TITUS
Biblia Udica, Versio Nizhensis: Vetus Testamentum
Part No. 72
Previous part

Chapter: 32 

Iordan oq̇e be͑ġ č̣eġalač täräf bakala oćalxo ǯöybsun
İordan oq'e běğ c'eğalaç tərəf bakala oç̌alxo cöybsun



(Ḳan. 3:12-22)
(K'an. 3:12-22)


Verse: 1  Link to rat Azuḳi boš Ruveni q̇a Gade näsiläxun bakalṭoġoy heyvanxo geleney. Šoṭoġonal Yacer q̇a Gilead uḳala oćalxo aḳaṭan, me ganxoy heyvan otarišbseynaḳ šaaṭ sa ga baksun ičoġoy piyexun tene ṭiṭeri.
   Azuk'i boş Ruveni q'a Gade nəsiləxun bakalt'oğoy heyvanxo geleney. Şot'oğonal Yaśer q'a Gilead uk'ala oç̌alxo ak'at'an, me ganxoy heyvan otarişbseynak' şaat' sa ga baksun içoğoy piyexun tene t'it'eri.

Verse: 2  Link to rat Šorox Moiseyi, beyinś Eleazari saal azuḳi boš kalo č̣äḳeciṭoġoy ṭo͑ġo͑l hari piṭun:
   Şorox Moiseyi, beyinš Eleazari saal azuk'i boş kalo c'ək'eśit'oğoy t'ǒğǒl hari pit'un:

Verse: 3-4  Link to rat "Q̣ONǮUĠON beš kiyel tadi me oćala bakala Aṭaroṭ, Dion, Yacer, Nimra, Xešbon, Eleale, Sevam, Nevo saal Beon šaaṭ heyvan otarišes bakala ganxone. Me vi ḳulurxoyal, avanu ki, heyvan gelene".
   "Q'ONCUĞON beş kiyel tadi me oç̌ala bakala At'arot', Dion, Yaśer, Nimra, Xeşbon, Eleale, Sevam, Nevo saal Beon şaat' heyvan otarişes bakala ganxone. Me vi k'ulurxoyal, avanu ki, heyvan gelene".

Verse: 5  Link to rat Oša saal piṭun: "Ägär yaynaḳ moṭo gele ten aksasa, me oćala yax tada. Barta me gaq̇an beši baki, Yordan oqe ṭe täräf yax ma taša".
   Oşa saal pit'un: "Əgər yaynak' mot'o gele ten aksasa, me oç̌ala yax tada. Barta me gaq'an beşi baki, Yordan oqe t'e tərəf yax ma taşa".

Verse: 6  Link to rat Moiseyen pine: "Yäni dirisṭ azuḳen taci davabale, vä͑n isä memiya arcalnan?
   Moiseyen pine: "Yəni dirist' azuk'en taśi davabale, və̌n isə memiya arśalnan?

Verse: 7  Link to rat Heṭaynaḳnan israilluġo Q̣ONƷ́UĠON ičoġo tadi ölkinä taysunaxun čaxevksa?
   Het'aynak'nan israilluğo Q'ONČUĞON içoğo tadi ölkinə taysunaxun çaxevksa?

Verse: 8  Link to rat Ef bavoġonal, Zu šoṭoġo Kadeš-Barnea šähärexun ṭe oćala be͑ġsa yaq̇abaṭan haketärṭun bey.
   Ef bavoğonal, Zu şot'oğo Kadeş-Barnea şəhərexun t'e oç̌ala běğsa yaq'abat'an haketərt'un bey.

Verse: 9  Link to rat Šorox Ešḳol \ däränel ciriḳ taci ṭe oćala be͑ṭunġi, ama oša hari ṭiya taysunaxun, Q̣ONƷ́UĠON ičoġo tadi ṭe ölkinä baysunaxun azuḳa qošṭunbi. *
   Şorox Eşk'ol \ dərənel śirik' taśi t'e oç̌ala bět'unği, ama oşa hari t'iya taysunaxun, Q'ONČUĞON içoğo tadi t'e ölkinə baysunaxun azuk'a qoşt'unbi. *

Verse: 10  Link to rat Ṭe vädäne Q̣ONƷ́UĠOY äǯuġ bäč̣üḳeci, Šoṭinal elasṗi pine ki,
   T'e vədəne Q'ONČUĞOY əcuğ bəc'ük'eśi, Şot'inal elasp'i pine ki,

Verse: 11  Link to rat "Zaxun ćo taradi Misiräxun č̣eriṭoġoxun sayǯo, q̇a saal q̇a yäšäxun ala bakalṭoġoxun sayǯo, Zu Avrama, Isaaḳa saal Iaḳova äyit tadi ṭe oćala baġalatene!
   "Zaxun ç̌o taradi Misirəxun c'erit'oğoxun sayco, q'a saal q'a yəşəxun ala bakalt'oğoxun sayco, Zu Avrama, İsaak'a saal İak'ova əyit tadi t'e oç̌ala bağalatene!

