TITUS
Armenian NT (Zohrab Bible)
Part No. 22
Previous part

Chapter: 22  
(Ի՜Բ)


Section: 51  
Passage: 7-4 
Verse: 1   Link to gnt   Դարձեալ պատասխանի ետ Յիսուս, եւ ասէ ցնոսա առակօք։

Verse: 2   Link to gnt   Նմանեցաւ արքայութիւն երկնից՝ առն թագաւորի, որ արար հարսանիս որդւոյ իւրում։

Verse: 3   Link to gnt   Եւ առաքեաց զծառայս իւր կոչել զհրաւիրեալսն, ի հարսանիս։ եւ ոչ կամեցան գալ։

Verse: 4   Link to gnt   Դարձեալ առաքեաց այլ ծառայս՝ եւ ասէ. ասացէք հրաւիրելոցն. ահաւասիկ զճաշ իմ պատրաստեցի. զուարակք իմ եւ պարարակք զենեալ են, եւ ամենայն ինչ պատրաստ է. եկայք ի հարսանիսս։

Verse: 5   Link to gnt   Եւ նոքա յուլացեալ՝ գնացին ոմն յագարակ իւր, ոմն ի վաճառ իւր,

Verse: 6   Link to gnt   եւ այլք՝ կալան զծառայս նորա, թշնամանեցին, եւ սպանին։

Verse: 7   Link to gnt   Իսկ թագաւորն իբրեւ լուաւ՝ բարկացաւ, եւ առաքեաց զզօրս իւր եւ սատակեաց զսպանօղսն զայնոսիկ, եւ զքաղաքն նոցա այրեաց։

Verse: 8   Link to gnt   Յայնժամ ասէ ցծառայս իւր. հարսանիքս պատրաստ են, եւ հրաւիրեալքն չէին արժանի։

Verse: 9   Link to gnt   Արդ՝ երթայք յանցս ճանապարհաց, եւ զորս միանգամ գտանիցէք՝ կոչեցէք ի հարսանիսս։

Verse: 10   Link to gnt   Եւ ելեալ ծառայքն ի ճանապարհս ժողովեցին զամենեսեան զոր եւ գտին՝ զչարս եւ զբարիս. եւ լցան հարսանիքն բազմականօք։

Verse: 11   Link to gnt   Եւ մտեալ թագաւորն հայել զբազմականօքն, ետես անդ այր մի՝ որ ոչ օր զգեցեալ հանդերձ հարսանեաց։

Verse: 12   Link to gnt   եւ ասէ ցնա. ընկեր զիարդ մտեր այսր, զի ոչ ունէիտ հանդերձ հարսանեաց, եւ նա պապանձեցաւ,

Verse: 13   Link to gnt   Յայնժամ ասէ թագւորն ցսպասաւորսն, կապեցէք զդորա զոտս եւ զձեռս՝ եւ հանէք զդա ի խաւարն արտաքին, անդ եղիցի լալ եւ կրճել ատամանց։

Verse: 14   Link to gnt   Զի բազումք են կոչեցեալք՝ եւ սակաւք ընտրեալք։

Verse: 15   Link to gnt   Յայնժամ գնացեալ փարիսեցիքն, առին խորհուրդ զնմանէ, թէ որպէս դնիցեն նմա որոգայթ բանիւք։

Section: 52  
Passage: 7-5 
Verse: 16   Link to gnt   Եւ առաքեն առ նա զա0ակերտսն իւրեանց հերովդիանոսօքն հանդերձ՝ եւ ասեն. վարդապետ՝ գիտեմք զի ճշմարիտ ես, եւ զճանապարհն Աստուծոյ ճշմարտութեամբ ուսուցանես, եւ ոչ է քեզ փոյթ զումեքէ, եւ ոչ հայիս յերեսս մարդոյ։

Verse: 17   Link to gnt   արդ՝ ասա մեզ, զիարդ թուի քեզ, պարտ է հարկս տալ կայսեր՝ թէ ոչ։

Verse: 18   Link to gnt   Գիտաց Յիսուս զխորամանկութիւնն նոցա, եւ ասէ. զի փորձէք զիս կեղծաւորք.

