და დაას\რულნა Page of ms. Ga: 284r მოსემან მეტყუელმან ყოველთა ამათ სიტყუათამან ყოველტა მიმართ ძეთა ისრაელისათა
და თქუა მათდა მიმართ: ას და ოცთა წელთაჲ ვარ დღეს მე, ვერ ძალ-მიც მერმე შესლვად და განსლვად. ხოლო უფალმან თქუა ჩემდამო: არა განჰვლო იორდანე ესე.
უფალი ღმერთი შენი წინამავალი წინაშე პირსა შენსა, მან მოსრნეს ნათესავნი ესე პირისაგან შენისა და დაიმკჳდრნე იგინი და იისუ წინამავალმან წინაშე პირსა შენსა, ვითარცა თქუა უფალმან.
და უყოს უფალმან მათ, ვითარცა უყო სიონს და ოგს -- ორთა მეფეთა ამორრეველთასა, რომელნიიყვნეს წიაღ იორდანესა და ქუეყანასა მათსა, ვითარ-სახედ მოსრნა იგინი.
და მოგცნა იგინი უფალმან წინაშე თქუენსა და უყავთ მათ, ვითარცა გამცენით თქუენ.
მჴნე იყავ და განძლიერდი, ნუ გეშინინ, ნუცა შჯაბნობ, ნუცა იწიწვი პირისაგან მათისა, რამეთუ უფალი ღმერთი თქუენი წინამავალი თქუენ თანა თქუენ შორის არს, არა გიტეოს, არცა დაგაგდოს შენ.
და მოუწოდა მოსემან ისოს და Page of ms. Ga: 284v ჰრქუა მას წინაშე ყოვლისა ისრაელისა: მჴნე იყავ და განძლიერდი, რამეთუ შენ შეხჳდე წინაშე პირსა ამის ერისასა ქუეყანად, რომელსა ეფუცა უფალი მამათა ჩუენთა მიცემად მათდა, და შენ დაუმკჳდრო მათ.
და უფალი თანამავალი შენი შენ თანა, არა დაგაგდოს, არცაღა დაგიტეოს შენ, ნუ გეშინინ, ნუცა შჯაბნობ.
და დაწერნა მოსემან ყოველნი სიტყუანი ამის შჯულისანი წიგნსა შინა და მისცა იგი მღელთა, ძეთა ლევისთა, აღმღეთა კიდობნისა აღთქუმისა უფლისათა, და მოხუცებულთა ძეთა ისრაელისათასა.
და ამცნო მათ მოსემან მას დღსა შინა, მეტყუელმან: შემდგომად შჳდისა წლისა, ჟამსა შინა წელიწდისა მიტევებისასა, დღესასწაულსა კარვისქმნისასა,
შემოსლვასა ყოვლისა ისრაელისასა ჩუენებად წინაშე პირსა უფლისა ღმრთისა შენისა ადგილსა, რომელიცა გამოირჩიოს უფალმან ღმერთმან შენმან, წარიკითხეთ შჯული ესე წინაშე ყოვლისა ისრელისა ყურთა მიმართ Page of ms. Ga: 285r მათთა.
ეკლესია-ყავთ ერი, მამანი და დედანი და შვილნი და მწირი ქალაქთა შენთა შინა, რაჲთა ისმინონ და რაჲთა ისწავონ შეშინებად უფლისა ღმრთისა თქუენისა და ისმინონ ქმნად ყოველთა სიტყუათა ამის შჯულისათა.
და ძეთა მათთა, რომელთა არა უწყიან, ისმინონ შეშინებად უფლისა ღმრთისა თქუენისა ყოველთა დღეთა, რომელთა ცოცხალ იყვნენ იგინი ქუეყანასა ზედა, რომლისა მიმართ თქუენ წიაღ-ჰჴდებით იორდანესა მუნ დამკჳდრებად მისსა.
და თქუა უფალმან მოსეს მიმართ: Page of ms. Ga: 285v აჰა, მოეახლნეს დღენი სიკუდილისა შენისანი. მოხადე ისუს და დადეგით კართა თანა კარვისა საწამებლისათა და ვამცნო მას. და წარვიდა მოსე და იისუ კარვად საწამებლად.
და დადგა სუეტი ღრუბლისაჲ კართა ზედა კარვისა საწამებლისათა.
და თქუა უფალმან მოსეს მიმართ: აჰა, შენ დაიძინებ მამათა შენთა თანა და აღდგომილმან ერმან ამან ისიძვოს შედგომად ღმერთთა უცხოთა ქუეყანისათა, რომელსა შევალს მისსა მიმართ, და დამიტეონ მე და განხეთქონ აღთქუმაჲ ცემი, რომელ აღუთქუ მათ.