Verse: 12  Link to rat Sayǯä Bezi äyitäxun nu č̣eri ḳenizlu Yefunneyi ġar Ḳalevaxun q̇a Nune ġar Yešuaxun bašq̇a".
   Saycə Bezi əyitəxun nu c'eri k'enizlu Yefunneyi ğar K'alevaxun q'a Nune ğar Yeşuaxun başq'a".

Verse: 13  Link to rat Hametäräl Q̣ONƷ́UĠOY äǯoġon israilluġoy loxol bineq̇i. Šoṭin azuḳa q̇ərx usen, Q̣ONƷ́UĠOY piyes günax aḳeci me äšlä biq̇i näsil äfčibakamin amc̣i oćala fərəpesedi. *
   Hametərəl Q'ONČUĞOY əcoğon israilluğoy loxol bineq'i. Şot'in azuk'a q'ırx usen, Q'ONČUĞOY piyes günax ak'eśi me əşlə biq'i nəsil əfçibakamin ams'i oç̌ala fırıpesedi. *

Verse: 14  Link to rat Isääl mone, ef bavoġoxun q̇oš tenan mansṭa! Vä͑xlariḳ günaxkärxoxun baki günaxkärxone Q̣ONƷ́UĠOY äǯoġo ṗurum me azuḳi loxol ciye!
   İsəəl mone, ef bavoğoxun q'oş tenan manst'a! Və̌xlarik' günaxkərxoxun baki günaxkərxone Q'ONČUĞOY əcoğo p'urum me azuk'i loxol śiye!

Verse: 15  Link to rat Vä͑n häysä Q̣ONƷ́UĠOXUN ćo taradaynan, Šoṭin ṗurum azuḳa me amc̣i oćala efi baśaybale! Vä͑n me azuḳa äfčibalnan!"
   Və̌n həysə Q'ONČUĞOXUN ç̌o taradaynan, Şot'in p'urum azuk'a me ams'i oç̌ala efi bašaybale! Və̌n me azuk'a əfçibalnan!"

Verse: 16  Link to rat Ṭe vädä Ruveni q̇a Gade näsiläxun bakalorox Moiseyi be͑ś č̣eri piṭun: "Beši fikir ṭetärey ki, miya beši heyvanxoynaḳ aġəlxo, ailoġoynaḳal šähärmux biq̇i šoṭoġo memiya efen.
   T'e vədə Ruveni q'a Gade nəsiləxun bakalorox Moiseyi běš c'eri pit'un: "Beşi fikir t'etərey ki, miya beşi heyvanxoynak' ağılxo, ailoğoynak'al şəhərmux biq'i şot'oğo memiya efen.

Verse: 17  Link to rat Yan isä taci israilluġoxun sagala šoṭoġo äyit tadeci oćala badamin davabalyan. \ Yan davina bakala vädine beši äylox q̇a čupuxxo q̇alala šähärmoġo, me oćali amdarxoy kul nu ṗaṗala sa gala bakayṭun, yanal arxayinyan bakon.
   Yan isə taśi israilluğoxun sagala şot'oğo əyit tadeśi oç̌ala badamin davabalyan. \ Yan davina bakala vədine beşi əylox q'a çupuxxo q'alala şəhərmoğo, me oç̌ali amdarxoy kul nu p'ap'ala sa gala bakayt'un, yanal arxayinyan bakon.

Verse: 18  Link to rat Israilluġoxun härṭin iču kofṭala oćali paya haq̇amin beši ḳožurxo teyan qaybakal.
   İsrailluğoxun hərt'in içu koft'ala oç̌ali paya haq'amin beşi k'ojurxo teyan qaybakal.

Verse: 19  Link to rat Yan Yordan oqe ṭe täräf oćal teyan exṭal, šoṭo görä ki, ene miya - Iordan oqe be͑ġ č̣eġalač täräf bakala oćalxoxunyan exṭi".
   Yan Yordan oqe t'e tərəf oç̌al teyan ext'al, şot'o görə ki, ene miya - İordan oqe běğ c'eğalaç tərəf bakala oç̌alxoxunyan ext'i".

