TITUS
Epistulae Pauli georgice (CD)
Part No. 42
Previous part

Chapter: 10  
10
Part: 10 
(ი̂)


Verse: 1   Link to pavleni Link to gnt   მე, თავადი პავლე, გლოცავ თქუენ სიმშჳდითა მით და სახიერებითა ქრისტესითა, რომელი-ესე პირისპირ მდაბალ თქუენ შორის, ხოლო შორით ვიკადრებ თქუენდა მიმართ.

Verse: 1V     სახიერებითა ] სახარებითა IK, მიმართ ] მომართ T.


Verse: 2   Link to pavleni Link to gnt   ხოლო გლოცავ, რაჲთა არა პირისპირ ვიკადრო სასოებით, გინა შე-რაჲმე-ვჰრაცხო კადრებად ვიეთმე ზედა, რომელთა ვჰგონიეთ ჩუენ ვითარცა ჴორციელად მავალნი.

Verse: 2V     პირისპირ ] პირის F, სასოებით ] რწმუნებით TIK, -ჰრაცხო F, გინა შერაჲმე-ვჰრაცხო ] ანუ მოვიგონო TIK.


Verse: 3   Link to pavleni Link to gnt   რამეთუ ჴორციელად თუ ვიქცევით, არამედ არა ჴორციელად განწესებულ ვართ,

Verse: 3V     ჴორციელად თუ ] ჴორცთა შინა ღათუ TIK, არამედ ] -- IK, განწესებულ ვართ ] ვმოგზავურობთ TI, ვმოგზაურობთ K.


Verse: 4   Link to pavleni Link to gnt   რამეთუ საჭურველი ჩუენისა მის მჴედრობისაჲ -- არა ჴორციელ არს, არამედ ძლიერ ღმრთისა მიერ დასარღუეველად ძნელოვანთა, გულისსიტყუათა დავარღუევთ

Verse: 4V     ძნელოანთა V.


Verse: 5   Link to pavleni Link to gnt   და ყოველსა სიმაღლესა, აღმაღლებულსა მეცნიერებასა ზედა ღმრთისასა, და წარმოვსტყუენავთ ყოველსავე ცნობასა მორჩილებად ქრისტესა,

Verse: 5V     ამაღლებულსა TIK.


Verse: 6   Link to pavleni Link to gnt   და განმზადებულად გუაქუს შურის-გებად ყოვლისა ურჩებისა, რაჟამს აღესრულოს თქუენი ეგე მორჩილებაჲ.


Verse: 7   Link to pavleni Link to gnt   კაცად-კაცადისა პირსა ხედევდით. ვინ-იგი ესავს თავსა თჳსსა ქრისტესა ყოფად, ესე განიზრახენ კუალად თავით თჳსით, რამეთუ ვითარცა იგი ქრისტესი არს, ეგრეთცა ჩუენ ქრისტესნი.

Verse: 7V     პირითა სამე ხედვათა TI, პირთა სამე ხედვათა K, ეგრეცა ZTI.


Verse: 8   Link to pavleni Link to gnt   რამეთუ უკუეთუ უმეტეს რაჲ ვიქადო ჴელმწიფებისა ამის ჩუენისათჳს, რომელი მომცა ჩუენ უფალმან აღსაშენებელად და არა დასარღუეველად თქუენდა, არა მრცხუენოდის,

Verse: 8V     რამეთუ ] ხოლო TIK, და არა დასარღუეველად ] -- T.


Verse: 9   Link to pavleni Link to gnt   ხოლო რაჲთა არა საგონებელ ვიქმნა, ვითარმედ გაშინებ რასმე თქუენ წიგნითა ამით.


Verse: 10   Link to pavleni Link to gnt   რამეთუ იტყჳს, ვითარმედ: წიგნები ესე რეცა მძიმე და ძლიერ, ხოლო მისლვაჲ ჴორცითა უძლურ, და სიტყუაჲ შეურაცხ.

Verse: 10V     ვითარმედ ] -- F, ესე ] -- IK.


Verse: 11   Link to pavleni Link to gnt   და ესე განიზრახენ ეგევითარმან მან, რამეთუ ვითარცა-იგი ვართ სიტყჳთა წიგნებისაჲთა შორით, ეგრეთცა მახლობელად საქმითა.

Verse: 11V     და ] -- T, ესევითარმან TIK.


Verse: 12   Link to pavleni Link to gnt   რამეთუ ვერ ვიკადრებთ თავთა თჳსთა განკითხვად გინა შეტყუებად ვიეთმე თანა, რომელნი-იგი თავთა თჳსთა ეწამებიან. არამედ იგინი თჳთ თავთა თჳსთა განიზომენ და თანაშეატყუებენ თავთა თჳსთა თავით თჳსით და ვერ გულისჴმა-ჰყოფენ.


Verse: 13   Link to pavleni Link to gnt   ხოლო ჩუენ არა უსაზომოდ ვიქადოთ, არამედ საზომითა მით წესისაჲთა, რომელი-იგი განგჳყო ჩუენ ღმერთმან საზომითა მით მიწდომად ვიდრე თქუენდამდე.

Verse: 13V     საზომითა ] კანონითა IK, მით (1) ] -- T, რომელ-იგი VTIK.


Verse: 14   Link to pavleni Link to gnt   რამეთუ არა ვითარცა ვერ მიწდომილნი თქუენდა მიმართ უმეტეს განვირთხამთ თავთა თჳსთა, რამეთუ ვიდრე თქუენდამდეცა მივსწუეთით სახარებითა ქრისტესითა.

Verse: 14V     მიმართ ] მომართ T.


Verse: 15   Link to pavleni Link to gnt   არა უსაზომოდ1 მოქადულნი სხჳსა შრომილსა ზედა, არამედ სასოებაჲ გუაქუს ჩუენ აღორძინებულისა მის სარწმუნოებისა თქუენისა თქუენ შორის განდიდებად კანონისაებრ ჩუენისა ნამეტნავად,

Verse: 15-1N     V-ში "უსაზომოდ" სიტყვაში "მო" ჩამატებულია სხვა ხელით.


Verse: 16   Link to pavleni Link to gnt   მიერ კერძო თქუენსა სახარებად, არა სხჳსა კანონსსა ზედა მზასა სიქადულად.


Verse: 17   Link to pavleni Link to gnt   ხოლო რომელი-იგი იქადოდის, უფლისა მიერ იქადოდენ.(1)

Verse: 17-1Q     Link to pavleni 1.Kor. 1,31; Link to mcat Jer. 9,24 (ხელნაწერებში კორინთელთა წიგნის ნაცვლად Ⴈ მეფეთა წიგნია მითითებული).


Verse: 18   Link to pavleni Link to gnt   რამეთუ არა რომელი-იგი თავსა თჳსსა ეწამებოდის იგი არს გამოცდილ, არამედ რომელსა-იგი უფალი ეწამოს.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.