
Line: 7   Line of ed.: 28    თქუენგან; და უკუეთუ განამრავლოთ ვედრებაჲ, მე არა ვისმინო, რამეთუ
Line: 8   Line of ed.: 29    ყოვლადვე ველნი თქუენნი სავსე არიან სისხლითა (8).

Paragraph: 11
Line: 1   Line of ed.: 30       აწ მას\ვე Ms. page: 72r   სიტყუასა მოვიდეთ მახარებელისასა, ვითარმედ:
Line: 2   Line of ed.: 31    უწინარჱს ექუსისა დღისა ვნებისა მოვიდა იესუ ბეთანიად, სადა იყო ლაზარე,
Line: 3   Line of ed.: 32    რომელი აღადგინა მკუდრეთით (9). რომელი-იგი უფალი მოვიდა ბეთანიად,
Line: 4   Line of ed.: 33    იგივე უფალი მოვიდა აქა, რამეთუ ბეთანია "სახლი მშჳდობის" ითქუმის,
Line: 5   Line of ed.: 34    რამეთუ სახლად მშჳდობისად მოსრული უფალი -- სახლად, რომლითა ჩუენ
Line: 6   Line of ed.: 35    სახელოვან ვართ მარადის, ყოველთა დღეთა ჩუენთა სახლისა მიმართ უფლისა
Line: 7   Line of ed.: 36    ვღაღადებთ და ვიტყჳთ: დიდებაჲ მაღალთა შინა ღმერთსა, ქუეყანასა ზედა
Line: 8   Line of ed.: 37    მშჳდობაჲ და კაცთა შორის სათნოვება! (10). რომელი-იგი ბეთანიად მოვიდა,
Line: 9   Page of ed.: 153   Line of ed.: 1    იგივე აქა მოვალს არა ვითარცა მოსრული, არამედ ვითარცა არსი, მოსრული და
Line: 10   Line of ed.: 2    მომავალი.

Paragraph: 12
Line: 1   Line of ed.: 3       ამას უფლისა მოსლვასა წინაწარმეტყუელი წინავე ხედვიდა და
Line: 2   Line of ed.: 4    იტყოდა: აჰა უფალი ძლიერებით მოვალს, და მკლავი მისი -- უფლებით (11).
Line: 3   Line of ed.: 5    ჭეშმარიტ არს სიტყუაჲ ესე, რამეთუ "უფალი ძლიერებით მოვალს." ვითარ
Line: 4   Line of ed.: 6    ძლიერებით? -- რომელმან ჯოჯოხეთი წარმოტყუენა, სიკუდილი მოაკუდინა,^*
Line: 5   Line of ed.: 7    ლაზარე აღადგინა; რომელმან ბევრეულითა საკჳრველებითა ^* აღავსო [ყოველი].

Paragraph: 13
Line: 1   Line of ed.: 8       "აჰა უფალი ძლიერებით მოვალს"; ვინ-მე არს უძლიერჱს მის
Line: 2   Line of ed.: 9    მეტყუელისა, რომელმან თქუა: "ლაზარე, გამოვედ გარე!" (12). მოვალს, რომელი
Line: 3   Line of ed.: 10    არა განშოვრებულ არს; რამეთუ მოვალს, განვიდეთ მიგებებად მოსრულისა მის და
Line: 4   Line of ed.: 11    მომავალისა არა ქუეყანასა ფერჴის წარდგმითა, არამედ სულითა ^*
Line: 5   Line of ed.: 12    განვამტკიცებდეთ უმჯობჱსისა სახითა ; განვიდეთ მიგებებად მოსრულისა და
Line: 6   Line of ed.: 13    მადლობით ვჰყოფდეთ მას, რომელი-იგი იყო მარიამ, დამან მოსჱსმან.
Line: 7   Line of ed.: 14    უშემკულჱსსა ჴმასა მოვიღებდეთ და აღვიღოთ ძლევისა სამძალი. არა ბობღნითა
Line: 8   Line of ed.: 15    და ჴელთა ტყუელვითა, არამედ მცენარეთა, რტოებისაგან ფინიკისა, და
Line: 9   Line of ed.: 16    ღაღად-ვყოთ მორწმუნეთა ძმათა ჩუენთა თანა: "ჵსანა! კურთხეულ არს მომავალი
Line: 10   Line of ed.: 17    სახელითა უფლისაჲთა მეუფჱ ისრაჱლისაჲ!" (13).

