ხოლო ერთსა მას შაბათსა, ცისკარსა მსთუად მოვიდეს საფლავსა მას და მოაქუნდა, რაჲ-იგი მოემზადა საკმეველი და ნელსაცხებელი, და სხუანი ვინმე მათ თანა.
პოეს ლოდი იგი აღებული კარისა მისგან საფლავისა.
შე-რაჲ-ვიდეს, არა პოეს გუამი უფლისა იესუისი. Page of ms. L: 344R
და იყო, განზრახვასა ოდენ მათსა ამისთუის, აჰა, ესერა, ორ კაც ზედა მოადგეს მათ სამოსლითა ელვარითა.
ვითარ შეშინებულ იყვნეს იგინი და დაედრიკნეს პირნი მათნი ქუეყანად, ჰრქუეს ანგელოზთა მათ: რაჲსა ეძიებთ ცხოელსა მას მკუდართა თანა?
არა არს აქა, არამედ აღდგა, მოიჴსენეთ, ვითარ-იგი გეტყოდა თქუენ, ვიდრეღა იყო იგი გალილეას,
და თქუა, რამეთუ ჯერ-არს ძისა კაცისა მიცემად ჴელთა კაცთა ცოდვილთა, ჯუარ-ცუმად და მესამესა დღესა აღდგომად.
მათ მოიჴსენნეს სიტყუანი ესე;
მიიქცეს და უთხრნეს სიტყუანი ესე ათერთმეტთა მათ და სხუ\ათა Page of ms. L: 343V ყოველთა.
ხოლო იყვნეს მაგდანელი მარიამ და იოჰანა და მარიამ იაკობისი და სხუანი ვინმე მათ თანა, უთხრობდეს მოციქულთა მათ [ამას].
და უჩდეს სიტყუანი მათნი ვითარცა სიჩქურისანი მათ წინაშე და არა ჰრწმენა მათი.
ხოლო პეტრე აღდგა, მირბიოდა საფლავად, შთახედნა და იხილნა ტილონი იგი ხოლო მდებარენი, წარვიდა თუისაგან, დაუკუირდა საქმე ესე.
Page of ms. L: 350R და, აჰა, ორნი მათგანნი მოვიდოდეს მასვე დღესა შინა დაბასა, რომელი შორავს იერუსალჱმსა ას სამეოც უტევან, რომლისა სახელი ემმაუს.
და ესენი ზრახვიდეს ურთიერთას ყოვლისავე მისთჳს, რომელი იქმნა.
და იყო ზრახვასა მას მათსა და გამოძიებასა, და Page of ms. L: 350V თავადი იესუ მიეახლა მათ და თანაუვიდოდა.
ხოლო თუალნი მათნი შეპყრობილ იყვნეს, რაჲთა ვერ იცნან იგი.
და ჰრქუა მათ: რაჲ არიან სიტყუანი იგი, რომელსა იცილობით ურთიერთას სლვასა შინა, ხართ თქუენ მწუხარე?
მიუგო ერთმან, რომლისა სახელი კლეოპა, ჰრქუა მას: შენ ხოლო მწირ ხარა იერუსალჱმს შინა და არა უწყი, რაჲ-ესე იქმნა მას შინა ამა[თ] დღეთა?
და მან ჰრქუა: რომელი? ხოლო მათ ჰრქუეს: იესუისთუის ნაზარეველისა, რომელი იყო კაც წინაწარმეტყუელ, ძლიერ საქმითა და სიტყუითა წინაშე ღმრთისა და ყოვლისა ერისა.
ვითარ-იგი მისცეს მღდელთმოძღუართა საშჯელსა სიკუდილისასა და ჯუარს-აცუეს იგი.
... რომელმან იჴსნეს ისრაჱლი; არამედ ამას ყოველსა თანა ესე მესამჱ დღჱ მოვალს, ვინაითგან ესე იქმნა.
არამედ Page of ms. L: 351R დედათაცა ვიეთმე ჩუენგანთა დამაკუირვეს ჩუენ, ვითარ მივიდეს იგინი ცისკარს საფლავსა მას
და არა პოეს გუამი იგი მისი. მოვიდეს და თქუეს, ვითარმედ: გამოჩინებაჲცა ანგელოზისაჲ ვიხილეთ, რომელთა ჰრქუეს მათ, ვითარმედ: ცხოელ არს იგი.