Verse: 19   Link to gnt   Ցուցէք ինձ զդահեկան հարկին։ եւ նոքա մատուցին նմա դահեկան մի։

Verse: 20   Link to gnt   Եւ ասէ ցնոսա. ոյր է պատկերս այս՝ կամ գիր։

Verse: 21   Link to gnt   ասեն՝ կայսեր։ Յայնժամ ասէ ցնոսա. երթայք՝ տուք զկայսեր՝ կայսեր, եւ զԱստուծոյ՝ Աստուծոյ։

Verse: 22   Link to gnt   Իբրեւ լուան զարմացան. եւ թողին զնա եւ գնացին։

Section: 53  
Verse: 23   Link to gnt   Յայնմ աւուր մատեան առ նա սադուկեցիքն, որ ասէին՝ թէ չիք յարութիւն. հարցին ցնա՝

Verse: 24   Link to gnt   եւ ասեն. վարդապետ՝ մովսէս ասաց. եթէ ոք մեռցի անորդի, արասցէ զկին նորա եղբայր իւր, եւ յարուսցէ զաւակ եղբօր իւրում։

Verse: 25   Link to gnt   Էին առ մեզ եղբարք եւթն. առաջինն՝ արար կին՝ եւ մեռաւ. եւ զի ոչ ունէր զաւակ, եթող զկինն իւր՝ եղբօր իւրում։

Verse: 26   Link to gnt   Նոյնպէս եւ երկրորդն՝ եւ երրորդն, մինչեւ ցեւթերորդն։

Verse: 27   Link to gnt   յետ ամենեցուն՝ մեռաւ եւ կինն։

Verse: 28   Link to gnt   Արդ ի յարութեանն ոյր յիւթանցն եղիցի՝ նա կին. զի ամենեքին կալան զնա կին։

Verse: 29   Link to gnt   Պատասխանի ետ նոցա Յիսուս՝ եւ ասէ. մոլորեալք՝ ոչ գիտէք զգիրս եւ ոչ զզօրութիւն Աստուծոյ։

Verse: 30   Link to gnt   Զի ի յարութեանն ոչ կանայս առնեն՝ եւ ոչ արանց լինին, այլ են իբրեւ զհրեշտակս յերկինս։

Verse: 31   Link to gnt   Բայց վասն յարութեան մեռելոց չիցէ ընթերցեալ զասացեալն ձեզ յԱստուծոյ։։

Verse: 32   Link to gnt   Ես եմ Աստուած աբրահամու. Աստուած իսահակայ եւ Աստուած յակովբայ. եւ չէ Աստուած՝ Աստուած մեռելոց՝ այլ կենդանեաց։

Verse: 33   Link to gnt   Իբրեւ լուան ժողովուրդքն, զարմանային ընդ վարդապետութիւն նորա։

Section: 54  
Verse: 34   Link to gnt   Իսկ փարիսեցիքն իբրեւ լուան՝ եթէ պապանձեցոյց զսադուկեցիսն, ժողովեցան ի միասին։

Verse: 35   Link to gnt   Եւ եհարց մի ոմն ի նոցանէ զնա՝ փորձելով, եւ ասէ։

Verse: 36   Link to gnt   Վարդապետ որ պատուիրան մեծ է յօրէնս։

Verse: 37   Link to gnt   Եւ Յիսուս ասէ ցնա. սիրեսցես զտէր Աստուած քո ամենայն սրտէ քումմէ, եւ յամենայն անձնէ քումմէ, եւ յամենայն մտաց քոց։

Verse: 38   Link to gnt   Այս է մեծն եւ առաջին պատուիրան։

Verse: 39   Link to gnt   եւ երկրորդն նման սմին. սիրեսցես զընկեր քո՝ իբրեւ զանձն քո։

Verse: 40   Link to gnt   Յայս երկուս պատուիրանս ամենայն օրէնք եւ մարգարէք՝ կախեալ կան։

Section: 55  
Verse: 41   Link to gnt   Եւ ի ժողովել փարիսեցւոցն, եհարց ցնոսա Յիսուս՝ եւ ասէ։

Verse: 42   Link to gnt   զիարդ թուի ձեզ վասն Քրիստոսի, ոյր որդի է։ ասեն ցնա, դաւթի։

Verse: 43   Link to gnt   Ասէ ցնոսա Յիսուս. իսկ զիարդ դաւիթ հոգւովն կոչէ զնա տէր, եւ ասէ.

Verse: 44   Link to gnt   ասաց տէր ցտէր իմ. նիստ ընդ աջմէ իմմէ, մինչեւ եդից զթշնամիս քո պատուանդան ոտից քոց։

Verse: 45   Link to gnt   Իսկ եթէ դաւիթ զնա տէր կոչէ, զիարդ որդի նորա իցէ։

Verse: 46   Link to gnt   Եւ ոչ ոք կարէր տալ նմա պատասխանի բան մի. եւ ոչ իշխէր ոք յայնմ օրէ հարցանել զնա եւ ոչ ինչ։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.