Paragraph: 14
Line: 1   Line of ed.: 18       ამას სამეუფოსა მოსლვასა ესაია წინავე ხედვიდა და იტყოდა: აჰა,
Line: 2   Line of ed.: 19    უფალი ძლიერებით მოვალს (14), ვითარცა მკუდართა აღმადგინებელი. არა თუ
Line: 3   Line of ed.: 20    მკუდართაჲ, არამედ დამპალ\თაჲცა, Ms. page: 72v   სოფლისაგან განსრულთა და
Line: 4   Line of ed.: 21    თმა-გარდასრულისა მეოთხის დღისა ლაზარჱს ^* საფლავით გამოყვანებად და
Line: 5   Line of ed.: 22    ვითარცა-იგი გესმოდა მახარობელისაჲ: უწინარჱს ექუსისა დღისა ვნებისა
Line: 6   Line of ed.: 23    მოვიდა იესუ ბეთანიად, სადა-იგი ლაზარე მკუდრეთით აღადგინა (15).

Paragraph: 15
Line: 1   Line of ed.: 24       რომელი ესევითარი ქმნა მოსე სასწაული, ვითარ-იგი უფალმან
Line: 2   Line of ed.: 25    ჩუენმან იესუ ქრისტემან? მოსე კაცი არა თუ აცხოვნა, არამედ მოკლა.
Line: 3   Line of ed.: 26    ჰრცხუენოდენ აწ ჰურიათა, რომელნი მოსეს შეასხმენ, რამეთუ ჰურიაჲ
Line: 4   Line of ed.: 27    გამორბის და იტყჳს: აქა მკუდარი არავინ აღდგაო. ვითარ, ჵ ჰურიანო, არა
Line: 5   Line of ed.: 28    აღადგინაა ^* ელია წინაწარმეტყუელმან სარეფთას ქურივისა ძჱ? და ელია
Line: 6   Line of ed.: 29    კაცივეღა იყო! ვითარ უკუე თქუენისა მოძღურისათჳს უმეტჱს ჰბრძნობთ? აწ
Line: 7   Line of ed.: 30    ჩუენ ღმერთსა ძლიერსა იესუ ქრისტესა ვწამებთ, რომელმან აღადგინა ლაზარე
Line: 8   Line of ed.: 31    მკუდარი ^* ოთხისა დღისაჲ.

Paragraph: 16
Line: 1   Line of ed.: 32       ჵ ჰურიანო, არცა ჩუენსა აღადგინაა ელია მკუდარი და კაცივე იყო
Line: 2   Line of ed.: 33    იგი, და არა ღმერთი. ვითარ უკუე უმეტჱს ჰბრძნობთ აღდგომისა მისთჳს
Line: 3   Line of ed.: 34    ლაზარჱსისა მკუდრეთით და ღმერთ-ჰყოფთ მოძღუარსა თქუენსა? რასა იტყჳ, ჵ
Line: 4   Line of ed.: 35    ჰურიაო, თანა-ეწამებია ელიას, რომელმან-იგი ვედრებითა ღმრთისაჲთა
Line: 5   Line of ed.: 36    მკუდარი აღადგინა?

Paragraph: 17
Line: 1   Line of ed.: 37       ანუ ვითარ უფალსა ჩუენსა იესუ ქრისტესა უცხოსა გუასწავებთ
Line: 2   Page of ed.: 154   Line of ed.: 1    მონებისასა, რომელმან იგი ოთხისა დღისა მკუდარსა მდებარესა უჴმო
Line: 3   Line of ed.: 2    ლაზარეს? და გამოვიდა იგი ბრძანებისა მისისაგან საფლავით. ცან, რამეთუ
Line: 4   Line of ed.: 3    სხუაჲ არს ჴელმწიფებაჲ ღმრთეებისაჲ. არა თუ სცნა პირველად სახჱ მკუდართა
Line: 5   Line of ed.: 4    აღდგომისაჲ, არა გულისხმა-ჰყო სიტყუაჲ ღმრთეებისა ჴელმწიფებისაჲ.