Verse: 20  Link to rat Moiseyen šoṭoġo metäre ǯoġab tadi: "Ägär vä͑n ef piṭullariḳ bi Q̣ONƷ́UĠOY c̣iyen davina taġaynan,
   Moiseyen şot'oğo metəre coğab tadi: "Əgər və̌n ef pit'ullarik' bi Q'ONČUĞOY s'iyen davina tağaynan,

Verse: 21  Link to rat Iordani ṭe täräfäl Q̣ONƷ́UĠON Iz düšmänxoxun oćalxo exṭi Iz azuḳa tadamin davabaynan,
   İordani t'e tərəfəl Q'ONČUĞON İz düşmənxoxun oç̌alxo ext'i İz azuk'a tadamin davabaynan,

Verse: 22  Link to rat ṭe vädä ṭe ölkin amdarxon Q̣ONƷ́UĠO taševḳiṭuxun oša vä͑n ef ḳožurxo qaybakes banankon. Metär vä͑n Q̣ONƷ́UĠOY q̇a azuḳi be͑ś ef borǯa ödäyinši bakalnan, Q̣ONǮUĠONAL vä͑x me oćala Iz xeyir-bäräkätäxun sagala tadale.
   t'e vədə t'e ölkin amdarxon Q'ONČUĞO taşevk'it'uxun oşa və̌n ef k'ojurxo qaybakes banankon. Metər və̌n Q'ONČUĞOY q'a azuk'i běš ef borca ödəyinşi bakalnan, Q'ONCUĞONAL və̌x me oç̌ala İz xeyir-bərəkətəxun sagala tadale.

Verse: 23  Link to rat Ama ägär ef pi äyitin loxol nu čurḳaynan, ṭe vädä Q̣ONƷ́UĠOY piyes günax äšṗesṭi bakalnan, äšṗesṭi günaxi ǯazinal zaṗḳalnan.
   Ama əgər ef pi əyitin loxol nu çurk'aynan, t'e vədə Q'ONČUĞOY piyes günax əşp'est'i bakalnan, əşp'est'i günaxi cazinal zap'k'alnan.

Verse: 24  Link to rat Isä takinan ef čupux-äyloġoynaḳ bakala šähärmoġo q̇a heyvanxoynaḳ bakala aġəlxo biq̇anan, ama efi tadi äyiti loxol čurpanan".
   İsə takinan ef çupux-əyloğoynak' bakala şəhərmoğo q'a heyvanxoynak' bakala ağılxo biq'anan, ama efi tadi əyiti loxol çurpanan".

Verse: 25  Link to rat Gade q̇a Ruveni näsiläxun bakalṭoġon Moiseya piṭun: "Barta beš aġan piṭullariḳq̇an baki, yan vi ḳulurxoyan!
   Gade q'a Ruveni nəsiləxun bakalt'oğon Moiseya pit'un: "Barta beş ağan pit'ullarik'q'an baki, yan vi k'ulurxoyan!

Verse: 26  Link to rat Beši čupux-äylox q̇a bütüm heyvanxo miya - Gileada biq̇i šähärmoġo mandalṭun.
   Beşi çupux-əylox q'a bütüm heyvanxo miya - Gileada biq'i şəhərmoğo mandalt'un.

Verse: 27  Link to rat Yan isä hun, beši aġan, yax ämirbi ḳinäḳ \ Iordan oqe ṭe täräf, Q̣ONƷ́UĠOY c̣iyen davina taġalyan".
   Yan isə hun, beşi ağan, yax əmirbi k'inək' \ İordan oqe t'e tərəf, Q'ONČUĞOY s'iyen davina tağalyan".

Verse: 28  Link to rat Moiseyenal be͑yinś Eleazara, Nune ġar Yešua saal israilluġoy tayfoġoxun č̣äḳeci kalaṭoġo ämir tadi pine:
   Moiseyenal běyinš Eleazara, Nune ğar Yeşua saal israilluğoy tayfoğoxun c'ək'eśi kalat'oğo əmir tadi pine:

Verse: 29  Link to rat "Ägär Gade q̇a Ruveni näsiläxun bakalṭoġon Iordan oqe ṭe täräf č̣ovaki Q̣ONƷ́UĠOY c̣iyen davabayṭun, ṭe vädä Q̣ONƷ́UĠON ṭe oćalxo ef kiyel tadiṭuxun oša, šoṭoġoy oćali paya memiin - Gileadaxun tadanan.
   "Əgər Gade q'a Ruveni nəsiləxun bakalt'oğon İordan oqe t'e tərəf c'ovaki Q'ONČUĞOY s'iyen davabayt'un, t'e vədə Q'ONČUĞON t'e oç̌alxo ef kiyel tadit'uxun oşa, şot'oğoy oç̌ali paya memiin - Gileadaxun tadanan.

Verse: 30  Link to rat Ama ägär vä͑xun sagala davina nu taġayṭun, šoṭoġoyal oćali paya Känanaxun tadanan".
   Ama əgər və̌xun sagala davina nu tağayt'un, şot'oğoyal oç̌ali paya Kənanaxun tadanan".

Verse: 31  Link to rat Gade q̇a Ruveni näsiläxun bakalṭoġon piṭun: "Barta Q̣ONƷ́UĠON me vi ḳulurxo ämirbi ḳinäḳq̇an baki.
   Gade q'a Ruveni nəsiləxun bakalt'oğon pit'un: "Barta Q'ONČUĞON me vi k'ulurxo əmirbi k'inək'q'an baki.

