TITUS
Epistulae Pauli georgice (CD)
Part No. 95
Previous part

Chapter: 3  
3


Verse: 1   Link to pavleni Link to gnt   ხოლო ესე უწყოდე, რამეთუ უკუანაჲსკნელთა დღეთა მოიწინენ ჟამნი ბოროტნი.

Verse: 1V     მოიწინნენ Z.


Verse: 2   Link to pavleni Link to gnt   და იყვნენ კაცნი თავის მოყუარე, ვეცხლის მოყუარე, თავის მოთნე, ამპარტავან, მგმობარ, მამის-დედისა ურჩ, უმადლო, უღირს, უყუარულ,

Verse: 2V     მამა-დედათა T.


Verse: 3   Link to pavleni Link to gnt   უწირავ, მასმენელ, უთმინო, დაუმჭირველ, უზავ, დაუმშჳდებელ კეთილის მოძულე,


Verse: 4   Link to pavleni Link to gnt   შინაგანმცემელ, წარმდებ, აღზუავებულ, გულის თქუმის მოყუარე უფროჲს, ვიდრე ღმრთის მოყუარე.


Verse: 5   Link to pavleni Link to gnt   აქუნდეს ხატი ღმრთის მსახურებისაჲ და ძალსა მისსა უარ-ჰყოფდენ და ამათგანცა განეშორე.

Verse: 5V     უვარ-ჰყოფდენ ZFT, განეშორე ] უვარ-ჰყოფდენ F.


Verse: 6   Link to pavleni Link to gnt   რამეთუ ამათგანნი არიან, რომელნი შევლენან სახლებსა და გამოსტყუენვენ დედათა, შეკრებულთა ცოდვითა, მოიპოვებენ გულის თქუმასა თჳთოსახეთა

Verse: 6V     შევლენ TIK, გამოსტყუევენ K, შეკრებულთა ] აღტჳრთულთა TIK, მოიპოებენ VTIK, თითო-სახეთა VFIK.


Verse: 7   Link to pavleni Link to gnt   და ყოვლადვე ისწავებენ და არასადა მეცნიერებასა ჭეშმარიტებისასა შემძლებელ არიან მოსლვად.

Verse: 7V     და ] -- ZFTIK.


Verse: 8   Link to pavleni Link to gnt   ვითარცა-იგი იანე და იამბრე უჴდებოდეს მოსეს, ეგრეცა ესენი უჴდებიან ჭეშმარიტებასა, კაცნი განხრწნილნი გონებითა, გამოუცდელნი სარწმუნოებითა.

Verse: 8V     იანბრე VT, ეგრეცა TIK.


Verse: 9   Link to pavleni Link to gnt   არამედ არა წარემატნენ უფროჲს, რამეთუ უგუნურებაჲ მათი ცხად იყოს ყოველთადა, ვითარცა-იგი მათი იყო.


Part: 7 
(ზ̂)


Verse: 10   Link to pavleni Link to gnt   ხოლო შენ შემოდგომილ ხარ ჩემსა მოძღურებასა, გულსმოდგინებასა, სარწმუნოებასა, სულგრძელებასა, სიყუარულსა, მოთმინებასა,

Verse: 10V     გულს-მოდგინებასა ] წინა-დადებასა IK.


Verse: 11   Link to pavleni Link to gnt   დევნულებათა, ვნებათა, რაოდენი შემემთხჳა მე ანტიოქიას შინა, იკონიას და ლუსტრას; რაოდენნი დევნანი დავითმინენ, და ყოველთაგან მიჴსნა მე უფალმან.

Verse: 11V     რავდენი ZIK.


Verse: 12   Link to pavleni Link to gnt   და ყოველთავე რომელთა ჰნებავს ღმრთის მსახურებით ცხორებაჲ ქრისტე იესოჲს1 მიერ, იდევნნენ.

Verse: 12V     იესუჲს ZFTIK.

Verse: 12-1N     V-ში "იესოჲს" სრულად არის დაწერილი, შეუმოკლებლად.


Verse: 13   Link to pavleni Link to gnt   ხოლო უკეთურნი კაცნი და გრძნეულნი წარემატებოდიან უძჳრესსა, აცთუნებდენ და სცთებოდიან.


Verse: 14   Link to pavleni Link to gnt   ხოლო შენ დაადგერ მას ზედა, რომელიცა გისწავიეს და გრწმენა, უწყი, ვისგან გისწავიეს;

Verse: 14V     და გრწმენა, უწყი, ვისგან გისწავიეს ] -- T.


Verse: 15   Link to pavleni Link to gnt   და რამეთუ სიყრმითგან საღმრთონი წიგნნი იცნი, რომელნი შემძლებელ არიან განბრძნობად შენდა ცხორებისათჳს სარწმუნოებითა ქრისტე იესუჲსთა.2

Verse: 15V     და ] -- TIK, რომელნი ] რ̃ნ V, იესუჲსითა ZFTIK.

Verse: 15-2N     V-ში "იესოჲსთა" სრულად არის.


Verse: 16   Link to pavleni Link to gnt   ყოველი წიგნი ღმრთის სულიერი და სარგებელი სამოძღურებელად არს და სამხილებელად და განსამართლებელად და სასწავლელად სიმართლისა,

Verse: 16V     განსამართებელად ZK.


Verse: 17   Link to pavleni Link to gnt   რაჲთა აწვე იყოს ღმრთისა იგი კაცი, ყოვლისა მიმართ კეთილისა საქმისა განმტკიცებულ.

Verse: 17V     აწვე ] + უნაკლულო TIK, განმტკიცებულებითა TIK.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.