TITUS
Armenian NT (Zohrab Bible)
Part No. 64
Previous part

Chapter: 20  
(Ի՜)


Section: 69  
Passage: 7-2 
Verse: 1   Link to gnt   Եւ եղեւ ի միում աւուրցն յայնցանէ, մինչ դեռ ուսուցանէր զժողովուրդն ի տաճարի անդ՝ եւ աւետարանէր, հասին ի վերայ քահանայապետքն եւ դպիրք ծերովքն հանդերձ,

Verse: 2   Link to gnt   Եւ ասեն ցնա. ասա մեզ՝ որով իշխանութեամբ գործես դու զայդ, կամ ով է որ ետ քեզ զայդ իշխանութիւն։

Verse: 3   Link to gnt   Պատասխանի ետ՝ եւ ասէ ցնոսա. հարցից եւ ես ձեզ բան մի, եւ ասացէք ինձ։

Verse: 4   Link to gnt   Մկրտութիւնն Յովհաննու՝ յերկնից էր՝ եթէ ի մարդկանէ։

Verse: 5   Link to gnt   Եւ նոքա խորհեցան ի միտս իւրեանց՝ եւ ասեն.

Verse: 6   Link to gnt   Եթէ ասեմք յերկնից, ասէ՝ իսկ ընդէր ոչ հաւատացէք նմա. եւ եթէ ասեմք ի մարդկանէ, ամենայն ժողովուրդն քարկոծ առնեն զմեզ. զի հաստատեալ է ի միտս զՅովհաննէ թէ մարգարէ է։

Verse: 7   Link to gnt   Եւ պատասխանի ետուն՝ չգիտել թէ ուստի իցէ։

Verse: 8   Link to gnt   Եւ Յիսուս ասէ ցնոսա. եւ ոչ ես ասեմ ձեզ, որով իշխանութեամբ առնեմ զայս։

Section: 70  
Passage: 7-3 
Verse: 9   Link to gnt   Սկսաւ ասել առ ժողովուրդն՝ զառակս զայս. այր ոմն տնկեաց այգի, եւ ետ զնա մշակաց. եւ ինքն գնաց ճանապարհ ժամանակս բազումս։

Verse: 10   Link to gnt   Եւ ի ժամու առաքեաց առ մշակսն ծառայ, զի ի պտղոյ այգւոյն տացեն նմա։ Եւ մշակքն գան հարին զնա՝ եւ արձակեցին ունայն։

Verse: 11   Link to gnt   Եւ յաւել մեւս եւս ծառայ յղել. նոքա՝ եւ զնա եւս գան հարին, անարգեցին եւ առաքեցին ունայն։

Verse: 12   Link to gnt   Եւ յաւել զերրորդն առաքել. նոքա՝ եւ զնա վիրաւորեցին, եւ հանին արտաքս։

Verse: 13   Link to gnt   Ասէ տէր այգւոյն. զինչ արարից, առաքեցից զորդի իմ սիրելի, թերեւս ի սմանէ պատկառեսցեն։

Verse: 14   Link to gnt   Իբրեւ տեսին զնա մշակքն, խորհեցան ընդ միմիայնս՝ եւ ասեն. սա է ժառանգն. սպանցուք զսա, զի մեր լինիցի ժառանգութիւնն։

Verse: 15   Link to gnt   Եւ հանին զնա արտաքս քան զայգին՝ եւ սպանին։ Արդ զինչ արասցէ ընդ նոսա տէր այգւոյն։

Verse: 16   Link to gnt   Ոչ ապաքէն գայցէ եւ կորուսանիցէ զմշակսն զայնոսիկ, եւ տայցէ զայգին՝ այլոց։ Իբրեւ լուան՝ ասեն. քաւ՝ մի լիցի։

Verse: 17   Link to gnt   Եւ նա հայեցեալ ընդ նոսա ասէ. իսկ զինչ իցէ այն որ գրեալն է՝ եթէ վէմն զոր անարգեցին շինօղքն, նա եղեւ գլուխ անկեան։

Verse: 18   Link to gnt   Ամենայն՝ որ ընդհարցի ընդ վէմս ընդ այս. խորտակեսցի, եւ յորոյ վերայ անկցի՝ հոսեսցէ զնա։

Verse: 19   Link to gnt   Եւ խնդրէին դպիրքն եւ քահանայապետք արկանել ի նա ձեռս ի նմին ժամու, եւ երկեան ի ժողովրդենէն. զի գիտէին՝ թէ առ նոսա ասաց զառակն զայն։

Section: 71  
Passage: 7-4 
Verse: 20   Link to gnt   Եւ ապա սպասեցին, եւ առաքեցին դաւաճանս կեղծաւորեալս՝ զանձինս առ արդարս ունել. զի ըմբռնեսցեն զնա բանիւք, առ ի մատնել զնա պետութեան եւ իշխանութեան դատաւորին։

Verse: 21   Link to gnt   Հարցին ցնա՝ եւ ասեն. վարդապետ՝ գիտեմք եթէ ուղիղ խօսիս եւ ուսուցանես, եւ ոչ առնուս ակն. այլ ճշմարտութեամբ զճանապարհն Աստուծոյ ուսուցանես։

Verse: 22   Link to gnt   Արժան է մեզ՝ կայսեր հարկս տալ՝ թէ ոչ։

Verse: 23   Link to gnt   Եւ նայեցեալ ընդ խորամանակութիւն նոցա ասէ ցնոսա.

