იპოოს თუ წყლული ქუეყანასა შენსა, რომელი უფალმან ღმერთმან შენმან მოგცეს შენ სამკჳდრებელად, დაცემული ველსა ზედა და არა უწყოდი დამცემელი,
გამოვიდეს ბერობაჲ და მსაჯულნი შენნი, მოზომნენ ქალაქნი გარემოჲსნი წყლულისანი,
და იყოს, ქალაქი, რომელი ეახლოს დაწყლულსა, და მოიყვანოს ბერობამან მის ქალაქისამან დიაკეული ზროხათაგან, რომელსა არა ემუშაკოს და რომელსა არა ეზიდოს უღელი,
და შთაიყვანოს ბერობამან მის ქალაქისამან დიაკეული ღელესა ძნელსა, რომელი არა მოქმნილ, არცა დათესულ იყოს, და ძარღუშეჭრილ-ყონ დიაკეული ღელესა შინა.
და მოვიდენ მღდელნი ლევიტელნი, რამეთუ იგინი გამოირჩინა უფალმან ღმერთმან შენმან წინაშემდგომელად თჳსსა და კურთხევად სახელითა მისითა და პირითა Page of ms. Ga: 254v მათითა იყოს ყოველი შეხებაჲ და ყოველი ცილობაჲ,
და ყოველმან ბერობამან მის ქალაქისამან მახლობელთა მათ წყლულისათა დაიბანნენ ჴელნი თავსა ზედა დიაკეულისა ძარღუშეჭრილისასა ღელესა შინა.
და მიმგებელთა თქუან: ჴელთა ჩუენთა არა დასთხიეს სისხლი ესე, თუალთა ჩუენთა არა იხილეს.
მლხინებელ ექმნეს ერსა შენსა ისრაელსა, რომელი გამოიჴსენ, უფალო, ქუეყანით ეგჳპტით, რაჲთა არა იქმნეს სისხლი უმიზეზოჲ უმიზეზოჲ ერსა შორის Page of ms. Ga: 255r ისრაელისასა. და ლხინება-ყონ მათ სისხლი უმიზეზოჲ თქუენ მაგათგან.
და კეთილ იყოს შენდა, უკუეთუ ჰყო კეთილი და სათნოჲ წინაშე უფლისა ღმრთისა შენისა.
ხოლო უკუეთუ განხჳდე ბრძოლად მტერთა შენთა ზედა და მოგცნეს იგინი უფალმან ღმერთმან შენმან ჴელთა შენთა და წარმოსტყუენო ნატყუენავი მათი
და იხილო ნატყუენავსა შინა დედაკაცი კეთილი ქმნულებითა და შეგთნდეს იგი და მიიყვანო იგი შენდა ცოლად,
და შეიყვანო იგი შინაგან სახლსა შენისა და Page of ms. Ga: 255v დაჰყჳნო თავი მისი და მოუყვნე ფრცხილნი,
და განსძარცო სამოსელი ტყუეობისა მისისაჲ Page of ms. Ga: 256r მისგან, დაჯდეს სახლსა შინა შენსა და დაიტიროს მამაჲ და დედაჲ დღეთა თთჳს\ათა Page of ms. Ga: 257r და ამის შემდგომად შეხჳდე მისსა მიმართ და თანა-იმკჳდრო იგი და იყოს შენდა ცოლ.
და იყოს, უკუეთუ არა ინებო იგი, განვლინო იგი თავისუფლად და სასყიდლითა არა განისყიდო ვეცხლისაჲთა, არა შეურაცხ-ჰყო იგი, რამეთუ დაამდაბლე იგი.
უკუეთუ იყვნენ კაცისა ცოლნი ორნი: ერთი მათგანი შეყუარებული და ერთი მათგანი მოძულებული, და შვნენ მათ -- შეყუარებულმან და მოძულებულ, და იყოს ძე პირმშოჲ Page of ms. Ga: 257v მოძულებულისაჲ მის,
და იყოს, დღესა, რომელსა წილ-უგდებდეს მონაგებთა თჳსთა ძეთა მისთა, ვერ უძლოს გაპირმშოებაჲ ძესა პირმშოსა მის შეყუარებულისასა,
არამედ პირმშოდ ძედ მოძულებულისაჲ იცნობებოდის მიცემად მისსა მრჩობლნი ყოველთაგან, რომელნიცა იპოვნენ მისნი, რამეთუ იგი არს დასაბამი შვილთა მისთაჲ და მას შეეტყუებიან საპირმშონი.
ხოლო უკუეთუ ვისმე ძე ურჩ იყოს და მჴდომი, არამსმენელ ჴმასა მამისა Page of ms. Ga: 258r და დედისასა, და სწავლიდნენ მას და არა უსმინოს მათ,
და შემპყრობელთა მისთა -- მამამან მისმან და დედამან მისმან მიიყვანონ იგი წინაშე ბერობასა ქალაქისა მისისასა და ბჭესა ზედა ადგილისა მისისასა,
და ჰრქუან კაცთა ადგილსა მისისათა, მეტყუელთა: ძე ესე ურჩ არს და მჴდომ და არა ერჩის ჴმასა ჩუენსა, ანკანაკობს, ღჳნით მესულეობს.
და ქვადაკრებულ-ყონ კაცთა მის ქალაქისათა ქვებითა და მოკუდეს Page of ms. Ga: 258v და აღიღეთ ბოროტი თქუენ მაგათგან და ნეშტნი მსმენელნი შეშინდენ.
და უკუეთუ იქმნეს ცოდვისა რაჲსათჳსმე მშჯავრნი სიკუდილისაჲ, და მოკუდეს და დამოჰკიდოთ იგი ძელსა.
არა დააძინოთ სხეული მისი ძელსა ზედა, არამედ დაფლვით დაჰფალთ იგი მას დღესა შინა, რამეთუ წყეულ არს ღმრთისა მიერ ყოველი დამოკიდებული ძელსა ზედა, და არა შეაგინოთ ქუეყანაჲ, რომელი უფალმან ღმერთმან შენმან მოგცა შენ წილითა.
