TITUS
Biblia Iberica: Psalterium et Odae
Part No. 46
Previous part

Chapter: 46 
Verse: 2  Link to mcat Link to sept Link to armat   აღიტყუელენით ჴელნი თქუენნი ყოველთა წარმართთა და ღაღადებდით ღმრთისა მიმართ ჴმითა სიხარულისაჲთა.

Verse: 3  Link to mcat Link to sept Link to armat   რამეთუ უფალი მაღალ და საშინელ არს და მეუფე ჩუენი დიდ არს ყოველსა ქუეყანასა ზედა.

Verse: 4  Link to mcat Link to sept Link to armat   დაგუამორჩილნა ერნი ჩუენ ქუეშე და წარმართნი ქუეშე ფერჴთა ჩუენთა.

Verse: 5  Link to mcat Link to sept Link to armat   გამოგჳრჩინა ჩუენ სამკჳდრებელად თჳსა, და შუენიერებაჲ იაკობისი, რომელ შეიყუარა.

Verse: 6  Link to mcat Link to sept Link to armat   აღმაღლდა ღმერთი ღაღადებითა და უფალი ჴმითა სტუირისაჲთა.

Verse: 7  Link to mcat Link to sept Link to armat   უგალობდეთ ღმერთსა ჩუენსა, უგალობდეთ მეუფესა ჩუენსა, უგალობდეთ;

Verse: 8  Link to mcat Link to sept Link to armat   რამეთუ მეუფე დიდ არს ყოველსა ქუეყანასა ზედა ღმერთი, უგალობდეთ მას მეცნიერებით.

Verse: 9  Link to mcat Link to sept Link to armat   სუფევს ღმერთი წარმართთა ზედა, ღმერთი დაჯდა საყდართა სიწმიდისა მისისათა

Verse: 10  Link to mcat Link to sept Link to armat   მთავარნი შეუკრბეს ღმერთსა აბრაჰამისსა, რამეთუ ღმრთისა ძლიერებანი ქუეყანით ფრიად ამაღლდეს.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.