TITUS
Vetus Testamentum iberice: codd. Oshki & Jerusalem
Part No. 52
Previous part

Chapter: 13  
Verse: 1   Link to exakLink to mcatLink to sept   ეტყოდა უფალი მოსეს და ჰრქუა:

Verse: 2   Link to exakLink to mcatLink to sept   წმიდა-ყავ ჩემდა ყოველი პირმშოჲ პირველი შობილი, რომელმან განაღოს საშოჲ ყოველი პირველი ძეთა შოვრის ისრაჱლისათა კაცითგან ვიდრე მიპირუტყუამდე: ჩემი არს.

Verse: 3   Link to exakLink to mcatLink to sept   ჰრქუა მოსე ერსა მას: გეჴსენედ დღჱ ესე, რომელსა გამოხუედით ქუეყანით ეგჳპტით სახლისაგან კირთებისა, რამეთუ ჴელითა მტკიცითა Page of ms. O: 91r  გამოგიყვანნა თქუენ მიერ უფალმან, რაჲთა არა შჭამოთ ცომოვანი.

Verse: 4   Link to exakLink to mcatLink to sept   რამეთუ დღეს გამოხუალთ თქუენ თუესა ახალსა.

Verse: 5   Link to exakLink to mcatLink to sept   იყოს, ოდეს შეგიყვანნეს თქუენ უფალმან ღმერთმან თქუენმან ქუეყანასა ქანანელთასა, ქეტელთასა და ეველთასა, გერგესეველთა და ამორეველთასა, ფერეზელთა და იებოსელთასა, რომლისათჳს ეფუცა უფალი მამათა თქუენთა მოცემად თქუენდა ქუეყანაჲ, რომელსა გამოდის სძჱ და თაფლი, და ჰყოთ მსახურებაჲ ესე თუესა ამას,

Verse: 6   Link to exakLink to mcatLink to sept   ექუს დღე შჭამდეთ უცომოსა და დღჱ იგი მეშჳდე დღესასწაული არს უფლისაჲ.

Verse: 7   Link to exakLink to mcatLink to sept   უცომოსა შჭამდეთ შჳდ დღე, არა იხილოთ ცომოვანი. არცა იყოს ცომი ყოველთა საზღვართა თქუენთა.

Verse: 8   Link to exakLink to mcatLink to sept   უთხრა ძესა შენსა მას დღესა შინა და ჰრქუა: ამისთჳს ყო უფალმან ღმერთმან ჩემმან, რაჟამს გამოვიდოდე ქუეყანით ეგჳპტით.

Verse: 9   Link to exakLink to mcatLink to sept   და იყოს სასწაულად ჴელსა შენსა და საჴსენებელად წინაშე თუალთა შენთა, რაჲთა იყოს შჯული უფლისაჲ პირსა შენსა, რამეთუ ჴელითა მტკიცითა გამოგიყვანა შენ უფალმან ღმერთმან შენმან ქუეყანით ეგჳპტით.

Verse: 10   Link to exakLink to mcatLink to sept   დაიმარხეთ შჯული წლითი-წლად ჟამსა თჳსსა მიერ დღითგან მოდღედმდე.

Verse: 11   Link to exakLink to mcatLink to sept   და იყოს, ოდეს შეგიყვანოს შენ უფალმან ღმერთმან შენმან ქუეყანასა მას ქანანელთასა, ვითარცა ეფუცა მამათა შენთა, და მოგცეს შენ იგი,

Verse: 12   Link to exakLink to mcatLink to sept   და განაჩინო ყოველი, რომელმან გა/ნაღოს Page of ms. O: 91v  საშოჲ პირველად, ვერძი უფლისად... მროწეულთაგან შენთა გინა ყოვლისაგან საცხოვრისა შენისა, რაოდენი-რაჲ იყოს შენი, ყოველი ვერძი წმიდა-ჰყო უფლისა.

Verse: 13   Link to exakLink to mcatLink to sept   ხოლო ვერძი შესცვალო ცხოვრად. უკუეთუ არა შესცვალო, იჴსნე იგი. ყოველი პირმშოჲ ძეთა შენთაჲ იჴსნე.

Verse: 14   Link to exakLink to mcatLink to sept   უკუეთუ გკითხვიდეს შენ ძჱ შენი მისა შემდგომად და გრქუას: რაჲ არს ესე? ჰრქუა მას, ვითარმედ: ჴელითა მტკიცითა გამოგჳყვანნა ჩუენ უფალმან ქუეყანით ეგჳპტით სახლისაგან კირთებისა;

Verse: 15   Link to exakLink to mcatLink to sept   რაჟამს-იგი განფიცხნა ფარაო არა გამოვლინებად ჩუენდა, მოწყჳდა ყოველი პირმშოჲ ქუეყანასა ეგჳპტისასა პირმშოჲთგან კაცთაჲთ ვიდრე პირმშოდმდე პირუტყუთა. ამისთჳს შევსწირავ მე უფლისა. ყოველმან რომელმან განაღოს საშოჲ წულმან, ყოველი პირმშოჲ ძეთა ჩემთაჲ ვიჴსნე.

Verse: 16   Link to exakLink to mcatLink to sept   და იყოს სასწაულად ჴელსა შენსა და შეურყეველ წინაშე თუალთა შენთა, რამეთუ ჴელითა მტკიცითა გამოგიყვანა შენ ქუეყანით ეგჳპტით.

Verse: 17   Link to exakLink to mcatLink to sept   და ვითარ გამოიყვანა უფალმან ერი თჳსი, არა წარუძღუა მათ უფალი გზასა მას ქუეყანისა ფილისტიმისასა, რამეთუ მახლობელ იყო, რამეთუ თქუა ღმერთმან: ნუუკუე შეინანოს ერმან ამან, იხილოს რაჲ ბრძოლაჲ, და მიიქცეს ეგჳპტედ.

Verse: 18   Link to exakLink to mcatLink to sept   და გარე მოავლო უფალმან ერსა თჳსსა გზაჲ უდაბნოდ ზღუასა მეწ/ამულსა. Page of ms. O: 92r  მეხუთჱ ნათესავი გამოვიდეს ძენი ისრაჱლისანი ქუეყანით ეგჳპტით.

Verse: 19   Link to exakLink to mcatLink to sept   გამოიხუნა მოსე ძუალნი იოსებისნი მის თანა, რამეთუ ფიცით აფუცა იოსებ ძეთა ისრაჱლისათა და ჰრქუა: მოხედვით მოხედვა-ყოს თქუენდა უფალმან, განიხუენით ძუალნი ჩემნი თქუენ თანა.

Verse: 20   Link to exakLink to mcatLink to sept   და აღიძრნეს ძენი ისრაჱლისანი სოქოთით და დაიბანაკეს ათომს უდაბნოსა მას თანა.

Verse: 21   Link to exakLink to mcatLink to sept   და ღმერთი უძღოდა მათ: დღისი სუეტითა ღრუბლისაჲთა უჩუენებდა მათ გზასა და ღამე -- სუეტითა ცეცხლისაჲთა.

Verse: 22   Link to exakLink to mcatLink to sept   არა მოაკლდა მათ სუეტი იგი ღრუბლისაჲ დღისი და სუეტი იგი ცეცხლისაჲ ღამე წინაშე ყოვლისა ერისა.

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.