TITUS
Novum Testamentum graece
Part No. 124
Previous part

Chapter: 5 
Verse: 1    Δικαιωϑέντες οὖν ἐκ πίστεως εἰρήνην ἔχομεν πρὸς τὸν ϑεὸν διὰ τοῦ κυρίου ἡμῶν ᾽Ιησοῦ Χριστοῦ,
Verse: 2    δι' οὗ καὶ τὴν προσαγωγὴν ἐσχήκαμεν [τῇ πίστει] εἰς τὴν χάριν ταύτην ἐν ᾗ ἑστήκαμεν, καὶ καυχώμεϑα ἐπ' ἐλπίδι τῆς δόξης τοῦ ϑεοῦ.
Verse: 3    οὐ μόνον δέ, ἀλλὰ καὶ καυχώμεϑα ἐν ταῖς ϑλίψεσιν, εἰδότες ὅτι ἡ ϑλῖψις ὑπομονὴν κατεργάζεται,
Verse: 4    ἡ δὲ ὑπομονὴ δοκιμήν, ἡ δὲ δοκιμὴ ἐλπίδα·
Verse: 5    ἡ δὲ ἐλπὶς οὐ καταισχύνει, ὅτι ἡ ἀγάπη τοῦ ϑεοῦ ἐκκέχυται ἐν ταῖς καρδίαις ἡμῶν διὰ πνεύματος ἁγίου τοῦ δοϑέντος ἡμῖν,
Verse: 6    ἔτι γὰρ Χριστὸς ὄντων ἡμῶν ἀσϑενῶν ἔτι κατὰ καιρὸν ὑπὲρ ἀσεβῶν ἀπέϑανεν.
Verse: 7    μόλις γὰρ ὑπὲρ δικαίου τις ἀποϑανεῖται· ὑπὲρ γὰρ τοῦ ἀγαϑοῦ τάχα τις καὶ τολμᾷ ἀποϑανεῖν·
Verse: 8    συνίστησιν δὲ τὴν ἑαυτοῦ ἀγάπην εἰς ἡμᾶς ὁ ϑεὸς ὅτι ἔτι ἁμαρτωλῶν ὄντων ἡμῶν Χριστὸς ὑπὲρ ἡμῶν ἀπέϑανεν.
Verse: 9    πολλῷ οὖν μᾶλλον δικαιωϑέντες νῦν ἐν τῷ αἵματι αὐτοῦ σωϑησόμεϑα δι' αὐτοῦ ἀπὸ τῆς ὀργῆς.
Verse: 10    εἰ γὰρ ἐχϑροὶ ὄντες κατηλλάγημεν τῷ ϑεῷ διὰ τοῦ ϑανάτου τοῦ υἱοῦ αὐτοῦ, πολλῷ μᾶλλον καταλλαγέντες σωϑησόμεϑα ἐν τῇ ζωῇ αὐτοῦ·
Verse: 11    οὐ μόνον δέ, ἀλλὰ καὶ καυχώμενοι ἐν τῷ ϑεῷ διὰ τοῦ κυρίου ἡμῶν ᾽Ιησοῦ Χριστοῦ, δι' οὗ νῦν τὴν καταλλαγὴν ἐλάβομεν.
Verse: 12    Διὰ τοῦτο ὥσπερ δι' ἑνὸς ἀνϑρώπου ἡ ἁμαρτία εἰς τὸν κόσμον εἰσῆλϑεν καὶ διὰ τῆς ἁμαρτίας ὁ ϑάνατος, καὶ οὕτως εἰς πάντας ἀνϑρώπους ὁ ϑάνατος διῆλϑεν, ἐϕ' ᾧ πάντες ἥμαρτον
Verse: 13    ἄχρι γὰρ νόμου ἁμαρτία ἦν ἐν κόσμῳ, ἁμαρτία δὲ οὐκ ἐλλογεῖται μὴ ὄντος νόμου·
Verse: 14    ἀλλὰ ἐβασίλευσεν ὁ ϑάνατος ἀπὸ ᾽Αδὰμ μέχρι Μωϋσέως καὶ ἐπὶ τοὺς μὴ ἁμαρτήσαντας ἐπὶ τῷ ὁμοιώματι τῆς παραβάσεως ᾽Αδάμ, ὅς ἐστιν τύπος τοῦ μέλλοντος.
Verse: 15    ᾽Αλλ' οὐχ ὡς τὸ παράπτωμα, οὕτως καὶ τὸ χάρισμα· εἰ γὰρ τῷ τοῦ ἑνὸς παραπτώματι οἱ πολλοὶ ἀπέϑανον, πολλῷ μᾶλλον ἡ χάρις τοῦ ϑεοῦ καὶ ἡ δωρεὰ ἐν χάριτι τῇ τοῦ ἑνὸς ἀνϑρώπου ᾽Ιησοῦ Χριστοῦ εἰς τοὺς πολλοὺς ἐπερίσσευσεν.
Verse: 16    καὶ οὐχ ὡς δι' ἑνὸς ἁμαρτήσαντος τὸ δώρημα· τὸ μὲν γὰρ κρίμα ἐξ ἑνὸς εἰς κατάκριμα, τὸ δὲ χάρισμα ἐκ πολλῶν παραπτωμάτων εἰς δικαίωμα.
Verse: 17    εἰ γὰρ τῷ τοῦ ἑνὸς παραπτώματι ὁ ϑάνατος ἐβασίλευσεν διὰ τοῦ ἑνός, πολλῷ μᾶλλον οἱ τὴν περισσείαν τῆς χάριτος καὶ τῆς δωρεᾶς τῆς δικαιοσύνης λαμβάνοντες ἐν ζωῇ βασιλεύσουσιν διὰ τοῦ ἑνὸς ᾽Ιησοῦ Χριστοῦ.
Verse: 18    ῎Αρα οὖν ὡς δι' ἑνὸς παραπτώματος εἰς πάντας ἀνϑρώπους εἰς κατάκριμα, οὕτως καὶ δι' ἑνὸς δικαιώματος εἰς πάντας ἀνϑρώπους εἰς δικαίωσιν ζωῆς·
Verse: 19    ὥσπερ γὰρ διὰ τῆς παρακοῆς τοῦ ἑνὸς ἀνϑρώπου ἁμαρτωλοὶ κατεστάϑησαν οἱ πολλοί, οὕτως καὶ διὰ τῆς ὑπακοῆς τοῦ ἑνὸς δίκαιοι κατασταϑήσονται οἱ πολλοί.
Verse: 20    νόμος δὲ παρεισῆλϑεν ἵνα πλεονάσῃ τὸ παράπτωμα· οὗ δὲ ἐπλεόνασεν ἡ ἁμαρτία, ὑπερεπερίσσευσεν ἡ χάρις,
Verse: 21    ἵνα ὥσπερ ἐβασίλευσεν ἡ ἁμαρτία ἐν τῷ ϑανάτῳ, οὕτως καὶ ἡ χάρις βασιλεύσῃ διὰ δικαιοσύνης εἰς ζωὴν αἰώνιον διὰ ᾽Ιησοῦ Χριστοῦ τοῦ κυρίου ἡμῶν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.