Page of ms. L: 593V და მიერ აღდგა და წარვიდა საზღვართა ტუიროზისათა და სიდონისათა. შევიდა Page of ms. L: 594R სახლსა და არა უნდა, რაჲთამცა აგრძნა ვინ, და ვერ ჴელ-ეწიფა დაფარვად.
რამეთუ ესმა ვისმე დედაკაცსა მისთუის, რომელსა ესუა ასული, სულითა არაწმიდითა სნეული; მოვიდა და შეურდა ფერჴთა მისთა.
ხოლო დედაკაცი იგი იყო წარმართი, ნათესავით ასური, ზღუისკიდით, და ევედრებოდა მას, რაჲთა ეშმაკი განჴადოს ასულისაგან მისისა.
ხოლო იესუ ჰრქუა მას: მაცადე პირველად განძღებად შვილთა, რამეთუ არა კეთილ არს მოღებად პური შვილთა და დაგებად ძაღლთა.
ხოლო მან მიუგო და ჰრქუა: უფალო, ძაღლნიცა ტაბლასა ქუეშე ჭამედ ნაბიჭისაგან უფალთა მათთაჲსა.
ხოლო უფალმან ჰრქუა მას: მაგის სიტყუისათჳს ვიდოდე! განსრულ არს ეშმაკი ასულისაგან შენისა.
და იგი წარვიდა სახიდ თუისა, პოა, რამეთუ ეშმაკი განსრულ იყო, და ასული იგი მისი დაჯდო\მილ Page of ms. L: 593V იყო ცხედარსა ზედა.
და მერმე გამოვიდა საზღვართაგან ტუიროსისათა და სიდონისათა და მოვიდა ზღუასა მას გალილეაჲსასა, შორის საზღვართა ათქალაქისათა.
და მოართუეს მას ყრუი და ძნიად მეტყუელი, ევედრებოდეს მას, რაჲთა ჴელი დასდვას მას ზედა.
და განიყვანა იგი ერისა მისგან თუისაგან ...