Paragraph: 18
Line: 1   Line of ed.: 5       აწ ისმინე გულისხმის-საყოფელად, რამეთუ რომელი-იგი ელიაჲს ზე
Line: 2   Line of ed.: 6    მკუდარი ძჱ სარეფთელისა დედაკაცისაჲ აღადგინა და ღათუ სიკუდილსა ^* მიეცა,
Line: 3   Line of ed.: 7    არა თუ ბუნებისა მოკლებითა, არამედ სწავლისა და ურვისათჳს Ms. page: 73r
Line: 4   Line of ed.: 8    ელიაჲსისა და მოდრეკისათჳს სიფიცხლისაგან გულისაჲსა და შეწყალებისათჳს.

Paragraph: 19
Line: 1   Line of ed.: 9       განრისხნა ოდესმე ელია, ვითარცა იცით, სახლისა მისთჳს აქაბისა
Line: 2   Line of ed.: 10    და ყოვლისათჳს ისრაჱლისა უშშჯულოებისა მისთჳს იეზაბელისა და ფიცით
Line: 3   Line of ed.: 11    აღმოთქუა და იტყოდა: ცხოველ არს უფალი ღმერთი! უკუეთუ იყოს წელთა ამათ
Line: 4   Line of ed.: 12    ცუარი ანუ წჳმაჲ ქუეყანასა ზედა გარნა პირისაგან ჩემისა (16). ამას
Line: 5   Line of ed.: 13    ურწყულებისა განჩინებისა ელიაჲსსა ყოველთა შემოქმედისა ღმრთისაგან არა
Line: 6   Line of ed.: 14    ითქუა, ხოლო აღ-ვე-ასრულებს მონისა მის განჩინებასა. უნდა მისი,
Line: 7   Line of ed.: 15    რომელმან შეკრნა ღრუბელნი სიმდიდრეთაგან წჳმათაჲსა, მეყს განჴსნად
Line: 8   Line of ed.: 16    შეპყრობისა მისგან ურწყულებისა.

Paragraph: 20
Line: 1   Line of ed.: 17       ხოლო ელია არა შესძინებდა შენდობასა, ვითარმედ სხუად ღმერთი
Line: 2   Line of ed.: 18    მოწყალე და სხუად კაცი განფიცხებად. ხოლო უფალსა ფიცხლისათჳს მონისა
Line: 3   Line of ed.: 19    უნდა ვედრებაჲ, რაჲთა მოსცეს წჳმაჲ ქუეყანასა. შეუმსგავსებელ იყო
Line: 4   Line of ed.: 20    ღმრთისაჲ კაცისა მიმართ ვედრებაჲ. და ვითარცა ღმერთი სხჳთა მოვიდა
Line: 5   Line of ed.: 21    საქმითა. რომლითა? -- ამით: ისმინე და გულისხმა-ყავ უწჳმრობისა ^* იგი
Line: 6   Line of ed.: 22    განგრძობაჲ: სამ წელ და ექუს თთუე არა აღივსო ღრუბელი შობად წჳმისა.

Paragraph: 21
Line: 1   Line of ed.: 23       მერმე იწყო ელიაცა შეურვებად წყურილითა. ხოლო ელოდა და ეტჳრთა
Line: 2   Line of ed.: 24    და ამას ჴდომით ჰყოფდა, რამეთუ უნდა მას შემუსრვად და უტყუ-ყოფად ^* სახლი
Line: 3   Line of ed.: 25    აქაბისი.

