TITUS
Biblia Mcxetica
Part No. 620
Previous part

Chapter: 93 
ფსალმუნი დავითისი, მეოხისა შაბათისა


Verse: 1  Link to psa Link to sept   ღმერთი შურისძიებათა, უფალი ღმერთი შურისძიებათა განცხადნა.

Verse: 2  Link to psa Link to sept   ამაღლდი, რომელი შჯი ქუეყანასა, მიაგე მისაგებელი ამპარტავანთა.

Verse: 3  Link to psa Link to sept   ვიდრემდის ცოდვილნი, უფალო, ვიდრემდის ცოდვილნი იქადოდიან?

Verse: 4  Link to psa Link to sept   აღმოთქუან და იტყოდიან სიცრუესა, იტყოდიან ყოველნი, რომელნი იქმან უსჯულოებასა.

Verse: 5  Link to psa Link to sept   ერი შენი, უფალო, დაამდაბლეს და სამკჳდრებელი შენი განაბოროტეს;

Verse: 6  Link to psa Link to sept   ქურივი და მწირი მოკლეს და ობოლი მოსწყჳდეს

Verse: 7  Link to psa Link to sept   და თქუეს: არა იხილოს უფალმან, არცა გულისჴმა-ყოს ღმერთმან იაკობისმან.

Verse: 8  Link to psa Link to sept   გულისჴმა-ყავთ აწ, უგნურნო ერისანო და ცოფნო, ოდესმე გულისჴმა-ჰყოთ.

Verse: 9  Link to psa Link to sept   რომელმან დაჰნერგა ყური, არა ნუ ესმისა? ანუ რომელმან შექმნა თუალი, არა ნუ ხედავსა?

Verse: 10  Link to psa Link to sept   რომელი სწავლის თესლებსა, არა ნუ ამხილოსა, რომელმან ასწავის კაცთა მეცნიერებაჲ?

Verse: 11  Link to psa Link to sept   უფალმან უწყნის ზრახვანი კაცთანი, რამეთუ არიან ამავო.

Verse: 12  Link to psa Link to sept   ნეტარ არს კაცი, რომელიცა განსწავლო, უფალო, და სჯულისა შენისაგან ასწაო მას.

Verse: 13  Link to psa Link to sept   დამშჳდებად მისა დღეთა ბოროტთა, ვიდრემდის ეთხაროს ჴნარცჳ ცოდვილსა.

Verse: 14  Link to psa Link to sept   რამეთუ არა განიშოროს უფალმან ერი თჳსი და სამკჳდრებელი თჳსი არა უგულებელს-ყოს,

Verse: 15  Link to psa Link to sept   ვიდრემდის მოიქცეს სიმართლე განკითხვად, და მიეახლნენ მას ყოველნი, რომელნი წრფელ არიან გულითა.

Verse: 16  Link to psa Link to sept   ვინ წინააღმიდგეს მე უკეთურთაგანი? ანუ ვინ თანაწარმომიდგეს მე მათგანი, რომელნი იქმან უსჯულოებასა?

Verse: 17  Link to psa Link to sept   არა თუმცა უფალი შემეწია მე, კნინ ერთღა და-მცა-ემკჳდრა ჯოჯოხეთს სული ჩემი.

Verse: 18  Link to psa Link to sept   უკუეთუმცა ვიტყოდე: შემიძრწუნდა ფერჴი ჩემი, წყალობაჲ შენი, უფალო, შემწევდა მე.

Verse: 19  Link to psa Link to sept   მრავალთაებრ სალმობათა ჩემთა გულსა შინა ჩემსა ნუგეშინის-ცემათა შენთა ახარეს სულსა ჩემსა.

Verse: 20  Link to psa Link to sept   ნუ დადგებინ შენ წინაშე საყდარი უსჯულოებისა, რომელნი იქმან შრომასა ბრძანებულსა ზედა.

Verse: 21  Link to psa Link to sept   მოინადირონ სული მართლისა და სისხლსა უბრალოსა ბრალეულ-ჰყოფდენ.

Verse: 22  Link to psa Link to sept   და მეყო მე უფალი შესავედრებელ და ღმერთი ჩემი მწე სასოებისა ჩემისა.

Verse: 23  Link to psa Link to sept   და მიაგოს მათ უფალმან უსჯულოებაჲ მათი და უკეთურებისა მათისაებრ უჩინო-ყვნეს იგინი უფალმან ღმერთმან ჩუენმან. დიდება



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.