Verse: 24   Link to gnt   Ցուցէք ինձ զդահեկանն։ եւ նոքա ցուցին։ եւ ասէ. զոյր պատկեր եւ զգիր ունի. պատասխանի ետուն՝ եւ ասեն, զկայսեր։

Verse: 25   Link to gnt   Եւ նա ասէ ցնոսա. արդ՝ երթայք տուք զկայսերն՝ կայսեր։ եւ զԱստուծոյն՝ Աստուծոյ։

Verse: 26   Link to gnt   Եւ ոչ կարացին զնա ըմբռնել բանիւք յառաջի ժողովրդեանն. եւ զարմացեալ ընդ պատասխանին նորա՝ լռեցին։

Section: 72  
Passage: 7-5 
Verse: 27   Link to gnt   Մատուցեալ ոմանք ի Սադուկեցւոցն, որք հակառակէին չլինել յարութեան, հարցին ցնա՝

Verse: 28   Link to gnt   Եւ ասեն. վարդապետ՝ Մովսէս գրեաց մեզ. եթէ ուրուք եղբայր մեռանիցի՝ որոյ իցէ կին, եւ նա անորդի իցէ, զի առնուցու եղբայր նորա զկինն, եւ յարուսցէ զաւակ եղբօր իւրում։

Verse: 29   Link to gnt   Արդ՝ Եւթն եղբարք էին. եւ առաջնոյն առեալ կին, մեռաւ անորդի։

Verse: 30   Link to gnt   Առ զնա եւ երկրորդն, մեռաւ եւ նա անորդի։

Verse: 31   Link to gnt   Առ զնա եւ երրորդն։ Նոյնպէս եւ իւթանեքին, եւ ոչ թողին որդիս։

Verse: 32   Link to gnt   Մեռաւ եւ կինն։

Verse: 33   Link to gnt   Արդ ի յարութեանն ում ի նոցանէ լինիցի կին. զի իւթանեքին կալան զնա կին։

Verse: 34   Link to gnt   Պատասխանի ետ նոցա Յիսուս՝ եւ ասէ որդիք աշխարհիս այսորիկ կանայս առնեն՝ եւ արանց լինին։

Verse: 35   Link to gnt   Իսկ որ արժանի լինիցին այնմ աշխարհի հասանել, եւ յարութեանն որ ի մեռելոց՝ ոչ կանայս առնեն, եւ ոչ արանց լինին։

Verse: 36   Link to gnt   Քանզի եւ ոչ մեռանել եւս կարեն, զի հաւասար հրեշտակաց են՝ եւ որդիք Աստուծոյ. Քանզի յարութեան որդիք են։

Verse: 37   Link to gnt   Այլ զի յառնեն մեռեալք, եւ Մովսէս գուշակեաց ի մորենւոջն, որպէս ասէ զտեառնէ Աստուծոյ Աբրահամու, եւ զԱստուծոյ Սահակայ, եւ զԱստուծոյ Յակովբայ։

Verse: 38   Link to gnt   Եւ Աստուած չէ մեռելոց՝ այլ կենդանեաց. զի ամենեքին նմա կենդանի են։

Verse: 39   Link to gnt   Պատասխանի ետուն նմա ոմանք ի դպրացն՝ եւ ասեն. վարդապետ՝ բարւոք ասացեր։

Verse: 40   Link to gnt   Եւ ոչ եւս ոք իշխէր հարցանել զնա՝ եւ ոչինչ։

Verse: 41   Link to gnt   Ասէ եւ առ նոսա. զիարդ ասեն զՔրիստոսէ՝ թէ որդի է Դաւթի.

Section: 73  
Passage: 7-6 
Verse: 42   Link to gnt   Եւ ինքն Դաւիթ ասէ ի գիրս սաղմոսաց. ասաց տէր ցտէր իմ, նիստ ընդ աջմէ իմմէ,

Verse: 43   Link to gnt   Մինչեւ եդից զթշնամիս քո պատուանդան ոտից քոց։

Verse: 44   Link to gnt   Իսկ արդ՝ եթէ Դաւիթ զնա Տէր կոչէ, զիարդ որդի նորա իցէ։

Verse: 45   Link to gnt   Եւ լու ի լու ամենայն ժողովրդեանն, ասէ ցաշակերտսն։

Verse: 46   Link to gnt   Զգոյշ լերուք ի դպրացն, որ կամին պատմուճանօք շրջել, եւ սիրեն ողջոյնս ի հրապարակս, եւ զնախաթոռս ի ժողովուրդս, եւ զբարձերէցս յընթրիս,

Verse: 47   Link to gnt   Որ ուտեն զտունս այրեաց, եւ պատճառանօք յերկարեն զաղօթս. նոքա ընկալցին աւելի դատաստանս։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.