TITUS
Novum Testamentum graece
Part No. 217
Previous part

Chapter: 11 
Verse: 1    ῎Εστιν δὲ πίστις ἐλπιζομένων ὑπόστασις, πραγμάτων ἔλεγχος οὐ βλεπομένων.
Verse: 2    ἐν ταύτῃ γὰρ ἐμαρτυρήϑησαν οἱ πρεσβύτεροι.
Verse: 3    Πίστει νοοῦμεν κατηρτίσϑαι τοὺς αἰῶνας ῥήματι ϑεοῦ, εἰς τὸ μὴ ἐκ ϕαινομένων τὸ βλεπόμενον γεγονέναι.
Verse: 4    Πίστει πλείονα ϑυσίαν ῞Αβελ παρὰ Κάϊν προσήνεγκεν τῷ ϑεῷ, δι' ἧς ἐμαρτυρήϑη εἶναι δίκαιος, μαρτυροῦντος ἐπὶ τοῖς δώροις αὐτοῦ τοῦ ϑεοῦ, καὶ δι' αὐτῆς ἀποϑανὼν ἔτι λαλεῖ.
Verse: 5    Πίστει ῾Ενὼχ μετετέϑη τοῦ μὴ ἰδεῖν ϑάνατον, καὶ οὐχ ηὑρίσκετο διότι μετέϑηκεν αὐτὸν ὁ ϑεός·πρὸ γὰρ τῆς μεταϑέσεως μεμαρτύρηται εὐαρεστηκέναι τῷ ϑεῷ,
Verse: 6    χωρὶς δὲ πίστεως ἀδύνατον εὐαρεστῆσαι, πιστεῦσαι γὰρ δεῖ τὸν προσερχόμενον τῷ ϑεῷ ὅτι ἔστιν καὶ τοῖς ἐκζητοῦσιν αὐτὸν μισϑαποδότης γίνεται.
Verse: 7    Πίστει χρηματισϑεὶς Νῶε περὶ τῶν μηδέπω βλεπομένων εὐλαβηϑεὶς κατεσκεύασεν κιβωτὸν εἰς σωτηρίαν τοῦ οἴκου αὐτοῦ, δι' ἧς κατέκρινεν τὸν κόσμον, καὶ τῆς κατὰ πίστιν δικαιοσύνης ἐγένετο κληρονόμος.
Verse: 8    Πίστει καλούμενος ᾽Αβραὰμ ὑπήκουσεν ἐξελϑεῖν εἰς τόπον ὃν ἤμελλεν λαμβάνειν εἰς κληρονομίαν, καὶ ἐξῆλϑεν μὴ ἐπιστάμενος ποῦ ἔρχεται.
Verse: 9    Πίστει παρῴκησεν εἰς γῆν τῆς ἐπαγγελίας ὡς ἀλλοτρίαν, ἐν σκηναῖς κατοικήσας μετὰ ᾽Ισαὰκ καὶ ᾽Ιακὼβ τῶν συγκληρονόμων τῆς ἐπαγγελίας τῆς αὐτῆς·
Verse: 10    ἐξεδέχετο γὰρ τὴν τοὺς ϑεμελίους ἔχουσαν πόλιν, ἧς τεχνίτης καὶ δημιουργὸς ὁ ϑεός.
Verse: 11    Πίστει καὶ αὐτὴ Σάρρα στεῖρα δύναμιν εἰς καταβολὴν σπέρματος ἔλαβεν καὶ παρὰ καιρὸν ἡλικίας, ἐπεὶ πιστὸν ἡγήσατο τὸν ἐπαγγειλάμενον·
Verse: 12    διὸ καὶ ἀϕ' ἑνὸς ἐγεννήϑησαν, καὶ ταῦτα νενεκρωμένου, καϑὼς τὰ ἄστρα τοῦ οὐρανοῦτῷ πλήϑει καὶ ὡς ἡ ἄμμος ἡ παρὰ τὸ χεῖλος τῆς ϑαλάσσης ἡ ἀναρίϑμητος.