Paragraph: 22
Line: 1   Line of ed.: 26       და რასა უფალი განიზრახავნ მონისათჳს განფიცხებულისა და ვითარ
Line: 2   Line of ed.: 27    ეტყჳს: აღდეგ ამიერ და წარვედ ჴევსა მას ქორათისასა, და მუნ სუმიდე
Line: 3   Line of ed.: 28    წყალსა ჴევისა მისგან და მუნ უბრძანო ყორანსა გამოზრდა შენი! (17). ამას
Line: 4   Line of ed.: 29    რაჲ ეტყოდა უფალი ელიას, არა რაჲთამცა დიდებულ ყო, არამედ რაჲთამცა
Line: 5   Line of ed.: 30    აგინა; არა რაჲთამცა გამოზარდა, არამედ რაჲთა საძაგელისა მისგან
Line: 6   Line of ed.: 31    საზრდელისა მოიყვანოს იგი მოწყალებად.

Paragraph: 23
Line: 1   Line of ed.: 32       შეუმსგავსებელ იყო წინაწარმეტყუელისაჲ ყორანთა მიერ გამოზრდაჲ.
Line: 2   Line of ed.: 33    ჴორცითა სავსესა ტაბლასა დაგებად შემძ\ლებელ Ms. page: 73v   იყო უფალი,
Line: 3   Line of ed.: 34    რომელსა-იგი დასაბამითგან შრომაჲ აქუნდა მარხვისაჲ, ანუ თუ ტრედისაგან
Line: 4   Line of ed.: 35    გამოზრდად მართლისა, გინა თუ მანანაჲთა, ვითარცა ძეთა ისრაჱლისათა ანუ
Line: 5   Line of ed.: 36    სწორისა მისისა დანიელისებრ საზრდელისა მიმღებელად კაცისა მიერ,
Line: 6   Line of ed.: 37    ვითარცა ამბაკუმ. შემძლებელ იყო ღმერთი ჩუენებად ელიაისა და ნებიერად
Line: 7   Page of ed.: 155   Line of ed.: 1    გამოზრდად, რომლითა მერმეცა ივლტოდა იეზაბელისგან და მოიწია უდაბნოდ და
Line: 8   Line of ed.: 2    დაიძინა მრავლითა შიმშილითა და წყურილითა, რამეთუ ფრიად იყო გზაჲ იგი.
Line: 9   Line of ed.: 3    და რაჲ უდვა უფალმან სასთუნალ მისა? -- პური და წყალი, და მეყსეულად
Line: 10   Line of ed.: 4    უგუმირა გურდსა მისსა (18). და რაჲსა გუერდსა მისსა და არა სხუასა
Line: 11   Line of ed.: 5    ადგილსა?

Paragraph: 24
Line: 1   Line of ed.: 6       აწ რაჲსათჳს გუერდსა? -- ისმინე: რაჲთა შეკრთომითა გუერდისაჲთა
Line: 2   Line of ed.: 7    ივლტოდის. და რასა ეტყჳს მას უფალი? -- ელია, აღდეგ და ჭამე და სუ,
Line: 3   Line of ed.: 8    რამეთუ დიდ არს შენდა გზაჲ ეგე (19).

Paragraph: 25
Line: 1   Line of ed.: 9       აღდგა ელია, ჭამა და სუა, და წარემართა ორმეოც დღე და ორმეოც
Line: 2   Line of ed.: 10    ღამე (20) არა ვითარ მშიერი, არამედ ვითარცა მაძღარი. ესევითარი იყო
Line: 3   Line of ed.: 11    მონიჭებული საზრდელი! და მოვიდა იგი ჴევსა მას ქორათისასა და არარაჲ
Line: 4   Line of ed.: 12    პოვა, რაჲმცა ჭამა, არამედ ყორნისა მიერ ჴორცი და წყალი ჴევისაჲ მის, და
Line: 5   Line of ed.: 13    იქმნა იგი შეურვებულ.

