TITUS
Epistulae Pauli georgice (AB)
Part No. 5
Previous part

Chapter: 5  
Section: 2  
Part: 5  
Verse: h1  
თავი ე̂. საკითხავი ბ̂
Verse: h1V  
ბ̂) -- B, საკითხავი ბ̂) -- G.

5


Verse: 1   Link to pavlecd Link to gnt   აწ უკუე განმართლებულ ვართ სარწმუნოებითა, მშჳდობა მაქუს ღმრთისა მიმართ უფლისა ჩუნისა მიერ იესუ ქრისტჱსა,

Verse: 1V     მშჳდობაჲ G, გუაქუს E, მიმართ] მიერ E, მიერ] -- E ქრისტესა B.


Verse: 2   Link to pavlecd Link to gnt   რომლისაგანცა მოუჴედით სარწმუნოებითა1 მადლსა მას, რომლითაცა ვდგათ და ვიქადით სასოებითა დიდებისა ღმრთისაჲთა.

Verse: 2V     რომლისათჳსცა A, რომლისაგან E, ვდათ B.

Verse: 2-1N     E-s აქედან აკლია ვიდრე: სახელსა უფლისასა (5,2-10,13).


Verse: 3   Link to pavlecd Link to gnt   არა ხოლო ესოდენ, არამედ ვიქადითცა ჭირსა შინა, უწყით, რამეთუ ჭირი მოთმინებასა შეიქმს,

Verse: 3V     ესოდენ] ესე G, არამედ] რამეთუ G, მომინებასა G.


Verse: 4   Link to pavlecd Link to gnt   ხოლო მოთმინებაჲ -- გამოცდილებასა, და გამოცდილებაჲ -- სასოებასა.


Verse: 5   Link to pavlecd Link to gnt   ხოლო სასოებამან არა არცხჳნის, რამეთუ სიყუარული ღმრთისაჲ განფენილ არს გულთა შინა ჩუენთა სულითა წმიდითა, რომელ-იგი მოცემულ არს ჩუენდა.

Verse: 5V     სასოვებამან G, არა] არასადა G, სიყუარუარული B, სიყუარული] + იგი G.


Verse: 6   Link to pavlecd Link to gnt   რამეთუ ქრისტჱ, ვიდრე-იგი ჩუენ უძლურღა ვიყვენით, ჟამსა ოდენ უღმრ\თოთათჳს Ms. page: A40R  მოკუდა.

Verse: 6V     ქრისტე B, ჩუენ] -- G.


Verse: 7   Link to pavlecd Link to gnt   რამეთუ ძნიად ვინმე მართლისათჳს მოკუდის, ხოლო კეთილისათჳს, ვინ უწყის, იკადრის ვინმე სიკუდილი.

Verse: 7V     მოკუდეს G, იკადროს G.


Verse: 8   Link to pavlecd Link to gnt   ხოლო გამოაცხადა თჳსი იგი სიყუარული ჩუენდა მომართ ღმერთმან, რამეთუ ვიდრე-იგი ჩუენ უღმრთოღა ვიყვენით, ქრისტჱ ჩუენთჳს მოკუდა.

Verse: 8V     ვიდრეღა-იგი G, ჩუენ] -- BG.


Verse: 9   Link to pavlecd Link to gnt   რაოდენ უფროჲს აწ, განმართლებულ ვართ სისხლითა მისითა, განვერნეთ ჩუენ მის მიერ რისხვისაგან.

Verse: 9V     რავდენ BG, განვერენით B.


Verse: 10   Link to pavlecd Link to gnt   უკუეთუ ვიდრე-იგი მტერღა ვიყვენით და დავეგენით ღმერთსა სიკუდილითა ძისა მისისაჲთა, რაოდენ უფროჲს აწ, და-რაჲ ესე-ვეგენით, ვცხოვნდეთ ჩუენ მაცხოვარებითა მისითა!

Verse: 10V     სიკუდილითა] + მით BG, რავდენბგ, უფროჲს] + ხოლო B, ვცხონდით B, ვცხონდეთ G.


Verse: 11   Link to pavlecd Link to gnt   არა ხოლო ესე ოდენ, არამედ ვიქადითცა ღმრთისა მიმართ ქრისტე იესუჲს მიერ, რომლისაგან აწ დაგებაჲ ესე მოვიღეთ.

Verse: 11V     არა] აწ G. თავი ვ̂] -- G.



