TITUS
Biblia Iberica: Psalterium et Odae
Part No. 87
Previous part

Chapter: 87 
Verse: 2  Link to mcat Link to sept Link to armat   უფალო ღმერთო ცხორებისა ჩემისაო, დღისი ჴმა-ვყავ და ღამე წინაშე შენსა;

Verse: 3  Link to mcat Link to sept Link to armat   შევედინ შენ წინაშე ლოცვაჲ ჩემი. მოყავ ყური შენი ვედრებასა ჩემსა.

Verse: 4  Link to mcat Link to sept Link to armat   რამეთუ აღივსო ძჳრითა სული ჩემი, და ცხორებაჲ ჩემი ჯოჯოხეთსა მიეახლა.

Verse: 5  Link to mcat Link to sept Link to armat   შევირაცხე მე მათ თანა. რომელნი შთავიდოდეს მგჳმესა ვიქმენ მე, ვითარცა კაცი შეუწევნელი.

Verse: 6  Link to mcat Link to sept Link to armat   მკუდართა თანა თავისუფალ, ვითარცა წყლეულნი, რომელნი დაძინებულ არიან სამარებსა, რომელთაჲ შენ არა მოიჴსენე, და იგინი ჴელისა შენისაგან განგეშორნეს.

Verse: 7  Link to mcat Link to sept Link to armat   დამდვეს მე მღჳმესა ქუესკნელსა ბნელსა და აჩრდილთა სიკუდილისათა.

Verse: 8  Link to mcat Link to sept Link to armat   ჩემ ზედა განამტკიცე გულის წყრომაჲ შენი, და ყოველნი განსაცხრომელნი შენნი მოავლინენ ჩემ ზედა.

Verse: 9  Link to mcat Link to sept Link to armat   განმაშორენ ჩემგან მეცნიერნი ჩემნი, შემრაცხე მე საკიცხელად მათდა; მიცემულ ვიყავ და არა გამოვიდოდე.

Verse: 10  Link to mcat Link to sept Link to armat   მოაკლდა თუალთა ჩემთა გლახაკებითა; ღაღად-ვყავ შენდამი, უფალო, და ყოველსა დღესა აღვიპყრენ შენდამი ჴელნი ჩემნი;

Verse: 11  Link to mcat Link to sept Link to armat   მკუდართათჳს ნუ ჰყოა საკჳრველი? ანუ მკურნალთა აღადგინონ, და აღგიარონ შენ?

Verse: 12  Link to mcat Link to sept Link to armat   მი-მე-ვინ-უთხრობდესა სამარებსა შინა წყალობასა შენსა? ანუ ჭეშმარიტებასა შენსა წარსაწყმედელსა?

Verse: 13  Link to mcat Link to sept Link to armat   საცნაურ ნუ იყვნენა ბნელსა შინა საკჳრველებანი შენნი? ანუ სიმართლე შენი ქუეყანასა მას დავიწყებულსა?

Verse: 14  Link to mcat Link to sept Link to armat   მე შენდამი, უფალო, ღაღად-ვყავ, და ცისკარსა ლოცვანი ჩემნი მიგეწიფნეს შენ.

Verse: 15  Link to mcat Link to sept Link to armat   რად-მე, უფალო, განიშორებ სულსა ჩემსა? ანუ რად გარე-მიიქცევ პირსა შენსა ჩემგან?

Verse: 16  Link to mcat Link to sept Link to armat   გლახაკ ვარი მე და შრომასა შინა სიყრმით ჩემითგან, სიმაღლისა ჩემისაგან დავმდაბლდი და შევსულბი.

Verse: 17  Link to mcat Link to sept Link to armat   ჩემ ზედა განმტკიცნა რისხვაჲ შენი, და საშინელებათა შენთა შემაძრწუნეს მე.

Verse: 18  Link to mcat Link to sept Link to armat   გარე-მომადგეს მე ვითარცა წყალნი მარადღე და შემიცვეს მე ერთბამად.

Verse: 19  Link to mcat Link to sept Link to armat   განაშორენ ჩემგან მეგობარნი, მახლობელნი, მეცნიერნი ჩემნი გლახაკებითა ჩემითა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.