Verse: 32  Link to rat Yan oqe ṭe täräf bakala Känan oćala taci Q̣ONƷ́UĠOY c̣iyen davabalyan, yax kofṭala oćali paya isä memiin, Iordan oqe me täräfäxun tadalnu". *
   Yan oqe t'e tərəf bakala Kənan oç̌ala taśi Q'ONČUĞOY s'iyen davabalyan, yax koft'ala oç̌ali paya isə memiin, İordan oqe me tərəfəxun tadalnu". *

Verse: 33  Link to rat Metärluġen, Moiseyen emorluġoy padčaġ Sixoni q̇a Bašani padčaġ Oge kiin oq̇a bakala bito oćalxo, ičoġoy šähärmoġoxun sagala Gade q̇a Ruveni näsiläxun bakalṭoġo saal Iosifi ġar Menaššeni näsiläxun bakalṭoġone tadi.
   Metərluğen, Moiseyen emorluğoy padçağ Sixoni q'a Başani padçağ Oge kiin oq'a bakala bito oç̌alxo, içoğoy şəhərmoğoxun sagala Gade q'a Ruveni nəsiləxun bakalt'oğo saal İosifi ğar Menaşşeni nəsiləxun bakalt'oğone tadi.

Verse: 34  Link to rat Gade näsiläxun bakalṭoġon Divon, Aṭaroṭ, Aroer,
   Gade nəsiləxun bakalt'oğon Divon, At'arot', Aroer,

Verse: 35  Link to rat Aṭroṭ-Šofa, Yazer, Yoḳbohan,
   At'rot'-Şofa, Yazer, Yok'bohan,

Verse: 36  Link to rat Beṭnimra saal Beṭharan uḳala šähärmoġo, iz härrämine bakala barina täzädän biq̇i ičoġoy \ heyvanxoynaḳal aġəlxoṭun düzbi.
   Bet'nimra saal Bet'haran uk'ala şəhərmoğo, iz hərrəmine bakala barina təzədən biq'i içoğoy \ heyvanxoynak'al ağılxot'un düzbi.

Verse: 37  Link to rat Ruveni näsiläxun bakalṭoġon isä Xešbon, Eleale, Giryaṭayim,
   Ruveni nəsiləxun bakalt'oğon isə Xeşbon, Eleale, Giryat'ayim,

Verse: 38  Link to rat Nevo saal Baal-Meon uḳala šähärmoġoy härräminäṭun täzädän biq̇i. Nevo saal Baal-Meon šähärmoġoy c̣iyurxoval badalṭunbi. Šoṭoġon Sivma šähäräl täzädän biṭunq̇i. Metärluġen, bito me täzädän biq̇eci šähärmoġoy c̣iyurxo badalṭunbsay.
   Nevo saal Baal-Meon uk'ala şəhərmoğoy hərrəminət'un təzədən biq'i. Nevo saal Baal-Meon şəhərmoğoy s'iyurxoval badalt'unbi. Şot'oğon Sivma şəhərəl təzədən bit'unq'i. Metərluğen, bito me təzədən biq'eśi şəhərmoğoy s'iyurxo badalt'unbsay.

Verse: 39  Link to rat Menaššeni ġar Maxiri näsiläxun bakalorox isä Gileadaṭun baci. Šoṭoġon ṭe oćala kiyel badi ṭiya bakala emorluġo šäṗṭunci.
   Menaşşeni ğar Maxiri nəsiləxun bakalorox isə Gileadat'un baśi. Şot'oğon t'e oç̌ala kiyel badi t'iya bakala emorluğo şəp't'unśi.

Verse: 40  Link to rat Hametär, Moiseyen Gileada Menaššeni ġar Maxiri näsiläxun bakalṭoġo tanedi, šoroxal baci ṭiya arṭunci.
   Hametər, Moiseyen Gileada Menaşşeni ğar Maxiri nəsiləxun bakalt'oğo tanedi, şoroxal baśi t'iya art'unśi.

Verse: 41  Link to rat Menaššeni näsiläxun bakala Yairen miya sa hema ayizal exṭi šoṭoġo "Yairi ayizmux" c̣ine tadi.
   Menaşşeni nəsiləxun bakala Yairen miya sa hema ayizal ext'i şot'oğo "Yairi ayizmux" s'ine tadi.

Verse: 42  Link to rat Novaxen isä Qenat šähäräne izi härrämine bakala ayizmoġoxun sagala exṭi šoṭo iz c̣iya, yäni "Novax" c̣i tadi.
   Novaxen isə Qenat şəhərəne izi hərrəmine bakala ayizmoğoxun sagala ext'i şot'o iz s'iya, yəni "Novax" s'i tadi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.