Paragraph: 26
Line: 1   Line of ed.: 14       შემძლებელ იყო, რომელმან-იგი უდაბნოს გამოზარდა, მუნცამცა ეცა
Line: 2   Line of ed.: 15    ჭამადი სულიერი. გარნა ამას დაუგო ჭამადი უშუერი ^* ამისთჳს, რაჲთამცა
Line: 3   Line of ed.: 16    სიფიცხლისაგან მოდრიკა წყალობად, არამედ იგი დაადგრა მასვე სიფიცხლესა
Line: 4   Line of ed.: 17    და არა მოდრკა.

Paragraph: 27
Line: 1   Line of ed.: 18       შეჰგვანდა ელიაჲსა, რაჟამს ისმინა უფლისაჲ, ოდეს ეტყოდა მას,
Line: 2   Line of ed.: 19    ვითარმედ: "ჰსუმიდე შენ წყალსა მას ჴევისასა და მუნ უბრძანო ყორანთა
Line: 3   Line of ed.: 20    გამოზრდად შენდა", შე-მცა-უვრდა უფალსა, ევედრა და ჰრქუა: უფალო,
Line: 4   Line of ed.: 21    არასადა შესრულ არს არაწმიდაჲ პირსა ჩემსა, აწ შენ ყორანთა
Line: 5   Line of ed.: 22    წარმომიდგინება, რომელნი-იგი ეცრუნეს ნოვეს, და ჴორც-დაგებულსა ტაბლასა
Line: 6   Line of ed.: 23    დამიგებ მე, ვითარცა წარმართსა?

Paragraph: 28
Line: 1   Line of ed.: 24       შეჰგვანდა ელიაჲსა, რაჲთამცა ესევითარნი ვედრებანი შეწირნა
Line: 2   Line of ed.: 25    უფლისა, და Ms. page: 74r   მან არაჲ ყო ამისთჳს, რამეთუ იცოდა ელია: უკუეთუ
Line: 3   Line of ed.: 26    ითხოვოს უფლისაგან ტაბლაჲ კეთილი, ჰრქუას მას უფალმან, ვითარმედ: რასა
Line: 4   Line of ed.: 27    იტყჳ, ელია? არა ღირს-გყოფ შენ წყალსა მას წმიდასა სუმად, რომელმან არა
Line: 5   Line of ed.: 28    უტევე წჳმაჲ და განაჴმე ქუეყანაჲ ისრაჱლისაჲ. არა იპოვების ნაწუეთი ^*
Line: 6   Line of ed.: 29    წყლისაჲ ლაკუასა, არცა ნოტიაჲ წყაროთა. აწ რომელი გიყოფიეს, თავს-იდევ,
Line: 7   Line of ed.: 30    და თუ არა გნებავს ჴორცი ეგე ყორნისა მოღებული ჭამად, არა იპოვების პური
Line: 8   Line of ed.: 31    ჭამად, არცა მჭელეული,^* არცა მდელოჲ, არცა წჳმაჲ, არცა ცუარი, რამეთუ
Line: 9   Line of ed.: 32    ყოველივე პირმან შენმან წარწყმიდა. არარაჲ იპოვების თჳნიერ ჴორცისა და
Line: 10   Line of ed.: 33    იგიცა მკუდარისაჲვე, რომელნი-იგი მოწყდეს ურწყულობისაგან ^* და საჭმლისა.
Line: 11   Line of ed.: 34    აწ შეიწყნარე ტაბლაჲ ეგე!

Paragraph: 29
Line: 1   Line of ed.: 35       ამას ეს[ე]ვითარსა სიტყუასა ჰგონებდა ელია უფლისაგან და
Line: 2   Line of ed.: 36    შეიწყნარა ტაბლაჲ იგი უშუერი, რაჲთამცა არა მოდრკა სიფიცხლისაგან და
Line: 3   Line of ed.: 37    არავე ინება, რაჲთამცა წჳმა ქუეყანასა.

