TITUS
Epistulae Pauli georgice (CD)
Part No. 79
Previous part

Chapter: 6  
6


Verse: 1   Link to pavleni Link to gnt   ამისთჳს დუუტეოთ დასაბამისაჲ მის ქრისტეს სიტყუათაჲ და სისრულისა მიმართ მოვიდეთ; ნუ კუალად საძირკუელსა დავსდებდეთ სინანულისასა მკუდართაგან საქმეთა და სარწმუნოებისა ღმრთისა მიმართ,

Verse: 1V     საძირკუველსა Z.


Verse: 2   Link to pavleni Link to gnt   ნათლის-ღებისა სწავლასა და დასხმისა ჴელთაჲსა და აღდგომისა მკუდართაჲსა და საშჯელისა მის საუკუნოჲსა.

Verse: 2V     სასჯელისა FTIK.


Verse: 3   Link to pavleni Link to gnt   და ესე ვყოთ, უკუეთუ გჳბრძანოს ღმერთმან.


Verse: 4   Link to pavleni Link to gnt   რამეთუ შეუძლებელ არს ერთგზის განათლებულთა მათ, რომელთა გემოჲ ეხილვოს ნიჭთა მათ ზეცისათაჲ და ზიარქმნულ იყვნენ სულისა წმიდისა

Verse: 4V     განათლებულთაჲ F.


Verse: 5   Link to pavleni Link to gnt   და კეთილი გემოჲ ეხილვოს, სიტყჳსა ღმრთისაჲ, და ძალი იგი მერმისა მის საუკუნოჲსაჲ


Verse: 6   Link to pavleni Link to gnt   და დაცემულთა კუალად განახლებაჲ სინანულად, თანაჯუარ-ცუმად თავთა მათთა ძესა ღმრთისასა და განქიქებად.

Verse: 6V     და (1) ] -- FK, დაცემულთაჲ T.


Verse: 7   Link to pavleni Link to gnt   რამეთუ ქუეყანამან, რომელმან სჳს მრავალგზის მის ზედა მოსრული წჳმაჲ და გამოიღის მწუანვილი, სარგებელი მათთჳს, რომელთათჳსცა იქმნების, მიიღებს კურთხევასა ღმრთისა მიერ.

Verse: 7V     წჳმაჲ მოსრული T, მწუნვილი V.


Verse: 8   Link to pavleni Link to gnt   ხოლო უკუეთუ მოიღის ეკალი და კუროჲსთავი ურგები და წყევისა მახლობელი, რომლისა უკუანაჲსკნელი დასაწუველად არნ.

Verse: 8V     მოიღოს Z, მოიღებდეს ეკალსა და კუროჲს-თავსა ურგებსა და მახლობელსა წყევისასა, ამისი აღსასრული დაწუვაჲ არს TIK.


Verse: 9   Link to pavleni Link to gnt   ხოლო ჩუენ გურწამს თქუენთჳს, საყუარელნო, უმჯობესი და მახლობელი ცხორებისაჲ, ესრეთ ღათუ ვიტყჳთ.


Verse: 10   Link to pavleni Link to gnt   რამეთუ არა არს სიცრუე ღმრთისა თანა, ვითარმცა დაივიწყნა საქმენი თქუენნი და შრომაჲ სიყუარულისა თქვენისა, რომელი აჩუენეთ სახელისა მისისათჳს, რამეთუ ჰმსახურებდით წმიდათა მათ და ჰმსახურებთცა.

Verse: 10V     სიცრუვე ZFIK.


Verse: 11   Link to pavleni Link to gnt   გუსურის კაცად-კაცადისა თქუენისაჲ, რაჲთა მასვე აჩუენებდეთ მოწრაფებასა გულსავსებისა მის მიმართ სასოებისა, ვიდრე აღსასრულადმდე,

Verse: 11V     თქუენისა IK, აღსასრულამდე T.


Verse: 12   Link to pavleni Link to gnt   რაჲთა არა მოჰმედგრდეთ, არამედ მობაძავ იყვენით მათდა, რომელთა-იგი სარწმუნოებითა და სულგრძელებითა დაიმკჳდრნეს აღთქუმანი.


Part: 8 
(ჱ̂)


Verse: 13   Link to pavleni Link to gnt   რამეთუ აბრაჰამსა აღუთქუა ღმერთმან, ვინაჲთგან არავინ იყო უფროჲსი, რომლისამცა ფუცა, ფუცა თავისა თჳსისა;

Verse: 13V     არაჲვინ V, რომლისამცა TIK.


Verse: 14   Link to pavleni Link to gnt   და თქუა, ვითარმედ: კურთხევით გაკურთხო შენ და განმრავლებით განგამრავლო შენ.(1)

Verse: 14-1Q     Link to mcat Gen. 22,17


Verse: 15   Link to pavleni Link to gnt   და ესრეთ სულგრძელ იქმნა და მიემთხჳა აღთქუმასა მას.


Verse: 16   Link to pavleni Link to gnt   რამეთუ კაცთა უფროჲსისა მიმართ ფუციან და ყოვლისა ცილობისა მათისა დასასრულისა დასამტკიცებელად ფიცი არს.

Verse: 16V     დასამტკიცებელად დასასრულსა TIK.


Verse: 17   Link to pavleni Link to gnt   რომლითა უმეტესად უნდა ღმერთსა ჩუენებად მკჳდრთა მათ მის აღთქუმისათა შეუძრველობაჲ ზრახვისა მისისაჲ, შუვამდგომელ ყო ფიცი,

Verse: 17V     მისისა F, შუვა-მდგომელ Z.


Verse: 18   Link to pavleni Link to gnt   რაჲთა ორთავე მათ საქმეთა მიერ შეუძრავთა, რომელთა შინა შემძლებელ იყო ცრუებად ღმერთი, ძლიერი ნუგეშინის-ცემაჲ გუაქუნდეს ჩუენ, რომელნი-ესე შევევედრენით შეკრძალვად წინაგანმზადებულსა მას სასოებასა,

Verse: 18V     ორთა FTIK, ცრუვებად Z, -ესე ] -- TIK, შეკრძალვად... სასოებასა ] პყრობად წინა-მდებარესა სასოებასა TIK.


Verse: 19   Link to pavleni Link to gnt   რომელი ვითარცა ხარისხი გჳპყრიეს სულისაჲ კრძალული და მტკიცე და შემავალი შინაგანსა მას კრეტსაბმელსა,

Verse: 19V     ხარისხი... კრძალული ] წიაღ-სავალი სულისაჲ გუაქუს განმაგრებული TIK.


Verse: 20   Link to pavleni Link to gnt   სადა-იგი წინამორბედი შევიდა ჩუენთჳს იესუ, წესსა მას ზედა მელქისედეკისსა მღდელთმოძღუარ იქმნა იგი უკუნისამდე.

Verse: 20V     ჩუენთჳს ] ჩუენდა T, მელქიზედეკისსა T.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.