TITUS
Vetus Testamentum graece iuxta LXX interpretes
Part No. 707
Previous part

Chapter: 138 
Verse: 1  Εἰς τὸ τέλος· ψαλμὸς τῷ Δαυιδ.
Κύριε, ἐδοκίμασάς με καὶ ἔγνως με·
Verse: 2  σὺ ἔγνως τὴν καϑέδραν μου καὶ τὴν ἔγερσίν μου,
σὺ συνῆκας τοὺς διαλογισμούς μου ἀπὸ μακρόϑεν·
Verse: 3  τὴν τρίβον μου καὶ τὴν σχοῖνόν μου σὺ ἐξιχνίασας
καὶ πάσας τὰς ὁδούς μου προεῖδες.
Verse: 4  ὅτι οὐκ ἔστιν λόγος ἐν γλώσσῃ μου,
Verse: 5  ἰδού, κύριε, σὺ ἔγνως πάντα, τὰ ἔσχατα καὶ τὰ ἀρχαῖα·
σὺ ἔπλασάς με καὶ ἔϑηκας ἐπ' ἐμὲ τὴν χεῖρά σου.
Verse: 6  ἐϑαυμαστώϑη ἡ γνῶσίς σου ἐξ ἐμοῦ·
ἐκραταιώϑη, οὐ μὴ δύνωμαι πρὸς αὐτήν.
Verse: 7  ποῦ πορευϑῶ ἀπὸ τοῦ πνεύματός σου
καὶ ἀπὸ τοῦ προσώπου σου ποῦ ϕύγω;
Verse: 8  ἐὰν ἀναβῶ εἰς τὸν οὐρανόν, σὺ εἶ ἐκεῖ·
ἐὰν καταβῶ εἰς τὸν ᾅδην, πάρει·
Verse: 9  ἐὰν ἀναλάβοιμι τὰς πτέρυγάς μου κατ' ὄρϑρον
καὶ κατασκηνώσω εἰς τὰ ἔσχατα τῆς ϑαλάσσης,
Verse: 10  καὶ γὰρ ἐκεῖ ἡ χείρ σου ὁδηγήσει με,
καὶ καϑέξει με ἡ δεξιά σου.
Verse: 11  καὶ εἶπα ῎Αρα σκότος καταπατήσει με,
καὶ νὺξ ϕωτισμὸς ἐν τῇ τρυϕῇ μου·
Verse: 12  ὅτι σκότος οὐ σκοτισϑήσεται ἀπὸ σοῦ,
καὶ νὺξ ὡς ἡμέρα ϕωτισϑήσεται·
ὡς τὸ σκότος αὐτῆς, οὕτως καὶ τὸ ϕῶς αὐτῆς.
Verse: 13  ὅτι σὺ ἐκτήσω τοὺς νεϕρούς μου, κύριε,
ἀντελάβου μου ἐκ γαστρὸς μητρός μου.
Verse: 14  ἐξομολογήσομαί σοι, ὅτι ϕοβερῶς ἐϑαυμαστώϑην·
ϑαυμάσια τὰ ἔργα σου, καὶ ἡ ψυχή μου γινώσκει σϕόδρα.
Verse: 15  οὐκ ἐκρύβη τὸ ὀστοῦν μου ἀπὸ σοῦ, ὃ ἐποίησας ἐν κρυϕῇ.
καὶ ἡ ὑπόστασίς μου ἐν τοῖς κατωτάτοις τῆς γῆς·
Verse: 16  τὸ ἀκατέργαστόν μου εἴδοσαν οἱ ὀϕϑαλμοί σου,
καὶ ἐπὶ τὸ βιβλίον σου πάντες γραϕήσονται·
ἡμέρας πλασϑήσονται, καὶ οὐϑεὶς ἐν αὐτοῖς.
Verse: 17  ἐμοὶ δὲ λίαν ἐτιμήϑησαν οἱ ϕίλοι σου, ὁ ϑεός,
λίαν ἐκραταιώϑησαν αἱ ἀρχαὶ αὐτῶν·
Verse: 18  ἐξαριϑμήσομαι αὐτούς, καὶ ὑπὲρ ἄμμον πληϑυνϑήσονται·
ἐξηγέρϑην καὶ ἔτι εἰμὶ μετὰ σοῦ.
Verse: 19  ἐὰν ἀποκτείνῃς ἁμαρτωλούς, ὁ ϑεός,
ἄνδρες αἱμάτων, ἐκκλίνατε ἀπ' ἐμοῦ.
Verse: 20  ὅτι ἐρεῖς εἰς διαλογισμόν·
λήμψονται εἰς ματαιότητα τὰς πόλεις σου.
Verse: 21  οὐχὶ τοὺς μισοῦντάς σε, κύριε, ἐμίσησα
καὶ ἐπὶ τοῖς ἐχϑροῖς σου ἐξετηκόμην;
Verse: 22  τέλειον μῖσος ἐμίσουν αὐτούς,
εἰς ἐχϑροὺς ἐγένοντό μοι.
Verse: 23  δοκίμασόν με, ὁ ϑεός, καὶ γνῶϑι τὴν καρδίαν μου,
ἔτασόν με καὶ γνῶϑι τὰς τρίβους μου
Verse: 24  καὶ ἰδὲ εἰ ὁδὸς ἀνομίας ἐν ἐμοί,
καὶ ὁδήγησόν με ἐν ὁδῷ αἰωνίᾳ. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.