Page of ed.: 156
Paragraph: 30
Line: 1   Line of ed.: 1       და ოდეს იხილა უფალმან, რამეთუ არა მოდრკა ელია, სხჳთა სახითა
Line: 2   Line of ed.: 2    უჩუენა მას უძჳრჱს პირველისა, ვითარ-იგი განაჴმო ჴევი იგი და ჴორცი
Line: 3   Line of ed.: 3    დააცხრვო, და ჰრქუა მას: წარვედ შენ სარეფთად სიდონიაჲსა და მუნ უბრძანო
Line: 4   Line of ed.: 4    დედაკაცსა ქურივსა გამოზრდაჲ შენი (21).

Paragraph: 31
Line: 1   Line of ed.: 5       აწ იხილე, ვითარ მოჰყვანდა ელია უფალსა წყალობად! რამეთუ არა
Line: 2   Line of ed.: 6    მიავლინა სახლთა მეფეთა და მთავართასა, არამედ ქურივისა და გლახაკისასა,
Line: 3   Line of ed.: 7    რაჲთა ამით ესევითარითა მოდრიკოს წყალობად.

Paragraph: 32
Line: 1   Line of ed.: 8       არამედ იგი დაადგრა სიფიცხლესავე თჳსსა და გულისხმა-ყო ელია:
Line: 2   Line of ed.: 9    უკუეთუ ამის ყოვლისა ჭირისათჳს ვევედრო უფალსა, მრქუას მე, ვითარმედ:
Line: 3   Line of ed.: 10    რად არა თავს-იდევი, რომელმან-ეგე ბერწ-ჰყავ ყოველი ქუეყანაჲ
Line: 4   Line of ed.: 11    უწჳმრობითა? და წარემართა ელია რეცა სიხარულით.

Paragraph: 33
Line: 1   Line of ed.: 12       ისმისე აწ, რამეთუ ისტუმრა ელია ქურივმან მან და პოვა მცირედ
Line: 2   Line of ed.: 13    ფქვილი და ზეთი და წყალი; და მას ქურივსა მიაქუნდა შეშაჲ. ესე ქურივი
Line: 3   Line of ed.: 14    რომელი მოვჴსენეთ, აჩუენებდა იგი ტაბლასა Ms. page: 74v   ეკლესიაჲსასა, რომლისა
Line: 4   Line of ed.: 15    მიივლინა წინაწარმეტყუელი.

Paragraph: 34
Line: 1   Line of ed.: 16       და ოდეს-იგი შევიდა ელია სახლსა მას ქურივისასა, პოვა მან
Line: 2   Line of ed.: 17    ჭეშმარიტად, ვითარ ჩუენსა ამას ეკლესიასა, უნჯი წყალი და ზეთი და პური.
Line: 3   Line of ed.: 18    წყალი და ზეთი და ფქვილი იყო სახჱ ესე: წყალი იგი -- ნათლის-ღებისაჲ,
Line: 4   Line of ed.: 19    ზეთი იგი -- ცხებისაჲ, პური იგი -- სახლისაჲ და შეშაჲ იგი -- პატიოსანი
Line: 5   Line of ed.: 20    ჯუარი, რომელი ყოფად იყო. და რომელი-იგი ჰრქუა ელია ქურივსა მას,
Line: 6   Line of ed.: 21    ვითარმედ: რქასა მას საზეთესა არა მოაკლდეს, და ლაგჳნსა საფქვილესა არა ^*
Line: 7   Line of ed.: 22    მოაკლდეს! (22). რამეთუ არა არს მოკლება მადლისა მართლმორწმუნეთათჳს.

Paragraph: 35
Line: 1   Line of ed.: 23       და ოდეს პოვა ელია ტაბლაჲ იგი დაგებული, განეხარა მას და ეტყოდა
Line: 2   Line of ed.: 24    თავსა თჳსსა: ამიერითგან აქა დავადგრე, რამეთუ ვპოვე ტაბლაჲ დაგებული;
Line: 3   Line of ed.: 25    და რაჲ ძეს ჩემი სიტყუად სახლსა მას აქაბისსა და ერისა ისრაჱლისა!
Line: 4   Line of ed.: 26    აქუნდინ მათ უკეთურებისა მისთჳს იეზაბელისა უწჳმრობისა ^* იგი ნაყოფი!