ხოლო მან ჰრქუა მათ: ჵ, უცნობელნო და მძიმენო გულითა სარწმუნოებისათუის ყოველსა ზედა, რომელსა იტყოდეს წინაწარმეტყუელნი.
იწყო მოსესითგან და ყოველთა წინაწარმეტყუელთა, გამოუთარგმანებდა მათ ყოველთაგან წიგნთა.
და მიეახლნეს დაბასა მას, ვიდრეცა მივიდოდეს. ხოლო თავადმან მიზეზ-ყო უშორჱსადრე წარსლვაჲ.
იგინი აიძულებდეს მას და ეტყოდეს: დაადგერ ჩუენ თანა, რამეთუ მიდრეკილ არს დღჱ. და შევიდა მათ თანა.
და იყო ინაჴით-ჯდომასა მას მისსა, Page of ms. L: 350V მოიღო პური, აკურთხა და განტეხა, მისცა მათ.
ხოლო მათ თჴალნი განეხუნეს და იცნეს იგი. თავადი მიეფარა მათგან.
და იგინი იტყოდეს ურთიერთას: ანუ არა გულნი ჩუენნი განჴურვებულ იყვნეს ჩუენ შორის, ვითარ-იგი გამომითარგმანებდა წიგნთა?
და აღდგეს მასვე ჟამსა შინა, მოიქცეს იერუსალჱმდ და პოვნეს კრებულად ათერთმეტნი იგი,
[იტყოდეს, ვითარმედ]: ნანდჳილვე აღდგა ღმერთი და ეჩუენა სიმონს.
და იგინი უთხრობდეს გზისასა და ვითარ-იგი გამოეცხადა მათ განტეხასა პურისასა.
Page of ms. L: 347R და ვიდრე იგინი ამას იტყო\დეს Page of ms. L: 347V ოდენ, იესუ დადგა შორის მათსა და ჰრქუა მათ: მშუიდობაჲ თქუენ თანა! მე ვარ, ნუ გეშინინ.
ხოლო იგინი შეძრწუნდეს და შეშინებულ იქმნეს, ეგონა, ვითარმედ სული რაჲმე იხილეს.
და ჰრქუა მათ თავადმან: რაჲსა შეშინებულ ხართ და შეძრწუნებულ ხართ და რაჲსათუის გულისსიტყუანი მრავალნი მოვლენან გულსა თქუენსა?
იხილენით ჴელნი ჩემნი და ფერჴნი, რამეთუ თავადი მე ვარ: ჴელი შემახეთ მე და იხილეთ, რომელსა ჴორც და ძუალ ასხენ.
და ესე რაჲ თქუა, უჩუენნა მათ ჴელნი და ფერჴნი თუისნი.
Page of ms. L: _ Page of ms. K: 294R [მაშინ განუხუნა] გ[ონებანი მათნი გულისხმისყოფა]დ წი[გნთა
და ჰრქუა მათ], რამეთუ: ესრ[ჱთ ჯერ-იყო ვნებად ქრისტჱსა და] აღდ[გომად მკუდრეთით მესამესა] დღესა
[და ქადაგებად სახელითა მი]სითა [სინანული და მოტევება]ჲ ცოდვათაჲ [ყოველთა მიმართ წარმა]რთთა, [იწ]ყეთ იე[რუსალჱმით,
რამეთუ თქუენ ხ]ართ მოწამე ამის ყ[ოვლისა.
დ]ა, აჰა, მე მოგივლინო თქუენ აღთქუმაჲ იგი მამისა ჩემისაჲ. ხოლო თქუენ დასხედით ქალაქსა ამას შინა, ვიდრემდე შეიმოსოთ ძალი მაღლით გამო.
და განიყვანნა იგინი ვიდრე ბეთანიამდე და აღიპყრნა ჴელნი თჳსნი და აკურთხნა იგინი.
და იყო, კურთხევასა მას იესუჲსსა მათა მიმართ თავადი განეშორა მათგან და აღვიდოდა ზეცად.
და იგინი მოიქცეს იერუსალჱმდ სიხარულითა დიდითა.
და იყოფოდეს ტაძარსა მას შინა მარადის და აკურთხევდეს ღმერთსა.