Verse: 13    Κατὰ πίστιν ἀπέϑανον οὗτοι πάντες, μὴ κομισάμενοι τὰς ἐπαγγελίας, ἀλλὰ πόρρωϑεν αὐτὰς ἰδόντες καὶ ἀσπασάμενοι, καὶ ὁμολογήσαντες ὅτι ξένοι καὶ παρεπίδημοί εἰσιν ἐπὶ τῆς γῆς·
Verse: 14    οἱ γὰρ τοιαῦτα λέγοντες ἐμϕανίζουσιν ὅτι πατρίδα ἐπιζητοῦσιν.
Verse: 15    καὶ εἰ μὲν ἐκείνης μνημονεύουσιν ἀϕ' ἧς ἐξέβησαν, εἶχον ἂν καιρὸν ἀνακάμψαι·
Verse: 16    νῦν δὲ κρείττονος ὀρέγονται, τοῦτ' ἔστιν ἐπουρανίου. διὸ οὐκ ἐπαισχύνεται αὐτοὺς ὁ ϑεὸς ϑεὸς ἐπικαλεῖσϑαι αὐτῶν, ἡτοίμασεν γὰρ αὐτοῖς πόλιν.
Verse: 17    Πίστει προσενήνοχεν ᾽Αβραὰμ τὸν ᾽Ισαὰκ πειραζόμενος, καὶ τὸν μονογενῆ προσέϕερεν ὁ τὰς ἐπαγγελίας ἀναδεξάμενος,
Verse: 18    πρὸς ὃν ἐλαλήϑη ὅτι ᾽Εν ᾽Ισαὰκ κληϑήσεταί σοι σπέρμα,
Verse: 19    λογισάμενος ὅτι καὶ ἐκ νεκρῶν ἐγείρειν δυνατὸς ὁ ϑεός· ὅϑεν αὐτὸν καὶ ἐν παραβολῇ ἐκομίσατο.
Verse: 20    Πίστει καὶ περὶ μελλόντων εὐλόγησεν ᾽Ισαὰκ τὸν ᾽Ιακὼβ καὶ τὸν ᾽Ησαῦ.
Verse: 21    Πίστει ᾽Ιακὼβ ἀποϑνῄσκων ἕκαστον τῶν υἱῶν ᾽Ιωσὴϕ εὐλόγησεν, καὶ προσεκύνησεν ἐπὶ τὸ ἄκρον τῆς ῥάβδου αὐτοῦ.
Verse: 22    Πίστει ᾽Ιωσὴϕ τελευτῶν περὶ τῆς ἐξόδου τῶν υἱῶν ᾽Ισραὴλ ἐμνημόνευσεν, καὶ περὶ τῶν ὀστέων αὐτοῦ ἐνετείλατο.
Verse: 23    Πίστει Μωϋσῆς γεννηϑεὶς ἐκρύβη τρίμηνον ὑπὸ τῶν πατέρων αὐτοῦ, διότι εἶδον ἀστεῖον τὸ παιδίον, καὶ οὐκ ἐϕοβήϑησαν τὸ διάταγμα τοῦ βασιλέως.
Verse: 24    Πίστει Μωϋσῆς μέγας γενόμενος ἠρνήσατο λέγεσϑαι υἱὸς ϑυγατρὸς Φαραώ,
Verse: 25    μᾶλλον ἑλόμενος συγκακουχεῖσϑαι τῷ λαῷ τοῦ ϑεοῦ ἢ πρόσκαιρον ἔχειν ἁμαρτίας ἀπόλαυσιν,
Verse: 26    μείζονα πλοῦτον ἡγησάμενος τῶν Αἰγύπτου ϑησαυρῶν τὸν ὀνειδισμὸν τοῦ Χριστοῦ, ἀπέβλεπεν γὰρ εἰς τὴν μισϑαποδοσίαν.