Paragraph: 36
Line: 1   Line of ed.: 27       ამას იტყოდა ელია და არა ცნა მან, ვითარ კაცსა შუებასა თანა
Line: 2   Line of ed.: 28    მოუჴდა სალმობაჲ და ურვაჲცა.

Paragraph: 37
Line: 1   Line of ed.: 29       მოიჴსენეთ თქუენცა, ოდეს დედაკაცსა მას მოუკუდა შვილი, არა თუ
Line: 2   Line of ed.: 30    შემოსა იგი, რაჲთამცა დაჰმარხა იგი, არამედ მივიდა ელიაჲსა და ევედრებოდა
Line: 3   Line of ed.: 31    და უთხრა, ვითარმედ: მოკუდა შვილი იგი ჩემი; გევედ[რე]ბი, შემიწყალე! და
Line: 4   Line of ed.: 32    უფროჲს ხოლო [შეა]ურვებდა ელიას. ამისა შემდგომად ჰრქუა დედაკაცმან მან
Line: 5   Line of ed.: 33    ყოველთა თანა: რაჲ ძეს ჩემი და შენი, კაცო ღმრთისაო? შემოხუედ ჩემდა,
Line: 6   Line of ed.: 34    რაჲთა მომაჴსენნე ცოდვანი ჩემნი, ვიდრემდის მოაკუდინე ძჱ ჩემი? (23).

Paragraph: 38
Line: 1   Line of ed.: 35       ხედავა, ვითარ სიხარული იგი ელიაჲსი ურვად გარდაიქცა? ვითარცა
Line: 2   Line of ed.: 36    მკლველსა შეიპყრობდა. -- ნუუკუე ძჱ ჩემი სნეულ იყოა შენსა შემოსლვასა
Line: 3   Line of ed.: 37    ჩემდა? მომეც მე ძჱ ჩემი ცოცხალი! ფიცხლად ვისმე გხედავ შენ; მასწავე მე
Line: 4   Page of ed.: 157   Line of ed.: 1    აწ, რაჲ ვყო." ნუუკუე ივლტი შენ ღმრთისაგან? ნუუკუე შენ გაქუს უწჳმრობაჲ
Line: 5   Line of ed.: 2    იგი ისრაჱლისაჲ, რამეთუ ეგევითარად ჰშჩან? ნუუკუე ....................

(ბოლო აკლია)

Paragraph: n.
Line: 1     იოვა/ვანე U.^{^}
Line: 2     რავდენი U.^{^}
Line: 3     ასეა U.^{^}
Line: 4     სამკუდროჲთ U.^{^}
Line: 5     უპატიუსნჱსღა U.^{^}
Line: 6     ღ~თებისა U.^{^}
Line: 7     ვიქმნეთ U.^{^}
Line: 8     სც/ებს U.^{^}
Line: 9     ეს სიტყვები აკლია; ჩანს, გადამწერს სტრიქონი გამორჩენია დაბოლოების ("ებს") მსგავსების გამო.^{^}
Line: 10     ი~ჳსთა U.^{^}
Line: 11     ასეა U.^{^}
Line: 12     სიყუარულისა U.^{^}
Line: 13     მოაკჳდინა U.^{^}
Line: 14     საკჳრველებითა U.^{^}
Line: 15     ს~ლითა U, ს~ლთა S.^{^}
Line: 16     ლაზალარჱს U.^{^}
Line: 17     აღადგინა U.^{^}
Line: 18     მკუდრეთით U.^{^}
Line: 19     სიკჳდილსა U.^{^}
Line: 20     უწუმრობისა U.^{^}
Line: 21     უტყოფად U.^{^}
Line: 22     უშური U.^{^}
Line: 23     ნაწუთი U.^{^}
Line: 24     მჭლეული U.^{^}
Line: 25     ურწყოლობისაგან U.^{^}
Line: 26     არა] + არა U.^{^}
Line: 27     უწუმრობისა U (შდრ. ურწმუნოებისა S).^{^}

Next part

This text is part of the TITUS edition of Udabnos Mravaltavi.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.