TITUS
Biblia Iberica: Psalterium et Odae
Part No. 147
Previous part

Chapter: 147 
Verse: 1  Link to mcat Link to sept Link to armat   აქებდ იერუსალემი უფალსა, უგალობდ ღმერთსა შენსა, სიონ;

Verse: 2  Link to mcat Link to sept Link to armat   რამეთუ განაძლიერნა მოქლონნი ბჭეთა შენთანი და აკურთხნა შვილნი შენნი შენ თანა,

Verse: 3  Link to mcat Link to sept Link to armat   რომელმან დასხნა საზღვარნი შენნი მშჳდობით და სიპოხითა იფქლისაჲთა განგაძღო შენ.

Verse: 4  Link to mcat Link to sept Link to armat   რომელმან მოავლინის სიტყუაჲ მისი ქუეყანად, და წრაფით რბინ ბრძანებაჲ მისი;

Verse: 5  Link to mcat Link to sept Link to armat   დადვის თოვილ ვითარცა მატყლი და ნისლი ვითარცა ნაცარი მიჰფინის;

Verse: 6  Link to mcat Link to sept Link to armat   რომელმან დასხნის მყინვარნი ნებეულად; წინაშე ყინელსა მისსა ვინ-მე დაუდგეს მას?

Verse: 7  Link to mcat Link to sept Link to armat   მოავლინის სიტყუაჲ მისი და დაადნვის იგი; ქროდის სული მისი და ვიდოდიან წყალნი.

Verse: 8  Link to mcat Link to sept Link to armat   რომელი უთხრობს სიტყუათა მისთა იაკობსა, სიმართლეთა და განკითხვათა მისთა - ისრაელსა.

Verse: 9  Link to mcat Link to sept Link to armat   არა უყო ესრეთ ყოველსა ნათესავსა და სამართალნი მისნი არა გამოუცხადნა მათ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.