Part: 6  
Verse: h2  
თავი ვ̂


Verse: 12   Link to pavlecd Link to gnt   ამისთჳს, ვითარცა-იგი ერთისა მის კაცისათჳს ცოდვაჲ სოფლად შემოჴდა და ცოდვისა ძლით -- სიკუდილი, და ესრეთ ყოველთა კაცთა ზედა სიკუდილი მოიწია, Ms. page: A40V  რომლითა ყოველთა კაცთა შესცოდეს,

Verse: 12V     ესრჱთ G, კაცთა] -- BG.


Verse: 13   Link to pavlecd Link to gnt   რამეთუ შჯულისა მოწევნადმდე ცოდვაჲ იყო სოფელსა შინა და ცოდვაჲ იგი არად შერაცხილ იყო, რამეთუ არღა იყო შჯული.

Verse: 13V     არღარა G.


Verse: 14   Link to pavlecd Link to gnt   არამედ სუფევდა სიკუდილი ადამისითგან მოსესადმდე და მათ ზედაცა, რომელთა-იგი არა ეცოდა მსგავსად გარდასლვისა მის ადამისა, რომელ-იგი არს სახჱ მერმეთა მათ ჟამთაჲ.

Verse: 14V     ადამითგან ვიდრე მოსესამდე B, მოსჱსამდე G, სახე G, მერმეთაჲ B.


Verse: 15   Link to pavlecd Link to gnt   არამედ არა ვითარ შეცოდებაჲ, ეგრეცა მადლი; უკუეთუ ერთისა მის შეცოდებითა მრავალნი მოწყდეს,1 რაოდენ უფროჲს მადლი ღმრთისაჲ და ნიჭი იგი მადლითა მით ერთისა კაცისა იესუ ქრისტჱსითა მრავალთა მიმართ აღემატა!

Verse: 15V     რავდენ G, კაცისა] -- B, ქრისტესითა B.

Verse: 15-1N     A-ში "მოსწყდესა" ყოფილა, მაგრამ ს ამოუფხეკიათ.


Verse: 16   Link to pavlecd Link to gnt   და არა ვითარცა ერთისა მის შეცოდებულისათჳს ნიჭი იგი, რამეთუ საშჯელი იგი ერთისა მისგან დასაშჯელად, ხოლო მადლი იგი მრავალთაგან შეცოდებათა განსამართლებელად.

Verse: 16V     არა] რა B, მის] -- BE, მრავალთა BG, შეცოდებულთა G.


Verse: 17   Link to pavlecd Link to gnt   უკუეთუ ერთისა მის შეცოდებითა სიკუდილი სუფევდა ერთისა მისგან, რაოდენ უფროჲს, რომელნი-იგი მეტსა მადლისასა და ნიჭსა სიმართლისასა მოიგებენ, ცხოვრებასა შინა სუფევ\დენ Ms. page: A41R  ერთისა მისგან იესუ ქრისტჱსა!

Verse: 17V     ერთისა მისგან (1)] -- A, რაოდენ] -- BG, მადლსა G, მიიღებენ BG, მოიგებენ] + და BG, ცხორებასა (ცხოვრებასა G] + მას BG.


Verse: 18   Link to pavlecd Link to gnt   ვითარცა-იგი ერთისა მისგან შეცოდებისა ყოველთა კაცთა ზედა დასაშჯელად, ეგრეცა ერთისა მის სიმართლისათჳს ყოველთა კაცთა ზედა განსამართლებელად ცხოვრებისა.

Verse: 18V     --იგი] -- BG, ცხორებისა B.


Verse: 19   Link to pavlecd Link to gnt   ვითარცა-იგი ერთისა მისგან კაცისა ურჩებითა ცოდვილნი შემოჴდეს მრავალნი, ეგრეცა ერთისა მის კაცისა მორჩილებითა მართალნი შემოვიდეს მრავალნი.

Verse: 19V     მისგან] -- BG, ცოდვანი G, ეგრეთვე B, მართალნი] მრავალნი B, შემოვიდენ G.


Verse: 20   Link to pavlecd Link to gnt   რამეთუ შჯული შორის შემოვიდა, რაჲთა განმრავლდეს ცოდვაჲ, და სადა-იგი განმრავლდა ცოდვაჲ, მუნ უფროჲს გარდაემატა მადლი,

Verse: 20V     უფროჲსად G.


Verse: 21   Link to pavlecd Link to gnt   რაჲთა ვითარცა სუფევდა ცოდვაჲ სიკუდილსა შინა, ეგრეცა მადლი სუფევდეს სიმართლესა შინა ცხოვრებად საუკუნოდ ქრისტე იესუჲს მიერ უფლისა ჩუენისა.

Verse: 21V     სიმართლესა შინა] სიმართლითა BG, ცხორებად B, ქრისტჱ B.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.