და განურისხნე გულისწყრომით მათ მას დღესა შინა და დაუტევნე იგინი და მივიქციო პირი ჩემი მათგან. და იყვნენ შესაჭმელ და პოონ იგი წირთა მრავალთა და ძჳრთა, და თქუას მას დღესა შინა მით, რამეთუ არა არს უფალი ღმერთი ჩუენ შორის, მპოეს მე ძჳრთა ამათ.
ხოლო მე მეცევით მივიქციო პირი ჩემი მათგან მას დღესა შინა ყოველთათჳს უკეთურებათა მათთა, რომელნი ქმნნეს, რამეთუ მიიქცეს ღმერთთა მიმართ უცხოთა.
და აწ დაწერენ სიტყუანი ამის გალობისანი და ასწავე ძეთა ისრაელისათა და შედევით ესე პირსა მათსა, რაჲთა იქმნეს ჩემდა გალობაჲ ესე საწამებელად ძეთა მიმართ ისრაელისათა.
რამეთუ შევიყვანე იგინი ქუეყანასა კეთილსა, რომლისათჳს ვეფუცე მამათა მათთა, ქუეყანასა, მადინებელსა თაფლსა და სძესა, და ჭამონ და აღვსებულნი განძღენ და მიიქცენ ღმერთთა მიმართ უცხოთა და ჰმსახურონ მათ და განმაძჳნონ მე და განხეთქონ აღთქუმაჲ Page of ms. Ga: 286r ჩემი, რომელ აღუთქუ მათ.
და იყოს, რაჟამს პოონ იგი ძჳრთა მრავალთა ჭირთა, და წინა დადგეს გალობაჲ ესე წინაშე პირსა მათსა საწამებელად, რამეთუ არა მოაკლდეს პირისაგან მათისა და პირისაგან თესლისა მათისა, რამეთუ მეუწყი უკეთურებაჲ მათი, რაოდენთა ჰყოფენ აქა დღეს უწინარეს შეყვანებისა მათისა ჩემ მიერ ქუეყანად კეთილად, რომელ ვეფუცე მამათა მათთა.
და დაწერა მოსემან გალობაჲ ესე მას დღესა შინა და ასწავა იგი ძეთა ისრაელისათა.
და ამცნო მოსემან იისუს, ძესა ნავესსა, და ჰრქუა მას: მჴნობდ და განძლიერდი, რამეთუ შენ შეიყვანებ ძეთა ისრაელისათა ქუეყანად, რომელსა უფალი ეფუცა მათ, და თჳთ იყოს შენ თანა.
ხოლო რაჟამს დაასრულნა მოსემან მწერალმან ყოველთა სიტყუათა შჯულისა ამისთა წიგნსა შინა დასასრულამდე
და ამცნო ლევიტელთა, აღმღებელთა კიდობნისა აღთქუმისა უფლისათა, მეტყუელმან:
მიმღებელთა წიგნსა ამის შჯულისასა შეაკართ ესე იგურდივ კიდობნისა აღთქუმისა უფლისა ღმრთისა თქუენისა და იყოს მუნ საწამებელად თქუენდა.
რამეთუ მე უწყი მჴდომობაჲ შენი და ქედი შენი ფიცხელი, რამეთუ ჯერეთ ჩემსაღა სიცოცხლესა თქუენ თანა დღეს განმამწარებელნი ხართ ღმრთისა მიმართთანი, ვითარ არა შემდგომად სიკუდილისა ჩემისა.
აეკკლესიენით ჩემდამო ტომთმთავარნი თქუენნი და მსაჯულნი თქუენნი და მწიგნობარნი თქუენნი, რაႨთა ვთქუნე ყურთა მიმართ მათთა ყოველნი ესე სიტყუანი და მოწამე-უყვნე მათ ცაჲ და ქუეყანაჲ.
უწყი, რამეთუ ვითარმედ შემდგომად Page of ms. Ga: 286v აღსრულებისა ჩემისა უსჯულოებით იუშჯულოოთ და მისდრკეთ გზისაგან, რომელი გამცენით თქუენ, და შეგემთხჳნენ თქუენ ძჳრნი უკუანაჲსკნელსა დღეთასა, რამეთუ ჰქმნად ბოროტი წინაშე უფლისა ღმრთისა თქუენისა განრისხებად მისსა საქმეთა მიერ ჴელთა თქუენთაჲსა.
და თქუნა მოსემან ყურთა მიმართ ყოვლისა ეკკლესიისა ისრაელისაჲსა სიტყუანი ამის გალობისანი ვიდრე დასასრულადმდე.