Verse: 27    Πίστει κατέλιπεν Αἴγυπτον, μὴ ϕοβηϑεὶς τὸν ϑυμὸν τοῦ βασιλέως, τὸν γὰρ ἀόρατον ὡς ὁρῶν ἐκαρτέρησεν.
Verse: 28    Πίστει πεποίηκεν τὸ πάσχα καὶ τὴν πρόσχυσιν τοῦ αἵματος, ἵνα μὴ ὁ ὁλοϑρεύων τὰ πρωτότοκα ϑίγῃ αὐτῶν.
Verse: 29    Πίστει διέβησαν τὴν ᾽Ερυϑρὰν Θάλασσαν ὡς διὰ ξηρᾶς γῆς, ἧς πεῖραν λαβόντες οἱ Αἰγύπτιοι κατεπόϑησαν.
Verse: 30    Πίστει τὰ τείχη ᾽Ιεριχὼ ἔπεσαν κυκλωϑέντα ἐπὶ ἑπτὰ ἡμέρας.
Verse: 31    Πίστει ῾Ραὰβ ἡ πόρνη οὐ συναπώλετο τοῖς ἀπειϑήσασιν, δεξαμένη τοὺς κατασκόπους μετ' εἰρήνης.
Verse: 32    Καὶ τί ἔτι λέγω; ἐπιλείψει με γὰρ διηγούμενον ὁ χρόνος περὶ Γεδεών, Βαράκ, Σαμψών, ᾽Ιεϕϑάε, Δαυίδ τε καὶ Σαμουὴλ καὶ τῶν προϕητῶν,
Verse: 33    οἳ διὰ πίστεως κατηγωνίσαντο βασιλείας, εἰργάσαντο δικαιοσύνην, ἐπέτυχον ἐπαγγελιῶν, ἔϕραξαν στόματα λεόντων,
Verse: 34    ἔσβεσαν δύναμιν πυρός, ἔϕυγον στόματα μαχαίρης, ἐδυναμώϑησαν ἀπὸ ἀσϑενείας, ἐγενήϑησαν ἰσχυροὶ ἐν πολέμῳ, παρεμβολὰς ἔκλιναν ἀλλοτρίων·
Verse: 35    ἔλαβον γυναῖκες ἐξ ἀναστάσεως τοὺς νεκροὺς αὐτῶν· ἄλλοι δὲ ἐτυμπανίσϑησαν, οὐ προσδεξάμενοι τὴν ἀπολύτρωσιν, ἵνα κρείττονος ἀναστάσεως τύχωσιν·
Verse: 36    ἕτεροι δὲ ἐμπαιγμῶν καὶ μαστίγων πεῖραν ἔλαβον, ἔτι δὲ δεσμῶν καὶ ϕυλακῆς·
Verse: 37    ἐλιϑάσϑησαν, ἐπρίσϑησαν, ἐν ϕόνῳ μαχαίρης ἀπέϑανον, περιῆλϑον ἐν μηλωταῖς, ἐν αἰγείοις δέρμασιν, ὑστερούμενοι, ϑλιβόμενοι, κακουχούμενοι,
Verse: 38    ὧν οὐκ ἦν ἄξιος ὁ κόσμος, ἐπὶ ἐρημίαις πλανώμενοι καὶ ὄρεσιν καὶ σπηλαίοις καὶ ταῖς ὀπαῖς τῆς γῆς.
Verse: 39    Καὶ οὗτοι πάντες μαρτυρηϑέντες διὰ τῆς πίστεως οὐκ ἐκομίσαντο τὴν ἐπαγγελίαν,
Verse: 40    τοῦ ϑεοῦ περὶ ἡμῶν κρεῖττόν τι προβλεψαμένου, ἵνα μὴ χωρὶς ἡμῶν τελειωϑῶσιν. /

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.